Category: کراچی

سندھ حکومت نے مختلف اضلاع کے ڈپٹی کمشنرز کے تقررو تبادلے کردیے۔

باغی ٹی وی کے مطابق سندھ حکومت نے ڈپٹی کمشنرز کے تقررو تبادلوں سے متعلق نوٹیفکیشن جاری کردیا جس کے مطابق ڈی سی ایسٹ شہزاد فضل عباسی، ڈی سی کیماڑی طاہرچیمہ، سندھ سالڈ ویسٹ کے ایم ڈی امتیاز شاہ سمیت جیکب آباد، ٹنڈوالہیار اور ملیر کے ڈپٹی کمشنرز کو عہدوں سے ہٹادیا گیا ہے۔نوٹیفکیشن کے مطابق سیکرٹری بلدیات خالد حیدر شاہ کو ایم ڈی سندھ سالڈ ویسٹ مینجمنٹ کا اضافی چارج دے دیا گیا ہے جبکہ سیکرٹری لینڈ یوٹیلائزیشن ضمیر عباسی اور ڈائریکٹر اینٹی انکروچمنٹ فورس طارق چانڈیو کو بھی عہدے سے ہٹا دیا گیا ہے۔دوسری جانب راجہ طارق حسین کو ڈپٹی کمشنر کیماڑی، ابرار احمد جعفر کو ڈپٹی کمشنر ایسٹ کراچی، سلیم اللہ اوڈھو کو ڈپٹی کمشنر ملیر اور نورمصطفی لغاری کو ڈپٹی کمشنر ٹنڈوالہیار تعینات کردیا گیا ہے۔

36 کروڑ کی کینسر ادویات چوری اسکینڈل بے نقاب کرنے والے پرحملہ

کسٹم کی بحریہ ٹاون میں کارروائی ، کروڑوں روپے مالیت کی نان کسٹم پیڈ گاڑیاں ضبط

ایم ڈی کیٹ پرچہ لیک کرنے کا مقدمہ درج، تین ملزمان گرفتار

کراچی میں پانی بحران کا خدشہ، آٹھ روز کی مرمت کے بعد پائپ پھر لیک

کراچی:اسٹیٹ بینک آف پاکستان کے مطابق زرمبادلہ کے سرکاری ذخائر میں گزشتہ ہفتے کے دوران ایک کروڑ 30 لاکھ ڈالر کا اضافہ ہوا۔

باغی ٹی وی : اسٹیٹ بینک آف پاکستان نے زرمبادلہ سے متعلق ہفتہ وار اعدادوشمار جاری کردیے جن کے مطابق 6 دسمبر کو ختم ہونےوالے ہفتے میں زرمبادلہ کے سرکاری ذخائر میں ایک کروڑ 30 لاکھ ڈالر کا اضافہ ہوا اسٹیٹ بینک کے مطابق کمرشل بینکوں کے پاس 4 ارب 55 کروڑ ڈالر کے ذخائر موجود ہیں، اس طرح گذشتہ ہفتے کے اختتام پر زرمبادلہ کے ذخائر کی مجموعی مالیت 16 ارب 60 کروڑ ڈالر رہی۔

سندھ ہائی کورٹ نے سابق صدر عارف علوی کو 19 دسمبر تک کسی بھی مقدمے میں گرفتار نہ کرنے کا حکم دے دیا۔

باغی ٹی وی کے مطابق عارف علوی کے خلاف درج مقدمات کی تفصیلات طلب کرنے کے کیس کی سماعت کے دور ان عدالت نے ایف آئی اے کو بھی عارف علوی کی گرفتاری سے روک دیا۔عارف علوی کے وکیل نے کہا ہے کہ ہمیں خدشہ ہے کہ ہمیں گرفتار کر کے کسی اور صوبے میں منتقل کر دیا جائے گا۔عدالت نے کہا کہ عارف علوی سابق صدر ہیں انہیں ایسے کیوں گرفتار کریں گی ان پر اگر بدنیتی پر مبنی مقدمات درج کیے گیے ہیں تو عدالت ان مقدمات کو ختم کر دے گی۔اس سے قبل سندھ ہائی کورٹ نے 12 دسمبر تک سابق صدر عارف علوی کو کسی بھی درج مقدمے میں گرفتار کرنے سے روک دیا تھا۔

کراچی میں پانی بحران کا خدشہ، آٹھ روز کی مرمت کے بعد پائپ پھر لیک

کراچی: ایف آئی اے نے خبردار کیا ہے کہ شہری تصدیقی کوڈز کا اشتراک کسی بھی فرد سے نہ کریں-

باغی ٹی وی:ایف آئی اے کےمطابق واٹس پردھوکہ دہی میں ملوث عناصراپنا تعلق ہائیر ایجوکیشن کمیشن، پاکستان میڈیکل اینڈ ڈینٹل کونسل اورپاکستان انجینئرنگ کونسل سےظاہرکرکے شہروں سے بذریعہ سوشل میڈیا پلیٹ فارمز رابطہ کررہے ہیں،یہ عناصرخود کواعلیٰ تعلیمی اداروں کےاہلکار بن کرعوام کونشانہ بنارہے ہیں-

