دو دن ڈالر کی قیمت میں کمی کے بعد آج منگل کو ڈالر کی قدر میں اضافہ ہوا ہے
باغی ٹی وی کی رپورٹ کے مطابق منگل کو دن کے آغاز سے ڈالر کی قیمت میں اضافہ دیکھنے میں آیا، انٹربینک میں ڈالر 76 پیسے مہنگا ہونے سے ایک سو انچاس روپے چوہتر پیسے سے بڑھ کر 150 روپے پچاس پیسے کا ہوگیا ہے۔ واضح رہے کہ گذ شتہ روز ڈالر کی قدر میں کمی دیکھنے میں آئی تھی انٹربینک میں قدر بڑھنے کے بعد اوپن مارکیٹ میں ڈالر ایک روپے مہنگا ہوگیا۔ایکسچینج کرنسی ایسوسی ایشن کے مطابق اوپن مارکیٹ میں ڈالر 151 روپے کا ہوگیا۔
بانی ایم کیو ایم کے خلاف منی لانڈرنگ کیس اسلام آباد منتقل کرنے کی انسداد دہشت گردی عدالت نے ہدایت کر دی.
باغی ٹی وی کی رپورٹ کے مطابق کراچی کی انسداد دہشت گردی کی عدالت کے حکم پر ایم کیو ایم کے بانی کے خلاف منی لانڈرنگ کیس کی سماعت اب 19 جولائی کو اسلام آباد میں ہو گی. انسداد دہشت گردی کی عدالت نے مقامہ منتقلی کے لئے سندھ ہائیکورٹ میں رجوع کیا تھا. ہائیکورٹ نے مقدمہ منتقل کرنے کا حکم دیا تھا. انسداد دہشت گردی عدالت کو وزارت داخلہ اور تحقیقاتی ادارے ایف آئی اے نے مقدمہ اسلام آباد منتقل کرنے کا کہا تھا جس پر ہائیکورٹ میں رجوع کیا گیا تھا.
واضح رہے کہ بانی ایم کیو ایم و دیگر کے خلاف سرفراز مرچنٹ کی شکایت پر ایف آئی اے نے مقدمہ درج کیا تھا۔ ملزمان پرخدمت خلق فاونڈیشن کے ذریعے منی لانڈرنگ کا الزام ہے .ایف آئی اے کی جانب سے ایم کیو ایم کے سینیٹر بابر غور، ڈپٹی میئر کراچی ارشد ووہرہ، خواجہ سہیل، خواجہ ریحان اور سینیٹر احمد علی کو کیس میں شریک ملزم ٹھہرایا گیا ہے۔
ڈالر کی قدر میں اوپن مارکیٹ اور انٹر بینک میں ایک روپے کی کمی ہوئی ہے اور ڈالر 150 سے نیچے آ گیا ہے
باغی ٹی وی کی رپورٹ کے مطابق انٹربینک میں ڈالر کی قدر میں کمی کے بعد ڈالر کی قیمت 149 روپے 50 پیسے ہو گئی ہے، اوپن مارکیٹ میں ڈالر کی قدر میں اتنی ہی کمی ہوئی ہے.
