Category: کراچی

آئی جی سندھ نے پولیس کے اعلیٰ افسران کی نئی تعیناتیوں اور تبادلوں کے حوالے سے نوٹیفکیشن جاری کردیا ہے، جس کے تحت مختلف اضلاع اور یونٹس میں پولیس افسران کی ذمہ داریاں تبدیل کی گئی ہیں۔

باغی ٹی وی کے مطابق تقرریوں کے مطابق سید محمد عباس رضوی کو اے آئی جی ویلفیئر سی پی او کراچی، قمر رضا جسکانی کو ایس ایس پی اسپیشل برانچ انٹیلی جنس کراچی، اور اعجاز احمد شیخ کو اے آئی جی ایڈمنسٹریشن سی پی او کراچی کے عہدے پر تعینات کیا گیا ہے۔ خالد مصطفیٰ کورائی کو ایس پی آرآرایف حیدرآباد تعینات کیا گیا ہے، جبکہ عرفان مختار بھٹو کو ایس ایس پی اسپیشل برانچ سیکیورٹی کراچی میں تعینات کیا گیا ہے۔اسی طرح، ظفر اقبال ملک کو ایس پی اسپیشل سیکیورٹی یونٹ کراچی، عبدالعظیم کو ایس پی اسپیشل برانچ لاڑکانہ، ثاقب ابراہیم کو ایس ایس پی ہیڈکوارٹرز اینڈ ٹریننگ آرآرایف کراچی، عامر عباس شاہ کو ایس پی اسپیشل برانچ حیدرآباد، اور آصف احمد بھگیو کو ایس پی سی ٹی ڈی حیدرآباد تعینات کیا گیا ہے۔طارق نواز کو اے آئی جی اسٹیبلشمنٹ ون سی پی او کراچی، اور منصور احمد مغل کو ایس پی اسپیشل برانچ سکھر تعینات کیا گیا ہے۔ان تعیناتیوں کا مقصد پولیس کے آپریشنز اور سیکیورٹی کی صورتحال کو مزید مؤثر بنانا اور پولیس کی پیشہ ورانہ صلاحیتوں کو نکھارنا ہے۔آئی جی سندھ نے ان تعیناتیوں کا نوٹیفکیشن جاری کرتے ہوئے تمام افسران کو اپنی نئی ذمہ داریوں میں بہتر کارکردگی کی ہدایت کی ہے تاکہ عوام کی حفاظت اور امن و امان کے قیام کو یقینی بنایا جا سکے۔

کراچی میں دھرنوں کا راج، لاکھوں شہری پریشان

نئے سال کا تحفہ،مختلف موٹرویز کے ٹول ٹیکس میں اضافہ

کراچی: نمائش چورنگی پر کشیدگی، مظاہرین نے موٹر سائیکلوں کو آگ لگادی

نئے سال پر پیٹرول، ڈیزل کی قیمت میں اضافہ

کراچی میں گزشتہ کئی روز سے دھرنوں کا راج ہے، آج مزید 60 مقامات پر دھرنے دیے گئے، چند ہزار مظاہرین کی وجہ سے لاکھوں شہری رُل گئے۔

