میئر کراچی وسیم اختر نے کہا ہے کہ کراچی شہر کے نالے کچرے سے بھرے ہوئے ہیں،

باغی ٹی وی کی رپورٹ کے مطابق انہوں نے کہاکہ نالوں کےاطراف گھروں میں گٹرکاپانی جارہاہے، نالوں میں کچرا پھینکنے کا سلسلہ بند ہونا چاہئے ، کیا ہم نالے ہی صاف کرتے رہیں گے؟ شہری نالوں میں کچرا نہ پھینکیں ، نالوں کی صفائی کرائی، نالے پھر کچرے سے بھر گئے ہیں ،

وسیم اختر نے کہاکہ شہرمیں کچرے اورسیوریج کاسسٹم درست کرنےکی ضرورت ہے، نالوں پرتجاوزات ہیں ، گھر تک بنادئیے گئے ہیں، واضح‌ رہے کہ حالیہ موسم برسات میں بارشوں کے سبب کراچی میں شہریوں‌ کو سخت مشکلات کا سامنا کرنا پڑا ہے اور کئی علاقوں میں پانی کھڑا ہے جو ابھی تک نہیں نکالا جاسکا ہے،

کراچی یونین آف جرنلسٹس (کے یو جے) نے سندھ ٹی وی کے دفتر پر چھاپے اور میڈیا ہاؤس سے ایک اینکر پرسن کی گرفتاری کی شدید الفاظ میں مذمت کی ہے،

تفصیلات کے مطابق کے مطابق ایف آئی اے کے اہلکاروں نے سندھ ٹی وی کے دفتر پر چھاپہ مارا ہے اور ایک اینکر پرسن ارشاد جاگیرانی کو سائبر کرائم کے الزام میں گرفتار کر لیا گیا ہے، کے یو جے کے صدر اشرف خان، جنرل سیکریٹری احمد خان ملک اور ارکان مجلس عاملہ نے ایک مشترکہ بیان میں کہا ہے کہ میڈیا ہائوسز پر اس طرح کے چھاپوں اور میڈیا ورکرز کی گرفتاریوں کا مقصد دراصل صحافیوں کو ہراساں کرنا اور آزادی اظہار رائے کو دبانا ہے، انہوں نے کہا کہ میڈیا انڈسٹری پہلے ہی بے پناہ مسائل کا شکار ہے ان حالات میں قانون نافذ کرنے والے ادارے کی جانب سے میڈیا ہائوسز پر چھاپے آزادی اظہار کا گلا گھونٹنے کے مترادف ہیں۔

انہوں نے کہا ہےکہ اگر کسی فرد پر کوئی الزام ہے تو اداروں کو چاہئیے کہ اسے انفرادی طور پر ڈیل کریں، کسی کے انفرادی معاملات کے لیے میڈیا ہاءوسسز پر چھاپوں اور ورکرز کو ہراساں کرنے کا عمل قطعی طور پر درست نہیں، اس سے میڈیا ہاءوسسز کا امیج بھی خراب ہوتا ہے اور ورکرز بھی ذہنی اذیت کا شکار ہوتے ہیں، کے یو جے نے مطالبہ کیا ہے حکومت میڈیا ہاءوسسز پر اس طرح کے چھاپوں اور گرفتاریوں کا نوٹس لے ۔ کے یو جے نے سندھ ٹی وی کے دفتر پر چھاپے اور وہاں سے ایک اینکر پرسن کی گرفتاری کے خلاف احتجاج کی کال دینے کے لیے مجلس عاملہ کا اجلاس طلب کر لیا ہے

سندھ ہائی کورٹ میں کراچی کی ابتر صورتحال سے متعلق کیس کی سماعت ہوئی، سابق پروجیکٹ ڈائریکٹر گاربیج مصطفیٰ کمال کی بحالی کی درخواست مسترد کر دی گئی

باغی ٹی وی کی رپورٹ کے مطابق درخواست گزار اقبال کاظمی کے وکیل نے کہا کہ مصطفیٰ کمال کو چند گھنٹے بعد ہی معطل کر دیا گیا، عدالت نے استفسار کیا کہ پہلے یہ بتائیں تقرری کرنے کے کیا قوانین تھے؟ عدالت نے اظہار برہمی کرتے ہوئے کہا کہ آپ کیا مذاق کرنے آئے ہیں یہاں ؟ جب تقرری ضابطے کے تحت نہیں ہوئی تو معطلی کے خلاف کیسےآ سکتے ہیں؟وہ قانون بتا دیں جس کے تحت اس طرح تعیناتی کی جاتی ہو،

کرپشن کی وجہ سے صفائی نہیں ہوتی،عمران خان کو کراچی کی کرپشن نظر کیوں نہیں آتی؟ مصطفیٰ کمال

