پاکستان میں ڈالر کی بڑھتی ہوئی قیمت پر قابو پانے میں حکومت بری طرح ناکام سے دوچار ہے.
باغی ٹی وی کی رپورٹ کے مطابق اوپن مارکیٹ میں ڈالر کی قیمت میں 3 روپے کا اضافہ ہوا ہے. چاردن میں قرضوں کےبوجھ میں 1000 ارب روپے کا اضافہ ہوچکا ہے
ڈالرکی قیمت میں چاردن میں 10 روپے 52 پیسے کا اضافہ ہوا ہے . اوپن مارکیٹ میں ڈالر کی قیمت 154 روپے پر پہنچ گئی ہے. ڈالر کی قیمت کنٹرول نہ ہونے پر ملک بھر میں مہنگائی میں زبردست اضافہ ہو رہا ہے.
آئی ایم ایف سے معاہدے کے بعد ڈالر کی مسلسل اڑان جاری ہے، ڈالر نیچے آنے کا نام ہی نہیں لے رہا. ڈالر 153 روپے کا ہونے سے بیرونی قرضوں میں 11 سو ارب روپے کا اضافہ ہو گیا ہے.
باغی ٹی وی کی رپورٹ کے مطابق اوپن مارکیٹ میں ڈالر کا ریٹ 153 روپے تک پہنچ گیا ہے انٹر بینک میں ڈالر مزید 2 روپے 36 پیسے مہنگا ہو کر 152 روپے پر ٹریڈ کرنے لگا جس سے بیرونی قرضوں میں 11 سو ارب روپے کا اضافہ ہو گیا ہے۔ مارکیٹ میں آج کاروبار کے دوران ڈالر کے ریٹ میں ایک مرتبہ پھر اضافہ دیکھنے میں آیا ہے جو 4 کاروباری روز کے دوران 10 روپے 60 پیسے بڑھا ہے۔ منگل کو انٹر بینک مارکیٹ میں ڈالر 2 روپے 36 پیسے مہنگا ہوا ڈالر 152 روپے پر ٹریڈ کیا جا رہا ہے جبکہ اوپن مارکیٹ میں 153 روپے تک ڈالرپہنچ گیا ہے۔
تجزیہ کاروں کے مطابق ڈالر کا ریٹ بڑھنے سے بیرونی قرضوں میں گیارہ سو ارب روپے کا اضافہ ہو گیا ہے
واضح رہے کہ آئی ایم ایف سے معاہدے کو ابھی تک پارلیمنٹ میں پیش نہیں کیا گیا جس پر اپوزیشن جماعتوں نے بھر پور احتجاج کیا ہے اور کہا ہے کہ معاہدے کی تفصیلات پارلیمنٹ میں پیش کی جائیں
کراچی تاجر الائنس ایسو سی ایشن وبانی عا م آدمی پاکستان ایاز میمن موتی والا نے کہاہے کہ پاکستانی روپے کی بے قدری بیرونی طاقتوں کے کہنے پر کی جارہی ہے جبکہ موجودہ حکومت میں پاکستانی روپیہ ایشیاءمیں سب سے کم درجے پر آ گیا ہے
باغی ٹی وی کی رپورٹ کے مطابق کراچی تاجر الائنس کا کہنا تھا کہ ہم ڈالر کے بائیکاٹ کیلئے تیار ہیں عوام بھی ہمارا ساتھ دے کیونکہ ہمارے کاروبار اور دوکانیں پاکستان کی عز ت سے بڑھ کر نہیں ہیں۔ انہوںنے کہاکہ پاکستانی تاجر روپے کی گرتی ہوئی قدر سے تنگ آکر بیرون ممالک بھاگ رہے ہیں۔ حکومت امریکہ اور آئی ایم ایف کو خوش کرنے کیلئے عوام کو قربانی کا بکرا بنارہی ہے۔ اگر یہی صورتحال رہی تو آنے والے دنوں میں پاکستانی معیشت کو قبرستان پہنچے ہوئے دیکھ رہاہوں۔
تاجر رہنما ایاز میمن نے کہاکہ حکومت کے پاس کوئی معاشی منصوبہ نہیں ہے۔ ڈالر مہنگا ہونے سے امیروں کو ہی نہیں بلکہ غریبوں کو بھی اتنا ہی نقصان پہنچ رہا ہے۔ ، اگر گزشتہ حکومتیں کرپٹ تھیں تو موجودہ حکومت بھی عوام کا خون پینے میں کسی سے کم نہیں ہے۔
یاد رہے کہ ڈالر کی قیمت اور مہنگائی بڑھنے سے عوام کا ہر طبقہ سخت پریشان ہے اور عوامی سطح پر لوگوں میں سخت بے چینی پائی جارہی ہے۔
ڈالر کی قیمت میں مسلسل اضافہ ہوا جا رہا ہے، انٹربینک میں ڈالر ایک روپے 78 پیسے مزید مہنگا ہوکر 149 روپے 65 پیسے جب کہ اوپن مارکیٹ میں ایک روپے مہنگا ہوکر 152 روپے کا ہوگیا ہے
