Category: کراچی

پاکستان کی دفاعی صنعت کے فروغ کیلئے کراچی ایکسپو سنٹر میں 19 تا 22 نومبر تک دفاعی نمائش آئیڈیاز 2024ء کے 12 ویں ایڈیشن کا انعقادہوگا
.

باغی ٹی وی کی رپورٹ کے مطابق دفاعی پیداوار اور برآمدات ایس آئی ایف سی کی ترجیحات میں شامل ہیں ، پاکستان کی دفاعی صنعت فعال طور پر تحقیق و ترقی میں مصروفِ عمل ہے ، عالمی دفاعی ماہرین کی آئیڈیاز 2024 کی نمائش میں ہمیشہ گہری دلچسپی اور بھرپور شرکت ہوتی ہے ، پاکستان کا دفاعی شعبہ جدید چیلنجز اور ٹیکنالوجی کے تقاضوں کو پورا کرنے کی صلاحیت کا حامل ہے ، پاکستان کی دفاعی صنعت کی باہمی شراکت داری سے عالمی سرمایہ کاروں کو تعاون کے مواقع کی فراہمی ہے، عالمی امن، استحکام اور خوشحالی کا پیغام لیئے دفاعی آلات اور ٹیکنالوجیز کی ترقی میں پاکستان پیش پیش ہے ، ایس آئی ایف سی کے تعاون سے پاکستان کے دفاعی شعبہ کی عالمی دفاعی مارکیٹس میں پذیرائی ملی ہے ۔

جارجیا میں اپوزیشن اہلکار نے الیکشن کمیشن کے سربراہ پر سیاہی پھینک دی

وفاقی وزیر تعلیم خالد مقبول صدیقی نے کہاہے کہ پاکستان کی ترقی کا واحد راستہ تعلیم ہے، تعلیم نہ صرف وقت کی ضرورت بلکہ ہمارے دین کا پہلا حکم بھی ہے.

اِن خیالات کا اظہار انہوں نے بطور مہمان خصوصی کراچی میں علامہ اقبال اوپن یونیورسٹی کے سندھ چیپٹر کے کانووکیشن سے خطاب کرتے ہوئے کیا۔ ایم ایس، ایم فل اور پی ایچ ڈی کے طلبہ میں ڈگریاں تقسیم کی گئیں جن میں ا چھی کارکردگی کا مظاہرہ کرنے والے طلبہ کو گولڈ میڈلز سے نوازا گیا، یہ بات قابل ذکر ہے کہ گریجویٹ طلبہ میں زیادہ تعداد طالبات کی تھیں۔وفاقی وزیرتعلیم نے کہا کہ ا س تیز رفتار دنیا نے سب کچھ بدل کررکھ دیا ہے، اگر کوئی نہیں بدلہ تو وہ جس نے خود کو بدلنے کا ارادہ بھی نہ کیا ہو اور جو خود کو بدلنے کی کوشش نہیں کرتا اس کو تو خدا بھی نہیں بدلتا۔ انہوں نے کہا کہ پاکستان کی آبادی کا 65فیصد نوجوانوں پر مشتمل ہے، تقریبا18کروڑ نوجوانوں کی طاقت اس پاکستان کے ساتھ ہے،یہ نوجوان ہمارے لئے ایک موقع بھی ہے اور ایک چیلنج بھی۔ اگر ہم نے اپنے آپ کو موجودہ د ور کے تقاضوں سے ہم آہنگ نہیں کیا اور خودکو بدلنے کی کوشش نہیں کی تو باہر کے لوگ ہمیں اپنی مرضی سے تبدیل کردیں گے۔انہوں نے نوجوانوں پر زور دیا کہ خود کو ڈیجٹل دنیا اور مصنوعی ذہانت سے روشناس کرائیں، زمانے کی رفتار سے قدم ملا کرچلیں تاکہ ملک کی ترقی میں کردار ادا کرسکے۔اس موقع پر خطاب کرتے ہوئے ڈاکٹر ناصر محمود نے کہا کہ صوبہ سندھ میں یونیورسٹی کے 10علاقائی کیمپسز ہیں جن میں تقریبا44ہزار طلبہ زیر تعلیم ہیں۔انہوں نے کہا کہ یونیورسٹی سے آج تک کم و بیش 50لاکھ طلبہ گریجویٹ ہوچکے ہیں، ہم بڑے یقین سے کہتے ہیں کہ پاکستان کا کوئی گھر ایسا نہیں جس میں علامہ اقبال اوپن یونیورسٹی کا طالب علم یا گریجویٹ نہ ہو۔

