Category: کراچی

پاکستان پیپلز پارٹی پارلمینٹیرینز کے چئیر مین بلاول بھٹو نے کہا کہ جس روپ میں میاں صاحب اس بار سامنے آ رہے ہیں، یہ وہ میثاق جمہوریت والے میاں صاحب نہیں ہیں، یہ ووٹ کو عزت دو والے میاں صاحب نہیں، یہ وہی پرانے آئی جے آئی والے میاں صاحب ہیں جن کا ساتھ دینا میرے لیے مشکل ہے۔ برطانوی نشریاتی ادارے کو انٹرویو دیتے ہوئے بلاول نے کہا کہ ان کیلئے تحریک انصاف اور ن لیگ سے اتحاد کا معاملہ کنویں اور کھائی جیسا ہے، دونوں جماعتیں ایک جیسی سیاست کر رہی ہیں۔پی پی پی چیئرمین نے کہا کہ جمہوریت اور آئینی حالات میں بھی ایک بحران نظر آ رہا ہے، تقسیم کی سیاست جو بانی پی ٹی آئی کرتے تھے اور میاں صاحب کی بھی روایت تھی، وہ اب ذاتی دشمنی میں تبدیل ہو گئی ہے، میں پاکستان میں اس تقسیم کو ختم کرنا چاہتا ہوں۔
انہوں نے یہ بھی کہا کہ پیپلز پارٹی واحد جماعت ہے جو چاروں صوبوں میں انتخابی مہم چلا رہی ہے، ہم نے سب سے پہلے انتخابی مہم کا آغاز کیا، سب سے پہلے منشور دیا۔
بلاول بھٹو نے مزید کہا کہ اگر معیشت، جمہوریت اور دہشت گردی کے مسائل کو حل کرنا ہے تو پہلے اس تقسیم کو ختم کرنا ہوگا، ان تمام معاملات کو حل کرنے کے لیے میں بہترین پوزیشن میں ہوں، ہماری انتخابی مہم بہت زبردست رہی ہے، عوام کا ردعمل امیدوں سے زیادہ رہا ہے۔انہوں نے کہا کہ نواز شریف انتظامیہ پر دباؤ ڈال کر الیکشن میں گڑ بڑ کرنا چاہتے ہیں، میاں صاحب کو خبردار کرتا ہوں کہ ایسا کچھ نہیں ہونا چاہیے، ا مید ہے کہ نوازشریف کے دباؤ کے باوجود نگران حکومت اور انتظامیہ ایسا کوئی قدم نہیں اٹھائے گی۔سابق وزیر خارجہ کا کہنا تھا کہ نگران حکومت اور انتظامیہ نواز شریف کے حق میں جانبدار ہیں، نگران وزیر اعظم کی تقرری شہباز شریف نے راجہ ریاض کے ساتھ ملکر کی، راجہ ریاض اب مسلم لیگ ن کے ٹکٹ پر الیکشن میں حصہ لے رہے ہیں۔

کراچی: ایم کیو ایم پاکستان کے سنئیر ڈپٹی کنوینر ڈاکٹر فاروق ستار کا کہنا ہے کہ انتخابات کے بعد ایک مضبوط حکومت قائم کریں گے-

باغی ٹی وی : کراچی میں پریس کانفرنس کرتے ہوئے فاروق ستار نے کہا کہ ایم کیو ایم نے ہم خیال جماعتوں سے قربتوں کا سلسلہ جاری رکھا ہے، مولانا فضل الرحمان کے تعاون کا سلسلہ این اے244، پی ایس 116 اور پی ایس 117 تک پہنچ گیا ہے،سمیع سواتی پی ایس 116 سے محمد راحیل کے حق میں دستبردار ہورہے ہیں، قاری یونس قاسمی این اے 244 سے میرے حق میں دستبردار ہو رہے ہیں، جبکہ مصطفیٰ برکی پی ایس 116 سے ایم کیو ایم کے حق میں دستبردار ہو رہے ہیں-

