Category: اسلام آباد

سینیٹ اجلاس میں جمعیت علماء اسلام ف کے رہنما مولانا عبدالغفور حیدری نے مولانا فضل الرحمان کی سیکورٹی واپس لینے پر شدید احتجاج کیا ہے

باغی ٹی وی کی رپورٹ کے مطابق سینیٹ اجلاس میں مولانا عبدالغفور حیدری نے کہا کہ تبدیلی سرکار مختلف حربوں سے ہماری قیادت کو ڈرانے دھمکانے کی کوشش کر رہی ہے .جب ہم نہیں ڈرے تو ہماری پولیس سیکیورٹی ہٹانا شروع کردی گئی ہے، مولانا عبدالغفور حیدری نے کہا کہ تحریک انصاف کی حکومت نےمولانا فضل الرحمان کے گھر سے پہلے پولیس کو ہٹایا پھراسلام آباد میں مولانا کےگھر کےساتھ سیکیورٹی چوکی گرا دی،اب مولانا فضل الرحمان کی ذاتی سیکیورٹی پرمامورپولیس کوواپس بلا لیا گیا ہے .

رکن قومی اسمبلی مسلم لیگ ن پنجاب کے صدررانا ثناء اللہ نے کہا ہے کہ نوازشریف اور شہباز کے بارے میں بات کرنا فردوس باجی کی مجبوری ہے،

باغی ٹی وی کی رپورٹ کے مطابق پاکستان مسلم لیگ ن کے رہنما رانا ثناءاللہ نے ڈاکٹر فردوس عاشق اعوان کےبیان پر ردعمل دیتے ہوئے کہا کہ فردوس باجی وزیراعظم نااہل اورحکومت نالائق ہے اس لیے کارکردگی پہ تو آپکا بیان آ نہیں سکتا، انہوں نے کہا کہ فردوس باجی سارے سیاسی بیماراورمہاجرین شریف برادران کی صحت پرسیاست کررہےہیں.نوازشریف اور شہباز کے بارے میں بات کرنا فردوس باجی کی مجبوری ہے.فردوس باجی آپ کےموجودہ سیاسی باس کاوزن اور ملبہ بڑھتا جا رہا ہے ،فردوس باجی سرکاری بسوں اوردوائیوں میں مصنوعی اضافہ کاجواب نہیں آیا ؟

واضح رہے کہ وزیر اعظم کی مشیر برائے اطلاعات فردوس عاشق اعوان نے کہا ہے کہ اللہ کرے میاں صاحب جیل میں‌ پھر سے بیمار نہ ہوں، سماجی رابطے کی ویب سائٹ ٹویٹر پر ٹویٹ کرتے ہوئے فردوس عاشق اعوان نے کہا کہ اللہ کرے میاں صاحب جیل میں پھرسے بیمارنہ ہوں امید ہےجاتی امرا میں6 ہفتے گزارنے سے ان کا ذہنی تناؤ دورہو گیا ہو گا،

جعلی اکاؤنٹس کیس کے حوالہ سے نیب نے پانچواں ریفرنس احتساب عدالت میں دائرکردیا

باغی ٹی وی کی رپورٹ کے مطابق ریفرنس میں اومنی گروپ کے عبدالغنی مجید،سیکریٹری سندھ حکومت اعجاز خان مرکزی ملزم نامزد کئے گئے ہیں، ریفرنس میں کہا گیا ہے کہ سندھ حکومت کےافسران نے ہارش کمپنی اوراومنی گروپ کوغیرقانونی ٹھیکے دیے ،ڈی ایچ اے میں کرپشن کے پیسوں سے بنایا گیا قیمتی پلاٹ منجمد کر دیا،عبدالغنی مجید نے بیٹی مناہل مجید کے نام بے نامی پراپرٹی بنائی .

وفاقی وزیر ریلوے شیخ رشید احمد نے کہا ہے کہ موجودہ حکومت نے مال بردار ٹرینوں کی تعداد میں اضافہ کیا ہے، تھر کول تک بی او ٹی کی بنیاد پر ٹریک بچھانے اور ٹرین چلانے کے لئے کام کر رہے ہیں۔ نجی کمپنیوں نے اس سلسلے میں دلچسپی کا اظہار کیا ہے۔