باغی ٹی وی کے مطابق کراچی کے مختلف علاقوں میں مذہبی جماعت کے احتجاجی دھرنوں کے باعث شہر میں شدید ٹریفک جام ہوگیا۔دھرنے لسبیلہ چوک، اورنگی اسلام چوک، ناگن چورنگی اور کورنگی 5 سمیت متعدد مقامات پر دیے گئے، جس سے شہر کی ٹریفک متاثر ہوئی۔مذہبی جماعت کے کارکنان نے صفورا گوٹھ کے قریب بھی احتجاج کیا، جس کے باعث اس علاقے کی ٹریفک متاثر ہوئی۔اسی طرح، بلوچ کالونی پل کے نیچے ہونے والے دھرنے کے باعث شارع فیصل کا ایک ٹریک بند ہوگیا، جس سے بڑی تعداد میں گاڑیاں پھنس گئیں۔شیرشاہ کے علاقے میں بھی احتجاج کیا گیا، جس کے باعث گلبائی سے شیرشاہ تک شدید ٹریفک جام ہوگیا۔کراچی کے دیگر علاقوں جیسے کہ شاہ فیصل کالونی اور اسٹار گیٹ پر دھرنے کی کوشش کی گئی، تاہم پولیس نے مظاہرین کو روکا۔اس کے علاوہ، بلوچ پل سے کارساز تک گاڑیوں کی لمبی قطاریں لگ گئیں اور ملیر قائدآباد مرغی خانہ، برنس روڈ اور تیسر ٹاؤن روڈ پر بھی دھرنوں کے باعث ٹریفک معطل ہوگیا۔شہر کے دیگر علاقوں میں بھی ٹریفک کی روانی متاثر رہی، بشمول حسن اسکوائر، عیسیٰ نگری، عوامی مرکز اور یونیورسٹی روڈ، جہاں گاڑیوں کی روانی میں مشکلات کا سامنا کرنا پڑا۔کورنگی ایکسپریس وے، قیوم آباد اور کورنگی ندی پر بھی ٹریفک کا دباؤ بڑھا۔پولیس نے نمائش چورنگی پر مظاہرین کو منتشر کرنے کے لیے شیلنگ کی، جس پر مظاہرین نے پتھراؤ کیا۔ ان دھرنوں کے باعث شہر میں ٹریفک کا نظام بری طرح متاثر ہوا اور شہریوں کو شدید مشکلات کا سامنا کرنا پڑ رہا ہے۔

کراچی: نمائش چورنگی پر کشیدگی، مظاہرین نے موٹر سائیکلوں کو آگ لگادی

نئے سال پر پیٹرول، ڈیزل کی قیمت میں اضافہ

نمائش چورنگی پر مذہبی جماعت کی جانب سے جاری احتجاجی دھرنے کے شرکا کی جانب سے پولیس پر پتھراؤ اور پولیس کی آنسو گیس کی شیلنگ کی وجہ سے صورتحال کشیدہ ہوگئی،.

باغی ٹی وی کے مطابق مظاہرین نے پولیس چوکی، گاڑی اور پولیس کی کئی موٹرسائیکلیں نذر آتش کردیں، متعدد مظاہرین زیرحراست، وزیراعلی سندھ نے نوٹس لے لیا۔نمائش چورنگی پر گذشتہ کئی روز سے جاری مذہبی جماعت کے دھرنے میں آج صورتحال کشیدہ ہوگئی، دھرنے کے شرکا نے پولیس پر پتھرا کیا جبکہ پولیس کی جانب سے آنسو گیس کی شیلنگ کی گئی۔ مشتعل مظاہرین نے نمائش پر پولیس چوکی جلاڈالی، ایک گاڑی کو آگ لگادی جبکہ پولیس کی 6 موٹرسائیکلیں بھی نذر آتش کردیں۔ مشتعل مظاہرین نے پتھراؤ کرکے پولیس اہل کاروں کو زخمی بھی کردیا ایک اور ایک پولیس موبائل کے شیشے بھی توڑ ڈالے۔کشیدگی اور جلا گھیرؤا اور پتھراؤ کے بعد پولیس نے متعدد مظاہرین کو حراست میں لے لیا اور مذہبی جماعت کا کیمپ بھی اکھاڑ دیا۔ دریں اثنا وزیراعلی سندھ سیدمراد علی شاہ نے شہر میں دھرنے کی آڑ میں گاڑیاں اور موٹر سائیکلیں نذرآتش کرنے کا نوٹس لیتے ہوئے ایڈیشنل آئی جی کو صورتحال بہتر کرنے کی ہدایت کی ہے۔ ترجمان وزیراعلی سندھ کے مطابق سید مراد علی شاہ نے کہا ہے کہ شہری و سرکاری املاک کو نقصان پہنچانے کی کسی صورت اجازت نہیں، احتجاج کا حق سب کو ہے مگر اس طرح شہری املاک کو نقصان پہنچانا شرانگیزی ہے۔وزیراعلی سندھ نے کہا کہ جنہوں نے گاڑیاں جلائیں ان کے خلاف قانونی کارروائی کی جائے گی، ہم نے دھرنوں کے لیے مخصوص پلیٹ فارم کی اجازت دے رکھی ہے۔وزیراعلی سندھ نے ایڈیشنل آئی جی کو ہدایت کی کہ شہر میں بدنظمی ختم کرکے فوری رپورٹ پیش کی جائے۔

