Category: کراچی

ترجمان سندھ حکومت سمعتا افضال سید نے کہا ہے کہ اگرچہ ملیر ندی میں طغیانی ہے، لیکن شاہراہ بھٹو کو کسی قسم کا کٹ نہیں لگا،

سمعتا افضال سید کا کہنا تھا کہ ماضی میں بھی اس قسم کی خبریں پھیلائی گئی تھیں کہ شاہراہ بھٹو ٹوٹ پھوٹ کا شکار ہے، عوام کے لیے کھولی گئی سڑک بالکل محفوظ اور درست حالت میں ہے، شاہراہ بھٹو کی توسیع کا کام جاری ہے، جہاں جہاں تعمیرات ہو رہی ہیں، وہیں کی تصاویر اور ویڈیوز لے کر سوشل میڈیا پر غلط تاثر دیا جا رہا ہے

دوسری جانب ترجمان سندھ حکومت سعدیہ جاوید نے شاہراہِ بھٹو کے ڈوب جانے کی خبروں کی سختی سے تردید کر دی۔سعدیہ جاوید کا کہناتھاکہ میں نے اپنے سفر کا آغاز شاہراہِ بھٹو سے کیا ہے اور آپ سب دیکھ سکتے ہیں کہ شاہراہِ بھٹو مکمل طور پر فعال ہے اور ٹریفک رواں دواں ہے۔ عوام سے گزارش ہے کہ افواہوں پر دھیان نہ دیں۔شاہراہ کے بعض بننے والے حصوں میں معمولی اونچ نیچ موجود ہے جسے جلد درست کر دیا جائے گا۔نئی شاہراہیں بننے کے بعد معمولی ٹوٹ پھوٹ فطری عمل ہے، جو نشاندہی ہوتے ہی فوراً درست کر دی جاتی ہے۔شہر کی مجموعی صورتِ حال بہتر ہے اور کل سے جاری بارش کے باوجود تمام مرکزی سڑکیں کلیئر ہیں۔ شہر کو سانپ کی طرح ڈسنے والے ہمیشہ روتے ہی رہیں گے۔ایم کیو ایم کے رہنماؤں پر تنقید کرتے ہوئے کہا کہ وہ ایک دوسرے کو نیچا دکھانے کے لیے جھوٹ پر جھوٹ بول رہے ہیں۔“جب یہ لوگ تنقید کر کے آرام سے سو رہے تھے تو جیالا میئر، منتخب نمائندے اور انتظامیہ صبح چھ بجے تک سڑکوں پر موجود تھے۔ماضی میں خون کی برسات کرنے والوں کے لیے بارش بھی ہمیشہ بری ہی لگے گی۔کل گورنر صاحب کی کمی جماعتِ اسلامی کے ٹاؤن چیئرمین نے پوری کر دی۔ اپنی گاڑیوں پر ڈھکے لگا کر میڈیا فوٹیجز بنانے میں مصروف تھے۔لیاری اور ملیر ندی سے متاثرہ عوام کے لیے سندھ حکومت ہر ممکن تعاون اور بندوبست کر رہی ہے۔ عوام سے اپیل ہے کہ کسی بھی قسم کی افواہوں پر کان نہ دھریں۔

سندھ کی ضلعی عدالتوں کے ججز اور عملے کو سوشل میڈیا کے استعمال سے متعلق مراسلہ جاری کردیا گیا۔

رکن انسپکشن ٹیم کے مرسلے میں کہا گیا ہے کہ چیف جسٹس سندھ ہائیکورٹ نے ضابطوں کی خلاف ورزی پر تحفظات کا اظہار کیا ہے، جوڈیشل افسران اور عملہ سوشل میڈیا کے استعمال میں نظم وضبط اور وقار کا خیال رکھے، سوشل میڈیا پرایسی کوئی سرگرمی نہ کی جائے جو ادارے کی بدنامی کا باعث بنے، جوڈیشل افسران اور عملہ سوشل میڈیا پردستاویز یا عدالتی کارروائی دکھانےسے پرہیز کریں، بغیراجازت خفیہ معلومات شیئر کرنا سندھ سول سرونٹس رولز کی خلاف ورزی ہے، زیرالتوا اور نمٹائے گئے مقدمات یا پالیسی معاملات سے متعلق پوسٹ یاکمنٹس سے اجتناب کیا جائے،جوڈیشل افسران و عملہ سیاسی، فرقہ وارانہ یاقابل اعتراض مواد شائع کرنے سے پرہیزکریں، ایسا مواد شیئر نہ کیاجائے جو شہرت کو نقصان پہنچانے یا توہین عدالت کے زمرے میں آتا ہو، توہین آمیز مواد شائع کرنے پر متعلقہ افسر کے خلاف انضباطی کارروائی کی جائے گی۔