ایف آئی اے کے مطابق کسی بھی شہری کو ورغلانے کے لیے ڈگری کی تصدیق کرنے اورکوڈ بھیجنے کا اصرار کرتے ہیں، ان غیر متعلقہ لوگوں کو کوڈ شئیرہوتےہی واٹس ایپ اکاؤنٹ ہیک ہوجاتا ہے،پھرہیک شدہ نمبرزکے قریبی افراد کے ساتھ دھوکہ دہی کا عمل شروع ہوجاتا ہے ایف آئی اے نے کہا ہے کہ ایسی صورتحال میں عوام محتاط رہیں اورکسی غیرمعمولی صورتحال میں سائبرکرائم ونگ کواطلاع دیں۔

سندھ کے سینئر صوبائی وزیر اور وزیر اطلاعات شرجیل میمن نے کہا ہے کہ کراچی میں ٹرانسپورٹ کے نظام کو مزید بہتر بنایا جا رہا ہے اور میڈیکل سٹی کے قیام کے لیے اقدامات اٹھائے جا رہے ہیں تاکہ شہر میں صحت کی سہولتیں مزید بہتر ہو سکیں۔

کراچی میں ایک تقریب سے خطاب کرتے ہوئے شرجیل میمن نے کہا کہ پاکستان دنیا کے بہترین ممالک میں شامل ہے جہاں سرمایہ کاری کے بے شمار مواقع موجود ہیں۔ ان کا کہنا تھا کہ پاکستان میں ہر طرح کا موسم، قدرتی وسائل، اور مختلف شعبوں میں ترقی کے لیے کئی مواقع ہیں جن سے دنیا بھر کے سرمایہ کار فائدہ اٹھا سکتے ہیں۔وزیر اطلاعات نے مزید کہا کہ سندھ حکومت تھر پارکر میں کوئلہ نکالنے کا منصوبہ تیار کر رہی ہے، جس کے ذریعے 200 سال تک بجلی پیدا کی جا سکتی ہے۔ ان کے مطابق، تھر پارکر میں کوئلہ کی وسیع مقدار کا موجود ہونا پاکستان کے توانائی کے بحران کے حل کے لیے ایک اہم قدم ثابت ہو سکتا ہے۔شرجیل میمن نے اس بات پر زور دیا کہ پاکستان پیپلز پارٹی کی سندھ حکومت نے پبلک پرائیویٹ پارٹنرشپ کے تحت ملک میں کئی کامیاب منصوبوں کی بنیاد رکھی ہے، جنہیں نہ صرف ملک بھر میں بلکہ بین الاقوامی سطح پر بھی سراہا گیا ہے۔ ان کا کہنا تھا کہ سندھ حکومت کی جانب سے متعارف کرائے گئے منصوبے عالمی سطح پر سرمایہ کاری کے لیے ایک نمونہ بنے ہیں، اور ان منصوبوں کی کامیابی نے دنیا بھر کے سرمایہ کاروں کی توجہ حاصل کی ہے۔

انہوں نے مزید کہا کہ چین کے سرمایہ کار مختلف شعبوں میں سرمایہ کاری میں گہری دلچسپی رکھتے ہیں، جن میں میڈیکل سٹی کے منصوبے کا قیام بھی شامل ہے۔ وزیر اطلاعات نے بتایا کہ یہ میڈیکل سٹی کراچی کے شہریوں کو عالمی معیار کی صحت کی سہولتیں فراہم کرے گا، اور اس منصوبے کی تکمیل سے شہر میں صحت کے نظام میں انقلابی تبدیلیاں آئیں گی۔شرجیل میمن کا کہنا تھا کہ سندھ حکومت مختلف منصوبوں کے ذریعے نہ صرف کراچی بلکہ پورے سندھ کے انفراسٹرکچر کو بہتر بنانے کی کوشش کر رہی ہے، تاکہ صوبے کی معاشی ترقی کو مزید تقویت ملے اور عوام کو بہتر سہولتیں فراہم کی جا سکیں۔انہوں نے مزید کہا کہ حکومتِ سندھ کی یہ تمام کاوشیں سندھ کے عوام کی فلاح و بہبود کے لیے ہیں اور ان کا مقصد ترقی کی راہوں پر مزید تیزی سے آگے بڑھنا ہے۔