جناح اسپتال ، پولیس کی حراست سے خطرناک قیدی فرار

بنگلہ دیش میں ڈینگی سےاموات 400 سے زائد ہو گئیں

بالائی علاقوں میں بارش اور برفباری، سردی کی شدت میں اضافہ

کراچی کے جناح اسپتال سے جیل پولیس کی حراست سے قیدی فرار ہوگیا۔

پولیس کے مطابق ملزم آغا سلمان گزشتہ روز دوپہر ڈیڑھ بجے جناح اسپتال سے فرار ہوا اور جیل پولیس نے کئی گھنٹوں بعد پولیس کو واقعے کی اطلاع دی۔پولیس کا کہنا ہے کہ ملزم فرار ہوا یا کرایا گیا، حقیقت جاننے کیلئے تحقیقات شروع کر دی گئی ہے جبکہ کورٹ پولیس کے اہلکار کی مدعیت میں صدر تھانے میں مقدمہ بھی درج کروا لیا گیا ہے۔پولیس نے یہ بھی بتایا کہ فرار ملزم کیخلاف پنجاب میں قتل اور کراچی میں بھی مقدمات درج ہیں جبکہ ملزم کے خلاف گھر پر قبضہ، خواتین کو حراساں کرنے، چوری اور منشیات فروشی کے مقدمات بھی درج ہیں۔اسی حوالے سے جیل پولیس کا مؤقف تھا کہ قیدی آغا سلمان کو علاج کے لیے کورٹ پولیس کے ذریعے جناح اسپتال بھیجا گیا تھا، کورٹ پولیس کے اہلکاروں کی مبینہ غفلت سے قیدی فرار ہوا، غفلت برتنے والے اہلکاروں کے خلاف قانونی کارروائی کی جائے گی جبکہ ہیڈ کانسٹیبل کو گرفتار کر لیا گیا ہے۔

نیوزی لینڈ، خالصتان کی آزادی کیلیے ریفرنڈم،ووٹنگ جاری

پاکستان ایئرپورٹ اتھارٹی کی ناکارہ طیاروں کو تربیت کے لیے قابل استعمال بنانے کی کوششیں جاری ہیں، اس حوالے سے دوسرا ناکارہ طیارہ پیر اور منگل کی درمیانی شب کراچی سے حیدر آباد منتقل کیا جائے گا۔

پروجیکٹ ڈائریکٹر منیر عالم کے مطابق ایم ڈی 83 ساخت کا طیارہ پیر کی رات جناح انٹر نیشنل ایئرپورٹ سے حیدر آباد کے لیے منتقل کیا جائے گا، ناکارہ طیارے کی منتقلی کے حوالے سے متعلقہ اتھارٹی سے این او سی بھی حاصل کر لیا گیا ہے۔طیارہ 60 ٹن وزنی ہے جسے جرمن ٹیکنالوجی کے حامل ٹرالر کے ذریعے نیشنل ہائی وے گھارو اور ٹھٹھہ کے راستوں سے حیدرآباد منتقل کیا جائے گا۔ طیارے کو 2 حصوں میں منتقل کیا جائے گا۔پاکستان ایئرپورٹ اتھارٹی کے تربیتی ادارے کٹائی میں منتقل کیے جانے والا یہ دوسرا طیارہ ہوگا۔ چند روز قبل، پہلا طیارہ سپر ہائی وے کے ذریعے حیدرآباد منتقل کیا گیا تھا۔حیدرآباد منتقل کیے جانے والا طیارہ 160فٹ لمبا ہے جس کی 2011 میں کریش لینڈنگ ہوئی تھی۔طیارے کے نوز وہیل نہ کھلنے کے سبب کریش لینڈنگ کے بعد کراچی کا مرکزی رن وے پورے دن بند رہا، اس وقت کی اطلاع کے مطابق اس طیارے میں کسی عربی شہزادے کے شکار کا سامان تھا۔

ترک دفاعی وفد آئندہ ہفتے پاکستان پہنچے گا

کراچی، تاجر سے 60 لاکھ کے آئی فونز لوٹ لیے گئے

پیپلزپارٹی نے ہمیشہ سندھ کے مفادات کی سودے بازی کی ہے،جماعت اسلامی

جماعت اسلامی نے کہا ہے کہ پیپلزپارٹی نے ہمیشہ اقتدار کے بدلے سندھ کے مفادات کی سودے بازی کی ہے۔

