پیپلز پارٹی کے رہنما مرتضیٰ وہاب نے کہا ہے کہ سندھ حکومت کی طرف سے فیصل واوڈا اور چیئرمین واپڈا کا شکریہ ادا کرتا ہوں،

فیصل واوڈا نے کراچی والوں کو سنائی خوشخبری

باغی ٹی وی کی رپورٹ کے مطابق مرتضیٰ وہاب نے وفاقی وزیر برائے آبی وسائل فیصل واوڈا کے ہمراہ میڈیا سے گفتگو کرتے ہوئے کہا کہ وفاقی حکومت جب مسائل کےحل کیلیے قدم اٹھائےگی ،ساتھ دیں گے،اگر ہم اسٹیک ہولڈرز کو ساتھ لے کر چلیں گے تو مسائل بہتر حل ہوسکیں گے،وفاق سندھ حکومت کو ساتھ ملاکر کام کرے تو اچھا کام ہوسکتا ہے ،دیگر وفاقی وزرا کو بھی پیغام ہے کہ ہم مل کر کام کرنے کیلیے تیار ہیں،

بھارتی آبی جارحیت، فیصل واوڈا میدان میں آ گئے

اس موقع پر فیصل واوڈا کا کہنا تھا کہ وزیراعظم عمران خان نے صوبائی حکومتوں سے فاصلے کم کرنےکی ہدایت کی ہے،وزیراعظم پورے پاکستان کےوزیراعظم ہیں صرف تین صوبوں کےنہیں،سندھ حکومت کی وزیراعظم سے ملاقات سو فیصد ہونی چاہیے. وزیراعلیٰ سندھ اور وزیراعظم کے درمیان ملاقات ہوگی،  وزیراعظم کی طرف سے سندھ کے لوگوں کےلیے خوش خبری ہے ،پاکستان اور سندھ ہم سب کا ہے ،وزیراعظم عمران خان سندھ سے متعلق فکرمند تھے ،سندھ میں پانی کے معاملے پر وزیراعظم سے بجٹ منظور کرالیا ہے .

اداروں کو بدنام کرنے کی تمام کوششیں ناکام بنائیں گے : فیصل واوڈا کا دبنگ اعلان

وفاقی وزیر آبی وسائل فیصل واوڈا نے کہا ہے کہ سندھ حکومت سے مل کر پانی کا مسئلہ حل کرنے کےلیے کوشش کررہے ہیں

باغی ٹی وی کی رپورٹ کے مطابق وفاقی وزیر برائے آبی وسائل فیصل واوڈا نے پیپلز پارٹی کے رہنماؤں سے ملاقات کے بعد پریس کانفرنس کرتے ہوئے کہا کہ وزیراعظم کی طرف سے سندھ کے لوگوں کےلیے خوش خبری ہے ،پاکستان اور سندھ ہم سب کا ہے ،وزیراعظم عمران خان سندھ سے متعلق فکرمند تھے ،سندھ میں پانی کے معاملے پر وزیراعظم سے بجٹ منظور کرالیا ہے .

بھارتی آبی جارحیت، فیصل واوڈا میدان میں آ گئے

فیصل واوڈا کا مزید کہنا تھا کہ سندھ حکومت سے مل کر پانی کا مسئلہ حل کرنے کےلیے کوشش کررہے ہیں ،صوبےکی ترقی اورملک کی ترقی میں کوئی تعصب نہیں ہونا چاہئے ،بجٹ منظور کرالیا ہے ،پروجیکٹ کی فیزیبلٹی اسٹڈی دس گیارہ ماہ میں ہوجائے گی ،عمران خان کوکریڈیٹ نہیں چاہئےانہیں مسائل حل کرنےہیں ،وزیراعلیٰ سندھ نے کھلے دل سے کہا جو چاہیے ہوگا سندھ حکومت دے گی،وزیراعلیٰ سندھ سے کہا کہ اگر پانی کا مسئلہ حل کرنے کیلیے بجٹ کم پڑا تو آپ سے مانگ لیں گے .

اداروں کو بدنام کرنے کی تمام کوششیں ناکام بنائیں گے : فیصل واوڈا کا دبنگ اعلان

سندھ کے صوبائی وزیرسہیل انور سیال نے کہا کہ سب سے پہلے پاکستان پیپلزپارٹی کا وطیرہ ہے،یقین دہانی کرائی گئی ہے فزیبلٹی اسٹڈی میں سندھ حکومت کو آن بورڈ لیاجائےگا ،پانی سمیت تمام مسائل کے حل کےلیے وفاق کے ساتھ ہیں،بلاول بھٹو زرداری نےکہاہے کہ پاکستان کی بہتری کیلیے وفاق کا ساتھ دیں گے،

کراچی میں بھتہ خوروں کے خلاف آواز اٹھانے والے ایک اور تاجر کو نشانہ بنایا گیا ہے،

