Category: کراچی

سندھ پولیس نے ایک منفرد اور مثبت قدم اٹھاتے ہوئے گٹکا کھانے والے پولیس افسران و اہلکاروں کے خلاف سخت کارروائی کا فیصلہ کیا ہے۔ اس ضمن میں محکمہ پولیس کی جانب سے باضابطہ نوٹیفکیشن بھی جاری کر دیا گیا ہے۔

نوٹیفکیشن کے مطابق گٹکے اور ماوے کے عادی پولیس اہلکاروں کی فہرستیں تیار کرنے کا حکم دیا گیا ہے، جبکہ انہیں یہ عادت ترک کرنے کے لیے 10 دن کی مہلت دی گئی ہے۔ مقررہ مدت کے بعد ان کے خلاف محکمانہ کارروائی کی جائے گی۔اعلامیے میں کہا گیا ہے کہ گٹکا کھانے سے نہ صرف اہلکاروں کی صحت متاثر ہوتی ہے بلکہ اس سے پولیس فورس کی مجموعی ساکھ کو بھی نقصان پہنچتا ہے۔ اگر اہلکاروں نے اس عادت کو نہ چھوڑا تو ان کی نوکری بھی خطرے میں پڑ سکتی ہے۔

سندھ بھر کے تمام اضلاع سے گٹکا کھانے والے پولیس اہلکاروں کی تفصیلات طلب کر لی گئی ہیں، اور ہر 15 روز بعد پیش رفت رپورٹ ڈی آئی جی اسٹیبلشمنٹ کو جمع کروانے کی ہدایت جاری کی گئی ہے۔پولیس ذرائع کا کہنا ہے کہ اس اقدام کا مقصد فورس کے نظم و ضبط اور صحت مند ماحول کو فروغ دینا ہے۔

اداکارہ حمیرا اصغر موت: پولیس نے موبائل، لیپ ٹاپ کھول لیے

پی ٹی آئی کا احتجاجی پلان: ہر صوبے سے کارکن متحرک کرنے کا فیصلہ

ٹرمپ کے تجارتی ٹیکس،یورپی یونین نے جوابی اقدامات کی دھمکی دے دی

پشاور ہائیکورٹ کا بڑا فیصلہ: ملٹری کورٹ سے سزا یافتہ ملزمان کی درخواستیں قابل سماعت قرار

نادرا کی یتیم و لاوارث بچوں کی رجسٹریشن مہم، 106 بچوں کا اندراج مکمل

نیشنل ڈیٹابیس اینڈ رجسٹریشن اتھارٹی (نادرا) نے ایدھی فاؤنڈیشن کے تعاون سے یتیم اور لاوارث بچوں کی رجسٹریشن مہم کے دوران 106 بچوں کا اندراج مکمل کر لیا ہے۔

نادرا کے ترجمان کے مطابق یہ رجسٹریشن مہم 8 سے 11 جولائی تک مختلف ایدھی مراکز میں جاری رہی، جس میں مجموعی طور پر 106 یتیم بچوں کو رجسٹر کیا گیا، جن میں 46 نابالغ بچے، 31 لڑکیاں اور 29 لڑکے شامل ہیں۔ترجمان کے مطابق اس مہم کا مقصد بچوں کو قانونی شناخت فراہم کرنا ہے تاکہ وہ سماجی و اقتصادی حقوق تک رسائی حاصل کر سکیں۔نادرا کے ڈائریکٹر جنرل کراچی نے رجسٹریشن سائٹ کا دورہ کیا اور آپریشنز کا جائزہ لیا، اس موقع پر ایدھی فاؤنڈیشن کے حکام سے مستقبل میں تعاون بڑھانے پر بھی تبادلۂ خیال کیا گیا۔

یہ اقدام حالیہ کابینہ کی منظوری کے بعد قومی شناختی کارڈ قواعد میں کی گئی نئی ترامیم کے تحت اٹھایا گیا ہے۔

پی ٹی آئی قافلہ لاہور پہنچ گیا، یاسر گیلانی سمیت 4 کارکن گرفتار

ایران سے 5 لاکھ افغان باشندے ملک بدر، کریک ڈاؤن تیز

ایران سے 5 لاکھ افغان باشندے ملک بدر، کریک ڈاؤن تیز

ٹرمپ کا بڑا فیصلہ: یورپی یونین اور میکسیکو پر 30 فیصد تجارتی ٹیکس عائد

کراچی میں بچوں کے اغوا اور گمشدگی کے واقعات میں خطرناک حد تک اضافہ ریکارڈ کیا گیا ہے، جس پر پولیس اور غیر سرکاری تنظیموں کی مشترکہ رپورٹ نے تشویشناک اعداد و شمار جاری کیے ہیں۔

