Category: اسلام آباد

مسلم لیگ ن کی ترجمان مریم اورنگزیب نے کہا ہے کہ جس وزیراعظم نےآتے ہی 9 ماہ میں عوام کے منہ سےروٹی چھین لی اُس کووزیراعظم کیسے مانیں

باغی ٹی وی کی رپورٹ کے مطابق مریم اورنگزیب نے کہا کہ فواد چودھری صاحب سلیکٹڈ،نااہل اورنالائق وزیراعظم کو اپنا رویہ بدلنا ہوگا،جو وزیر اعظم سیلکٹڈ ہو اس کو اپوزیشن ہی نہیں عوام بھی نہیں مانتی، مریم اورنگزیب نے مزید کہا کہ جس وزیراعظم کی کابینہ اپنی نہ ہواُس کووزیراعظم کیسے مان لیں .مریم اورنگزیب نے مزید کہا کہ جس وزیراعظم نےعوام کےساتھ جھوٹ بولےہوں اُسکوکیسے مانیں ،جس نےملک کوآئی ایم ایف میں گروی رکھوا دیا ہواُسکوکیسےوزیراعظم مان لیں ،جو وزیراعظم جھوٹا،نااہل اور نالائق ہو اُس کو کیسے وزیراعظم مان لیں؟جس نے ملک کوبھکاری بنا دیا،نوکریاں،غریبوں سےگھرچھین لیے اُسکوکیسے وزیراعظم مان لیں،مریم اورنگزیب نے فود چودھری پر تنقید کرتے ہوئے کہا کہ فواد صاحب آپ آج کل جوسائنس کے انکشافات کررہے ہیں وہی کریں،قوم کافی مستفید ہورہی ہے

وفاقی وزیر ریلوے شیخ رشید احمد نے کہا ہے کہ عید کے بعد کابینہ میں مزید تبدیلیاں ہو سکتی ہیں

باغی ٹی وی کی رپورٹ کے مطابق شیخ رشید احمد نے مٰیڈیا سے گفتگو کرتے ہوئے کہا کہ عید کے بعد کابینہ میں مزید تبدیلیاں ہو سکتی ہیں، اسد عمر پر ناتجربہ کاری کا الزام نہ لگایا جائے، اسد عمر جلد کابینہ کا حصہ ہوں گے، شیخ رشید احمد نے مزید کہا کہ کابینہ کا اجلاس منگل کی بجائے پیر کو ہو گا، اپوزیشن احتجاج کرنے کے لئے نکلے پھول نچھاور کروں گا. سرحدوں سے پاکستان کو کوئی خطرہ نہیں. پاکستان کی فوج ایک مضبوط فوج ہے. پاکستان کو اندرونی طور پر کمزور کرنے کی کوشش کی جا رہی ہے .

واضح رہے کہ وزیر اعظم عمران خان نے کابینہ میں تبدیلیاں کی تھیں جس میں کئی وزراء کو ہٹایا گیا تھا اور کئی کے قلمدان تبدیل کئے گئے تھے

تحریک انصاف کی خواتین اراکین اسمبلی کی اہلیت خطرے میں، نااہلی کی درخواست عدالت نے سماعت کے لئے مقرر کر دی

باغی ٹی وی کی رپورٹ کے مطابق تحریک انصاف کی خواتین اراکین اسمبلی ملیکہ بخاری، کنول شوذب کی نااہلی کی درخواست پر سماعت اسلام آباد ہائیکورٹ میں ہو گی. جسٹس عامر فاروق سوموار کو درخواست پر سماعت کریں گے. عدالت نے اراکین قومی اسبملی سے دلائل طلب کر رکھے ہیں. درخواست گزار نے عدالت میں موقف اختیار کیا کہ کاغذات نامزدگی کی آخری تاریخ تک ملیکہ بخاری دوہری شہریت رکھتی تھیں، کنول شوذب نے اسلام آباد ہائی کورٹ میں ووٹ تبدیلی پر غلط بیانی کی، عدالت سے استدعا ہے کہ آئین کے آرٹیکل 62 اور 63 کے تحت ممبران کو نااہل کیا جائے۔ ایم این اے تاشفین صفدر کی دوہری شہریت پر نااہلی کیس پر بھی سوموار کو سماعت ہوگی۔ تینوں اراکین اسمبلی کے خلاف مسلم لیگ نے درخواست دائر کی ہے.