باغی ٹی وی کی رپورٹ کے مطابق بھتہ خوروں کےخلاف آواز اٹھانے والا تاجر کو گولیاں‌ مار دی گئی ہیں، تاجر محمد فہیم کورٹ سے مقدمے کی سماعت کے بعد دکان پہنچا تو مسلح افراد نے حملہ کر دیا،

گارڈن میں مسلح افرادکےاسلحہ سےنکلنےوالی تین گولیاں تاجرمحمدفہیم کو لگیں جس سے وہ شدید زخمی ہو گیا، تاجر فہیم کو طبی امداد کے لئے ہسپتال منتقل کردیا گیا ہے، گولیاں‌ مارنے کے اس واقعہ کیخلاف تاجر برادری نے شدید احتجاج کیا ہے،

سندھ ہائیکورٹ میں پسند کی شادی کرنے والے جوڑے کو تحفظ فراہم کرنے کی کیس کی سماعت کے دوران عدالت نے کہا کہ ہم اپنی بیٹیوں کو اس ڈر سے نہیں پڑھاتے کہ کہیں وہ بھاگ نہ جائیں،

باغی ٹی وی کی رپورٹ کے مطابق پسند کی شادی کرنیوالے جوڑے کو تحفظ فراہم کرنےسےمتعلق درخواست کی سماعت سندھ ہائیکورٹ میں ہوئی، عدالت نے لڑکی کو دارالامان بھیجنے اور لڑکے کوبھی تحفظ فراہم کرنے کا حکم دے دیا

پسند کی شادی پرمیاں بیوی قتل، سمن آباد میں مقدمہ درج

عدالت نے دوران سماعت لڑکی کے والد سے استفسار کیا کہ آپ نے اپنی بیٹی کو کیوں نہیں پڑھایا؟آپ سمجھتے ہیں کہ لڑکی پڑھےگی تو بھاگ جائیگی؟

جسٹس صلاح الدین کا کہنا تھا کہ زیادہ کیسز ایسےآتے ہیں جہاں لڑکا لڑکی پڑھے لکھے نہیں ہوتے،ہم اپنی بیٹیوں کو اس ڈر سے نہیں پڑھاتے کہ کہیں وہ بھاگ نہ جائیں،اپنی بیٹیوں کو پڑھاؤ یہ نوکرانی نہیں کہ ساری عمر آپ کو کھلائیں پلائیں.

جماعت اسلامی کراچی کے امیر حافظ نعیم الرحمن نے سندھ ہائیکورٹ میں کے الیکٹرک کے خلاف درخواست دائر کر دی۔

اس موقع پر میڈیا سے گفتگو کرتے ہوئے حافظ نعیم الرحمن نے کہا کہ بارش میں کے الیکٹرک کی غفلت و مجرمانہ طرز عمل سے 40 سے زائد لوگ جاں بحق ہوئے، اہلخانہ جب کے الیکٹرک کے خلاف ایف آئی آر کٹوانے گئے تو پولیس نے انکار کردیا۔اس جرم میں پولیس ،کے الیکٹرک اور سندھ حکومت کی ملی بھگت شامل ہے۔لوگ مررہے ہیں، لیکن اس ملک میں ایف آئی آر نہیں کاٹی جارہی ۔

حافظ نعیم الرحمن کے مطابق ہم نے 3 سال قبل بھی سپریم کورٹ میں پٹیشن فائل کی تھی۔ بد قسمتی سے آج تک کے الیکٹرک کےخلاف وہ کیس نہیں چل سکا ہے۔ گذشتہ روز سپریم کورٹ نے بھی اس معاملے پر سخت ریمارکس دیئے تھے۔

حافظ نعیم الرحمن نے کہا کہ آج درخواست میں لکھا ہے کہ یہ قتل خطا نہیں ہے۔ جب شہری بتا رہے ہیں کہ کے الیکڑک کی تنصیبات سے کرنٹ آرہا ہے۔نیپرا کی رپورٹ کے مطابق کے الیکٹرک نے نظام میں مزید بہتری کرنی تھی، لیکن نہیں کی گئی۔

انہوں نے مزید کہا کہ پولیس سندھ حکومت کے ماتحت آتی ہے،اسی وجہ سے سندھ حکومت کو فریق بنایا گیا ہے۔یہ درخواست وفاقی حکومت کے خلاف دائر کی گئی ہے۔
کے الیکٹرک کے فارنزک آڈٹ کا مطالبہ کرتے ہوئے حافظ نعیم الرحمن نے کہا کہ 40 لوگ جب جاںبحق ہوئے تو وزیر اعظم نے بیان تک نہیں دیا۔بارش کے دوران شہر میں خوف و ہراس پھیلا۔
حافظ نعیم الرحمن کے مطابق کے الیکٹرک نے خود کہا کہ بچوں کو کھمبوں سے دور رکھے۔ہماری درخواست ہے کہ کے الیکڑک کے خلاف دہشت گردی کا مقدمہ بنایا جائے۔