رپورٹ کے مطابق، سال 2025 کے ابتدائی چھ ماہ کے دوران کراچی سے 597 بچے لاپتا ہوئے، جن میں سے 579 بچوں کو بازیاب کرا لیا گیا، تاہم 18 سے زائد بچے تاحال لاپتا ہیں، جس پر والدین شدید ذہنی اذیت اور اضطراب کا شکار ہیں۔اعداد و شمار کے مطابق گمشدہ بچوں میں نومولود سے لے کر 6 سال کی عمر تک کے بچے شامل ہیں۔ صرف جون کے مہینے میں 126 بچوں کے لاپتا ہونے کی رپورٹس درج کی گئیں، جو کہ رواں سال کا بلند ترین ماہ رہا۔

ضلع وار تفصیلات کے مطابق، ضلع ایسٹ سے سب سے زیادہ 130 بچوں کے لاپتا ہونے کے واقعات سامنے آئے۔ ڈسٹرکٹ سینٹرل سے 74، کورنگی سے 52، ویسٹ سے 90، کیماڑی سے 68، سٹی سے 39، ساوتھ سے 32 اور ملیر سے 112 بچوں کی گمشدگی کی رپورٹس درج ہوئیں۔پولیس کے مطابق بچوں کے لاپتہ ہونے کے زیادہ تر واقعات گلشن اقبال، بلدیہ ٹاؤن، اورنگی ٹاؤن، محمود آباد، نمائش، گڈاپ، ماڑی پور، کورنگی، لانڈھی، قائدآباد اور گلستان جوہر کے علاقوں میں پیش آئے ہیں۔

رواں سال جنوری میں 108، فروری میں 85، مارچ میں 80، اپریل میں 103 اور مئی میں 95 بچوں کی گمشدگی کے کیسز رپورٹ ہوئے۔ پولیس چیف نے ان واقعات کا نوٹس لیتے ہوئے فوری اقدامات کی ہدایت کی ہے، تاہم والدین اور شہری حلقوں میں شدید تشویش برقرار ہے۔

ٹرمپ کا بڑا فیصلہ: یورپی یونین اور میکسیکو پر 30 فیصد تجارتی ٹیکس عائد

بہاولپور:چشتیاں روڈ پر بس اور کار میں خوفناک تصادم، 3 جاں بحق، 2 بچوں سمیت 5 زخمی

جسپریت بمراہ کا ٹیسٹ کرکٹ سے ممکنہ ریٹائرمنٹ کا اشارہ

اداکارہ طوبیٰ انور نے بتایا ہے کہ حال ہی میں گھر میں مردہ پائی گئی اداکارہ حمیرا اصغر کی موت کے بعد تنہا رہنے والی اداکاراؤں کی حفاظت اور ان سے رابطے میں رہنے کے لیے واٹس ایپ پر گروپ بنا لیا گیا۔

حمیرا اصغر کی لاش 8 جولائی کو کراچی کے علاقے ڈی ایچ اے کے کرائے کے فلیٹ سے ملی تھی، جہاں وہ 2018 سے تنہا رہائش پذیر تھیں، پولیس اور ابتدائی پوسٹ مارٹم رپورٹ کے مطابق اداکارہ کی لاش 9 ماہ تک پرانی تھی حمیرا اصغر کی تدفین 11 جولائی کو آبائی شہر لاہور میں کردی گئی تھی حمیرا اصغر کی موت کے بعد شوبز کی سینئر اداکاراؤں نے کراچی میں تنہا رہنے والی اداکاراؤں کی حفاظت، ان سے رابطے میں رہنے اور انہیں مدد فراہم کرنے کے لیے فوری طور پر وا ٹس ایپ گروپ بنا دیا۔

اداکارہ طوبیٰ انور نے ایک انٹرویو کے دوران انکشاف کیا ہے کہ شوبز انڈسٹری سے وابستہ چند اداکاراؤں نے مل کر ایک واٹس ایپ گروپ تشکیل دیا ہے جس کا مقصد ایک دوسرے کی ذہنی صحت کے بارے میں باقاعدگی سے رابطے میں رہنا اور ایک دوسرے کی خیریت دریافت کرنا ہے۔

اداکارہ کا کہنا تھا کہ یہ اقدام اداکارہ حمیرہ علی کی افسوسناک موت کے بعد اُٹھایا گیا ہے جو مبینہ طور پر تنہائی کا شکار تھیں اور انہیں سماجی سپورٹ حاصل نہیں تھی ایسی بہت سی اداکارائیں ہیں جو اپنے گھروں سے دور کام کیلئے رہتی ہیں ان سب کو اس گروپ میں شامل کیا جارہا ہے حمیرا کی موت نے انڈسٹری میں ذہنی صحت اور باہمی تعاون کی اہمیت پر توجہ دلوائی ہے،گروپ کے ضوابط کے تحت تنہا یا اہل خانہ کے بغیر کراچی میں رہنے والی اداکاراؤں کی ہفتہ وار اٹینڈ س چیک کی جائے گی جب کہ انہیں ذہنی صحت سمیت مالی مشکلات کے حوالے سے بھی مدد فراہم کی جائے گی۔

