Category: کراچی

کراچی میں غیر ملکیوں کو مبینہ طور پر پولیس جیسی وردی میں ملبوس ڈاکوؤں نے لوٹ لیا۔

ڈی ایچ اے حکام کے مطابق واقعہ دو روز قبل ڈیفنس خیابان مجاہد کے قریب پیش آیا۔ڈی ایچ اے حکام کے مطابق پولینڈ سے پاکستان آنے والے غیر ملکیوں نے بیان میں بتایا کہ پولیس جیسی وردی میں کار سوار ملزمان نے تلاشی کے بہانے ہمیں روکا اور 1080 ڈالرز لوٹ لیے۔حکام نے بتایا کہ خاتون سمیت تین غیر ملکیوں کو درخشاں تھانے کی حدود میں لوٹا گیا، جن کے پاس نہ ہی سیکیورٹی تھی اور نہ ہی انہوں نے کسی انتظامیہ کو آگاہ تھا۔درخشاں تھانے کی پولیس نے بتایا کہ انہوں نے غیر ملکی باشندوں کے بیانات لے لیے ہیں اور واقعے سے متعلق قانونی کارروائی کےلیے اطراف کی سی سی ٹی وی فوٹیج حاصل کر کے ملزمان کی تلاش شروع کر دی ہے۔دوسری طرف وزیراعلیٰ سندھ نے کراچی میں غیرملکیوں سے لوٹ مار کا نوٹس لیتے ہوئے ایڈشنل آئی جی کراچی سے رپورٹ طلب کرلی ہے۔ ترجمان کے مطابق وزیراعلیٰ مراد علی شاہ کا کہنا ہے کہ سیاحوں کو لوٹنا اور زد و کوب کرنا نہایت حوصلہ شکن واقعہ ہے۔ غیرملکیوں کو لوٹنے سے ملکی وقار خراب ہوتا ہے۔ حکومت کے مثبت امیج کو اجاگر کرنے کی وجہ سے سیاح آ رہے ہیں۔مراد علی شاہ نے کراچی پولیس چیف کو ہدایت کی کہ مجرموں کو گرفتار کر کے سخت دی جائے۔ انھوں نے مزید کہا کہ غیر ملکی سیاحوں کے ساتھ مقامی لوگوں کو بھی تحفظ فراہم کریں، گلی محلوں اور اہم شاہراؤں کی نگرانی کیلئے سیف سٹی پروجیکٹ کو یقینی بنائیں۔

شہرقائد میں سمندری ہوائیں بحال، موسم آج بھی گرم اور مرطوب

وزیر داخلہ سندھ کی زیر صدارت اجلاس، چائنیز شہریوں کی سیکیورٹی کا جائزہ

‏وزیر داخلہ سندھ ضیاء الحسن لنجار کی زیر صدارت اعلی سطحی اجلاس منعقد ہوا.

باغی ٹی وی کی رپورٹ کے مطابق اجلاس میں چائنیز شہریوں کی سیکیورٹی اقدامات سے متعلق مختلف امور و حکمت عملی کا جائزہ لیا گیا۔اجلاس میں آئی جی سندھ غلام نبی میمن، ڈی آئی جیز،سی ٹی ڈی،اسپیشل برانچ اور سی پیک/ایس پی یو سمیت قانون نافذ کرنیوالے دیگر اداروں کے نمائندوں نے شرکت کی۔اجلاس کو بریفنگ پر مشتمل تفصیلات میں چائنیز باشندگان، ماہرین و دیگر عملے کو مختلف پروجیکٹس پر فراہم کردہ سیکیورٹی سے متعلق بتایا گیا۔ اس موقع پر ضیاء الحسن لنجار نے کہا کہ سی پیک،نان سی پیک سے وابستہ چائنیز کی سیکیورٹی کو ہر سطح پر مربوط اور مؤثر بنایا جائے۔سندھ میں جاری سی پیک،نان سی پیک پروجیکٹس پر سیکیورٹی سے متعلق نے تمام تر ضروری اقدامات پر مشتمل ایس او پی کا از سر نو جائزہ لیا جائے۔حکومت سندھ کی باقاعدہ سپورٹ اور تعاون سے سی پیک اور نان سی پیک پروجیکٹس سے وابستہ غیرملکیوں/چائنینز کی سیکیورٹی کے مجموعی امورکو مذید غیرمعمولی بنایا جائے۔نان سی پیک منصوبوں پر سندھ میں مصروف غیرملکی ماہرین/اسٹاف کی سیکیورٹی کے حوالے سے تمام چیمبرز/ صنعتی زونز کے نمائندگان و عہدیدارن سے شیڈول اجلاس ترتیب دیں۔سندھ میں غیرملکیوں کی آمد و انکی سیکیورٹی کے حوالے سے اسپانسرز کی بھی ذمہ داریوں کا احاطہ کیا جائے۔