نئے سال پر پیٹرول، ڈیزل کی قیمت میں اضافہ

کراچی: مجموعی طور پر سال 2024 میں پاکستانی روپے کی قدر میں 1.17 فیصد اضافہ ہوا-

باغی ٹی وی: اسٹیٹ بینک آف پاکستان کے مطابق گزشتہ روز انٹربینک میں ڈالر 278 روپے 48 پیسے پر بند ہوا تھامجموعی طور پر سال 2024 میں پاکستانی روپے کی قدر میں 1.17 فیصد اضافہ ہوا انٹربینک میں سال 2024 میں ڈالر مجموعی طور پر 3 روپے 31 پیسے سستا ہوا سال 2023 کے اختتام پر انٹر بینک میں ڈالر کی قیمت 281 روپے 86 پیسے تھی۔

سال 2024 میں انٹربینک میں ڈالر کی بلند ترین سطح 281 روپے 89 پیسے جبکہ ڈالر کی کم ترین سطح 277 روپے 51 پیسے تھی، سال 2024 میں انٹربینک میں ڈالر 4 روپے 37 پیسے کے بینڈ میں رہا۔

ایل پی جی کی قیمت میں کمی

مریم نواز کی کاوشیں، پنجاب بدلنے لگا، تجزیہ : شہزاد قریشی

سال 2025 کا نیوزی لینڈ سے آغاز، شاندار آتش بازی

کراچی: وزیراعلیٰ سندھ سید مراد علی شاہ نے کہا ہے کہ ہم پُرامن احتجاج کی مخالفت نہیں کرتے، مگر مسئلے کو اچھے انداز کے ساتھ حل کرنا چاہتے ہیں۔

باغی ٹی وی : ملیر ایکسپریس وے کے فضائی معائنے کے بعد پریس کانفرنس کرتے ہوئے وزیراعلیٰ سندھ سید مراد علی شاہ نے کہا کہ پرامن احتجاج سے ہمیں کوئی مسئلہ نہیں ہے ہم پُرامن احتجاج کی مخالفت نہیں کرتے، مگر مسئلے کو اچھے انداز کے ساتھ حل کرنا چاہتے ہیں،پاراچنار میں جو کچھ ہوا، وہ باعث افسوس ہے ہم دھرنا دینے والوں کے غم میں برابر کے شریک ہیں ہم نے دھرنے والوں کو ایک مقام پر احتجاج کی پیش کش بھی کی-

انہوں نے کہا کہ انتظامی اقدامات اور مذاکرات سے کراچی میں دھرنے ختم کردیں گے کراچی میں جار ی دھرنوں کی وجہ سے عوام کو شدید تکلیف پہنچ رہی ہےیہ پہلے ایک مقام پر تھا، اس کے بعد اسے بڑھا کر 12 مختلف مقامات تک پھیلا دیا گیا ہے، اگر لوگوں کو تکلیف ہوگی تو پھر دھرنے ختم کرنا ہماری ذمے داری ہے۔

ریسکیو 1122 ڈیرہ غازیخان کی سالانہ کارکردگی رپورٹ

وزیراعلیٰ سندھ سید مراد علی شاہ کا کہنا تھا کہ وسائل کی کمی اور آئی ایم ایف کی ہدایات کے باوجود کام کررہے ہیں، تنقید بہت ہو رہی ہے، مگر کراچی میں بی آر ٹی منصوبوں پر کام جاری ہے گراؤنڈ پر کام دیکھ کر خوشی ہوئی، 6۔1 ارب ڈالرکے منصوبے کے لیے ورلڈ بینک نے یقین دہانی کروائی ہے۔

