قائداعظم ٹرافی کرکٹ ٹورنامنٹ کے پہلے راؤنڈ کے میچوں کے تیسرے دن کراچی بلوز نے کوئٹہ کو9 وکٹوں سے شکست دیدی جبکہ اسلام آباد نے ایبٹ آباد کو 326 رنز سے ہرادیا۔
رانا نوید اکیڈمی شیخوپورہ میں کراچی بلوز کو میچ جیتنے کے لیے 203 رنز کا ہدف ملا تھا جو اس نے صرف ایک وکٹ کے نقصان پر حاصل کرلیا، ِخواجہ محمد نافع نے 103 اورعبداللہ فضل نے 82 رنز اسکور کیے اور دونوں آؤٹ نہیں ہوئے۔نیشنل گراؤنڈ اسلام آباد میں ایبٹ آباد کو اسلام آباد کے خلاف جیتنے کیلئے 437 رنز کا ہدف ملا تھا لیکن پوری ٹیم 110 رنز بناکر آؤٹ ہوگئی۔موسیٰ خان نے 5 وکٹیں حاصل کیں۔ اس سے قبل اسلام آباد نے اپنی دوسری اننگز میں 419 رنز7 کھلاڑی آؤٹ پر ڈکلیئر کردی۔فیضان ریاض نے 156 اور سرمد بھٹی نے 135 رنز اسکور کیے اور چوتھی وکٹ کی شراکت میں 208 رنز کا اضافہ کیا۔اشفاق گراؤنڈ چارسدہ میں کراچی وائٹس کی ٹیم پشاور کے 546 رنز کے جواب میں اپنی پہلی اننگز میں 466 رنز بناکر آؤٹ ہوگئی، خرم منظور نے 179 رنز اسکور کیے۔یہ فرسٹ کلاس کرکٹ میں ان کی 35 ویں سنچری ہے، عثمان خان 93 اور غازی غوری 75رنز بناکر آؤٹ ہوئے،پشاور نے دوسری اننگز میں بغیر کسی نقصان کے 10 رنز بنائے تھے،شعیب اختر اسٹیڈیم راولپنڈی میں راولپنڈی کی ٹیم ملتان کی256 رنز کے جواب میں 529 رنز بناکر آؤٹ ہوگئی،ملتان نے دوسری اننگز میں 3 وکٹوں پر 282 رنز بنائے تھے۔امام الحق نے 159 رنز ناٹ آؤٹ کی اننگز کھیلی۔ڈائمنڈ کرکٹ گراؤنڈ اسلام آباد میں فیصل آباد کی ٹیم لاہور وائٹس کے خلاف فالوآن پر مجبور ہونے کے بعد اپنی دوسری اننگز میں 301 رنز بناکر آؤٹ ہوگئی۔ لاہور وائٹس کو جیتنے کے لیے 119 رنز کا ہدف ملا ہے۔ کھیل ختم ہونے پر اس نیدو وکٹوں پر 45 رنز بنائے تھے۔ایبٹ آباد اسٹیڈیم میں بہاولپور کو آزاد جموں کشمیر کے خلاف جیتنے کے لیے 202 رنز کا ہدف ملا ہے۔اس نے دوسری اننگز میں چار وکٹوں پر 79 رنز بنائے تھے۔ اس سے قبل آزاد جموں کشمیر کی ٹیم دوسری اننگز میں 192 رنز بناکر آؤٹ ہوگئی۔ گلفام عزیز نے 6 وکٹیں حاصل کیں۔جناح اسٹیڈیم گوجرانوالہ میں سیالکوٹ نے فاٹا کے 391 رنز کے جواب میں اپنی پہلی اننگز میں 6وکٹوں پر 478 رنز بنائے تھے۔ عبدالرحمن 102 رنز بناکر آؤٹ ہوئے محسن ریاض 181 رنز پر ناٹ آؤٹ ہیں۔سعید اسپورٹس سٹی لاہور میں لاہور بلوز کو ڈیرہ مراد جمالی کے خلاف جیتنے کے لیے 320 رنز کا ٹارگیٹ ملا ہے۔ اس نے دوسری اننگز میں 3 وکٹوں پر 72 رنز بنائے تھے۔اس سے قبل ڈیرہ مراد جمالی کی ٹیم دوسری اننگز میں 187 رنز بناکر آؤٹ ہوگئی۔مرغزار کرکٹ گراؤنڈ اسلام آباد میں حیدرآباد کی ٹیم لاڑکانہ کے خلاف اپنی دوسری اننگز میں 252 رنز بناکر آؤٹ ہوگئی۔محمد سلیمان نے 112 رنز اسکور کیے۔
تاریخی جگہوں پر شہریوں کے لئے ثقافتی پروگراموں کا انعقاد کیا جائے گا، میئر کراچی
سندھ ہائی کورٹ کے توہین عدالت کی درخواست پرحکومت سندھ ودیگر کو نوٹس جاری
وزیراعلیٰ سندھ نے 7 روزہ خصوصی انسداد پولیو مہم کا افتتاح کردیاکراچی:گاڑی ٹکر سے نجی ٹی وی چینل کا کارکن جاں بحق، ڈمپر نے نوجوان کچل دیا
