Category: کراچی

کراچی: سندھ ہائیکورٹ نے شہری کو کراچی کے بجائے جدہ پہنچانے پر نجی ائیرلائن اور ایف آئی اے امیگریشن کو نوٹس جاری کردیا۔

سندھ ہائیکورٹ میں نجی ائیرلائن کی جانب سے شہری کو کراچی کے بجائے جدہ لے جانے کے خلاف درخواست پر سماعت ہوئی، سماعت سندھ ہائیکورٹ کے جسٹس ذوالفقار سانگی نےکی ،سماعت کے دوران عدالت نے ریمارکس دیے کہ لگتا ہے درخواست گزار کے ساتھ بڑی زیادتی ہوئی ہے، کیا ائیرلائن کے خلا ف کوئی انکوائری ہورہی ہے؟ اس پر وکیل درخواست گزار نے بتایا کہ انکوائری کے معاملے کا علم نہیں ہے۔

عدالت نے کہا کہ لوگ کہتے ہیں ہمیں یہاں سے انصاف نہیں ملتا، ہم صبح سے کیسز کی سماعت کےلیے بیٹھتےہیں، 100، 100 کیسز روزسنتے ہیں، اس کے باوجود لوگ سمجھتے ہیں ان کے ساتھ انصاف نہیں ہورہا،بعد ازاں عدالت نے نجی ائیرلائن اور ایف آئی اے امیگریشن حکام کو نوٹس جاری کرتے ہوئے ایک ہفتے میں جواب طلب کرلیا۔

واضح رہے کہ 7 جولائی 2025 کو نجی ائیرلائن نے مسافر کو لاہور سے کراچی کے بجائے جدہ پہنچا دیا تھا۔

کراچی کے علاقے موچکو میں 17 جولائی کو کاؤنٹر ٹیررازم ڈیپارٹمنٹ (سی ٹی ڈی) اور حساس اداروں کی مشترکہ کارروائی میں دو خطرناک دہشتگرد ہلاک کر دیے گئے۔ کارروائی کے دوران خودکش جیکٹ، اسلحہ اور دیگر دھماکہ خیز مواد بھی برآمد کر لیا گیا۔

تفصیلات کے مطابق ہلاک دہشتگردوں میں سے ایک کی شناخت طاہر کے نام سے ہوئی ہے، جو بم اور خودکش جیکٹ تیار کرنے کا تربیت یافتہ ماہر تھا۔ سی ٹی ڈی حکام کے مطابق طاہر خیبرپختونخوا میں متعدد دہشتگرد کارروائیوں میں ملوث رہا ہے اور اس کی گرفتاری پر کے پی حکومت کی جانب سے 20 لاکھ روپے انعام بھی مقرر کیا گیا تھا۔ طاہر کا تعلق کالعدم تنظیم فتنہ الخوارج سے بتایا گیا ہے۔سی ٹی ڈی انچارج کے مطابق دوسرے ہلاک ہونے والے دہشتگرد کا نام کاشف ہے، جس کے بارے میں معلومات حاصل کرتے ہوئے حیران کن انکشاف ہوا کہ وہ پہلے ہی افغانستان میں ہلاک ہو چکا ہے، تاہم اس کا قومی شناختی کارڈ پاکستان میں اب بھی استعمال کیا جا رہا تھا۔

سی ٹی ڈی حکام نے کاشف کی فیملی سے رابطہ کیا تو انہوں نے تصدیق کی کہ وہ بھی فتنہ الخوارج کا رکن تھا اور اس کی تدفین افغانستان میں کی گئی تھی۔ اس کے شناختی کارڈ کے پاکستان میں استعمال کی تحقیقات جاری ہیں، اور اس کی مکمل شناخت کے لیے دیگر صوبوں سے بھی مدد طلب کی گئی ہے۔ترجمان سی ٹی ڈی کا کہنا ہے کہ کارروائی انٹیلیجنس معلومات کی بنیاد پر کی گئی، جس میں دہشتگردوں کے ایک ٹھکانے کو نشانہ بنایا گیا۔ کارروائی کے دوران دہشتگردوں کی فائرنگ کا بھرپور جواب دیا گیا جس کے نتیجے میں دونوں مارے گئے۔ جائے وقوعہ سے ایک خودکش جیکٹ، دستی بم، خودساختہ دھماکہ خیز مواد اور جدید اسلحہ بھی برآمد ہوا۔

تجزیہ کاروں کے مطابق کراچی میں دہشتگردی کی روک تھام کے لیے یہ کارروائی اہم پیش رفت قرار دی جا رہی ہے، جب کہ سی ٹی ڈی اور حساس ادارے دیگر ممکنہ سہولت کاروں کی گرفتاری کے لیے مزید چھاپے بھی جاری رکھے ہوئے ہیں۔

