Category: کراچی

کراچی: مصطفیٰ کے اغوا اور قتل کی کہانی میں ارمغان کے دوست شیراز نے مزید تفصیلات بیان کردی ہیں۔

باغی ٹی وی : شیراز نے عدالت میں میڈیا سے گفتگو میں بتایا کہ ملزم ارمغان نے مقتول مصطفیٰ کو کئی گھنٹے تشدد کا نشانہ بنایا، کپڑوں سے باندھا اور حب میں جلا دیا، لڑکی سے ناراضی نے ارمغان کو پاگل کردیا تھا، جس کے بعد مصطفیٰ کو قتل کرنے کی منصوبہ بندی کی گئی۔

شیراز نے بتایا کہ مصطفیٰ اور ارمغان نے پہلے منشیات کا استعمال کیا، منشیات کے استعمال کے بعد ارمغان نے ڈنڈا نکالا اور تشدد کرنا شروع کردیا، تشدد کرنے کے بعد مصطفیٰ کے ہاتھ پاؤں باندھ دیئے اس کے بعد گھر سے پیٹرول کا ڈرم لے کر مصطفیٰ کی گاڑی میں رکھا، مصظفیٰ کو زخمی حالت میں گاڑی میں ڈالا جس کے ہاتھ اور پاؤں سے خون نکل رہا تھا ، مصطفیٰ کو جب گھر سے گاڑی میں ڈالا تو وہ زندہ تھا۔

شیراز نے انکشاف کیا کہ نیو ایئر نائٹ کو ارمغان مصطفیٰ عامر سے ناراض ہوگیا تھالالچ اور لگژری لائف نے مجھے متاثر کیا، نوجوانوں کو مشورہ ہے لگژری لائف سے متاثر نہ ہوں ارمغان میرے بچپن کا دوست ہے، تعلیم بھی ساتھ حاصل کی، کچھ عرصے پہلے ارمغان اور میری دوستی ختم ہوگئی تھی، ارمغان گھر آیا تو پھر دوبارہ دوستی ہوگئی، میں ارمغان کا لائف اسٹائل دیکھ کر متاثر ہوگیا تھا، مڈل کلاس کے پاس پیسوں کی ریل پیل نے حیران کردیا تھا۔

ملزم شیراز کے مطابق ارمغان اپنی والدہ اور والد سے بہت کم ملتا تھا، ارمغان ذہنی طور پر مضبوط انسان ہے، میں نے اور ارمغان نے کئی پارٹیاں ساتھ کی ہیں شیراز نے انکشاف کیا کہ مصطفیٰ اور ارمغان دوست نہیں ہیں مصطفیٰ ارمغان کو منشیات سپلائی کرتا تھا، مصطفیٰ کی گاڑی کو آگ لگانے کے بعد کئی گھنٹے پیدل چلتے رہے۔

کراچی کی انسداد دہشت گردی عدالت میں مصطفیٰ عامر کے اغوا اور قتل کیس کی سماعت کے دوران تفتیشی افسر کی جانب سے اہم انکشافات سامنے آئے ہیں، تفتیشی افسر نے عدالت کو بتایا کہ جائے وقوعہ پر کارپٹ پر لگے خون کے ایک نمونے کا ڈی این اے مدعیہ مقدمہ سے میچ کر گیا ہے، جبکہ ملزم ارمغان کے کمرے کے کارپٹ پر موجود دو نمونوں سے ایک نامعلوم خاتون کا ڈی این اے ملا ہے۔

ملزمان نے دوران انٹروگیشن بتایا کہ وقوعے سے ایک روز قبل زوما نامی لڑکی کو بھی اسی کمرے میں تشدد کا نشانہ بنایا گیا تھا۔ تفتیشی افسر نے عدالت کو آگاہ کیا کہ زوما نامی لڑکی کا پتہ لگانے کے لیے ملزمان کی نشاندہی ضروری ہے، تاکہ اس کا بلڈ سیمپل لے کر ڈی این اے ٹیسٹ کیا جا سکے۔