باغی ٹی وی کی رپورٹ کے مطابق انٹربینک میں ڈالر پہلے 93 پیسے مہنگا ہوکر 148 روپے 80 پیسے کا ہوا اور کاروبار کے دوران ڈالر کی قیمت میں مزید اضافہ ہوگیا جس کے بعد ڈالر ایک روپے 53 پیسے مہنگا ہوکر 149 روپے 40 پیسے کا ہوگیا۔ کاروبار کے اختتام پر ڈالر مزید 25 پیسے مہنگا ہوکر ایک روپے 78 پیسے اضافے کے ساتھ 149 روپے 65 پیسے کا ہوگیا۔انٹربینک میں ڈالر کی قدر میں اضافے کے ساتھ اوپن مارکیٹ میں بھی ڈالر ایک روپیہ مہنگا ہوکر 152 روپے کا ہوگیا۔ انٹربینک اور اوپن مارکیٹ میں گزشتہ ہفتے ڈالر کی قیمت میں اضافہ ہوا اور اوپن مارکیٹ میں ڈالر ملکی تاریخ کی بلند ترین سطح 152 پر پہنچ گیا۔
سابق گورنر سندھ کے بھائی عشرت العباد کو عدالتی ریمانڈ پر جیل بھیج دیا گیا
سابق گورنر کی فیکٹری میں اسلحہ دفن، بھائی نے کر دیا انکشاف
باغی ٹی وی کی رپورٹ کے مطابق پولیس نے سابق گورنر سندھ عشرت العباد کے بھائی عامر العباد کو جوڈیشل مجسٹریٹ کی عدالت میں پیش کیا اور ملزم کے ریمانڈ کی استدعا کی جس پر عدالت نے تفتیشی افسر سے پوچھا کہ اب تک کیا تھقیق ہوئی جس پر افسر نے بتایا کہ ملزم اور گواہوں کے بیانات لے لئے ہیں جس پر عدالت نے کہا کہ یہ آدھے گھنٹے کا کام ہوتا ہے.عامر العباد کے وکیل نے کہا کہ ملزم کی ضمانت کی درخواست جمع کرارہے ہیں اس پر جرح کرلی جائے جس پرعدالت نے کل صبح کا وقت دے دیا۔ عدالت نے پولیس کی جانب سے جسمانی ریمانڈ کی استدعا مسترد کر دی اور ملزم کو عدالتی ریمانڈ پر بھیج دیا .
واضح رہے کہ گورنر سندھ کے بھائی عامر العباد پر چیک باونس ہونے کا مقدمہ کراچی کے مقامی تھانے میں درج ہے.
وفاقی وزیر ریلوے شیخ رشید احمد نے کہا ہے کہ سندھ کو ایڈزستان بنا دیا گیا ہے، دنیا میں ایڈز کے اتنے مریض کہیں نہیں ہوں گے جتنے لاڑکانہ میں ہیں. ایک دن سندھ کے ویزے پر پابندی لگ جائے گی.
باغی ٹی وی کی رپورٹ کے مطابق وفاقی وزیر ریلوے شیخ رشید احمد نے کراچی میں میڈیا سے گفتگو کرتے ہوئے کہا کہ سندھ میں ایڈز کے اتنے مریض سامنے آ گئے ہیں ایسے لگتا ہے کہ میڈیکل بنیادوں پر سندھ میں ویزوں پر پابندی لگ جائے گی. شیخ رشید احمد نے مزید کہا کہ سندھ میں ایڈز کے مریضوں کی بڑی تعداد سامنے آنے پر صوبائی وزیر صحت کو استعفیٰ دینا چاہئے، شیخ رشید نے مزید کہا کہ اسلام آباد میں افطاریاں ہو رہی ہیں لیکن سندھ کی عوام کو کیا ملا، غریب ہسپتال جاتا ہے تو اسے پتہ چلتا ہے کہ ایڈز ہو گیا ہے.
لاڑکانہ میں ایڈز، بلاول نے اجلاس بلا لیا، سیکرٹری صحت پر برہم
کراچی کے ڈیفنس علاقہ سے اغوا ہونے والی بیس سالہ لڑکی تاوان ادا کرنے کے بعد گھر پہنچ گئی ہے.
باغی ٹی وی کی رپورٹ کے مطابق بسمہ نامی لڑکی کراچی کے ایک تاجر کی بیٹی ہے جسے اغوا کر کے ایک کروڑ روپے تاوان طلب کیا گیا تھا. پولیس حکام اور دیگر ادارے ایک ہفتہ تک لڑکی کی تلاش کرتے رہے لیکن اسے ڈھونڈنے میں کامیاب نہیں ہو سکے تھے تاہم انیس مئی کی درمیانی رات وہ خود ہی گھر پہنچ گئی ہے.