باغی ٹی وی کی رپورٹ کے مطابق سینیٹ اجلاس میں وقفہ سوالات کے دوران شیخ رشید احمد نے کہا کہ 1800 کلو میٹر ایم ایل ون منصوبے پر پیشرفت ہوئی ہے۔ اس منصوبے کی تکمیل سے پشاور سے کراچی تک ریلوے پھاٹک ختم ہو جائیں گے اور سگنل کا بھی نیا نظام آ جائے گا۔ پاکستان ریلوے ملک میں اشیاء کی نقل و حمل میں اہم کردار ادا کر رہی ہے اور ہم نے وزارت صنعت و پیداوار کے لئے درآمد کی گئی کھاد بھی مختلف حصوں میں پہنچائی ہے۔ شیخ رشید احمد نے مزید کہا کہ اس وقت روزانہ اوسطاً 12 فریٹ ٹرینیں کراچی سے مختلف شہروں کے لئے چل رہی ہیں اور ہر وقت 60 فریٹ ٹرینیں ٹریک پر ہوتی ہیں۔ ہم نے فریٹ ٹرینوں کو آٹھ سے 12 کیا ہے، تھرکول کے لئے بھی ٹرین چلانے کے منصوبے پر کام ہو رہا ہے اور بی او ٹی کی بنیاد پر یہ کام کیا جا رہا ہے۔ اس سلسلے میں نجی شعبہ کی کمپنیاں بنائو، چلائو اور منتقل کرو کے نظام کے تحت اس منصوبے میں سرمایہ کاری کرنا چاہتی ہیں۔ انہوں نے کہا ک

پاکستان میں 76 غیر ملکی این جی اوز کام کر رہی ہیں

باغی ٹی وی کی رپورٹ کے مطابق سینیٹ میں غیر ملکی این جی اوزکے حوالہ سے ایک سوال پر جواب میں تفصیلات پیش کی گئی ہیں جس میں کہا گیا ہے کہ پاکستان میں رجسٹرڈ 76 آئی این جی اوزکے ساتھ مفاہمتی یادداشتوں پردستخط کیے ہیں،امریکا کی 19 این جی اوز پاکستان میں کام کررہی ہیں ،برطانیہ کی 13،جرمنی کی 10 این جی اوزفرانس کی 5، جاپان کی 4 ،کینیڈا،سعودی عرب،سوئٹزرلینڈ،اٹلی کی 3 ،افغانستان، آسٹریلیا، آسٹریا، بیلجیم، ہالینڈ، آئرلینڈ کی ایک ایک ،کویت، ہالینڈ ،قطرکی 1 اورترکی کی 2 این جی اوز پاکستان میں کام کررہی ہیں.

نیب نے جعلی اکاونٹس کیس میں سابق صدر آصف زرداری کو طلب کر لیا

باغی ٹی وی کی رپورٹ کے مطابق نیب نے جعلی اکاونٹس کیس میں سابق صدر آصف علی زرداری کو 9 مئی کو طلب کیا ہے. نیب نے زرداری کو ہریش اینڈ کمپنی کیس میں طلب کیا گیا ہے. اس کیس میں پاکستان کے قومی خزانے کو 60 ملین کا نقصان ہوا ہے.

سینیٹ کے اجلاس میں پیپلز پارٹی کے رہنما رضا ربانی اور شبلی فراز کے مابین تلخ کلامی ہوئی ہے.

باغی ٹی وی کی رپورٹ کے مطابق سینیٹ کے اجلاس میں وزراء کے نہ آنے پر اپوزیشن نے احتجاج کیا اور بعد ازاں ایوان سے واک آوٹ کیا. تو اس موقع پر شبلی فراز نے کہا کہ آپ روزانہ بلاوجہ احتجاج کرتے ہیں. ہم آپ کو تحمل سے سنتے ہیں لیکن آپ روز احتجاج کرتے ہیں. آپ ایوان کی کاروائی کو سبوتاژ کرنا چاہتے ہیں. وزراء کے نہ آنے پر اپوزیشن ایوان سے واک آوٹ کر گئی. پیپلز پارٹی کے رہنما رضاربانی نے کہا کہ اب تووزارت داخلہ کےوفاقی وزیرموجود ہیں وہ وزیر داخلہ ہیں جو چھترول کرنا چاہ رہے ہیں ،شاید سوالوں کا بھی چھترول ہوگیا ہے ،وزارت داخلہ کے 10سوالات میں سے9 کےجوابات موصول نہیں ہوئے ،وزیر داخلہ کہاں ہیں؟متعلقہ وزیر کو سوالات کے جواب دینے چاہییں، شبلی فراز نے رضاربانی کو کہا کہ جب آپ چیئرمین سینیٹ تھےتوایجنڈے کےعلاوہ نکتہ اعتراض پربات نہیں کرنےدیتےتھے.