واضح رہے کہ گزشتہ تین ٹریڈنگ سیشنز میں ڈالر کی قدر میں 2 روپے 5 پیسے کمی آئی ہے ، ڈالر کی قدر میں کمی سے روپے کی قدر بھی مستحکم ہونا شروع ہو گئی ہے ۔ ڈالر کی قیمت میں کمی کے بعد سٹاک مارکیٹ میں بھی اچھی خبریں آنا شروع ہو گئی ہیں. سٹاک مارکیٹ میں کاروبار کا آغاز ہوا تو 100 انڈکس 35 ہزار 610 کی سطح پر تھا تاہم کچھ دیر کے بعد اس میں بہتری آنا شروع ہوئی اور انڈیکس 35 ہزار 827پر پہنچ گیا ۔
پاکستانی قوم کی بیٹی ڈاکٹر عافیہ کی والدہ عصمت صدیقی کی کراچی میں واقع رہائش گاہ پرنماز تراویح میں قرآن پاک مکمل کر لیا گیا ، خصوصی بیان اور اجتماعی دعا کی تقریب بھی منعقد کی گئی. ڈاکٹر عافیہ کے صاحبزادے حافظ احمد نے 20 روزہ نماز تراویح میں قرآن مجید مکمل کرلیا۔
باغی ٹی وی کی رپورٹکے مطابق ڈاکٹر عافیہ کے صاحبزادے حافظ احمد نے اپنے استاد مولانا ثناءاللہ فاروقی کی زیرنگرانی نماز تراویح کی امامت کے فرائض سرانجام دئیے۔ قرآن مجید کی تکمیل کے بعد مولانا اورنگزیب نے فضائل قرآن پر درس دیا اور معروف مذہبی اسکالر مفتی محمد زبیر نے ڈاکٹر عافیہ سمیت کفار کی قید میں مسلمان مردو خواتین، بیرون ممالک کی جیلوں میں پاکستانی قیدیوں کی جلد رہائی، پاکستان اور عالم اسلام کی ترقی و استحکام کیلئے خصوصی اجتماعی دعاکرائی ۔
عافیہ موومنٹ انفارمیشن سیل سے جاری کردہ بیان کے مطابق ڈاکٹر عافیہ کے صاحبزادے احمد نے گذشتہ برس قرآن مجید حفظ کیا تھا جبکہ امریکی جیل میں قید ان کی والدہ ڈاکٹر عافیہ صدیقی ماہر تعلیم ہونے کے ساتھ حافظہ قرآن اور عالمہ بھی ہیں۔ ختم قرآن مجیدو دعائیہ تقریب میں قوم کی بیٹی ڈاکٹر عافیہ سے اظہار یکجہتی کیلئے کراچی سے پاکستان تحریک انصاف کے منتخب رکن قومی اسمبلی سیف الرحمان محسود ، پاسبان ڈیموکریٹک پارٹی کے چیئرمین الطاف شکور، پاسبان کراچی کے جنرل سیکریٹری سردار ذوالفقار، ظفر اقبال، محمود خان تاجک، جماعت اسلامی کراچی کے رہنما یونس بارائی، قرآن ڈاٹ کام کے ڈائریکٹر شفیق اجمل، ہیومین رائٹس نیٹ ورک کراچی انتخاب عالم سوری، خالد جمال، مسلم اسٹوڈنٹس آرگنائزیشن کراچی کے ناظم ملک اشتیاق، معروف کالم نگار حفیظ خٹک ، سینئر صحافی غضنفر علی، معروف شاعر نعیم الدین نعیم، سماجی رہنماپروفیسر تنویرملک، ڈاکٹر ایوب عباسی، مجیب الرحمان، انجیئنر وسیم فاروقی، فہیم برنی ، عافیہ موومنٹ کے سینئر رضاکار امام حسین ہمدم، فیصل علی و دیگر نے شرکت کی۔
یاد رہے کہ ڈاکٹر عافیہ صدیقی اس وقت امریکہ کی جیل میں ہیں اور انہیں چھیاسی برس کی سزا سنائی گئی ہے. ان کی والدہ اور دیگر اہل خانہ کی طرف سے حکومت سے بار بار اپیل کی گئی ہے کہ وہ ان کی رہائی کیلئے کردار ادا کرے.