کہا جارہا ہے کہ اغوا کاروں نے بسمہ کے باپ سے کروڑوں روپے تاوان وصول کرنے کے بعد لڑکی کو نامعلوم مقام پر چھوڑا اور فرار ہو گئے جس پر وہ گھر پہنچ گئی.
یاد رہے کہ بیس سالہ بسمہ کے اغوا کے وقت کی سی سی ٹی وی فوٹیج بھی حاصل کر لی گئی تھی جس میں صاف طور پر ملزمان کو لڑکی کو اغوا کرتے دیکھا جاسکتا ہے.
چیئرمین ایف بی آر شبر زیدی نے کہا ہے کہ رمضان میں اسمگلنگ آئٹم بیچنے سے روزہ نہیں ہوگا،اسمگل اشیا بیچنا بھی شرعی اصولوں کے خلاف ہے
چیئرمین ایف بی آر شبر زیدی کی تعیناتی کے خلاف درخواست سماعت کے لئے مقرر
باغی ٹی وی کی رپورٹ کے مطابق کراچی میں میڈیا سے گفتگو کرتے ہوئے ایف بی آر کے چیئرمین شبر زیدی نے کہا کہ انڈسٹری چلانے کیلیے ضروری نہیں کہ آپ امپورٹ بھی کریں، مجھے لمبے عرصے کی اصلاحات کرنی ہیں،ٹیکس لے کر ریفنڈ کرنا اضافی کام ہے .بہتر تجویز دیں اس پر عمل کروں گا، شبر زیدی نے مزید کہا کہ چند خام مال پر تو ریلیف دیا جاسکتا ہے سب پر ٹیکس چھوٹ نہیں ملےگی، انہوں نے مزید کہا کہ ہماری انڈسٹری کو فراڈ کیلیےاستعمال کیا گیا افغان ٹرانزٹ ٹریڈ کے علاوہ بھی اسمگلنگ ہورہی ہے،آپ ٹیکس کم کرنے کا حل بتادیں میں بجٹ سے پہلے آپکا مسئلہ حل کردونگا.
پاکستان تحریک انصاف کے رہنما اور وفاقی وزیر آبی وسائل فیصل واوڈا نے کہا ہے کہ آج قرضہ لینے والے کل قرضہ دیں گے، پاکستانی قوم کو کسی صورت بھکاری نہیں بننے دیں گے
باغی ٹی وی کی رپورٹ کے مطابق کراچی کے علاقے بلدیہ ٹاون میں وفاقی وزیر فیصل واوڈا نے نوجوانوں میں چیک تقسیم کرنے کی تقریب سے خطاب کرتے ہوئے کہا کہ لوگوں کے مذاق اڑانے سے مجھے کوئی فرق نہیں پڑتا، وفاقی وزیر نے مزید کہا کہ کراچی میں پانی کا مسئلہ حل کرنے کی بھر پور کوشش کر رہے ہیں. انہوں نے کہا کہ اپنے انتخابی حلقہ میں ہر مہینے دو سے چار سو لوگوں میں چیک تقسیم کروںگا، ہم اپنی عوام کو بھکاری بنانے کی بجائے انہیں اپنے قدموں پر کھڑا کریں گے .فیصل واوڈا کا مزید کہنا تھا کہ حلقے میں اپنی مدد آپ کے تحت سکول بھی چلاوں گا. غریبوں کا حق مارنے والوں کا پیچھا کریں گے.
واضح رہے کہ فیصل واوڈا سابق وزیر اعلیٰ پنجاب شہباز شریف کے مقابلے میں کراچی کے ایک حلقے سے الیکشن جیتے ہیں،تحریک انصاف کو حکومت ملنے کے بعد وزیر اعظم عمران خان نے انہیں وفاقی وزیر بنا دیا.
سابق گورنر سندھ کے بھائی کو گرفتار کر لیا گیا
باغی ٹی وی کی رپورٹ کے مطابق سابق گورنر سندھ عشرت العباد کے بھائی عامر العباد کو کراچی کے علاقے گلستان جوہر سے گرفتار کیا گیا ہے، عامر العباد کو چیک کیش نہ ہونے کے مقدمہ میں گرفتار کیا گیا ہے. پولیس کا کہنا ہے کہ عامر العباد کے خلاف سٹی کورٹ تھانے میں وکیل طارق نیازی نے چیک باؤنس کا مقدمہ درج کروایا تھا۔ مقدمے میں مدعی وکیل طارق نیازی نے کہا تھا کہ عامر العباد نے 40 لاکھ کا چیک دیا جو باؤنس ہوگیا تھا .پولیس نے سابق گورنر سندھ عامر العباد کو گلستان جوپر سے گرفتار کر کے تھانے منتقل کر دیا ہے.