خیال رہے کہ اس سے قبل کیس میں مارشا اور انجلینا نامی دو لڑکیوں کا نام سامنے آچکا ہے،مزید تفتیش میں یہ بات سامنے آئی کہ ملزم ارمغان بوٹ بیسن، کلفٹن، درخشان اور ساحل تھانےمیں درج متعدد مقدمات میں مفرور ہےتفتیشی افسر نے عدالت سے درخواست کی کہ ملزم کے خلاف ان مقدمات میں بھی کارروائی کی جائے۔

تفتیشی افسر نے بتایا کہ ملزم ارمغان غیر قانونی کال سینٹر اور وئیر ہاؤس چلا رہا تھا، جبکہ اس کے دیگر ساتھیوں، جن میں نعمان سمیت دیگر افراد شامل ہیں، کی تلاش جاری ہے اس کے علاوہ، ملزم ارمغان کے خلاف منی لانڈرنگ کے الزامات کی بھی تحقیقات کی جا رہی ہیں۔

کراچی: پاکستان میں رواں سال پولیو کا تیسرا کیس رپورٹ ہوگیا۔

ترجمان نیشنل ای او سی کے مطابق رواں سال کا پولیو کا تیسرا کیس لاڑکانہ سے رپورٹ ہوا ہے جب کہ رواں سال سندھ سے یہ دوسرا پولیو کیس ہے –

قبل ازیں 9 فروری کو ملک کے 21 اضلاع کے ماحولیاتی نمونوں میں پولیو وائرس کی تصدیق ہوئی تھی ،ژوب،نوشکی،لسبیلہ، حب، خضدار، نصیرآباد اور ڈیرہ بگٹی کے ماحولیاتی نمونوں میں پولیو وائرس کی تصدیق ہوئی ان اضلاع سے ماحولیاتی نمونے 8 سے 23 جنوری کے دوران حاصل کیے گئے تھے۔

بلوچستان کے علاوہ ملک کے 13اضلاع کے ماحولیاتی نمونوں میں بھی پولیو وائرس کی تصدیق ہوئی ،اسلام آباد،چارسدہ، پشاور، صوابی، ٹانک، بہاولپور، ڈی جی خان، جھنگ،لاہور، ملتان، رحیم یار خان،کراچی ایسٹ اور مظفرآبادکے ماحولیاتی نمونوں میں بھی پولیو وائرس کی تصدیق ہوئی –

جبکہ گزشتہ سال ملک میں پولیو کے 74 کیسز سامنے آئے تھے جن میں سے بلوچستان سے 27، خیبرپختونخوا سے 22 اور سندھ سے 23 پولیو کیسز رپورٹ ہوئے،اس کے علاوہ پنجاب اور اسلام آباد سے گزشتہ سال پولیو کا ایک ایک کیس رپورٹ ہوا تھا۔

کراچی: مصطفیٰ عامر قتل کیس کا مرکزی ملزم ارمغان قریشی ایک بار پھر کمرہ عدالت میں بے ہوش ہو گیا-

باغی ٹی وی: ہفتے کو چار روزہ ریمانڈ مکمل ہونے پر ملزم ارمغان کو انسداد دہشتگردی عدالت (اے ٹی سی تھری) میں پیش کیا گیا،جہاں پولیس کی جانب سے مزید ریمانڈ کی استدعا کی گئی، اس موقع پر ملزم ارمغان کے والد کامران قریشی بھی عدالت پہنچے اور ملزم سے ملنے کی کوشش کی، تاہم، پولیس اہلکاروں نے ملزم سے والد کو ملنے نہیں دیا۔

دوران سماعت عدالت نے ملزم ارمغان سے استفسار کیا کہ کیا آپ کو مارا ہے؟ جس پر ملزم ارمغان نے کہا کہ ’مجھے مارا ہے‘، اور یہ کہہ کر ملزم گر گیا اور بظاہر ایک بار پھر بے ہوش ہوگیا، عدالتی عملے نے ملزم پر پانی چھڑکاہوش میں آںے پر ملزم ارمغان نے عدالت کو بتایا کہ مجھے کھانا نہیں دیا گیا، مجھے پولیس بلوچستان لے کر گئی اور کہا کہ گولی مار دیں گے۔