کراچی سے سکھر تک بلٹ ٹرین چلانے کامنصوبہ ہے،شرجیل میمن

پی ٹی آئی بیرونی ایجنڈے پر چل رہی ہے، شرجیل میمن

حکومت سندھ ٹرانسپورٹ نظام کو جدید بنانے کی خواہاں ہے،شرجیل میمن

حقائق کو مسخ، عوام کو گمراہ کرنا جماعت اسلامی کی تاریخ رہی ہے، شرجیل میمن

کیا کوئی شخص گولیاں، شاٹ گن لے کر مظاہرے میں شریک ہوتا ہے؟ شرجیل میمن

عظمیٰ بخاری پہلے زمینی حقائق معلوم کریں پھر بیان دیں،شرجیل میمن

پی ٹی آئی احتجاج کی کال انارکی پھیلانے کی کوشش ہے، شرجیل میمن

شرجیل میمن سے یو اے ای کے قونصل جنرل کی ملاقات

صدر مملکت آصف علی زرداری سے بلاول ہاؤس میں چین کے کاروباری وفد کی ملاقات ہوئی ہے،

ملاقات میں وزیر اعلیٰ سندھ سید مراد علی شاہ، صوبائی وزراء، چین کے کونسل جنرل نے شرکت کی،صدر مملکت آصف زرداری نے پاکستانی معیشت کے مختلف شعبوں میں چینی سرمایہ کاری بڑھانے پر زور دیا اور کہا کہ پاکستان اور چین کے مابین اقتصادی اور تجارتی تعاون فروغ دینے کی ضرورت ہے .دونوں ممالک کے عوام بالخصوص سرمایہ کاروں اور کاروباری اداروں کے درمیان روابط بڑھانا ہوں گے. وفد نےملکی شعبہ صحت کی ترقی کے لیے پاکستان میں میڈیکل سٹی کے قیام کے لیے 1 ارب ڈالر کی سرمایہ کاری میں دلچسپی کا اظہار کیا،وفد نےمعیشت کے مختلف شعبوں بالخصوص زراعت، لائیو اسٹاک، توانائی، ٹرانسپورٹ اور مینوفیکچرنگ میں سرمایہ کاری میں دلچسپی کا بھی اظہار کیا،

صدر مملکت کا کہنا تھا کہ پاکستان اور چین کے درمیان گہرے اور تاریخی برادرانہ تعلقات ہیں.پاکستان اور چین اہم امور پر مشترکہ مفادات اور خیالات ہیں.پاکستان اور چین کے مابین کئی دہائیوں پر محیط گہری دوستی ہے.گوادر پورٹ کو ایک علاقائی تجارتی اور اقتصادی حب کے طور پر ترقی دینا میرا وژن تھا.گوادر بندرگاہ سے نہ صرف علاقائی روابط بہتر ہوں گے بلکہ علاقائی تجارت اور اقتصادی تعاون کو بھی فروغ ملے گا.پاکستان چینی سرمایہ کاروں کو خوش آمدید کہے گا.پاکستان چین کے ساتھ اقتصادی تعلقات اور کاروبار کو ترجیح دے گا.پاکستان چینی سرمایہ کاروں کو ہر ممکن سہولت اور مدد فراہم کرنے کے لیے پرعزم ہے.سندھ میں چینی زبان کے کورسز متعارف کرائے گئے ہیں.چینی زبان کے کورسز پاکستان اور چین کے درمیان عوامی اور ثقافتی روابط مضبوط بنانے کی جانب ایک اہم قدم ثابت ہوں گے،

چونیاں: سڑکوں پر تجاوزات، ٹریفک وارڈنز بے نیاز،طالبات اورشہری مشکلات کا شکار

چونیاں:یتیم بچہ اغوا، زیادتی اورتاوان نہ ملنے پر قتل

کراچی سمیت ملک بھر کیلیےبجلی مہنگی

کراچی سمیت ملک بھر کیلیے سہ ماہی ایڈجسٹمنٹ میں بجلی مہنگی کر دی گئی۔

نیپرا نے بجلی کی قیمت میں 20 پیسے فی یونٹ اضافے کا نوٹیفکیشن جاری کر دیا۔اضافہ رواں مالی سال کی پہلی سہ ماہی ایڈجسٹمنٹ کی مد میں کیا گیا, نوٹیفیکیشن کیمطابق بجلی صارفین پر 1 ارب 18کروڑ 70 لاکھ روپے کا اضافی بوجھ پڑے گا۔سہ ماہی ایڈجسٹمنٹ کا اطلاق دسمبر 2024 کے ایک ماہ کیلیے ہو گا ،اضافے کا اطلاق لائف لائن اور پری پیڈ بجلی صارفین پر نہیں ہو گا،ونٹر پیکج کے تحت اضافی بجلی استعمال پر سہ ماہی ایڈجسٹمنٹ کا اطلاق نہیں ہو گا،گزشتہ مالی سال کی آخری سہ ماہی ایڈجسٹمنٹ کی وصولی نومبر میں ختم ہو گئی تھی۔ گزشتہ مالی سال کی آخری سہ ماہی ایڈجسٹمنٹ کی وصولی 1روپیہ74پیسے فی یونٹ تھی۔

سندھ بزرگ شہریوں کو سہولیات فراہم کرنے والا پہلا صوبہ بن گیا

کراچی کے مختلف علاقوں میں ٹریفک حادثات ، 4 افراد جاں بحق