Category: کراچی

کراچی کے پوش علاقے ڈیفنس سے لاپتہ ہونے والے مصطفیٰ عامر کے قتل کے ملزم ارمغان کے والد کامران قریشی نے کراچی کی انسداد دہشت گردی کی عدالت میں ہنگامہ کیا، جس سے عدالت میں موجود تمام افراد سکتے میں آ گئے۔

کامران قریشی نے زبردستی جج کے چیمبر میں گھسنے کی کوشش کی اور کورٹ پولیس کو دھکے دیے۔ اس دوران ان کا کہنا تھا، "جا کر جج سے بولو میں ملنے آیا ہوں، میرے بیٹے ارمغان کا کیس چل رہا ہے، میں جج سے ملوں گا۔” کامران قریشی نے مزید کہا کہ وہ امریکی شہری ہیں اور پولیس کانسٹیبل رضوان سے بدتمیزی کرتے ہوئے کہا، "تم ہوتے کون ہو مجھے روکنے والے؟”کامران قریشی کی شور شرابے اور بدتمیزی پر پولیس اور رینجرز کی نفری طلب کر لی گئی تاکہ صورتحال کو قابو کیا جا سکے۔

اس دوران مصطفیٰ عامر کے قتل میں نئے انکشافات بھی سامنے آئے ہیں۔ تفتیشی حکام کے مطابق، مصطفیٰ کی لاش کراچی کے علاقے حب چوکی سے ملی ہے۔ 6 جنوری کو لاپتہ ہونے والے مصطفیٰ کو گاڑی سمیت حب چوکی لے جایا گیا تھا جہاں ملزم ارمغان نے اپنے ساتھی کے ساتھ مل کر گاڑی کو آگ لگا دی تھی۔

حکام نے بتایا کہ ملزم ارمغان نے مصطفیٰ کو گاڑی میں بٹھا کر اس پر آگ لگا دی، اور مصطفیٰ کی جلی ہوئی لاش گاڑی کے اندر سے ملی ہے۔ یہ انکشافات اس سنگین قتل کیس کی نوعیت کو مزید پیچیدہ بنا دیتے ہیں اور تفتیشی حکام اس قتل کے تمام پہلوؤں کو مزید کھوجنے میں مصروف ہیں۔

دوسری جانب مصطفیٰ عامر قتل کیس میں پولیس نے مرکزی ملزم کے ریمانڈ کیلئے ہائیکورٹ سے رجوع کرلیا،پولیس نے چھاپہ مارنے والی ٹیم کے خلاف اندراج مقدمہ آرڈر بھی چیلنج کردیا،پولیس کا کہنا ہے کہ خصوصی عدالت کی جانب سےریمانڈنہ دینے پرتفتیش میں مشکلات ہوئیں،پراسیکیوٹر جنرل سندھ منتظر مہدی نے بتایا کہ اے ٹی سی منتظم جج نے ملزم ارمغان کوجیل بھیجا، انتہائی سنگین نوعیت کا مقدمہ ہے، تفتیش شروع ہونے سے پہلے ملزم کو جیل بھیجنا انصاف کے خلاف ہے،ملزم کے جسمانی ریمانڈ کی اجازت دی جائے، پولیس پارٹی کے خلاف مقدمے کا حکم ناقابل فہم ہے، استدعا ہے کہ انسداد دہشت گردی عدالت کےمنتظم جج کا فیصلہ کالعدم قرار دیا جائے۔

یاد رہے کراچی سے چھ جنوری کو اغوا کئےگئے مصطفیٰ کا قاتل اس کا دوست ارمغان نکلا تھا تاہم کیس سے جڑے اہم شواہد پولیس کو مل گئے،ڈی آئی جی سی آئی اے نے بتایا کہ مصطفیٰ عامر چھے جنوری کو ارمغان کے گھرگیا جہاں اسےتشدد کا نشانہ بناگیا اور بلوچستان لے جا کر گاڑی سمیت جلادیا،گرفتار ملزم شیراز کے تحقیقات کے دوران انکشافات سامنے آئے ، جس میں ملزم نے پولیس کو بتایا کہ مصطفیٰ کولڑکی کے معاملے پرارمغان نے قتل کیا،مرکزی ملزم ارمغان کے گھرسےملےخون کےنمونےاورمصطفی کےموبائل فون کی فارنزک رپورٹ کا انتظار ہے تاکہ کیس سے جڑے حقائق سامنے آسکیں

علاوہ ازیں غلام مصطفیٰ عامر کے قتل کی تحقیقات جاری ہیں، ایدھی فاوٴنڈیشن کے سربراہ فیصل ایدھی کا کہنا ہے ہمیں لاش کا صرف دھڑ ملا تھا گردن ہاتھ اور پاوٴں نہیں ملے، جس کے بعد سولہ جنوری کو تدفین کردی گئی تھی۔

حکومت سندھ نے سڑکوں کی حفاظت کو یقینی بنانے کے لیے فزیکل ان فٹ گاڑیوں کے خلاف ایک بڑا کریک ڈاؤن کرنے کا فیصلہ کیا ہے۔ اس حوالے سے سینئر وزیر شرجیل انعام میمن نے سندھ بھر میں موٹر وہیکل انسپیکشن (ایم وی آئی) سینٹرز کے قیام کو تیز کرنے کی ہدایات دی ہیں۔