پیمرا کی جانب سے نئے ٹی وی لائسنس کےاجرا کےخلاف کیس کی سماعت ہوئی جس میں عدالت نے پیمرا کو نئے لائسنس جاری کرنے سے روک دیا

باغی ٹی وی کی رپورٹ کے مطابق اسلام آباد ہائیکورٹ میں نئے ٹی وی لائسنس کے اجرا کے حوالہ سے سماعت ہوئی. چیف جسٹس اسلام آباد ہائی کورٹ اطہر من اللہ نے پی بی اے کی درخواست پر سماعت کی، دوران سماعت چیف جسٹس اطہرمن اللہ نے پی بی اے کے وکیل سے استفسار کیا کہ نئے لائسنس جاری کرنے سے کیا فرق پڑے گا، جس پر وکیل نے کہا کہ پیمرا نے ہماری درخواست پر فیصلہ کرنے کی بجائے لائسنس کی بولی شروع کردی،پیمرا کو 12 مارچ کے بعد 15 دن میں درخواست پرفیصلہ کرنا تھا،وکیل پی بی اے فیصل صدیقی نے مزید کہا کہ پیمرا 119 چینلز کو لائسنس دے چکا جبکہ 80 کی گنجائش ہے، پی بی اے کی درخواست پرسندھ ہائیکورٹ نے پیمرا کوفیصلہ کرنے کا حکم دیا،پیمرا کے پاس اتنی گنجائش نہیں جتنے لائسنس جاری کررہا ہے، پیمرا کے پاس ہماری درخواست یہی ہے کہ جب گنجائش نہیں تو نئے لائسنس کااجرا کیوں کیا جارہا ہے، جس پر اسلام آباد ہائیکورٹ نے پیمرا کو نئے لائسنس جاری کرنے سے روک دیا، عدالت نے لائسنس اجرا کےحوالے سے پیمرا کا حتمی فیصلہ عدالتی حکم سےمشروط کردیا ،عدالت نے کیس کی مزید سماعت 22 مئی تک ملتوی کرتے ہوئے وزارت اطلاعات اور پیمرا کو نوٹس جاری کرکے جواب طلب کرلیا

وزیر اعظم کی مشیر برائے اطلاعات فردوس عاشق اعوان نے کہا ہے کہ اللہ کرے میاں صاحب جیل میں‌ پھر سے بیمار نہ ہوں

باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر ٹویٹ کرتے ہوئے فردوس عاشق اعوان نے کہا کہ اللہ کرے میاں صاحب جیل میں پھرسے بیمارنہ ہوں امید ہےجاتی امرا میں6 ہفتے گزارنے سے ان کا ذہنی تناؤ دورہو گیا ہو گا،

اللہ کرے میاں صاحب جیل میں پھر سے بیمار نہ ہوں، امید ہے جاتی عمرہ میں چھ ہفتہ گزارنے سے ان کا ذہنی تناؤ دور ہوگیا ہوگا۔

— Dr. Firdous Ashiq Awan (@Dr_FirdousAwan) May 7, 2019

واضح رہے کہ نواز شریف کو سپریم کورٹ نے چھ ہفتوں کے لئے طبی بنیادوں پر ضمانت پر رہا کیا تھا، چھ ہفتے آج مکمل ہو چکے ہیں، نواز شریف آج شام دوبارہ کوٹ لکھپت جیل جائیں گے،

عدالت کے خلاف نعرے لگانے والے ن لیگ کے سابق رکن قومی اسمبلی کے خلاف توہین عدالت سزا کی درخواست سپریم کورٹ نے خارج کر دی

باغی ٹی وی کی رپورٹ کے مطابق عدلیہ کے خلاف نعرے لگانے سے متعلق توہین عدالت کیس کی سماعت ہوئی .سپریم کورٹ نے مسلم لیگ ن کے سابق رکن قومی اسمبلی شیخ وسیم اخترکی توہین عدالت سزا کیخلاف اپیل خارج کردی ،قصور کے مقامی ن لیگی رہنما احمد لطیف کی اپیل بھی خارج کر دی. دونوں لیگی رہنما عدالت سے معافی مانگتے رہے ،عدالت نے دونوں رہنماؤں کی غیر مشروط معافی مسترد کردی ،اوردونوں رہنماؤں کی توہین عدالت کی سزا اور نااہلی برقرار رکھی. سپریم کورٹ کے چیف جسٹس نے کہا کہ ہائیکورٹ نے غیرمشروط معافی پر سزا 6 ماہ سے ایک ماہ کردی تھی ،ججز اور عدلیہ کے خلاف نعرے لگائے گئے، دونوں رہنما ان پڑھ نہیں، بڑی ذمہ دار شخصیات تھیں، چیف جسٹس نے کہا کہ یہ وطیرہ بن گیا ہے، پہلے گالیاں دو پھرمعافی مانگ لو، دونوں کی سزائیں بڑھا کیوں نہ دیں، ملزمان کے وکیل نے کہا کہ ہم نے پہلے بھی معافی مانگی اب بھی غیرمشروط معافی مانگتے ہیں، عدالت نے غیر مشروط معافی قبول کرنے کی استدعا مسترد کردی

واضح رہے کہ لاہور ہائیکورٹ نے قصور میں عدلیہ مخالف ریلی نکالنے کے خلاف دائر درخواست میں سابق ن لیگی ایم این اے اور قصور سے مسلم لیگ (ن) کے امیدوار شیخ وسیم سمیت چار افراد کو ایک ماہ قید اور ایک لاکھ روپے فی کس جرمانہ کی سزا کا حکم سنا یا تھا