مراسلے میں ہدایت کی گئی ہے کہ جوڈیشل افسران اور عملہ آفیشل عہدے کو ذاتی تشہیر یا کاروباری فائدے کیلئے استعمال نہ کریں، جوڈیشل افسران اور عملے کو سوشل میڈیا پر نئے رابطے بنانے کے دوران محتاط رویہ رکھنا چاہیے، مفادات کے تصادم سے بچنے کیلئے نئے رابطوں میں احتیاط برتی جائے، ضلعی ججز یقینی بنائیں کہ ججز و عملے کی جانب سے ایس او پیز پر عمل درآمد کیا جائے۔

سینئر وزیر سندھ شرجیل انعام میمن کا کہنا ہے کہ دریاؤں میں پانی کی صورتحال ابھی تک غیر معمولی ہے لیکن سندھ حکومت سیلابی صورتحال پر دن رات نظر رکھے ہوئے ہے۔

شرجیل انعام میمن کا کہنا تھا کہ حکومت سندھ، ضلعی انتظامیہ اور ریلیف کے تمام محکمے مشترکہ حکمت عملی کے تحت کام کر رہے ہیں، پنجند بیراج کے مقام پر پانی کی آمد اور اخراج دونوں 452930 کیوسک ہیں جبکہ کچے کے علاقوں سے گزشتہ 24 گھنٹوں میں مزید 7724 افراد محفوظ مقامات کی طرف منتقل ہو چکے ہیں،مجموعی طور پر ایک لاکھ41 ہزار لوگ کچے کے علاقوں سے محفوظ جگہوں کو منتقل ہو چکے ہیں اور اب تک 3 لاکھ 88 ہزار سے زائد افراد کو ممکنہ سیلاب کے پیش نظر محفوظ مقامات پر منتقل کیا جاچکا ہے،ہ تربیلا ڈیم 100 فیصد جبکہ منگلا ڈیم 90 فیصد بھر چکا ہے، خانپور، راول اور سملی ڈیمز میں بھی پانی کی سطح بلند ہو گئی ہے۔

نیو کراچی سیکٹر 8 اے میں واقع ایک گارمنٹ فیکٹری میں پیر کی صبح اچانک شدید آگ بھڑک اٹھی جس کے نتیجے میں فیکٹری کی تین منزلہ عمارت زمین بوس ہوگئی۔ آتشزدگی کے باعث قریبی علاقے میں خوف و ہراس پھیل گیا جبکہ دھوئیں کے بادل دور دور تک دکھائی دیے۔

سینٹرل کمانڈ اینڈ کنٹرول ریسکیو 1122 کے مطابق واقعے کی اطلاع ملتے ہی ایک ایمبولینس اور پانچ فائر بریگیڈ کی گاڑیاں فوری طور پر جائے وقوعہ پر روانہ کی گئیں۔ فائرفائٹرز کی جانب سے آگ پر قابو پانے اور ملبے تلے دبے افراد کو نکالنے کی کوششیں جاری ہیں۔ذرائع کا کہنا ہے کہ فیکٹری میں کپڑے اور دیگر کیمیائی مواد موجود تھا جس کی وجہ سے آگ تیزی سے پھیلی اور عمارت منٹوں میں ملبے کا ڈھیر بن گئی۔ ریسکیو حکام نے خدشہ ظاہر کیا ہے کہ ملبے تلے متعدد افراد کے پھنسنے کا امکان ہے۔

ایس ایس یو کمانڈوز بھی موقع پر پہنچ گئے ہیں اور دیگر ریسکیو اداروں کے ساتھ مل کر امدادی کارروائیوں میں حصہ لے رہے ہیں۔ پولیس نے علاقے کو گھیرے میں لے لیا ہے اور قریبی سڑکوں پر ٹریفک بند کر دی گئی ہے تاکہ ریسکیو آپریشن میں کوئی رکاوٹ نہ آئے۔تاحال جانی و مالی نقصان کے حوالے سے سرکاری طور پر کوئی تصدیق نہیں کی گئی، تاہم ریسکیو حکام کا کہنا ہے کہ سرچ اینڈ ریسکیو آپریشن مکمل ہونے کے بعد صورتحال واضح ہوگی۔