مراد علی شاہ نے کہا کہ واٹر بورڈ ہمارے پاس کافی عرصے سے نہیں تھا ، لائنیں پرانی ہیں لیکن کراچی کی آبادی بھی بڑھی ہےچیئرمین پیپلز پارٹی بلاول بھٹو زرداری نے دریائے سندھ پر نئی کینال نکالنے پر سخت موقف دیا ہے کراچی کے لیے حب سے 200 ایم جی ڈی پانی کے لیے لی جائے گی، 100 ایم جی ڈی کی نئی کینال کا منصوبہ اگست تک مکمل ہوجائے گا۔

کراچی:نیو ائیر نائٹ ، ٹریفک پلان جاری،دھرنوں کے باعث مزید راستے بند

انہوں نے کہا کہ کے فور منصوبے کے لیے کینجھر سے لائننگ بنا رہے ہیں، کے بی فیڈر کی لائننگ کا کام سندھ حکومت کررہی ہے،کے بی فیڈر سے ٹھٹھہ اور جامشورو کے عوام بھی مستفید ہوں گےہمارا ہمیشہ موقف رہا ہے کہ سندھ کے حصے کا پانی کسی کونہیں دیں گے۔

کراچی: شہر قائد میں سال نو کے لیے ٹریفک پولیس نے روٹس و متبادل راستوں سے متعلق پلان جاری کردیا۔

باغی ٹی وی : ٹریفک پولیس کے پلان کے تحت اختر کالونی سے براستہ خیابان اتحاد سی ویو کا روڈ بند ہوگا، جبکہ دو تلوار سے عبداللہ شاہ غازی مزار اور چھبیس اسٹریٹ جانے والی سڑک بھی بند رہے گی،سی ویو یا اطراف جانے والے چھبیس اسٹریٹ سے ہوتے ہوئے اپنی منزل کی جانب جاسکیں گے جبکہ پی آئی ڈی سی چوک سے کلب روڈ بھی ٹریفک کے لیے بند رہے گا۔

ٹریفک پلان کے مطابق ماڑی پور روڈ سے براستہ جناح برج مائی کولاچی ہیوی ٹریفک کو اجازت نہیں ہوگی،ڈاکٹر ضیاالدین روڈ لکی سگنل تک ٹریفک کے لیے بند ہوگا جبکہ پی آئی ڈی سی چوک سے کلب روڈ بھی ٹریفک کے لیے بند ہوگا۔

افغانستان میں خواتین کو ملازمتیں دینے والی این جی اوز بند کرنے کا اعلان

ٹریفک پولیس کے مطابق بغیر سائیلنسر والی گاڑیوں اور موٹرسائیکلوں کے خلاف کارروائی ہوگی، غیرذمہ داری سے گاڑی اور موٹرسائیکل چلانے والوں کے خلاف بھی پکڑ دھکڑ ہوگی، متبادل راستوں والےعلاقوں کے رہائشی اپنا اصل شناختی کارڈ دکھاکر جاسکیں گے۔

دوسری جانب مجلس وحدت مسلمین پاکستان کی جانب سے پارہ چنار میں پرتشدد واقعات کے بعد کراچی میں کئی روز سے دھرنا جاری ہے اور اب اہل سنت و الجماعت نے بھی اپنا دھرنا شروع کردیا جس کے بعد دونوں مذہبی جماعتوں کے دھرنوں کی وجہ سے تصادم کا خدشہ ہے جبکہ مزید راستے بند ہوگئے۔