اداکارہ نرگس فخری نے لاس اینجلس میں خفیہ شادی کرلی

ملزم نے عدالت میں بیان دیا کہ پولیس مجھے مار دے گی،جبکہ پولیس نے عدالت میں بیان دیا کہ باپ کے اشارہ کرنے پر ملزم گر کر بہوش ہوا ہے،پولیس نے کہا کہ ملزمان کا 164 کا بیان کرانا ہے۔

ملزم کے وکیل خرم عباس نے کہا کہ اتنی چیزیں بتا رہے ہیں لیکن ریکارڈ پر کچھ نہیں ہے، شریک ملزم شیراز سے سائن نہیں کرانے دے رہے، جبکہ پولیس والے ملزم کے انٹرویو کروا رہے ہیں،جس پر عدالت نے ریمارکس دئیے کہ یہ آپ کے رابطہ کا معاملہ ہے۔

بعد ازاں عدالت نے ملزمان ارمغان اور شیراز کے جسمانی ریمانڈ کی استدعا پر فیصلہ محفوظ کرلیا۔

قائمقام چیف جسٹس تعیناتی اور ججز سنیارٹی کیس،دوبارہ درخواستیں دائر

جماعت اسلامی کراچی کے امیرمنعم ظفر خان نے لیاقت آباد نمبر 10 پر ہونے والے احتجاجی مظاہرے سے خطاب کیا۔

باغی ٹی وی کو جماعت اسلامی کے ذرائع نے بتایا کہ اس مظاہرے کا مقصد ٹریفک حادثات اور خونی ڈمپر و ٹینکر کی ٹکر سے شہریوں کی اموات کے خلاف آواز بلند کرنا تھا۔ جماعت اسلامی کراچی کے تحت شہر کے 15 سے زائد مقامات پر مظاہرے کیے گئے۔منعم ظفر خان نے کہا کہ 2024 میں کراچی میں 775 شہری ڈمپر و ٹینکر کی ٹکر یا دیگر ٹریفک حادثات کا شکار ہوئے، جب کہ 8,000 شہری ان حادثات میں زخمی ہوئے۔ 2025 کے ابتدائی 50 دنوں میں 110 شہری جان کی بازی ہار گئے اور 1,500 سے زائد افراد زخمی ہوئے ہیں۔انہوں نے وزیر اعلیٰ سندھ کے اس بیان پر تنقید کی کہ یہ صرف انتظامی مسئلہ ہے، سیاسی مسئلہ نہیں۔ انہوں نے کہا کہ وزیر اعلیٰ سندھ کو یہ بتانا چاہیے کہ اگر شہریوں کی جانیں یوں ضائع ہو رہی ہیں، تو کیا شہری احتجاج کا حق بھی نہیں رکھتے؟

منعم ظفر خان نے کہا کہ کراچی کی معیشت میں اہم کردار ادا کرتا ہے اور اس کا 54 فیصد ایکسپورٹ کا حصہ ہے، مگر بدقسمتی سے پیپلز پارٹی کی صوبائی حکومت شہریوں کے مسائل حل کرنے کی بجائے صرف وسائل پر قبضہ کرنے میں مصروف ہے۔شہر میں اسٹریٹ کرائمز، مسلح ڈکیتی اور گٹر میں گر کر بچے جاں بحق ہو رہے ہیں۔جماعت اسلامی کے رہنما نے مطالبہ کیا کہ کراچی میں ٹریفک قوانین پر سختی سے عمل درآمد کروایا جائے اور شہر کے مسائل کے حل کے لیے عملی اقدامات کیے جائیں۔ جماعت اسلامی نے آئی جی اور ڈی آئی جی سے ملاقاتیں بھی کی ہیں اور اپنی سفارشات پیش کی ہیں۔