کراچی میں گزشتہ 10 روز میں 12 ہزار سےزائد بچے ڈائریا،گیسٹرواوردیگربیماریوں میں مبتلا پائے گئے ہیں،

باغی ٹی وی کی رپورٹ‌کے مطابق سول اسپتال کی ایمرجنسی میں 2000سےزائد بچےلائےگئے، قومی ادارہ برائےامراض صحت اطفال میں2ہزار889 بچےلائےگئے، عباسی شہید اسپتال میں 2ہزار800 سےزائدبچےلائےگئے،

لیاری جنرل اسپتال میں1400سےزائدبچےرپورٹ ہوئے، سندھ گورنمنٹ چلڈرن اسپتال میں 2500 سے زائد بچےلائے گئے، عید اور بارش کے بعد مریضوں کی تعداد میں 300 گنا اضافہ ہوا ہے،

ایم کیو ایم کے سینئر رہنما فیصل سبزواری نے کہا ہے کہ پیپلزپارٹی نے کراچی کو11سال میں پانی کی ایک بوند نہیں دی،

باغی ٹی وی کی رپورٹ کے مطابق انہوں نے کہاکہ میری پریس کانفرنس کامقصد شہر کو درپیش بنیادی مسائل کو اُجاگر کرنا ہے، شہرکےبلدیاتی مسائل کاعلم سب کوہے، مسائل کےحل کےبجائے صرف شور مچایا جاتا ہے،

فیصل سبزواری نے کہا کہ سندھ کےاضلاع میں کچرااٹھانےکانظام سولڈویسٹ مینجمنٹ بورڈکےپاس ہے، انہوں‌ نے کہاکہ کراچی:11سالوں سےشہرکاکچرا نالوں میں ڈالاجارہاہے لیکن اس سلسلہ میں کوئی واضح حکمت عملی نہیں بنائی گئی، واضح‌ رہے کہ حالیہ بارشوں‌ سے کراچی میں شدید نقصانات ہوئے ہیں جس پر سندھ حکومت کو سیاسی جماعتوں کی طرف سے سخت تنقید کا سامنا ہے،

بھارت میں‌ ہزاروں‌ مسلمانوں کے قاتل نریندر مودی اور غاصب اسرائیل کا گٹھ جوڑ ایک مرتبہ پھر کھل کر سامنے آگیا ہے،

باغی ٹی وی کی رپورٹ کے مطابق بھارت اور اسرائیل تعلقات نریندر مودی کے دور میں بہت آگے بڑھے ہیں اور کئی معاہدے بھی کئے گئے ہیں. اب 25 اگست کو ہندوتوا اور صیہونیت کے موضوع پر سیمینار ہوگا، اس سیمینار میں‌ بھارتیہ جنتا پارٹی کے متعصب رہنما سبرامنیم سوامی شرکت کریں گے،

بھارت اور اسرائیل کشمیریوں کی جدوجہد آزادی اور مسلمانوں‌ کو کچلنے کیلئے مذموم منصوبے بنا رہے ہیں جس کے تحت ممبئی میں ہندوتوا اور صیہونیت کے موضوع پر تقریب کا اہتمام ہورہا ہے، 25اگست کو ہونے والی اس تقریب میں جہاں سبرامنیم سوامی خطاب کریں گے وہیں اسرائیلی پروفیسر گاڈی تائیوب بھی بتائیں گے کہ اقلیت بالخصوص مسلمانوں پر کس طرح ظلم ڈھانا ہے، سیمینار کا انعقاد بھارت میں اسرائیلی قونصل خانے کے تعاون سے ہورہا ہے، اس سے پہلے بھی بھارت اور اسرائیل کی جانب سے مذموم منصوبے بنائے جاتے رہے ہیں،

وزیر اعظم عمران خان کی گورنرسندھ عمران اسماعیل سے اہم ملاقات ہوئی ہے،

باغی ٹی وی کی رپورٹ کے مطابق ملاقات کے دوران وزیر اعظم عمران خان نے گورنر سندھ کو خصوصی ہدایات جاری کیں کہ وہ کراچی میں مقیم کشمیری برادری سے ملاقات کرکےان کے مسائل کواجاگر کریں، ملاقات میں کراچی میں وفاقی حکومت کےجاری ترقیاتی منصوبوں پربھی بات چیت کی گئی،

وزیر اعظم عمران خان اور گورنر سندھ عمران اسماعیل کے مابین ہونے والی ملاقات میں‌ ملاقات میں کلین کراچی مہم پربھی تبادلہ خیال کیاگیا، واضح‌ رہے کہ حالیہ دنوں میں کراچی میں ہونے والی بارشوں سے زبردست تباہی ہوئی ہے اور ابھی تک کئی علاقوں سے مکمل طور پر پانی نہیں‌ نکل سکا ہے، اس صورتحال پر سیاسی و سماجی تنظیموں اور کراچی کے عوام کی طرف سے مطالبہ کیا جارہا ہے کہ ایسے انتظامات کئے جائیں کہ آئندہ ایسی صورتحال سے بچا جا سکے،