2024 میں ملک میں سونےکی فی تولہ قیمت میں کتنا اضافہ ہوا؟

اہل سنت و الجماعت نے آج دوپہر میں دھرنے شروع کرنے کا اعلان کیا تھا اہل سنت والجماعت کا مرکزی دھرنا ٹاور پر دیا جارہا ہے اہلسنت والجماعت کراچی ڈویژن نے شہر میں دھرنے کا آغاز کرتے ہوئے لسبیلہ چوک،شارع فیصل اسٹارگیٹ پرعوامی دھرنا شروع کردیا۔

اہلسنت والجماعت نے گزشتہ روز کراچی کے 60 مقامات پر دھرنے دینے کا اعلان کیا تھا جس میں شارع فیصل، سوک سینٹر، حیدری سیمت اہم مقامات شامل ہیں پارٹی کے ترجمان نے بتایا تھا کہ لیاقت آباد، ناظم آباد، حیدری مارکیٹ، سخی حسن موبائل مارکیٹ، ناگن چورنگی، فورکے چورنگی، سہراب گوٹھ اور کریم آباد سمیت دیگر اہم مقامات پر دھرنا ہوگا۔

وینزویلا نے ٹک ٹاک پر ایک کروڈ ڈالر کا جرمانہ عائد کردیا

سندھ کے سینئر صوبائی وزیر، وزیر اطلاعات شرجیل انعام میمن نے کہا ہے کہ ریڈ لائن بی آر ٹی پر مختلف بیانات آرہے ہیں، حکومت کی جانب سے اس پر دن رات کام جاری ہے

پریس کانفرنس کرتے ہوئے شرجیل میمن کا کہنا تھا کہ عوام سالِ نو کی خوشیاں ضرور منائیں، مگر ہوائی فائرنگ سے گریز کریں،مظلوم فلسطینیوں کے لئے نیا سال بہتر ثابت ہو گا، نئے سال میں مسلمانوں کے لئے دعائیں کرنی چاہئے، کوئی ایسا کام نہ کریں جو کسی کے لئے اذیت کا باعث نہ بنے، ہوائی فائرنگ کرتے ہوئے گولی نکل تو جاتی اسکی منزل کون سی ہوتی کوئی پتہ نہیں ہوتا، ہوائی فائرنگ سے جانی نقصان ہوتا ہے، اپنی خوشی کے لئے کسی اور کی زندگی کیوں ختم کریں، ایسا نہیں ہونا چاہئے،ہوائی فائرنگ سے اجتناب کریں،سوشل میڈیا پر بھی اس حوالہ سے مہم چلائی جانی چاہئے، آصفہ بھٹو نے بھی پیغام دیا ہے کہ ہوائی فائرنگ نہ کریں جس سے کسی کی جان کو نقصان پہنچے

شرجیل میمن کا مزید کہنا تھا کہ ریڈ لائن، بی آرٹی پر چند دنوں سے بیانات آ رہے ہیں، سندھ حکومت کی جانب سے دن رات کام جاری ہے، دنیا کا کوئی بھی ادارہ، فرم آڈٹ کر لے، سندھ حکومت کی جانب سے کوئی رکاوٹ نہیں ہے اور نہ ہی تاخیر، مسائل ہیں، اور انکو حل کر رہے ہیں، کسی کو ذمہ دار ٹھہراؤں تو نگران حکومت میں ایک بھی کام نہیں ہو سکا، افسران کی بھی اس میں نااہلی تھی،ہم نے کام شروع کیا تو نگران حکومت آ گئی،جام صادق پُل 2025ء کے مارچ میں کراچی کے شہریوں کے حوالے کروں گا، جہاں ہمیں مسائل نہیں وہاں وقت سے پہلے پروجیکٹ مکمل کر رہے ہیں

شرجیل میمن کا مزید کہنا تھا کہ ایٹمی پروگرام اور میزائل ٹیکنالوجی اصل نشانه ہیں، عمران خان بہانہ ہے،پاکستان ایک خودمختار ملک ہے، پاکستان کے اندرونی معاملات میں کسی بھی ملک کو دخل اندازی کرنے کی اجازت نہیں ،پیپلز پارٹی ملک کے ایک ایک انچ کی حفاظت کے لئے تیار ہے، بلاول کی قیات میں ،آصف زرداری کی قیادت میں ہر محکمے، ٹیکنالوجی کے دفاع کے لئے موجود ہے کسی غیر ملکی مداخلت، دراندازی سے بلیک میل نہیں ہوں گے،