طوبیٰ انور نے کہا کہ اس گروپ کے ذریعے اداکارائیں نہ صرف اپنے خیالات کا تبادلہ کرتی رہیں گی بلکہ ایک دوسرے کو سپورٹ کرنے کی کوشش بھی کریں گی تاکہ کوئی تنہائی کا شکار نہ ہو کیونکہ ان کی بھی بہت سی ایسی دوستیں ہیں جو کسی اور شہر سے کام کے سلسلے میں آئی ہوئی ہیں اور حمیرا کی موت کا اُن پر گہرا اثر پڑا ہے۔

واضح رہے کہ شوبز کی دنیا میں دباؤ، مقابلہ اور تنہائی عام مسائل ہیں، جن سے نمٹنے کے لیے اس قسم کے اقدامات کو خوش آئند قرار دیا جا رہا ہے، کراچی میں درجنوں اداکارائیں اور اداکار اہل خانہ کے بغیر رہتے ہیں، جس میں سے متعدد اداکار ایک دوسرے کے ساتھ رہتے ہیں، تاہم بہت سارے اداکار تنہا بھی رہتے ہیں،نہ صرف شوبز بلکہ میڈیا انڈسٹری سے لے کر دوسرے شعبہ جات سے تعلق رکھنے والی نوجوان لڑکیاں، خواتین اور لڑکے بھی کراچی جیسے بڑے شہر میں تنہا رہتے ہیں۔

میئر کراچی مرتضیٰ وہاب نے کہا ہے کہ پاکستان پیپلز پارٹی (پی پی پی) کا منشور لوگوں کی بلاتفریق خدمت ہے۔

میئر کراچی مرتضیٰ وہاب اور ڈپٹی میئر سلمان عبداللہ مراد نے ضلع شرقی کی 8 یو سیز میں پیور بلاکس نصب کرنے کا سنگ بنیاد رکھ دیا، اس موقع پر میڈیا سے گفتگو کرتے ہوئے مرتضیٰ وہاب نے کہا کہ ہر چیز کا الزام میئر اور ڈپٹی میئر پر لگادیا جاتا ہے، باتیں کرنے اور تعصب کا کارڈ کھیلنے سے مسائل حل نہیں ہوتے، ’تعصب کارڈ‘ کھیلنے والوں کا میئر کہتا تھا اختیارات نہیں، اب کام ہوتا نظر آرہا ہے یوسی چیئرمینز کے ذریعے کام ہوتا نظر آرہا ہے، تم ہمیں جیتنے دو یا نہ جیتنے دو، ہمیں سب سے پیار ہے، پاکستان پیپلز پارٹی (پی پی پی) کا منشور لوگوں کی بلاتفریق خدمت ہے۔

انہوں نے کہا کہ کے ایم سی کی حدود میں 106 بڑی سڑکیں ہیں، گلیاں نہیں، گلی محلوں کے اندر کے کام ٹاؤنز کے ہیں، گلی محلوں کے کام کے لیے بھی کراچی میونسپل کارپوریشن (کے ایم سی) کو آنا پڑتا ہےضلع شرقی میں ہمارے ٹاؤنز بھی ہیں، جماعت اسلامی اور پاکستان تحریک انصاف (پی ٹی آئی) کے بھی ٹاؤن ناظمین ہیں پاکستان پیپلز پارٹی کی سوچ ہے کہ ہر جگہ کام کرنا ہے، ضلع شرقی میں ڈیڑھ ارب روپے خرچ کرنے جا رہے ہیں،لوگ دیکھیں گے کہ روڈ کٹنگ کے پیسے کون لیتا ہے، ہمارا جینا مرنا کراچی والوں کے ساتھ ہے، اس مٹی کی خدمت ہمارا فرض ہے۔

تربیلا ڈیم میں پانی کی سطح بلند ، اسپیل ویز کھول دیے گئے

کراچی: ڈی جی پارکس کے دفتر میں چوری کی بڑی واردات

کردستان ورکرز پارٹی کا سرینڈر، ہتھیار جلا ڈال

صوابی: تربیلا ڈیم میں پانی کی سطح بلند ہونے کے سبب اسپیل ویز کھول دیے گئے۔

صوبائی ڈیزاسٹر مینجمنٹ اتھارٹی (پی ڈی ایم اے) نے تربیلا ڈیم کے اسپیل ویز کھولے جانے کے بعد الرٹ بھی جاری کردیا،جس کے مطابق تربیلا ڈیم کے اسپیل ویز کھولنے سے دریائے سندھ میں پانی کے بہاؤ میں اضافہ ہوگا، جس کے باعث پانی کی سطح 2 لاکھ 60 ہزار سے 2 لاکھ 70 ہزار کیوسک تک پہنچنے کا امکان ہے۔