جماعت اسلامی سندھ کے سیکرٹری اطلاعات مجاہدچنا نے آج ایک بیان میں کہاکہ دریائے سندھ کے پانی پرڈاکہ ڈالنے کے لیے ارسا ایکٹ میں ترمیم پرصدرزداری کے دستخط ،کارونجھرپہاڑ کی کٹائی سے لیکر کراچی کے ضمنی بلدیاتی انتخابات میں میڈیٹ پرڈاکہ سے اب یہ جمہوری عوامی اورسندھ دوست پارٹی نہیں رہی،کل 17نومبر کو (آج) دریائے سندھ سے 6کینال نکانے والے غیرآئینی فیصلے کے خلاف کراچی تاکشمور احتجاج میں جماعت اسلامی کے کارکنان بھرپور شرکت کریں گے۔ پیپلزپارٹی کے دہرے اورسندھ کے مفادادت کی سودے بازی کی وجہ سے پٹرول گیس کوئلہ سمیت زراعت کی دولت سے مالامال ہونے کے باوجود خوشحال سندھ آج بدامنی لاقانونیت مہنگائی غربت وافلاس سمیت بے شمار مسائل کا شکار ہے۔یہ پارٹی چوتھی بار اقتدار میں ہے مگر سندھ کے عوام صاف پانی تعلیم وصحت جیسی زندگی کی بنیادی سہولیات سے بھی محروم ہیں۔انہوں نے کہاکہ پیپلزپارٹی کی سندھ حکومت صوبائی اسمبلی سے دریائے سندھ پر مجوزہ کینالوں کیخلاف قرارداد پاس کررہی ہے مگرایوان صدرمیں بیٹھے ہوئے کوچیئرمین ارسا ایکٹ میں ترمیم کی منظوری دیکر سندھ کے پانی پر ڈاکہ ڈالنے کی منظوری دیتے ہیں یہ تمام ہتکنڈے عوام کی آنکھوں میں دھول جھونکنے کے سوا کچھ بھی نہیں، سندھ کی زرخیز زمینوں کی بندبانٹ اور پانی پر ڈاکہ زنی کو کسی صورت بھی قبول نہیں کیا جاسکتا۔ترجمان کے مطابق امیرجماعت اسلامی سندھ کاشف سعید شیخ لاڑکانہ ،امداداللہ بجارانی ،غلام مصطفیٰ میرانی کندھ کوٹ،علامہ حزب اللہ جکھرو زبیرحفیظ شیخ سکھر، حافظ طاہرمجید، عبدلوحید قریشی حیدرآباد، مولانا عبدالقدوس احمدانی،سید علی مردان شاہ بدین،جبکہ مرپورخاص میں حاجی نور الٰہی مغل اس حوالے سے ہونے والے احتجاج میں جماعت اسلامی کی نمائندگی کریں گے۔

بشریٰ بی بی کا "جادو” نہ چل سکا، پشاور میں پی ٹی آئی رہنما عہدے سےمستعفی

سندھ فوڈ اتھارٹی (ایس ایف ای) نے غذائی تحفظ اور قواعد و ضوابط کی پاسداری کو یقینی بنانے کے لیے اپنی کارروائیاں مزید تیز کر دی ہیں۔