انہوں نے کہا کہ پیپلز پارٹی، ایم کیو ایم اور مسلم لیگ ن کا وفاق میں اتحاد اپنے تنخواہوں میں 140 فیصد اضافہ تو کر چکا ہے، لیکن کراچی کے مسائل پر کوئی توجہ نہیں دی جا رہی۔ان کا مزید کہنا تھا کہ ہیوی ٹریفک ناظم آباد، لیاقت آباد اور دیگر علاقوں سے کیوں گزرتا ہے؟ نادرن بائی پاس پر کیوں نہیں جاتا؟ “لیاری ایکسپریس وے کی حالت انتہائی خراب ہو چکی ہے اور اس کا ٹول ٹیکس بھی دوگنا کر دیا گیا ہے۔جماعت اسلامی کے رہنما منعم ظفر خان کا مزید کہنا تھا کہ شہر کا حل چنگ چی رکشہ نہیں ہے، بلکہ شہریوں کے حقوق کی بات کرنی ہوگی تاکہ کراچی کو ترقی کی راہ پر گامزن کیا جا سکے۔

ڈی جی آئی ایس پی آر کی لمز یونیورسٹی کےطلباء کے ساتھ نشست

نرگس فخری کی بوائے فرینڈ کیساتھ خاموشی سے شادی ؟تصاویر وائرل

آسٹریلوی کپتان نے پاکستانی مہمان نوازی کی تعریف کر دی

نیپال کے نائب وزیراعظم پر قاتلانہ حملہ،بھارتی شہری گرفتار

شہر قائد میں ڈکیتوں نے لوٹا ماری کیلیے نیا طریقہ واردات اپنا لیا ہے، جس کا حال ہی میں وائرل ویڈیو سے انکشاف ہوا ہے۔

باغی ٹی وی کے مطابق کورنگی صنعتی ایریا کے علاقے مہران ٹاون میں نوعمر پر مشتمل ڈکیت گروپ نے ایک گھر میں داخل ہونے کی کوشش کی تاہم گھر میں موجود خاتون نے شدید مزاحمت کر کے گھر میں گھس کر لوٹ مار کی کوشش کو ناکام بنا دیا۔نوعمر لڑکی کے ساتھ نوجوان لڑکا بھی تھا جن کے ہاتھ میں پھلوں کے شاپنگ بیگ تھے، انہوں نے ایک گھر کا دروازہ بجایا تو پیچھے ساتھی تیار کھڑے تھے۔ دروازہ کھلتے ہی ساتھی گھر میں داخل ہوئے تاہم خاتون نے مزاحمت کی جس پر وہ انہیں زمین پر بہیمانہ طریقے سے گرا کر گھبراہٹ میں فرار ہوگئے۔ڈکیتوں کے دھکے اور تشدد کی وجہ سے خاتون کی قمیص بھی پھٹ گئی تھی۔

پولیس نے واردات کا مقدمہ درج کرلیا، جس کے مطابق واقعہ 18 فروری کی شام پانچ بچے پیش آیا۔واردات میں موٹر سائیکل سوار 2 ڈاکو نوعمر لڑکی کے ہمراہ ایک گھر کے مین گیٹ پر آئے، اس دوران تیسرا ساتھی بھی ان کے پاس آیا اور پھر دونوں نے جاکر گھر کا دروازہ بجایا۔اس حوالے سے ایس ایچ او کورنگی صنعتی ایریا خالد میمن سے رابطہ کیا تو انھوں نے واردات کی تصدیق کرتے ہوئے بتایا کہ مذکورہ وقعہ ناصر پولیس چوکی کی حدود میں پیش آیا ہے جس کا مقدمہ مزاحمت کرنے والی خاتون کی والدہ کی مدعیت میں درج کرلیا جبکہ پولیس سی سی ٹی وی فوٹیج میں دکھائی دینے والے ڈاکووں اور نوعمر لڑکی کو سرگرمی سے تلاش کر رہی ہے جنھیں جلد گرفتار کرلیا جائیگا۔

کشمیری تنہا بھارت کی دس لاکھ فوج کا مقابلہ کر رہے ہیں.مشعال ملک

بارش کے دوران بائیکر لین کے پینٹ کی خرابی پر نوٹس، انکوائری کی ہدایت