وفاقی وزیر سائنس و ٹیکنالوجی فواد چودھری نے کہا ہے کہ امام مساجد کو گریڈ 14 سے 16 تک نوکریاں دی جائیں.

باغی ٹی وی کی رپورٹ کے مطابق فواد چوھدری نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ایک بہت چھوٹے گروپ کیلئے وسائل مختص کرنے کی بجائے ریاست کو چاہئے کہ تمام مساجد میں امام مساجد کو گریڈ 14 تا 16 نوکریاں دے، اس سے مخصوص ٹولے کی اجارہ داری بھی ختم ہو گی اور ایک ڈسپلن بھی آۓ گا، اس سلسلے میں صوبائ وزراء اعلیٰ کو اپنی ذمہ داریاں پوری کرنی چاھئیں۔

ایک بہت چھوٹے گروپ کیلئے وسائل مختص کرنے کی بجائے ریاست کو چاہئے کہ تمام مساجد میں امام مساجد کو گریڈ 14 تا 16 نوکریاں دے، اس سے مخصوص ٹولے کی اجارہ داری بھی ختم ہو گی اور ایک ڈسپلن بھی آۓ گا، اس سلسلے میں صوبائ وزراء اعلیٰ کو اپنی ذمہ داریاں پوری کرنی چاھئیں۔

— Ch Fawad Hussain (@fawadchaudhry) May 11, 2019

واضح رہے کہ فواد چودھری رمضان کے چاند کے مسئلے کو لے کر علماء کرام پر کڑی تنقید کر رہے ہیں،. ان کو وزارت اطلاعات سے ہٹائے جانے کے بعد وزارت سائیس و ٹیکنالوجی دی گئی لیکن مولانا کے بارے میں ان کے جذبات سے لگتا ہے کہ جلد فواد چوھدری کی وزارت تبدیل ہو گی اورانہیں وزیر مذہبی امور بنا دیا جائے گا، فواد چودھری کی جانب سے گزشت چند دنوں میں علماء کرام کے خلاف بیانات پر مزہبی حلقوں میں شدید رد عمل پایا جاتا ہے.

چیئرمین نیب جسٹس (ر) جاوید اقبال نے کہا ہے کہ نیب نے کرپٹ عناصر کو منطقی انجام تک پہنچانا شروع کر دیا، میری کردار کشی کی جار ہی ہے

باغی ٹی وی کی رپورٹ کے مطابق چیئرمین نیب نے کہا کہ نیب نے مگر مچھوں پر ہاتھ ڈالا جس کی وجہ سے وہ کردار کشی کر رہے ہیں، میری ذات پر حملے کئے گئے، مشکل وقت ہے. انہوں نے کہا کہ کوئی طاقت نیب کو اپنے مشن سے نہیں ہٹا سکتی، کسی کا دباو قبول نہیں کروں گا اور نہ ہی کرپشن کے خلاف جاری مہم سے پیچھے ہٹوں گا.

حکومتی جماعت تحریک انصاف کے رکن قومی اسمبلی عامر لیاقت کو پی ٹی وی سے نکال دیا گیا

باغی ٹی وی کی رپورٹ کے مطابق عامر لیاقت رمضان المبارک کے مہینہ میں مختلف ٹی وی چینلز پر پروگرام کرتے آئے ہیں اس سال انہوں نے پی ٹی وی کو جوائن کیا اور رمضان نشریات کی میزبانی کر رہے تھے کہ چار روزے گزرنے کے بعد ہی عامر لیاقت کو پی ٹی وی سے نکال دیا گیا. عامر لیاقت کو چھ ملین روپے میں رمضان نشریات کے لئے پی ٹی وی میں رکھا گیا تھا.

عامر لیاقت نے اپنے موقف میں کہا کہ انہیں نکالا نہیں گیا ،طبیعت کی ناسازی کی وجہ سے وہ پروگرام نہیں کر سکے.

واضح رہے کہ عامر لیاقت نے اپنی ٹویٹ میں کہا تھا کہ میں اس سال سرکاری ٹی وی چینل پی ٹی وی گلوبل، پی ٹی وی ورلڈ، پی ٹی وی نیوز اور پی ٹی وی ہوم کی رمضان نشریات کی میزبانی کروں گا۔

چیئرمین ایف بی‌ آر شبر زیدی نے کہا ہے کہ بجٹ کے لیے ابھی کوئی تاریخ فائنل نہیں ہوئی

باغی ٹی وی کی رپورٹ کے مطابق اسلام آباد میں میڈیا سے گفتگو کرتے ہوئے چیئرمین ایف بی آر شبر زیدی نے کہا کہ ہم وہی کریں گے جو پاکستان کیلیے بہتر ہوگا ،ہر بندہ آئی ایم ایف کی بات کررہاہے ، پاکستان کی بات کریں .ریونیوشارٹ فال سےمتعلق ابھی کچھ کہہ نہیں سکتا .