اقبال کاظمی نے کہا کہ مئیر نے مصطفی ٰکمال کی تقرری غلط کی تو مطلب ہے مئیر نااہل تھا، عدالت نے سابق پروجیکٹ ڈائریکٹر گاربیج مصطفیٰ کمال کی بحالی کی درخواست مسترد کر دی ،درخواست میں مئیر کراچی، مصطفیٰ کمال اور سیکریٹری بلدیات کو فریق بنایا گیا تھا

وسیم اخترکا یوٹرن، چوبیس گھنٹے گزرنے سے قبل ہی مصطفیٰ کمال کو معطل کر دیا

کراچی کے سماجی کارکن سید محمد اقبال کاظمی نے سندھ ہائیکورٹ میں دائر درخواست میں موقف اختیار کیا کہ شہر میں بارشوں کے باعث ابتر صورتحال پیدا ہوئی ہے۔ مئیر کراچی وسیم اختر اور محکمہ بلدیات اپنی ذمہ داریاں نبھانے کو تیار نہیں، مصطفیٰ کمال کو پروجیکٹ ڈائریکٹر گاربیج تعیناتی کے اگلے روز ہی معطل کر دیا گیا۔

ضلعی چیئرمین مصطفیٰ کمال کو بریفنگ دینے کے حوالہ سے پریشان، کراچی سے بھاگ گئے

واضح رہے کہ پاک سرزمین پارٹی کے چیئرمین سابق ناظم کراچی مصطفی کمال نے میئر کراچی کو چیلنج کیا تھا کہ مجھے موقع دیں 90 دن میں کچرا صاف کر دونگا، جس کے بعد وسیم اختر نے انہیں 90 روز کیلئے پروجیکٹ ڈائریکٹر گاربیج تعینات کرتے ہوئے نوٹی فکیشن جاری کردیا۔ میئر نے کراچی کی تمام دستیاب وسائل بھی مصطفی کمال کو دینے کی ہدایت کی اور کہا کہ مصطفی ٰکمال 90 دن کے اندر کراچی کا کچرااٹھا کر دکھائیں

مصطفیٰ کمال آتے ہی چھا گئے، رات دو بجے افسران کو طلب کر لیا

مصطفیٰ کمال کا کہنا تھا کہ میئر کراچی سے درخواست ہے متعلقہ افسران سے کہیں کہ میری کال ریسیوکریں،آج ایم کیوایم ناکام ہوگئی،ایم کیوایم کے نمایندوں کا عہدوں پررہنےکاجوازنہیں ،میئرکراچی جاری کردہ نوٹیفکیشن منسوخ نہیں کریں گے ،مجھےلاجسٹک کی سہولیات دی جائیں تین مہینے میں کام کردوں گا،ایم کیوایم کے بلدیاتی نمایندے اب مجھے جوابدہ ہیں،جو میری کال کا جواب نہیں دے گا میں اس کے گھر چلا جاؤں گا،تمام کارکنان تیاریاں پکڑیں ، سب مل کر شہر صاف کرینگے ،سالڈویسٹ مینجمنٹ کےاختیارات یونین سطح تک جانےچاہییں

میئر کراچی نوٹفکیشن منسوخ نہیں کریں گے،مصطفیٰ کمال، پیپلز پارٹی نے بھی حمایت کا اعلان کر دیا

اگلے روز وسیم اختر نے مصطفیٰ کمال کو معطل کر دیا

شہر قائد میں طوفانی بارش شروع ہوتے ہی متعدد علاقوں کی بجلی منقطع ہو گئی ہے جس کی وجہ سے شہریوں کو شدید مشکلات کا سامنا کرنا پڑ رہا ہے۔

باغی ٹی وی کی رپورٹ کے مطابق محکمہ موسمیات کا کہنا ہے کہ شہر قائد میں بارشوں کا سلسلہ جمعرات کی رات تک جاری رہے گا،تیز ہواؤں کے ساتھ بارش ہوتے ہی کراچی کے مختلف علاقوں میں بجلی کی فراہمی معطل ہو گئی۔ متعدد علاقوں میں 5 گھنٹے بعد بجلی بحال ہوئی ،لیاقت آبادکےمختلف حصوں میں بھی بجلی کی فراہمی معطل ہے،اورنگی ٹاؤن،ملیر،گلشن اقبال اوربفرزون کےعلاقے بجلی سے محروم ہیں،ملیرشادمان ٹاؤن اورگردونواح میں بجلی غائب ہے،ماڑی پور،مسرورکالونی اورنواحی علاقوں میں بجلی کی لوڈشیڈنگ سے شہری پریشان ہیں ،

کراچی میں کراچی میں طوفانی بارش سےنظام زندگی درہم برہم ہو چکی ہے،نارتھ کراچی،ناظم آباد،نارتھ ناظم آباداورسرجانی ٹاؤن میں تیزبارش ہوئی ہے،ملیر،گڈاپ،قائدآباد،شارع فیصل اورناگن چورنگی میں موسلادھاربارش ہوئی ہے،فیڈرل بی ایریا،لیاقت آباد، نیو کراچی ،اورنگی ٹاؤن اوربلدیہ میں بھی بارش ہوئی ہے ،کراچی میں موسلادھاربارش کےباعث بیشترشاہراہیں تالاب بن گئیں ،

