Category: کراچی

‎کراچی سمیت ملک بھر میں بجلی کی قیمت میں اضافہ کر دیا گیا ہے جس کے تحت فی یونٹ بجلی 1 روپے 63 پیسے مہنگی کر دی گئی ہے۔
‎اس حوالے سے نیشنل الیکٹرک پاور ریگولیٹری اتھارٹی (نیپرا) نے فیول پرائس ایڈجسٹمنٹ کے تحت نوٹیفکیشن جاری کر دیا ہے۔ نوٹیفکیشن کے مطابق بجلی کی قیمت میں اضافہ جنوری کی فیول پرائس ایڈجسٹمنٹ کی مد میں کیا گیا ہے۔
‎نیپرا کے مطابق بجلی کی قیمت میں ہونے والا یہ اضافہ صارفین سے مارچ کے بلوں میں وصول کیا جائے گا۔ تاہم لائف لائن صارفین اور الیکٹرک وہیکل چارجنگ اسٹیشنز پر اس اضافے کا اطلاق نہیں ہوگا۔
‎نیپرا نے جنوری کی فیول پرائس ایڈجسٹمنٹ پر سماعت کے بعد فیصلہ محفوظ کیا تھا جسے اب جاری کر دیا گیا ہے۔

‎امریکی حکام کے مطابق کراچی میں امریکی قونصلیٹ پر دھاوا بولنے والے مظاہرین پر میرینز کی جانب سے فائرنگ کی گئی۔
‎خبر ایجنسی کی رپورٹ میں کہا گیا ہے کہ حکام کے مطابق یہ واضح نہیں ہو سکا کہ میرینز کی چلائی گئی گولیاں کسی کو لگیں یا ان سے کوئی ہلاکت ہوئی۔ یہ بھی معلوم نہیں کہ قونصلیٹ پر تعینات دیگر سکیورٹی اہلکاروں نے بھی فائرنگ کی یا نہیں۔
‎رپورٹ کے مطابق قونصلیٹ کی حفاظت پر نجی سکیورٹی گارڈز اور مقامی پولیس بھی مامور تھی۔ پولیس حکام کا کہنا ہے کہ گولیاں قونصل خانے کے احاطے کے اندر سے چلائی گئیں۔
‎چند روز قبل ایران کے سپریم لیڈر آیت اللہ خامنہ ای پر امریکی حملے کے خلاف بڑی تعداد میں شہریوں نے کراچی میں امریکی قونصلیٹ کے باہر احتجاج کیا تھا۔ مظاہرین اور پولیس کے درمیان جھڑپوں کے دوران فائرنگ سے 9 افراد جاں بحق اور متعدد زخمی ہوئے۔
‎دوسری جانب امریکی میرینز نے اس معاملے سے متعلق سوالات امریکی فوج کو بھیج دیے، جبکہ امریکی فوج نے معاملہ محکمہ خارجہ کے سپرد کر دیا ہے۔ تاحال امریکی محکمہ خارجہ کی جانب سے کوئی باضابطہ ردعمل سامنے نہیں آیا۔

وزیر اطلاعات سندھ شرجیل انعام میمن کا کہنا ہے کہ کراچی میں افسوسناک واقعہ پیش آیا، وزیراعلیٰ مراد علی شاہ نے جے آئی ٹی بنائی، کمیٹی 15 روز میں اپنی رپورٹ پیش کرے گی۔

انہوں نے کہا کہ ابھی واضح نہیں امریکی قونصل خانے پر احتجاج کے دوران کس نے فائرنگ کی تھی، سی سی ٹی وی فوٹیجز اور کرائم سین کو مانیٹرنگ کیا جائے گا، جے آئی ٹی کی فیکٹ فائنڈنگ رپورٹ کا انتظار کرنا ہوگا۔

واضح رہے کہ کراچی میں امریکی قونصل خانے کے باہر فائرنگ سے 10 مظاہرین جاں بحق ہوئے تھے۔کراچی میں امریکی قونصل خانے کے باہر احتجاج اور ہنگامہ آرائی کے معاملے پر پولیس نے سرکار کی مدعیت میں 3 مقدمات درج کرلئے، مقدمات میں قتل، اقدام قتل، دہشت گردی اور ہنگامہ آرائی کی دفعات شامل کی گئی ہیں۔