باغی ٹی وی کے مطابق ایک روز میں سندھ بھر میں 350 سے زائد مقامات پر معائنہ کیا گیا، جس کے دوران اصلاحی نوٹس جاری کیے گئے، بھاری جرمانے عائد کیے گئے، اور لائسنسنگ کے عمل کو فروغ دیا گیا تاکہ عوامی صحت کے تحفظ کو یقینی بنایا جا سکے۔ڈسٹرکٹ ساؤتھ میں، سندھ فوڈ اتھارٹی کی دو ٹیموں نے 35 معائنہ کیے، جن کے دوران 11 اصلاحی نوٹس جاری کیے گئے اور مختلف مقامات پر 6 لاکھ 40 ہزار روپے کے جرمانے عائد کیے گئے۔ اسی طرح ڈسٹرکٹ کیماڑی میں 12 معائنہ کیے گئے، جن میں پانچ اصلاحی نوٹس جاری کیے گئے اور 90 ہزار روپے کے جرمانے عائد کیے گئے۔ڈسٹرکٹ کورنگی میں 48 مقامات پر معائنہ کیا گیا، 15 اصلاحی نوٹس جاری کیے گئے، 12 مقامات پر 5 لاکھ 20 ہزار روپے کے جرمانے عائد کیے گئے، اور 15 لائسنس چالان جاری کیے گئے، جن کی مجموعی مالیت 1 لاکھ 46 ہزار 900 روپے تھی۔ڈسٹرکٹ ملیر میں 15 معائنہ کیے گئے، جن کے دوران 11 اصلاحی نوٹس جاری کیے گئے اور 3 لاکھ روپے کے جرمانے عائد کیے گئے۔ ضلع مشرقی میں مجموعی طور پر 40 انسپکشنز کی گئیں، جن کے نتیجے میں 3 بہتری کے نوٹس اور 7 جرمانے جو کہ 155,000 روپے کے تھے عائد کیے گئے، اس کے علاوہ 10 لائسنس چالانز بھی جاری کیے گئے۔ شہید بینظیر آباد (SBA) میں 18 انسپکشنز کی گئیں، جن کے نتیجے میں 13 بہتری کے نوٹس اور 7 لائسنس چالانز جاری کیے گئے۔میرپورخاص میں 18 مقامات پر معائنہ کیا گیا، جس میں تین اصلاحی نوٹس جاری کیے گئے۔ حیدرآباد کی ویجیلنس ٹیم نے 23 مقامات کا معائنہ کیا، 17 اصلاحی نوٹس جاری کیے، اور 1 لاکھ 20 ہزار روپے کے جرمانے عائد کیے۔علاوہ ازیں، عمرکوٹ،تھرپارکر، سانگھڑ، ٹھٹھہ، قمبر،شہدادکوٹ، مٹیاری، بدین، ٹنڈو محمد خان، دادو، اور ٹنڈو الہ یار میں بھی معائنہ کیا گیا، جہاں فوڈ سیفٹی کے معیارات کی پاسداری کو یقینی بنانے اور عوامی صحت کے فروغ پر خصوصی توجہ دی گئی۔ڈائریکٹر جنرل سندھ فوڈ اتھارٹی، مزمل حسین ہالیپوٹو نے ٹیموں کی کاوشوں کو سراہتے ہوئے کہا کہ ان مشترکہ کارروائیوں نے اتھارٹی کی غذائی تحفظ کے عزم کو مزید مضبوط کیا ہے۔ انہوں نے زور دیا کہ سندھ فوڈ اتھارٹی غیر معیاری کاروباروں کے خلاف سخت کارروائیاں جاری رکھے گی تاکہ عوام کو محفوظ اور معیاری خوراک فراہم کی جا سکے۔اسی دوران سندھ فوڈ اتھارٹی نے کراچی کے علاقے ملیر میں ایک معروف پیزا برانڈ کے مینوفیکچرنگ یونٹ پر چھاپہ مارا اور غذائی اصولوں کی سنگین خلاف ورزیوں کا انکشاف کیا۔
دورانِ چھاپہ، بڑی مقدار میں زائد المعیاد اجزا برآمد کیے گئے جو شہر بھر میں فروخت ہونے والے پیزا کی تیاری میں استعمال کیے جا رہے تھے۔ڈائریکٹر جنرل مزمل حسین ہالیپوٹو نے کہا، "گلی سڑی اور غیر معیاری اشیاء سے خوراک تیار کرنا عوامی صحت کے لیے سنگین خطرہ ہے۔ ایسی خلاف ورزیوں کو ہرگز برداشت نہیں کیا جائے گا۔”مینوفیکچرنگ یونٹ کو فوری طور پر سیل کر دیا گیا اور 4 لاکھ روپے جرمانہ عائد کیا گیا۔ ہالیپوٹو نے مزید کہا کہ سندھ فوڈ اتھارٹی شہریوں کی صحت پر کوئی سمجھوتہ نہیں کرے گی اور عوام کو محفوظ خوراک کی فراہمی یقینی بنانے کے لیے اپنی کارروائیاں مزید تیز کرے گی۔

پاکستان میں گرین ہاؤس گیس اخراج کوکم کرنے کیلئے اقدامات شروع

بشریٰ بی بی کا "جادو” نہ چل سکا، پشاور میں پی ٹی آئی رہنما عہدے سےمستعفی