فاروق ستار نے کہا کہ انتخابات کے بعد ایک مضبوط حکومت قائم کریں گے، اتحادیوں کے ساتھ وفاق اور سندھ میں مستحکم حکومت قائم ہوگی یہ سیٹ ایڈجسیٹمنٹ کے لئے نہیں، قومی اتفاق رائے کے لئے کیا جارہا ہے، یہ بڑی بات ہے جے یو آئی کے ہزاروں ووٹرز پتنگ پر مہر لگائیں گے کراچی کی ترقی میں ہر زبان بولنے والے سیاسی جماعتیں ہاتھ بڑھا رہی ہیں۔

تمام حساس پولنگ اسٹیشنز میں کیمرے لگادئیے گئے ہیں،الیکشن کمشنر سندھ

مسائل کا حل نکالنا ہے کہ تو ایک بار پیپلزپارٹی کا ساتھ دیں،بلاول

جماعت اسلامی 8 فروری کو کلین سویپ کرے گی،حافظ نعیم

کراچی: پیپلز پارٹی کے چیئرمین بلاول بھٹو زرداری نے کہا ہےکہ نہ صرف بلدیاتی بلکہ صوبائی اور وفاقی حکومت بھی ہمارے ہاتھ میں ہوگی، عوام ہمیں موقع دیں ہم کراچی کا نقشہ بدل دیں گے۔

باغی ٹی وی : کراچی کے علاقے شیریں جناح کالونی میں ریلی سے خطاب میں بلاول بھٹو زرداری نے کہا کہ کراچی میرا اپنا شہر ہے اور میں کراچی کی خدمت کرنا چاہتا ہوں، چاروں صوبوں سے ہو کر آیا ہوں،جو مزہ کراچی میں آتا ہے وہ کہیں اور نہیں آتا،وہ اس لیے کہ کراچی تو میرا اپنا شہر ہے ،میں جب کہتا ہوں کراچی کی خدمت کرنا چاہتا ہوں تو اس کا مطلب ہے میں اپنے گھر کا خیال رکھنا چاہتے ہوںبلاول نے کہا کہ بلدیاتی الیکشن میں کراچی کے عوام نے اعتماد کا اظہارکیا نہ صرف بلدیاتی بلکہ صوبائی اور وفاقی حکومت بھی ہمارے ہاتھ میں ہوگی، عوام نے موقع دیا تو 5 سال میں کراچی کا نقشہ بدل دیں گے، کراچی کی 20 سیٹیں دلوا دیں تو 5 سال میں کراچی کا نقشہ بدل دیں گے، دیگر سیاسی جماعتیں اپنے مقصد کیلئے الیکشن لڑرہی ہیں، ہماری وفاقی حکومت ہوگی تو کراچی کے تمام مسئلے بھی حل ہوں گے، ہم وفاق میں اپنا حکومت بنا کر کراچی میں تاریخی کام کریں گے،کراچی کی نمائندگی ہر جگہ ہوگی،کراچی کا حق ہے صوبائی کابینہ میں اس کا حصہ ہوگا، دیگر تمام سیاسی جماعتیں نفرت کی سیاست کرتی ہیں، کوئی مذہب کی بنیاد پر میرا شہر تقسیم کرنا چاہتا ہے،کوئی لسانیت کی بنیاد پر میرا شہر تقسیم کرنا چاہتا ہے، عوام تیر پر مہر لگا کر نفرت کی سیاست کرنے والوں کو جواب دیں، خواتین ووٹ ڈالنے کے لیے ضرور گھروں سے نکلیں۔