وزیراعظم عمران خان نے کہا ہے کہ دو مہینے مزید مشکل ہیں ،قوم کو یقین دلاتا ہوں کہ سب چیلنجز سے نکل جائیں گے، 1960ءمیں دنیا پاکستان کی جس طرح مثال دیتی تھی اسی طرح ایک بار پھر اس کی مثال دے گی۔
باغی ٹی وی کی رپورٹ کے مطابق وزیر اعظم عمران خان نے کراچی کا دورہ کیا ،گورنر ہاوس سندھ میں انہوں نے اتحادی جماعتوں کے رہنماوں سے ملاقات کی بعد ازاں شوکت خانم ہسپتال کی فنڈ ریزنگ کی تقریب سے خطاب کیا، وزیر اعظم نے کہا کہ پاکستان اللہ تعالیٰ کی بہت بڑی نعمت ہے آنے والے وقت میں دنیا پاکستان کی مثالیں دے گی. باہر سے لوگ نوکریوں کی تلاش میں پاکستان آیا کریں گے، وزیر اعظم نے مزید کہا کہ جب مشکل وقت آتا ہے تو قوم کو ڈالر خریدنے کی بجائے متحد ہونا چاہئے. مشکل وقت انسان کو سکھانے کے لئے آتا ہے انسان کوشش کرے تو اللہ کامیابی دیتا ہے. وزیراعظم نے مزید کہا کہ جس وقت ہم نے شوکت خانم ہسپتال کا منصوبہ شروع کیا تو لوگ کہتے تھے کہ یہ ہسپتال نہیں بن سکتا۔ انہوں نے کہا کہ تمام امراض سے زیادہ کینسر کے مرض کے علاج کا خرچ زیادہ ہے، جن لوگوں نے شروع دن سے ہمارے ساتھ تعاون کیا ان کے شکر گزار ہیں، اکثر لوگ اس منصوبے کو دیوانے کا خواب سمجھتے تھے،
وزیراعظم عمران خان نے مزید کہا کہ 1997ءمیں انتخابات میں پی ٹی آئی نے حصہ لیا تو ہمارے اوپر یہ الزام لگا کہ ہم نے زکوة کے پیسوں سے انتخابات لڑے، اس وقت شوکت خانم نیا نیا ہسپتال تھا، اس وجہ سے زکوة اور عطیات کم ہوئے، پھر دنیا بھر میں جا کر اس کے لئے فنڈ ریزنگ کی، اس سال کے بعد ہر سال گزشتہ سال کی نسبت زیادہ عطیات موصول ہوئے۔
وزیراعظم نے کہا کہ ہم نے اللہ سے وعدہ کیا تھا کہ 75 فیصد مریضوں کا یہاں مفت علاج ہو گا اور ہم آج تک اس وعدے سے پیچھے نہیں ہٹے، یہاں انسانوں کے درمیان فرق نہیں کیا جاتا، پیسے دینے والے اور مفت علاج والوں کو برابر سہولیات ملتی ہیں، عملہ ان میں کوئی فرق نہیں کرتا، وزیراعظم عمران خان نے کہا کہ اس سال ہسپتال کو ساڑھے آٹھ ارب روپے کا خسارہ ہے تاہم گزشتہ سال کی نسبت زائد عطیات جمع ہوئے ہیں۔ پشاور کا ہسپتال بھی بن چکا ہے، یہاں کیموتھراپی اور ریڈی ایشن تھراپی کے بعد اس سال کے آخر تک آپریشن بھی شروع کر دیں گے۔ انہوں نے کہا کہ ان دونوں ہسپتالوں کے مقابلوں میں کراچی میں بننے والا کینسر ہسپتال زیادہ جدید ہو گا،
وزیرِ اعظم عمران خان کی زیر صدارت سندھ میں نیا پاکستان ہاﺅسنگ منصوبے کے اجراءسے متعلق گورنر ہاﺅس کراچی میں اجلاس منعقد ہوا، اجلاس میں گورنر سندھ عمران اسمعیل، وفاقی وزراءعلی زیدی، فیصل واوڈا، مشیر تجارت عبدالرزاق داﺅد، معاون خصوصی نعیم الحق، عقیل کریم ڈھیڈی، ضیغم محمود رضوی، عارف حبیب، نجیب ہارون، آفتاب صدیقی، فردوس شمیم نقوی، ثمر علی خان، صالح احمد فاروقی نے شرکت کی۔ اجلاس میں سندھ کے بڑے شہروں میں کم آمدنی والے افراد کے لئے نیا پاکستان ہاﺅسنگ پروگرام کے تحت مختلف منصوبے شروع کرنے پر غور کیا گیا۔
