Category: کراچی

حب ڈیم کی نئی "کینال ٹو” میں پانی چھوڑنے کے دوران دوبارہ شگاف پڑ گیا، جس نے منصوبے کے تعمیری معیار پر سنگین سوالات کھڑے کر دیے ہیں۔

ذرائع کے مطابق یہ دوسرا شگاف ہے جو دو روز قبل ٹیسٹنگ کے دوران گڈاپ روڈ کے قریب سامنے آیا، جبکہ پہلا واقعہ 20 روز قبل رپورٹ ہوا تھا۔کینال ٹو کی تعمیر پر لاگت 12 ارب 80 کروڑ روپے تھی،ذرائع کے مطابق کینال کے کناروں اور فرش پر لیکیج بھی دیکھی گئی۔افتتاح سے قبل ہی تکنیکی خامیوں پر تشویش ظاہر کی جا رہی ہے۔میئر کراچی مرتضیٰ وہاب نے ان خبروں کو بے بنیاد اور پروپیگنڈا قرار دیتے ہوئے کہا کہ یہ بغیر تحقیق کے چلائی گئی خبر ہے، کچھ لوگ ترقی سے خوش نہیں، یہ ہمیں کراچی کے عوام کی خدمت سے نہیں روک سکتا۔مرتضیٰ وہاب نے تصدیق کی کہ منصوبے کا افتتاح 13 اگست کو چیئرمین بلاول بھٹو کریں گے۔

سکندر زرداری (پراجیکٹ ڈائریکٹر) نے دعویٰ کیا کہحب کینال ٹو میں کوئی لیکیج یا فالٹ رپورٹ نہیں ہوا۔ جو دیکھا گیا وہ پرانی کینال سے پانی کے لیے لگایا گیا ‘کٹ’ تھا۔ان کا کہنا ہے کہ منصوبہ مکمل ہو چکا ہے، اور ٹیسٹ رن کامیابی سے 25 دن قبل مکمل کر لیا گیا تھا۔ےجزیہ کاروں کے مطابق متضاد بیانات اور مختلف دعووں کے باعث حب کینال 2 منصوبہ سوالات کی زد میں آ چکا ہے۔ ماہرین کا کہنا ہے کہ اتنی بڑی لاگت والے پراجیکٹ میں اگر شگاف اور لیکیج کی اطلاعات سچ ثابت ہوئیں تو یہ انتہائی خطرناک اور عوامی وسائل کے ضیاع کا باعث ہو سکتا ہے۔

کراچی میں شہری نے فائرنگ کر کے والد اور بھائی کو قتل کر دیا

اقتصادی کمیٹی اجلاس، الیکٹرک بائیکس، قائداعظم یونیورسٹی کے لیے گرانٹس منظور

مقبوضہ کشمیر کی حیثیت بحالی کی درخواست،بھارتی سپریم کورٹ میں 8 اگست کو سماعت

بھارتی فوج نے اپنے ہی میڈیا کو جھوٹا قرار دے دیا، سیز فائر خلاف ورزی کی تردید

نیشنل ڈیٹا بیس اینڈ رجسٹریشن اتھارٹی (نادرا) نے جانشینی سرٹیفکیٹ کے اجرا کا عمل مزید آسان بناتے ہوئے اعلان کیا ہے کہ اب ملک بھر میں کسی بھی نادرا مرکز سے درخواست دی جا سکتی ہے، چاہے وراثتی جائیداد کسی بھی صوبے میں واقع ہو۔

ترجمان نادرا کے مطابق ادارے نے عوامی سہولت کو مدنظر رکھتے ہوئے جانشینی سرٹیفکیٹ کے پرانے طریقہ کار کو تبدیل کر دیا ہے، جس کے تحت پہلے درخواست صرف اسی صوبے میں جمع کروائی جا سکتی تھی جہاں جائیداد موجود ہوتی۔اب نادرا کے 186 جانشینی سہولت مراکز پورے ملک سے تعلق رکھنے والے شہریوں کی درخواستیں وصول کریں گے۔ یہ مراکز اسلام آباد، پنجاب، سندھ، بلوچستان، خیبرپختونخوا اور گلگت بلتستان میں فعال ہیں۔

اس کے علاوہ قانونی ورثا اپنی بایومیٹرک تصدیق نادرا کے کسی بھی مرکز پر کرا سکتے ہیں۔بایومیٹرک تصدیق کی سہولت پاک آئی ڈی موبائل ایپ پر بھی پہلے سے موجود ہے۔نادرا ہیڈکوارٹرز کی جانب سے تمام متعلقہ مراکز کو نئے طریقہ کار کا نوٹیفکیشن جاری کر دیا گیا ہے تاکہ یہ سہولت فوری طور پر فراہم کی جا سکے۔