تمام حساس پولنگ اسٹیشنز میں کیمرے لگادئیے گئے ہیں،الیکشن کمشنر سندھ

انہوں نے مزید کہا کہ ملک میں مقابلہ دو جماعتوں کے درمیان میں ہے، عوام کو سمجھانا ہے کہ کسی آزاد امیدوار پر ووٹ ضائع نہ کریں، آزاد امیدوار سودا کرکے حکومت میں شامل ہوجاتے ہیں، عوام اس بار مجھے موقع دیں، عوام کو مایوس نہیں کروں گا، میرے امیدوار منتخب ہوں گے تو حلقے کے عوام کے مسائل مجھ تک پہنچائیں گے، مسائل کا حل نکالنا ہے کہ تو ایک بار پیپلزپارٹی کا ساتھ دیں، کسی اور کو آپ ووٹ دیں گےتو وہ علاقے کے لیے ٹکے کا کام نہیں کریگا، میرے منتخب امیدوار کو اپنا نہیں عوام کا کام کرنا پڑے گاریلی کے دوران بلاول بھٹو نے امیدواروں سے حلف لیا اور کہا کہ کچا وعدہ نہیں کرنا بی بی والا وعدہ کرنا۔

عام انتخابات : راولپنڈی پولیس کی جانب سے فلیگ مارچ

جماعت اسلامی 8 فروری کو کلین سویپ کرے گی،حافظ نعیم

پولنگ ایجنٹس کسی حیلے بہانے کو قبول نہ کریں فارم 45 اسی وقت لیں،بلاول
چیئرمین پیپلز پارٹی بلاول بھٹو زرداری نے کیماڑی میں خطاب کرتے ہوئے کہا کہ گزشتہ الیکشن میں ہمارے ووٹ پر ڈاکا ڈالا گیا ،پولنگ اسٹیشنوں سے ہمارے نمائندوں کو باہر نکال کر قبضے کرائے گئے،اس بار کراچی کے ووٹ پر ڈاکا ڈالنے نہیں دیں گے،اپنے تمام پولنگ ایجنٹس کو کہتا ہوں کہ خالی ہاتھ واپس نہ لوٹیں،پولنگ ایجنٹس پولنگ ایجنٹس فارم 45 لے کر اپنے امیدواروں کے پاس جائیں،پولنگ ایجنٹس کسی حیلے بہانے کو قبول نہ کریں فارم 45 اسی وقت لیں،8 فروری کو جیت تیر کی ہوگی ،الیکشن 8 فروری کو ہے لیکن شہر کے عوام نے فیصلہ آج ہی سنادیا

کراچی: الیکشن کمشنر سندھ نے کہا ہے کہ پولنگ والے دن انٹرنیٹ بند ہوتا ہے تو امن و امان کی وجہ سے ہوگا۔

باغی ٹی وی : الیکشن کمشنر سندھ شریف اللہ نے کہا ہے کہ سندھ میں 2 کروڑ سے زائد ووٹرز حق رائے دہی استعمال کریں گے، سندھ میں 19 ہزار 8 پولنگ اسٹیشنز قائم کئے گئے ہیں،الیکشن کا سامان تمام اضلاع میں پہنچا دیا گیا ہے، تمام سامان 7 فروری کو پولنگ اسٹیشنز میں پہنچا دیا جائےگا سیکیورٹی کےحوالے سےسندھ حکومت سےرابطے میں ہیں،تمام حساس پولنگ اسٹیشنز میں کیمرے لگادئیے گئے ہیں۔

الیکشن کمشنر شریف اللہ نے کہا کہ افسران کو رات 2 بجے تک نتیجہ لازمی دینا ہوگا، فارم 45 تمام سیاسی جماعتوں کے پولنگ ایجنٹ وصول کریں انٹرنیٹ بند کرنےکا فیصلہ حکومت کرتی ہے پولنگ والے دن انٹرنیٹ بند ہوتا ہے تو امن و امان کی وجہ سے ہوگا الیکشن مہم 6 فروری رات 12 بجے ختم کی جائے گی، الیکشن میں خواتین کا 10 فیصد ٹرن آؤٹ ہونا ضروری ہے، ووٹوں کی گنتی کے دوران ایک ایک ایجنٹ کو موجود رہنے کی اجازت ہوگی۔