ایرانی سپریم لیڈر سید علی خامنہ ای کی شہادت کے بعد کراچی میں امریکی قونصل خانے کے باہر احتجاج اور ہنگامہ آرائی کی گئی تھی۔کراچی پولیس نے سرکار کی مدعیت میں مقدمات درج کرلیے، جن میں قتل، اقدام قتل، دہشتگردی اور ہنگامہ آرائی کی دفعات شامل کی گئی ہیں، مقدمہ ڈاکس تھانے میں پولیس انسپکٹر نند لال کی مدعیت میں درج کیا گیا،مقدمے کے متن میں کہا گیا ہے کہ امریکی قونصل خانے کے باہر احتجاج کیا گیا، کچھ افراد قونصل خانے میں گھس گئے، مظاہرین نے توڑ پھوڑ کی اور آگ لگانے کی کوشش کی،متن میں یہ بھی کہا گیا ہے کہ ہجوم میں شامل چند عناصر نے فائرنگ کی، شرپسند افراد نے ٹریفک پولیس چوکی کو آگ لگائی۔

ایڈیشنل ڈسٹرکٹ اینڈ سیشن جج غربی ،امریکی صدر ڈونلڈ ٹرمپ ،اسرائیلی وزیر اعظم نیتن یاہو ،نریندر مودی و دیگر کے خلاف مقدمہ درج کرنے کی درخواست پر سماعت ہوئی

عدالت نے پراسکیوشن ،ایس ایس پی کمپلین سیل کیماڑی اور ایس ایچ او ڈاکس کو نوٹس جاری کردئیے ،عدالت نےفریقین سے پانچ مارچ تک جواب طلب کرلیا ،درخواست گزار نے عدالت میں دائر درخواست میں کہا کہ امریکہ اور اسرائیل کئی برسوں سے ایرانی سپریم لیڈر آیت اللہ خامنہ اور لاکھوں ایرانی شہریوں کو دھمکیاں دے رہے تھے ، اسرائیل نے انڈیا کے ساتھ مل کر پاکستان میں افراتفری پیدا کی ہے ، سولہ فروری اور 25 فروری نریندری مودی نے افغان طالبان کے سربراہ ہیبت اللہ اخوند زادہ کے ساتھ مل کر پاکستان پر حملہ کیا ہے ، امریکہ اور اسرائیل نے ایران پر 300 سے زائد حملے کرکے ایران کے سپریم لیڈر کو شہید کیا ہے ،ایران پر حملے سے درخواست گزار اور لاکھوں مسلمان کو ذہنی ،جسمانی اذیت کا سامنا کرنا پڑا ہے ،پولیس نے امریکی صدر ڈونلڈ ٹرمپ ، اسرائیلی صدر نیتن یاہو ،نریندری مودی و دیگر کے خلاف مقدمہ درج کرنے سے انکار کردیا ہے،عدالت نے استدعا ہے کہ ایس ایچ او ڈاکس کو درخواست گزار کا بیان ریکارڈ کرنے کا حکم دیا جائے ،

کراچی میں امریکی قونصل خانے کے باہر ایرانی سپریم لیڈر آیت اللہ علی خامنہ ای کی شہادت کے خلاف ہونے والا احتجاج پرتشدد شکل اختیار کر گیا، جس کے نتیجے میں 9 افراد جاں بحق اور 18 زخمی ہو گئے۔ ہسپتال حکام نے جانی نقصان کی تصدیق کر دی ہے۔
واقعہ اس وقت پیش آیا جب مظاہرین نے امریکی و اسرائیلی حملوں کے خلاف احتجاج کرتے ہوئے قونصل خانے کی جانب پیش قدمی کی، جس پر پولیس اور مظاہرین کے درمیان شدید تصادم ہوا۔ مشتعل ہجوم کو منتشر کرنے کے لیے پولیس کی جانب سے کارروائی کی گئی، جس کے دوران گولیاں چلنے اور بھگدڑ مچنے سے جانی نقصان ہوا۔
زخمیوں کو طبی امداد کے لیے قریبی ہسپتال منتقل کر دیا گیا ہے، جہاں کئی افراد کی حالت تشویشناک بتائی جا رہی ہے۔ کراچی کے حساس علاقوں میں صورتحال کشیدہ ہے اور سیکیورٹی ہائی الرٹ کر دی گئی ہے۔