زیراعظم عمران خان دورہ کراچی کے موقع پر پاکستان تحریک انصاف کی اتحادی جماعتوں کے وفد نے ان سے ملاقات کی۔ ملاقات کرنے والوں میں فردوس شمیم نقوی، خرم شیر زمان، حلیم عادل شیخ، فیصل ووڈا، اشرف قریشی، جی ڈی اے کے رہنماءارباب غلام رحیم، نصرت سحر عباسی، صدر الدین شاہ راشدی، نند کمار اور دیگر شامل تھے۔ ملاقات کے دوران سندھ کی مجموعی و سیاسی صورتحال، سندھ میں وفاقی حکومت کی جانب سے جاری مختلف ترقیاتی منصوبوں اور اتحادی امور پر تبادلہ خیال کیا گیا۔
وزیر اعظم عمران خان سے فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) اور تاجر برادری کے وفد نے بھی ملاقات کی۔ وفد میں فیڈریشن آف پاکستان چیمبر ز آف کامرس اینڈ انڈسٹری، کراچی چیمبر ز آف کامرس، ایمپلائرز فیڈریشن، پاکستان ریڈی میڈ گارمنٹس، پاکستان لیدر گارمنٹس، رائس ایکسپورٹ، پاکستان آٹو موٹیوپارٹس، پاکستان بیڈ وئیر ایکسپورٹرز، پاکستان ڈینم مینو فیکچررز، ٹاول منیو فیکچررز، پاکستان ہوزری و دیگر کاروباری شعبوں کے نمائندگان شریک تھے۔ گورنر سندھ عمران اسمعیل ، وفاقی وزیر براے بحری امور علی زیدی، مشیر براے تجارت عبدالرزاق داو¿د ملاقات بھی ملاقات میں موجود تھے۔ وزیراعظم نے کہا کہ وہ چاہتے ہیں کہ ان کی حکومت سب سے زیادہ تاجر اور سرمایہ کار دوست حکومت جانی جائے، ان کا مشن پاکستان سے غربت مٹانا ہے جس میں تاجر برادری میرا ساتھ دے۔ انہوں نے کہا کہ گزشتہ حکمرانوں نے معیشت کو کرپشن سے تباہ کر دیا، ہمیں ایک خستہ حال معیشت ملی، میں چوروں کو نہیں چھوڑ سکتا۔
وزیرِاعظم عمران خان سے ایکسپو 2020ءتھیم کمیٹی کے اراکین نے گورنر ہاﺅس کراچی میں ملاقات کی۔ ایکسپو 2020ءدبئی میں منعقد کی جا رہی ہے جس میں 190 کے قریب ممالک شرکت کر رہے ہیں۔ ملاقات میں گورنر سندھ عمران اسماعیل، وفاقی وزیر برائے بحری امور علی زیدی، مشیر برائے تجارت عبدالرزاق داﺅد، سیکرٹری ٹریڈ ڈویلپمنٹ اتھارٹی صالح فاروقی، ڈائریکٹر جنرل ٹریڈ ڈویلپمنٹ اتھارٹی سیّد رفیع بشیر شاہ و تھیم کمیٹی کے دیگر اراکین موجود تھے۔ اجلاس میں وزیرِاعظم کو ایکسپو 2020ءکے سلسلہ میں کی جانے والی تیاریوں اور اس ضمن میں مختلف شعبوں کے درمیان روابط و کوآرڈینیشن کے بارے میں آگاہ کیا۔ اس موقع پر وزیراعظم نے کہا کہ قدرت نے پاکستان کو بے شمار نعمتوں اور صلاحیتیوں سے نوازا ہے، معیشت کے روایتی و غیر روایتی شعبوں میں پاکستانی مصنوعات کے علاوہ ملک میں سیاحت کی بھرپور صلاحیت موجود ہے جس کے بارے میں بین الاقوامی سطح پر آگاہی کا فقدان ہے۔ ضرورت اس امر کی ہے کہ پاکستان کی صلاحیتوں اور مختلف شعبوں میں مہارت کو بین الاقوامی سطح پر اجاگر کیا جائے۔
آئی ایم ایف سے معاہدے کے بعد ڈالر کی اونچی اڑان جاری تھی تو ساری پاکستانی قوم پریشان تھی تا ہم اب ڈالر کی پرواز آہستہ آہستہ نیچے آ رہی ہے یوں سمجھیں کہ غبارے سے ہوا نکل رہی ہے، آج جمعہ کو اوپن مارکیٹ میں ڈالر کی قیمت میں 80 پیسی کمی ہو گئی.