کراچی میں ممکنہ بارشوں کی پیش نظر پی ڈی ایم اے کی تیاریاں مکمل ہیں،

ڈی جی پی ڈی ایم اے سلمان شاہ نے ڈی واٹرنگ پمپنگ اسٹیشنز کا دورہ کیا،ڈی جی پی ڈی ایم اے نے ڈرگ روڈ اور شاہراہ فیصل پر نصب پمپس کی کارکردگی کا جائزہ لیا، اطمنان کا اظہار کیا، ڈی جی پی ڈی ایم اے نےممکنہ بارش کی صورت میں عملے کو پانی کے فوری اخراج کے احکامات کئے اور کہا کہ وزیر بحالی مخدوم محبوب الزمان کی ہدایات پر شہر کی اہم شاہراہوں پر ڈی واٹرنگ پمپس نصب کیے گئے ہیں، شہر میں کل 13 پمپس لگائے گئے ہیں، 3 پمپس ایمرجنسی میں مطلوبہ مقامات پر پہنچائے جائیں گے، ڈائریکٹر آپریشنز شایان شاہ نے قیوم آباد چورنگی اور سب مئرین انڈرپاس کا دورہ کیا، پمپنگ اسٹیشنز کے دورے کیے ہیں، عملہ کسی بھی صورتحال کے لیے تیار ہے، بارش کا سلسلہ وقتن بہ وقتن جاری رہنے کے امکانات ہیں، عوام غیر ضروری سفر سے اجتناب کریں، عوام کو بارش کے دوران سہولتیں فراہم کرنے کے لیے عملی اقدامات کیے جا رہے ہیں،

سندھ ہائی کورٹ نے کیس کی سماعت کے دوران ریمارکس دیتے ہوئے کہا ہے کہا ہے کہ ڈرو اُس دن سے جب اوپر والے کی پکڑ ہوگی

نجی بینک سے قرضہ حاصل کرکے مورگیج گھر کو دوسرے فریق کو فروخت کرنے سے متعلق درخواست پر سندھ ہائیکورٹ نے فریقین سے دلائل طلب کرلیے،جسٹس محمد اقبال کلہوڑو کی سربراہی میں 2 رکنی بینچ کے روبرو نجی بینک سے قرضہ حاصل کرکے مورگیج گھر دوسرے فریق کو فروخت کرنے سے متعلق درخواست کی سماعت ہوئی،درخواستگزار کے وکیل نےموقف دیا کہ ہم بینک سے سیٹلمنٹ کرنے کے لیے تیار ہیں، جسٹس محمد اقبل کلہوڑو نے ریمارکس دیے کہ درخواستگزار کو خدا کو خوف نہیں ہے، جس گھر پر بینک سے قرضہ حاصل کیا وہ کسی کو بیچ دیا، یہاں تو جوڑ توڑ کر لو گے اوپر ایک اور بھی عدالت ہے وہاں کیسے کرو گے، ڈرو اس دن سے جس دن اوپر والے کی پکڑ ہوگی۔

نجی بینک کے وکیل نے موقف دیا کہ درخواستگزار نے ایف بی ایریا کے گھر پر 2019ء میں بینک سے 2 کروڑ روپے قرضہ لیا۔ بینک نے درخواستگزار سید کاظم رضا کا گھر مورگیج رکھا تھا۔ درخواستگزار نے مورگیج گھر کسی پرائیویٹ شخص کو بیچ دیا اور بینک کو پیسہ بھی ادا نہیں کیا،درخواستگزار کے وکیل نے موقف دیا کہ عدالت حکم دے تو جو بھی رقم بنتی ہے ہم دینے کے لیے تیار ہیں،عدالت نے برہمی کا اظہار کرتے ہوئے ریمارکس دیے کہ پہلے گھر بیچ دیا اب یہ بھی عدالت آپ کو حکم دے جو کرنا ہے بینک کے ساتھ کریں، عدالت میں کیوں درخواست دائر کردی،