اس فیصلے کو عوام کی سہولت اور عدالتی بوجھ کم کرنے کی جانب ایک اہم پیش رفت قرار دیا جا رہا ہے۔

بابراعظم کی ٹی ٹوئنٹی اسکواڈ میں واپسی کا امکان

کراچی:سینئر صوبائی وزیر اور وزیر اطلاعات سندھ شرجیل میمن نے کہا ہے کہ شہید ذوالفقار علی بھٹو اور بے نظیر بھٹو نے ہمیشہ کشمیر کا مقدمہ لڑا۔

سندھ اسمبلی میں اظہار خیال کرتے ہوئے انہوں نے کہا کہ آج ایوان میں کشمیر کے معاملے پر تمام جماعتوں میں اتحاد نظر آیا ہے، سب باہمی اختلاف بھلا کر یک آواز ہیں، کشمیر پر بھارت نے قبضہ کیا ہوا ہے، وہاں مودی نے اقوام متحدہ کی قراردادوں کو بلڈوز کیا ہے اور اس نے کشمیر کا اسٹیٹس تبدیل کرنے کی کوشش کی ہے،کشمیر کے معاملے پر پوری سندھ اسمبلی اختلافات بھلا کر یک آواز ہے، شہید ذوالفقار علی بھٹو اور بے نظیر بھٹو نے ہمیشہ کشمیر کا مقدمہ لڑا۔

شرجیل انعام میمن نے کہا کہ لاکھوں بھارتی فوج نے کشمیر کا محاصرہ کیا ہوا ہے، عالمی کمیونٹی پر فرض ہے کہ اپنی قرارداد پر عمل کروائے، کشمیر پر کسی قسم کی سودے بازی نہیں ہوگی، شہید بھٹو نے 15 سال کی عمر میں قائد اعظم کو کشمیر کے مسئلے پر خط لکھا تھا، شہید بھٹو نے کہا تھا کشمیر کے مسئلے پر مجھ سے کبھی بھی غلطی نہیں ہوسکتی-

کیا مسائل کا حل خود کشی ہے .تحریر: انجینیئر علی رضوان چوہدری

انہوں نے کہا کہ شہید بھٹو نے ہر فورم پر کشمیر کا مقدمہ لڑا، شہید محترمہ بے نظیر بھٹو نے بھی دنیا کے سامنے کشمیر کا مقدمہ لڑا، بلاول بھٹو زرداری نے بھارت کا دورہ کیا، بلاول بھٹو زرداری کے سر کی قیمت رکھی گئی، ہیڈ منی کے باوجود بلاول بھٹو بھارت گئے اور وہیں کشمیر کا مدعا اٹھایا،اس موقع پر شرجیل انعام میمن نے ذوالفقار بھٹو اور بینظیر بھٹو کی کشمیر کے متعلق تقاریر اسمبلی کی اسکرین پر چلوائیں۔

پنجاب کابینہ نےملازمین کی بیوہ کو تاحیات پنشن دینے کی منظوری دیدی

پاکستان اسٹاک ایکسچینج (پی ایس ایکس) میں کاروباری ہفتے کے دوسرے روز بھی تیزی کا رجحان جاری ہے۔

ذرائع کے مطابق پاکستان اسٹاک ایکسچینج میں 100انڈیکس میں 600 پوائنٹس سے زائد اضافہ ہوا جس کے بعد 100 انڈیکس ایک لاکھ 42 ہزار 430 کی ریکارڈ سطح پر پہنچ گیا ہےاب تک کے کاروبار کے دوران 100 انڈیکس ایک لاکھ 42 ہزار 721 کی بلند ترین سطح پر بھی پہنچا۔

واضح رہے گزشتہ روز بھی پاکستان اسٹاک ایکسچینج (پی ایس ایکس) میں زبردست تیزی دیکھی گئی تھی، جہاں کے ایس ای-100 انڈیکس میں 900 پوائنٹس سے زائد اضافہ ریکارڈ کیا گیا تھاکاروبار کے ابتدائی اوقات میں انڈیکس 864.92 پوائنٹس اضافے کے ساتھ 1 لاکھ 41 ہزار 899.90 کی سطح پر پہنچا تھا، جو 0.61 فیصد کا نمایاں اضافہ تھاگزشتہ روز کاروبار کے اختتام پر 100 انڈیکس ایک لاکھ 42 ہزار 52 پوائنٹس کی بلندی پر بند ہوا تھا۔