باغی ٹی وی کی رپورٹ کے مطابق ڈالر 80 پیسے سستا ہونے کی وجہ سے اوپن مارکیٹ میں ڈالر 151 روپے 70 پیسے پر بند ہوا.جمعہ کو کاروبار کے آغاز پر انٹر بینک مارکیٹ میں ڈالر کی قدر میں 15 پیسے اضافہ دیکھا گیا تھا جس کے بعد ڈالر 151 روپے 45 پیسے سے بڑھ کر 151 روپے 60 پیسے کا ہوگیا تھا۔ کاروبار کے دوران اوپن مارکیٹ میں ڈالر پہلے 50 پیسے سستا ہوکر 152 روپے کا ہوا اور پھر 80 پیسے سستا ہوکر 151 روپے 70 پیسے کا ہوگیا۔ گزشتہ روز ڈالر کی قیمت میں پچاس پیسے کمی ہوئی تھی .
واضح رہے کہ ڈالر مہنگا ہونے کی وجہ سے حکومت شدید دباو کا شکار ہے، مہنگائی بڑھ چکی ہے اور اپوزیشن حکومت سے آئی ایم ایف سے معاہدوں کی تفصیلات مانگ رہی ہے.
وزیراعظم عمران خان آج ایک روزہ دورے پر کراچی جائیں گے
باغی ٹی وی کی رپورٹ کے مطابق وزیراعظم عمران خان کراچی میں شوکت خانم کی فنڈ ریزنگ کے حوالہ سے منعقدہ تقریب میں شرکت کریں گے،وزیر اعظم عمران خان سے کراچی میں گورنر سندھ بھی ملاقات کریں گے، وزیر اعظم سے گورنر ہاوس میں حکومت کی اتحادی جماعتوں کے رہنما بھی ملیں گے. گورنر ہاؤس میں ایم کیو ایم،جی ڈی اے اور اتحادی جماعتوں سمیت تاجر برادری سے بھی وزیر اعظم ملاقات کریں گے .
واضح رہے کہ اس سے قبل وزیر اعظم عمران خان شوکت خانم ہسپتال کی فنڈ ریزنگ کے لئے لاہور، پشاور اور اسلام آباد میں مختلف تقریبات میں شرکت کر چکے ہیں.