آر ایس ایس سے منسلک کانوریوں کا بھارتی فوجی پر بہیمانہ تشدد، مودی حکومت خاموش

بلوچستان میں پسند کی شادی کرنے والے جوڑے کا سفاکانہ قتل، ویڈیو وائرل

کراچی شہر کی کچی آبادیوں میں بغیر منظوری کے بلند و بالا عمارتوں کی بھرمار پر بلدیہ عظمیٰ کراچی نے بڑا قدم اٹھاتے ہوئے سندھ بلڈنگ کنٹرول اتھارٹی کو فوری کارروائی کے لیے خط لکھ دیا ہے۔

ذرائع کے مطابق، کے ایم سی کی جانب سے سندھ بلڈنگ کنٹرول اتھارٹی کو بھیجے گئے خط میں کچی آبادیوں میں غیرقانونی طور پر تعمیر کی گئی ہائی رائز بلڈنگز پر فوری ایکشن لینے کی درخواست کی گئی ہے۔ خط میں نشاندہی کی گئی ہے کہ ان عمارتوں کا کوئی باقاعدہ نقشہ موجود نہیں، جس سے شہریوں کی جانوں کو شدید خطرات لاحق ہیں۔سینیئر ڈائریکٹر ے ایم سی کے مطابق صرف زمین کا قبضہ ریگولرائز کیا جا سکتا ہے، لیکن بغیر نقشے کے بلند عمارتیں تعمیر کرنا خطرناک اور غیرقانونی ہے۔ انہوں نے کہا کہ یہ عمارتیں انسانی جانوں کے لیے براہ راست خطرہ بن چکی ہیں، خاص طور پر ان علاقوں میں جہاں گنجائش سے زیادہ تعمیرات کی جا چکی ہیں۔

خط میں یہ بھی واضح کیا گیا ہے کہ بلند عمارتوں کے نقشے کی منظوری دینا صرف سندھ بلڈنگ کنٹرول اتھارٹی کا اختیار ہے، اس لیے ایسے تمام غیرقانونی منصوبوں کے خلاف ہنگامی بنیادوں پر کارروائی کی جائے۔ذرائع کے مطابق کے ایم سی نے اپنے افسران کو بھی ہدایت جاری کر دی ہے کہ وہ ان تعمیرات کی نشاندہی کریں تاکہ سندھ حکومت کی ہدایت پر شہر بھر میں خطرناک اور غیرقانونی عمارتوں کے خلاف یکساں کارروائی کی جا سکے۔

سینیٹ انتخابات: ناراض امیدواروں کی ضد سے ہارس ٹریڈنگ کا خدشہ بڑھ گیا

پاکستانیوں کی آن لائن شاہ خرچیاں: 2023 میں 10.42 ارب ڈالر خرچ

پاکستانیوں کی آن لائن شاہ خرچیاں: 2023 میں 10.42 ارب ڈالر خرچ

وفاقی وزیر بحری امور محمد جنید انور چوہدری نے کورنگی فش ہاربر میں 3 ارب روپے کی لاگت سے ایک جدید ’ایکوا کلچر پارک‘ کے قیام کا اعلان کر دیا، جس کا مقصد پاکستان کی بلیو اکانومی کو فروغ دینا اور سمندری خوراک کی برآمدات میں اضافہ کرنا ہے۔

کراچی میں وفاقی وزیر کی زیر صدارت بلیو اکانومی کے فروغ کے حوالے سے اجلاس منعقد ہوا، جس میں گوادر پورٹ، کورنگی فش ہاربر، میرین فشریز اور بلوچستان چیمبر آف کامرس کے نمائندوں نے شرکت کی۔ اجلاس میں 120 ایکڑ رقبے پر مشتمل ایکوا کلچر پارک کے قیام کا اعلان کیا گیا، جو عوامی و نجی شراکت داری (PPP) کے تحت تعمیر کیا جائے گا۔وفاقی وزیر جنید انور چوہدری کا کہنا تھا کہ ایکوا کلچر اور بندرگاہی انفرااسٹرکچر میں سرمایہ کاری ملکی ترقی کے لیے ناگزیر ہے۔ انہوں نے کہا کہ پاکستان کے ساحلی پانی ایکوا کلچر کے لیے نہایت موزوں ہیں اور کراچی کے بعد بلوچستان میں بھی اس ماڈل کو وسعت دی جائے گی۔

اس موقع پر انہوں نے کورنگی فش ہاربر اتھارٹی کو 10 روز کے اندر منصوبے سے متعلق تفصیلی رپورٹ جمع کرانے کی ہدایت جاری کی۔وفاقی وزیر نے میرین فشریز ڈیپارٹمنٹ کا سب آفس گوادر پورٹ اتھارٹی میں منتقل کرنے کا فیصلہ بھی کیا تاکہ ادارہ جاتی ہم آہنگی اور فیصلوں پر عمل درآمد کو مؤثر بنایا جا سکے۔