کراچی کے شہریوں کو ہیٹ ویو جیسی صورتحال کا سامنا

کراچی: سندھ اسمبلی نے امریکا میں قید ڈاکٹر عافیہ کی رہائی کیلئے قرارداد متفقہ طور پر منظور کرلی۔

باغی ٹی وی: سندھ اسمبلی کا اجلاس اسپیکر سندھ اسمبلی اویس قادر شاہ کی زیر صدارت ہوا جس میں جماعت اسلامی کے رکن محمد فاروق نے قرارداد پیش کردی، جس میں کہا گیا کہ وفاقی حکومت سے مطالبہ کیا جائے کہ سندھ کی بیٹی ڈاکٹر عافیہ صدیقی کو امریکہ سے رہا کروائے، وزیرتعلیم سندھ سردار علی شاہ نے کہا کہ وفاقی حکومت پہلے ہی اس معاملے کو اٹھا چکی ہے اور کمیٹی تشکیل دی ہے، ہم قراداد کی مخالفت نہیں کر رہے۔ 

محمد فاروق نے کہا کہ ڈاکٹر عافیہ صدیقی کو لاپتہ کردیا گیا تھا، ڈکٹیٹر جنرل مشرف نے اعتراف کیا تھا کہ پاکستانیوں کو پکڑ کر امریکہ کے حوالے کیا گیا، انہیں 21 برس امریکی جیل میں ہوچکے ہیں، قوم کی بیٹی اغیار کے قبضے میں ہے، قانون کے مطابق عافیہ کو پاکستان کے حوالے کیا جائے،سندھ اسمبلی نے ڈاکٹر عافیہ صدیقی کو وطن لانے کے لیئے قراداد متفقہ طور پر منظور کرتے ہوئے اجلاس کل دوپہر دو بجے تک ملتوی کردیا۔

کراچی میں آج انتہائی گرم ومرطوب دن ریکارڈ ہوا،نمی کاتناسب 56فیصد تک بڑھنے کے سبب اصل درجہ حرارت سے زیادہ گرمی محسوس ہوئی،دن کیوقت ہیٹ ویو جیسی صورتحال رہی.

باغی ٹی وی کی رپورٹ کے مطابق آج شہرمیں ایک اورگرم دن ریکارڈ ہوا،جس کے دوران اکتوبرمیں جون،جولائی جیسی صورتحال رہی،دن کیوقت گذشتہ کئی روز سے مختصروقت کے لیے بند سمندری ہوائوں نے جزوی طورپربحالی کے دوران نمی کے تناسب کوبڑھادیا،جس کی وجہ سے دن کے وقت لوکے تھپیڑے چلیاورہیٹ ویو جیسی صورتحال رہی۔واضح رہے کہ گذشتہ کئی روزکیدوران شہرکا موسم بلوچستان کی گرم صحرائی ہواوں کی وجہ سے گرم وخشک رہا،جس کے دوران نمی کا تناسب قدرے کم رہا،محکمہ موسمیات کیمطابق پیرکوشہرکا زیادہ سے زیادہ درجہ حرارت 37.6ڈگری رہا،تاہم ہوامیں نمی کاتناسب 56فیصد تک بڑھنے اورتیزدھوپ کی وجہ سیاصل درجہ حرارت سے کئی ڈگری اضافی(46ڈگری کے قریب)گرمی کی شدت محسوس کی گئی۔محکمہ موسمیات کے مطابق اکتوبرکا مہینہ عموما دوموسموں کے درمیان منتقلی کا مہینہ کہلاتاہے،جس کے دوران گرمی کی صورتحال بھی پیدا ہوتی ہے، اسی وجہ سے ہرسال مئی اورجون کے علاوہ اکتوبرکوبھی گرم مہینوں میں شمارکیا جاتا ہے،تاہم رواں سال گرمی کی شدت زیادہ رہی۔چیف میٹرولوجسٹ کراچی سردارسرفرازکیمطابق مجموعی طورپراکتوبرکے مہینے میں اوائل سے ہی گرم موسم کا آغازہوا،6 اکتوبرسے شروع ہونے والی گرمی کی مختلف لہروں کے دوران زیادہ گرمی محسوس کی گئی،چیف میٹرولوجسٹ کے مطابق مالدیپ اوربھارتی،راجستھان کے قریب بننے والے ہواکے کم دبائو جو بعدازاں عمان اوریمن کی جانب منتقل ہوئے،ان سرگرمیوں نے سمندری ہواں کاراستہ روکا،جس کی وجہ سے شہرمیں غیرمعمولی گرمی کی صورتحال پیداہوئی جبکہ شہر کے نچلی اوراوپری سطح کی فضائوں میں ہواکے زیادہ دبائو نے بھی گرم موسم کا راستہ ہموارکیا۔
حالیہ ہواکے زیادہ دبائو کی وجہ سے ان دنوں شہرمیں گرمی کی شدت بڑھ گئی ہے،تاہم یہ سلسلہ اب پیرکوبتدریج مشرقی بھارت کی جانب منتقل ہونا شروع ہوگیا ہے،یہی وجہ ہے کہ پیرکوسمندر کی بند ہوائیں کھلنے پرنمی کی شدت بڑھی،جس کے سبب موسم گرم ومرطوب رہا،تاہم آنے والے دنوں میں یہ امکان ہے کہ گرمی کی شدت میں معمولی کمی واقع ہوگی۔خنک وسرد موسم کی صورت میں موسم کی تبدیلی کے حوالے سے انہوں نے کہا کہ گرمی کی موجودہ لہرمزید پانچ روزتک جاری رہ سکتی ہیجبکہ یہ سلسلہ نومبرکے پہلے ہفتے تک درازہوسکتا ہے، جس کے بعد یہ امید ہے کہ موسم میں بتدریج بہتری آناشروع ہوجائے گی۔انہوں نے کہا کہ دیہی سندھ کے مختلف اضلاع وکراچی میں اکتوبرکے اوسط درجہ حرارت سے کئی ڈگری زیادہ گرمی رہی،جس کے دوران دن کے درجہ حرارت میں اضافے کے علاوہ رات کا درجہ حرارت بھی 4سی6 ڈگری اضافی رہا۔