اس حوالے سے پی ڈی ایم اے نے ضلعی انتظامیہ کو مقامی آبادی کو الرٹ رکھنے کی بھی ہدایت کرتے ہوئے کہا کہ پانی کے بہاؤ کی وجہ سے سیلابی صورتحال پیدا ہوسکتی ہے لہٰذا دریائے سندھ کے آس پاس رہائشی محتاط رہیں جبکہ ماہی گیر اور مویشی پالنے والے افراد محفوظ مقامات پر منتقل ہو جائیں۔

کراچی: ڈی جی پارکس کے دفتر میں چوری کی بڑی واردات

دوسری جانب کراچی ڈویژن کے لیے آئندہ 3 دنوں کے دوران جزوی طور پر ابر آلود اور مرطوب موسم کی پیشگوئی جاری کی گئی ہے محکمہ موسمیات کے مطابق کراچی میں اگلے تین دنوں کے دوران رات اور صبح کے وقت ہلکی بوندا باندی کا امکان بھی ظاہر کیا گیا ہےموسم کا مجموعی مزاج مرطوب رہے گا جب کہ زیادہ سے زیادہ درجہ حرارت 33 سے 35 ڈگری سینٹی گریڈ کے درمیان رہنے کی توقع ہے۔

شہر میں صبح کے اوقات میں ہوا میں نمی کا تناسب 70 سے 80 فیصد تک ریکارڈ کیا جا سکتا ہے جب کہ شام کے وقت یہ شرح 55 سے 65 فیصد کے درمیان رہنے کا امکان ہے ہواؤں کا رُخ عموماً جنوب مغربی رہے گا تاہم مغربی سمت کی ہوائیں بھی چل سکتی ہیں، جو موسم میں جزوی تبدیلی کا باعث بن سکتی ہیں۔

علاوہ ازیں صوبہ سندھ کے بیشتر علاقوں میں مون سون کا سلسلہ وقفے وقفے سے جاری ہے آج جیکب آباد، کشمور، گھوٹکی، سکھر، دادو، قمبر شہدادکوٹ اور جامشورو جیسے اضلاع میں ہلکی بارش کا امکان ظاہر کیا گیا ہے جب کہ ٹھٹھہ، سجاول، بدین اور تھرپارکر کے اضلاع میں ہلکی بوندا باندی ہو سکتی ہےصوبے کے باقی حصوں میں موسم جزوی طور پر ابر آلود، گرم اور مرطوب رہنے کی توقع ہے۔

فرخ کھوکھر کا جے یو آئی میں شمولیت کا فیصلہ

محکمہ موسمیات نے شہریوں کو مشورہ دیا ہے کہ وہ موسم کی تازہ صورتحال سے باخبر رہیں اور خاص طور پر صبح و شام کے وقت غیر ضروری سفر سے گریز کریں تاکہ نمی اور گرمی کے باعث لاحق صحت کے خطرات سے محفوظ رہا جا سکے۔

سرکاری دفاتر بھی غیر محفوظ،کراچی میٹروپولیٹن کارپوریشن کے ڈی جی پارکس کے دفتر میں چوری کی بڑی واردات ،چور دفتر کی کھڑکی توڑ کر اندر داخل ہوا اور جنگِ عظیم کی تاریخی شیلڈز، نلکے، اسپیکر اور ڈی وی ڈی پلیئر سمیت قیمتی اشیاء لے اڑا۔

مقدمے کے مطابق فاطمہ جناح روڈ پر واقع دفتر کو محرم کی تعطیلات کے باعث 4 جولائی کو بند کیا گیا تھا اور7 جولائی کو جب دفتر کھولا گیا تو دفتر کی پچھلی کھڑکی ٹوٹی ہوئی پائی گئی اور متعدد اشیاء غائب تھیں، مقدمہ ڈپٹی ڈائرکٹر زوہیب گل نے آرٹلری میدان تھانے میں درج کروایا ہے۔

واقعے پر کے ایم سی کے حکام نے محکمہ پارکس سے فوری رپورٹ طلب کر لی ہے، واقعے کی سی سی ٹی وی فوٹیج حاصل کرنے کی بھی کوشش کی جا رہی ہے۔

فرخ کھوکھر کا جے یو آئی میں شمولیت کا فیصلہ

کردستان ورکرز پارٹی کا سرینڈر، ہتھیار جلا ڈال

بانی پی ٹی آئی کے بچوں کی واپسی کی بات صرف تحریک کو مرچ مصالحہ لگانے کیلئے کی گئی