ماہرین کے مطابق یہ منصوبہ نہ صرف برآمدات بڑھانے میں مدد دے گا بلکہ مقامی سطح پر روزگار کے مواقع بھی پیدا کرے گا، جو ساحلی معیشت کے استحکام میں اہم کردار ادا کرے گا۔

اسحاق ڈار امریکا روانہ، سلامتی کونسل اجلاس کی صدارت کریں گے

پنجاب پولیس میں مینیول ڈاک سسٹم ختم، آن لائن رابطہ کاری شروع

بھارت کی ایک اور ضد،ایشیا کپ 2025 کے بائیکاٹ کی دھمکی دے دی

کراچی: انسداد دہشتگردی عدالت نے مصطفیٰ عامرقتل کیس کا چالان منظور کرلیا۔

کراچی کے علاقے ڈیفنس میں مصطفیٰ عامر قتل کی تحقیقات جاری ہیں اور کیس سماعت کے لیے ٹرائل کورٹ منتقل کردیا گیا ہے انسداد دہشتگردی عدالتوں کے منتظم جج نے کیس کا چالان منظور کرلیا جس میں کہا گیا ہےکہ ملزم ارمغان نے مصطفیٰ عامر کو تشدد کرکے زخمی اورگاڑی میں آگ لگا کرقتل کرنے کا اعترا ف کیا ہے۔

خیال رہے مصطفی عامر قتل کیس سال 2025 کا ہائی پروفائل کیس ہیں ، پولیس نے بتایا کہ 6 جنوری 2025 مصطفیٰ عامر کو قتل کردیا گیا تھا، مصطفی عامر کے قتل کے الزام میں ارمغان اورشیرازگرفتار ہیں۔

مرکزی مسلم لیگ کی بارشوں سے متاثرہ اضلاع میں تیسرے روز بھی امدادی سرگرمیاں جاری

حب پولیس کی جانب سے بارہ جنوری کو مصطفی کی لاش لاوارث قرار دے کر ایدھی حکام کے حوالے کی گئی تھی تاہم بعد زاں مصطفی کی لاش سولہ جنوری کو کیماڑی ایدھی قبرستان میں دفن کردی گئی تھی، مصطفی کی لاش حب سے ملزمان کی نشاندہی پر برآمد کی گئی تھی، ملزمان نے مصطفیٰ عامر کو قتل کرنے کے بعد حب میں جاکر لاش جلا دی تھی دونوں ملزم پولیس اور میڈیا کے سامنے مصطفیٰ عامر کو قتل کرنے کا اعتراف بھی کرچکے ہیں تاہم دونوں ملزمان نے جوڈیشل مجسٹریٹ کے سامنے بیان دینے سے انکار کر دیا تھا۔

ارمغان نے تفتیش کے دوران قتل کا اعتراف کرتے ہوئے کہا تھا کہ وہ خیابان محافظ سے دریجی تک مصطفیٰ کی گاڑی ڈرائیو کر کے پہنچا تھا، پھر مصطفیٰ کی گاڑی کو آگ لگائی تو وہ زندہ اور نیم بے ہوشی کی حالت میں تھا، اس نے مصطفیٰ عامر کو ہاتھوں اور پیروں پر مار کر زخمی کیا تھا، رائفل سے تین فائر کیے جو مصطفیٰ کو نہیں لگے، مصطفیٰ پر فائرنگ وارننگ دینے کے لیے کیے تھے بعد ازاں آگ لگادی۔

پاکستان ہاکی فیڈریشن کے صدر اور سیکرٹری کے مالی اخراجات کا مکمل ریکارڈ طلب

ملزم شیراز نے انکشاف کیا تھا کہ ارمغان نے مصطفیٰ کو بہانے سے اپنے گھر بلایا، جہاں تین گھنٹے تک لوہے کی راڈ سے تشدد کیا گیا۔ بعد ازاں، مصطفیٰ کی لاش کو ان کی گاڑی میں ڈال کر حب کے قریب لے جایا گیا اور آگ لگا دی گئی۔

واضح رہے کہ ڈیفنس کا رہائشی نوجوان مصطفیٰ عامر رواں سال 6 جنوری کو لاپتا ہوا تھا، جس کے بعد اس کی والدہ کی مدعیت میں پہلے گمشدگی کا مقدمہ درج کیا گیا تھا، بعد ازاں 25 جنوری کو تاوان کی کال موصول ہونے کے بعد اغوا برائے تاوان اور لاش کی نشاندہی ہونے پر قتل کا مقدمہ درج کیا گیا تھا۔

پاک بنگلہ دیش ٹی ٹوئنٹی سیریز ، ٹرافی کی رونمائی کر دی گئی