واضح رہے کہ چیئرمین ایف بی آر شبر زیدی نے تعیناتی کے بعد پہلا حکم نامہ جاری کرتے ہوئے کہا کہ پیشگی اطلاع کے بغیر کسی شہری کے بینک اکاؤنٹ منجمد نہ کیے جائیں .ایف بی آر کی جانب سے جاری اعلامیہ میں کہا گیا ہے کہ چیئرمین ایف بی آ ر نے حکم دیا کہ کسی بھی شہری کا بینک اکاونٹ منجمند کرنے کے لئے ضروری ہے کہ 24 گھنٹے قبل چیئرمین ایف بی آر سے اجازت لی جائے

مسلم لیگ ن پنجاب کے صدر رانا ثناء اللہ نے کہا ہے کہ فردوس باجی چیخیں آپ کی نکل رہی ہیں کیونکہ آپ کے نئےباس نااہل ،نالائق ہیں

باغی ٹی وی کی رپورٹ کے مطابق فردوس عاشق اعوان کے بیان پر رد عمل دیتے ہوئے رانا ثناء اللہ نے کہا کہ فردوس باجی چیخیں آپکی نکل رہی ہیں ، ابھی تونوکری شروع ہوئی اور جلد ختم ہونیوالی ہے ،چوتھاہفتہ گزررہا ہے سرکاری بسوں ،دوائیوں میں مصنوعی اضافے کا جواب نہیں آیا، آپ کی حکومتی پالیسی کےمطابق چیخیں توعوام کی نکل رہی ہیں.

واضح رہے کہ وزیراعظم کی مشیر برائے اطلاعات فردوس عاشق اعوان نے کہا تھا کہ پاکستان کو آئی ایم ایف تک پہنچانے والے لٹیروں کی چیخیں نکل رہی ہیں. سارے چور اکٹھے ہیں‌ اور شور مچا رہے ہیں، قوم انہیں جانتی ہے.

چیئرمین ایف بی آر شبر زیدی نے تعیناتی کے بعد پہلا حکم نامہ جاری کرتے ہوئے کہا کہ پیشگی اطلاع کے بغیر کسی شہری کے بینک اکاؤنٹ منجمد نہ کیے جائیں .

باغی ٹی وی کی رپورٹ کے مطابق ایف بی آر کی جانب سے جاری اعلامیہ میں کہا گیا ہے کہ چیئرمین ایف بی آ ر نے حکم دیا کہ کسی بھی شہری کا بینک اکاونٹ منجمند کرنے کے لئے ضروری ہے کہ 24 گھنٹے قبل چیئرمین ایف بی آر سے اجازت لی جائے.

واضح رہے کہ وزیر اعظم عمران خان نے شبر زیدی کو ایف بی آر کا چیئرمین مقرر کیا تھا.

وزیر اعظم عمران خان سے سینئر وکیل ڈاکٹر بابر اعوان نے ملاقات کی ہے

باغی ٹی وی کی رپورٹ کے مطابق وزیر اعظم ہاوس اسلام آباد میں ہونے والی ملاقات میں ملک کی مجموعی سیاسی،آئینی اور قانونی صورت حال پر مشاورت کی گئی. اس موقع پر وزیر اعظم عمران خان نے کہا کہ قومی اداروں کی تنظیم نو کا عمل ڈی ریل نہیں ہو گا،پاکستان تیزی سے معاشی استحکام کی طرف بڑھ رہا ہے،پوری قوم کرپشن اور غربت سے نجات چاہتی ہے مایوس نہیں کریں گے ،مشکل فیصلے قوم اور ملک کے وسیع تر مفاد میں کررہے ہیں ،اس موقع پر بابر اعوان نے کہا کہ کرپشن کے مرکزی کردار ایک ایک کر کے بری طرح بے نقاب ہو چکے ،احتساب کا عمل بلا امتیاز جاری ہے،لوٹ مار کرنے والے منطقی انجام کو پہنچیں گے .

واضح رہے کہ بابر اعوان پیپلز پارٹی کےد ور میں بھی وزیر رہ چکے ہیں.