سینئر وزیر شرجیل انعام میمن کی زیر صدارت ہونے والے اجلاس میں موٹر وہیکل انسپیکشن کے نظام کو مؤثر بنانے کے لیے اہم فیصلے کیے گئے۔ اجلاس میں سیکریٹری ٹرانسپورٹ اسد ضامن، ایم ڈی سندھ ماس ٹرانزٹ اتھارٹی کمال دایو، سیکریٹری پی ٹی اے اوکاش میمن اور دیگر حکام نے شرکت کی۔وزیر اعلیٰ سندھ نے پہلے ہی ایم وی آئی نظام اور وہیکل رجسٹریشن کے نفاذ کے حوالے سے واضح ہدایات جاری کی ہیں۔ شرجیل انعام میمن نے کہا کہ "سڑکوں کی حفاظت اور قواعد و ضوابط کی تعمیل کو یقینی بنانے کے لیے ایم وی آئی نظام ایک ماہ کے اندر مکمل طور پر فعال ہونا چاہیے۔”انہوں نے مزید کہا کہ "ہیوی گاڑیوں جیسے ڈمپرز، ٹرک، بسوں اور ٹریلرز کے لیے موٹر وہیکل انسپیکشن لازمی قرار دیا گیا ہے۔” اس نظام کے نفاذ کو آسان بنانے کے لیے کراچی میں چار مقامات پر ایم وی آئی سینٹرز قائم کیے جائیں گے۔کراچی کے علاوہ حیدرآباد، سکھر، لاڑکانہ، میرپورخاص اور شہید بینظیر آباد ڈویژنز میں بھی ایم وی آئی سینٹرز قائم کیے جائیں گے۔ یہ اقدام سڑک پر چلنے والی گاڑیوں کے معیار کو بہتر بنانے اور ان کی فٹنس کی تصدیق کرنے کے لیے کیا جا رہا ہے۔

فٹنس سرٹیفکیٹ نہ رکھنے والی گاڑیوں کے خلاف کارروائی
سینئر وزیر نے اعلان کیا کہ فٹنس سرٹیفکیٹ نہ رکھنے والی گاڑیوں کے خلاف مؤثر کارروائی کی جائے گی۔ اس کے علاوہ، جعلی فٹنس سرٹیفکیٹ رکھنے والوں کے خلاف مقدمات درج کرکے انہیں جیل بھیجا جائے گا۔ انہوں نے کہا کہ "ٹرانسپورٹ کے شعبے کو جدید خطوط پر استوار کیا جائے گا، اور سڑک پر چلنے سے پہلے گاڑیوں کی حفاظت کے معیار کو یقینی بنایا جائے گا۔”

کراچی، مصطفیٰ قتل کیس میں نئے انکشافات سامنے آ گئے

ٹرمپ انتظامیہ نے غیر قانونی تارکین وطن کو گوانتانامو بے بھیج دیا

کراچی: کراچی کے علاقے ڈیفنس سے اغوا ہونے والے نوجوان مصطفیٰ عامر کے قتل کیس میں اہم پیشرفت سامنے آئی ہے۔ پولیس ذرائع کے مطابق، مصطفیٰ کے دوست ارمغان نے اسے بہانے سے گھر بلایا اور پھر لوہے کے راڈ سے تشدد کیا۔ تشدد کے بعد ارمغان نے مصطفیٰ کو نیم بے ہوش کیا اور اس کی ہی گاڑی کی ڈگی میں ڈال کر لے گئے۔

پولیس ذرائع کا کہنا ہے کہ ارمغان اور شیراز کیماڑی سے حب چوکی پہنچے، جہاں مصطفیٰ کی گاڑی میں ارمغان نے پیٹرول چھڑک کر لائٹر سے دور کھڑے ہو کر گاڑی کو آگ لگا دی۔ شیراز کے مطابق، اس کے بعد وہ حب چوکی سے تین گھنٹے پیدل چلنے کے بعد لفٹ لے کر کراچی واپس پہنچے۔

پولیس نے اس بات کی تصدیق کی ہے کہ 6 جنوری کو کراچی سے اغوا ہونے والے مصطفیٰ کی لاش مل گئی۔ اس قتل کی تفصیلات میں یہ بات سامنے آئی کہ مصطفیٰ کا قاتل اس کا دوست ارمغان ہی ہے۔ ڈی آئی جی سی آئی اے مقدس حیدر نے بھی اس کیس کی تصدیق کی ہے کہ مصطفیٰ کو قتل کے بعد اسی کی گاڑی میں حب کے قریب لے جاکر گاڑی سمیت جلا دیا گیا۔ پولیس نے اس کیس کی مزید تحقیقات شروع کر دی ہیں تاکہ مجرمان کو سزا دلوائی جا ئے.

عمران خان کے کیسز پر سرکاری خزانے سے کتنا خرچ ہوا،تفصیلات کیلئے درخواست