شرجیل میمن کا مزید کہنا تھا کہ پیپلز پارٹی بھی نہیں چاہتی کہ سیاسی ورکرز کا معاملہ ملٹری کورٹ جائے، ان کی ایک ٹیم حکومت سے مذاکرات کر رہی ہے اور دوسری ٹیم پاکستان کو بدنام کرنے کی کوشش کر رہی ہے انہوں نے لابی ہائیر کی ہوئی ہیں تاکہ پاکستان پر دباؤ ڈالا جائے، پہلے اپنے ریلیف کے چکر میں آئی ایم ایف کو گمراہ کیا گیا۔

پی ٹی آئی رہنما کا امریکا سے پاکستان کے اندرونی معاملات میں مداخلت کا مطالبہ

پی ٹی وی میں جعلی سند پر بھرتی خاتون گرفتار

کراچی کے علاقے گلستان جوہر میں واقع کامران چورنگی کے قریب ایک فرنیچر مارکیٹ میں اچانک آگ بھڑک اُٹھی جس سے مارکیٹ میں موجود بھاری مالیت کا فرنیچر جل کر خاکستر ہوگیا۔ فائر بریگیڈ حکام کے مطابق آگ کی شدت اتنی زیادہ تھی کہ شعلے دور دور تک دکھائی دے رہے تھے،

فائر آفیسر ظفر خان کے مطابق، ابتدائی طور پر فائر ٹینڈر کی مدد سے آگ کو قابو پانے کی کوشش کی گئی، تاہم آگ کی شدت اتنی زیادہ تھی کہ مزید فوراً 6 فائر ٹینڈرز کو روانہ کیا گیا۔ کئی گھنٹوں کی محنت کے بعد فائر بریگیڈ کی ٹیم نے آگ پر قابو پالیا۔ظفر خان نے مزید بتایا کہ اس آگ کے باعث 30 سے زائد دکانیں مکمل طور پر جل گئیں اور لاکھوں روپے مالیت کا فرنیچر تباہ ہوگیا۔ خوش قسمتی سے، اس حادثے میں کوئی جانی نقصان نہیں ہوا۔ اہل محلہ اور دکانداروں نے صورتحال کا سامنا کرتے ہوئے اپنی مدد آپ کے تحت آگ میں لپٹی ہوئی دکانوں سے کچھ فرنیچر نکال کر اسے جلنے سے بچایا۔آگ لگنے کی وجوہات ابھی تک معلوم نہیں ہو سکیں، تاہم فائر بریگیڈ حکام تحقیقات کر رہے ہیں تاکہ اس کے اصل اسباب کا پتہ چلایا جا سکے۔

دکانداروں کا کہنا ہے کہ اس آتشزدگی کے نتیجے میں ان کی زندگی بھر کی جمع پونجی ضائع ہوگئی ہے، اور انہیں حکومت سے امداد کی توقع ہے تاکہ وہ اپنے کاروبار کو دوبارہ بحال کر سکیں۔یہ واقعہ اگرچہ مالی نقصان کا سبب بنا لیکن خوش قسمتی سے اس میں کوئی جانی نقصان نہیں ہوا، جس پر اہل محلہ اور دکانداروں نے اطمینان کا اظہار کیا۔ آگ کی شدت اور تباہی کے باوجود، فوری طور پر فائر بریگیڈ کے اہلکاروں اور شہریوں کی تیز رفتار کارروائی سے مزید نقصان سے بچاؤ ممکن ہو سکا۔

معاشی اصلاحات کا ایجنڈا پاکستان ،عوام کی ترقی کے لئے ہے،عطا تارڑ

سعودی عرب کو ریکوڈک کے 15 فیصد شیئرز فروخت کرنے کی منظوری