سندھ ہائیکورٹ میں سرکاری گندم سیکنڈل کیس کی سماعت ہوئی جس کے دوران چیف جسٹس نے کہا کہ ملزمان پیسے دیں یا جیل جانے کے لئے تیار ہو جائیں ، فلوز ملز کے مالک کو ہائیکورٹ کے باہر سے نیب نے گرفتار کر لیا
باغی ٹی وی کی رپورٹ کے مطابق سندھ میں سرکاری گندم سیکنڈل کی ہائیکورٹ میں سماعت ہوئی، دوران سماعت چیف جسٹس نے کہا کہ میرے صوبے کے لوگ بھوک سے مررہے ہیں،کسے پتا ہےتھرمیں روزکتنے بچے بھوک سے مرتے ہیں؟کون تھا وزیر جس نے 180 دن کی پالیسی مرتب کی؟ جس پر نیب نے کہا کہ پپلز پارٹی کے رہنما نثار کھوڑو نے 180 روز کی پالیسی کے بعد گندم ادھار پر دی تھی. فلورملز والوں نے حکومت سے گندم لے کر غائب کردی اوروعدے کے باوجود فلور ملز والوں نے گندم کی رقم نہیں دی، جس پر ملزمان کے وکیل نے کہا کہ نیب گندم کی قیمت سے کہیں زیادہ مارک اپ مانگ رہا ہے، خیرپور،رانی پوراورسچل فلورملزنےمحکمہ خوراک سےادھارپرگندم لی تھی، جس پر چیف جسٹس نے کہا کہ ملزمان پیسے دیں یا جیل جانے کے لئے تیار ہو جائیں، سندھ ہائیکورٹ میں نیب سکھر نے کارروائی کرتے ہوئے فلورملزمالک ہریش کمارکو ہائیکورٹ کے باہر سے گرفتار کرلیا،ہریش کمارکےخلاف سرکاری گندم اسکینڈل کی دوانکوائریز چل رہی ہیں ،دونوں انکوائریزمیں ہریش کمار نے عبوری ضمانت لے رکھی ہے
ڈالر کی اڑان کے بعد اب پرواز نیچی ہو گئی، آج جمعرات کو ڈالر کی قدر میں بیس پیسے کی کمی واقع ہوئی ہے
باغی ٹی وی کی رپورٹ کے مطابق ڈالر کی انٹر بینک میں قدر میں 20 پیسے کی کمی واقع ہوئی ہے جس کے بعد ڈالر 151 روپے 75 پیسے پر ٹریڈ کر رہاہے ،آج جمعرات کو کاروبار شروع ہوتے ہی سٹاک مارکیٹ میں مزید تیزی دیکھنے میں آئی ۔ سٹاک مارکیٹ میں کاروبار شروع ہوا تو 100 انڈکس 34 ہزار 637 کی سطح پر تھا تاہم کچھ ہی دیر بعد اس میں 405 پوائنٹس کا اضافہ ہوا جس کے بعد انڈیکس 35 ہزار 42 پوائنٹس کی سطح پر پہنچ گیا ۔
واضح رہے کہ گزشتہ ایک ہفتے میں ڈالر کی قیمت میں مسلسل اضافہ ہوا ہے اور ڈالر کی قیمت 153 پر پہنچ گئی تھی جو گزشتہ دو روز میں کم ہو کر 151 روپے 75 پیسے پر آ گئی
پیپلز پارٹی کے چیئرمین بلاول زرداری نے نیب پیشی کا نوٹس وصول کرنے سے انکار کر دیا
باغی ٹی وی کی رپورٹ کے مطابق نیب کی جانب سے پارک لین کیس میں بلاول زرداری کو24 مئی کو نیب میں پیش ہونے کا نوٹس بھیجا گیا تھا جسے بلاول نے وصول کرنے سے انکار کر دیا ہے. نیب راولپنڈی نے17 مئی کو نوٹسبھیجا،20مئی کو کورئیر کمپنی کا ملازم نوٹس لے کر بلاول ہاﺅس گیا،تاہم بلاول ہاﺅس کراچی نے نیب کا نوٹس وصول کرنے سے انکارکردیا۔ نیب نے بلاول بھٹو کو 24 مئی کو اولڈ ہیڈ کوارٹر میں پیش ہونے کا نوٹس بھیجا تھا۔
واضح رہے کہ سابق صدر آصف زرداری نے نیب کو پارک لین کے حوالہ سے جواب میں کہا تھا کہ پارک لین کمپنی 1989 میں صدرالدین ہاشوانی سے خریدی، اقبال میمن، کم عمر بلاول، رحمت اللہ، محمد یونس، الطاف حسین میرے شراکت دار تھے۔پارک لین کمپنی میں صرف 25 فیصد حصص کا مالک تھا، صدر بننے سے پہلے یکم ستمبر 2008 کو کمپنی ڈائریکٹرشپ سے مستفیٰ ہوا تھا