رواں مالی سال کے ابتدائی 2 ماہ پاکستان کی بیشتر ممالک کے لیے برآمدات میں اضافہ ہوا ہے، سنگاپور کے لیے برآمدات میں سب سے زیادہ 585 فیصد کا اضافہ ہوا جبکہ امریکا کے لیے برآمدات کا حجم سب سے زیادہ 98 کروڑ ڈالر رہا۔

میڈیا رپورٹ کے مطابق مالی سال کے پہلے 2 ماہ میں سنگاپور کے لیے برآمدات میں 585 فیصد، قازقستان کے لیے 528 فیصد جبکہ فلپائن کے لیے برآمدات میں 148 فیصد کا اضافہ ہوا۔جولائی اور اگست 2024 میں متحدہ عرب امارت کے لیے برآمدات 56 فیصد بڑھیں جبکہ اسی مدت میں سری لنکا کے لیے برآمدات میں 50 فیصد، افغانستان کے لیے 42 فیصد اور بنگلہ دیش کے لیے برآمدات میں 34 فیصد اضافہ ہوا۔مالی سال کے پہلے 2 ماہ میں اومان کے لیے برآمدات میں 35 فیصد جبکہ سعودی عرب کے لیے 24 فیصد اضافہ ہوا۔ذرائع نے دعویٰ کیا ہے کہ جولائی، اگست 2024 میں امریکا کے لیے برآمدات میں 12.5 فیصد کا اضافہ ہوا جبکہ اسی دوران اٹلی کے لیے برآمدات میں 12.6 فیصد، جرمنی کے لیے 12.3 فیصد اور برطانیہ کے لیے برآمدات میں 5.4 فیصد اضافہ ہوا۔ذرائع کے مطابق مالی سال کے پہلے دو ماہ میں کینیا، بیلجیئم، اسپین، آسٹریلیا، کینیڈا سمیت دیگر ممالک کے لیے بھی برآمدات میں اضافہ ہوا۔مالی سال کے پہلے 2 ماہ میں امریکا کے لیے برآمدات کا حجم سب سے زیادہ 98 کروڑ ڈالر رہا جبکہ برطانیہ کے لیے برآمدات کا حجم 37 کروڑ ڈالر اور چین کے لیے 31 کروڑ ڈالرز رہا۔ذرائع کے مطابق مالی سال کے ابتدائی دو ماہ میں متحدہ عرب امارات کے لیے برآمدات کا حجم 29 کروڑ 35 لاکھ ڈالر اور جرمنی کے لیے 28کروڑ ڈالر رہا۔

معاشرے سے منیشات کےخاتمے کے لئے ہر کسی کو تعاون کرنا ہوگا، شرجیل انعام میمن

صدر مملکت سے روسی فیڈریشن کونسل کی چیئرپرسن کی ملاقات

کراچی:ہسپتال کی دیوار گرنے سے ڈاکٹر، سابق پولیس افسر جاں بحق، متعدد زخمی

بریگیڈیئر (ر) اسلم گھمن کو پی ٹی آئی نے پارلیمانی پارٹی اجلاس سے باہر نکال دیا