کراچی میں شدید بارش کے باعث شاہراہ فیصل پربارش کاپانی جمع ہو گیا جس کی وجہ سے گاڑیوں کی قطاریں لگ گئیں، اولڈسٹی ایریامیں بارش کاپانی جمع ہونےسےٹریفک کانظام متاثرہوا ہے، نارتھ کراچی اورناگن چورنگی کےاطراف بارش کاپانی جمع ہونے سے بیشترگاڑیاں پھنس گئیں.

بارش کے باعث پرائیویٹ اسکولزکی نمائندہ تنظیموں نے کل کراچی میں اسکولزبندرکھنےکااعلان کر دیا ہے، آل سندھ پرائیویٹ اسکولز ایسوسی ایشن کراچی نے اعلان کیا ہے کہ کراچی کےتمام نجی اسکولزکل بندرہیں گے، اسکولزبندرکھنےکافیصلہ بارش کےباعث کیاگیا ،سندھ حکومت نےتاحال سرکاری اسکول بندکرنےکااعلان نہیں کیا

ایم کیو ایم کے سابق رہنما فاروق ستار کی گاڑی کی ٹکر سے ایک شخص زخمی ہو گیا

باغی ٹی وی کی رپورٹ کے مطابق فاروق ستار کی گاڑی کی ٹکر سے موٹر سائیکل سوار شخص زخمی ہو گیا جسے علاج کے لئے مقامی ہسپتال منتقل کر دیا گیا، واقعہ کراچی کے علاقے نیو ٹاؤن کی حدود میں پیش آیا، اطلاع ملنے پر پولیس موقع پر پہنچی اور فاروق ستار کے ڈرائیو کو گرفتار کر لیا، پولیس نے فاروق ستار کی گاڑی بھی نیو ٹاؤن تھانے میں بند کر دی.

فاروق ستار کا کہنا ہے کہ حیدرآباد جانے کے لیے ڈرائیورپٹرول بھروانے گیاتھا،حادثے کے بعد پولیس سے رابطہ ہواہے

حکومت کی طرف سے گوادر سمارٹ پورٹ سٹی کے ماسٹر پلان کی باضابطہ منظوری دے دی گئی ہے،

It’s already known to everyone but since many people want to hear it from me let me tell you that the Gwadar Smart Port City Master Plan was approved by the Governing Body in its meeting on the 23rd of August.

— Shahzeb Khan Kakar (@DG_GwadarDA) August 28, 2019

باغی ٹی وی کی رپورٹ‌ کے مطابق ڈی جی گوادر ڈیویلپمنٹ اتھارٹی کی طرف سے سوشل میڈیا سائٹ ٹویٹر پر اپنے پیغام میں کہا گیا ہے کہ میں آپ کے علم میں‌ یہ بات لانا چاہتا ہوں کہ گوادر سمارٹ پورٹ سٹی کے ماسٹر پلان کی منظوری 23 اگست کو گورننگ باڈی کے اجلاس میں دے دی گئی ہے،

ان کا کہنا تھا کہ اگرچہ لوگوں اس سے متعلق پہلے ہی پتہ چل چکا ہے لیکن بہت لوگ چاہتے تھے کہ میں اس سلسلہ میں کوئی واضح بیان دوں، ڈائریکٹر جنرل گوادر ڈیویلپمنٹ اتھارٹی کی طرف سے یہ ٹویٹ کئے جانے پر خاص طور پر ان لوگوں نے زبردست خوشی کا اظہار کیا ہے جنہوں نے گوادر میں سرمایہ کاری کر رکھی ہے اور انہیں‌ مستقبل میں بہت امیدیں‌ وابستہ ہیں،

پاکستان رینجرز کی طرف سے کراچی شہرکے مختلف علاقوں میں کارروائیاں کی گئی ہیں اور اس دوران 6 ملزمان گرفتار کر لئے گئے ہیں،

باغی ٹی وی کی رپورٹ کے مطابق رینجرز کے ترجمان کی جانب سے کہا گیا ہے کہ ملزمان اسٹریٹ کرائم اورقانون نافذ کرنے والے اداروں پر فائرنگ میں ملوث ہیں، ملزمان سےاسلحہ،ایمونیشن اورمسروقہ سامان برآمد کیا گیا ہے،

پاکستان رینجرز کی جانب سے بتایا گیا ہے کہ ملزمان کو قانونی کارروائی کے لیے پولیس کے حوالے کردیا گیا ہے، واضح رہے کہ ملزمان سے تفتیش کے دوران اہم انکشافات کی توقع کی جارہی ہے،