انتخابات 2024:انتخابی مہم چلانے کا آخری روز 6 فروری مقرر

انہوں نے کہا کہ میڈیا کے لئے جگہ جگہ بہتر اہتمام کیا گیا ہے، میڈیا لوگوں سے ووٹ کاسٹ کرنے کےلئے مہم چلائے ڈی جی رینجرز اور تمام تر اداروں کے ساتھ رابطے میں ہیں، میڈیا کے پاس جو کارڈ ہوگا اس حوالے سے انتظامیہ کو بتایا گیا ہے آر اوز الیکشن کمیشن کے ماتحت ہی کام کررہے ہیں، 8 فروری کا الیکشن بہترین طریقے سے ہوگا۔

مشرق وسطیٰ میں ایرانی حمایت یافتہ عسکری گروپوں پر مزید حملے کریں گے،امریکا

میرے لیے مسلم لیگ ن کے ساتھ چلنا اب بہت مشکل ہے،بلاول

کراچی: امیرِ جماعت اسلامی کراچی حافظ نعیم الرحمن نے دعویٰ کیا ہے کہ اس شہر کو بلدیہ فیکٹری جلانے والوں کے ہاتھ میں نہ دو، دوبارہ سے بھتہ خوری اور دہشت گردی نہیں کرنی چاہیے-

باغی ٹی وی : کراچی میں تقریب سے خطاب کرتے ہوئے انہوں نے کہا کہ شہر میں بیروزگاری ہے، ہمارے نوجوانوں کو بہت مایوس کیا گیا ہے، آئی ٹی کی تعلیم بہت مہنگی ہوتی جا رہی ہے، تعلیم کے مواقع کم ہیں، یہ پڑھے لکھے لوگوں کو آگے نہیں آنے دینا چاہتے، یہ مافیا ہمیں اس قابل نہیں چھوڑ رہے کہ ہم آگے پڑھ سکیں، شہری دیکھ رہے ہیں کون بنو قابل اور کون بنو قاتل کرتا رہا ہے، ایسے لوگ الیکشن لڑتے نظر آرہے ہیں جو سانحہ بلدیہ فیکٹری میں ملوث تھے، محنت کریں گے تو کوئی آپ کاراستہ نہیں روک سکتا، انہوں نے دعویٰ کیا کہ جماعت اسلامی 8 فروری کو کلین سویپ کرے گی۔

حافظ نعیم الرحمن گزشتہ روز بارش کے دوران ڈوب کر جاں بحق ہو نے والے فخر عالم کے گھر پہنچے، جہاں انہوں نے اہل خانہ سے تعزیت اور واقعے پر افسوس کا اظہار کرتے ہوئے کہا یہ بہت ہی اندوہناک ہے شہر کا المیہ ہے کہ یہاں بارش ہو جائے تو لاشیں برآمد ہوتی ہیں،حالیہ بارش میں اب تک 4 لاشیں مل چکی ہیں جس سے ثابت ہوتا ہے پورا نظام تباہ ہوچکا ہے ایسا نہیں ہے کہ بلدیہ اور سندھ حکومت کے پاس پیسے نہیں ہیں، سندھ حکومت کے پاس پیسے بھی ہیں اور اداروں پر قبضہ بھی ہے ابھی سب جماعتیں آکر سیاست کریں گی، مل کر وڈیروں اور جاگیرداروں کے ساتھ حکومت کرتے ہیں، کرپشن کرتے ہیں، لوٹ مار کرتے ہیں، قبضہ کرتے ہیں۔

انہوں نے کہا کہ یہاں نالوں پر قبضہ کیا جاتا ہے، چائنا کٹنگ کی جاتی ہے۔ نالوں پر تعمیرات ہونے سے پانی بلاک ہوجاتا ہے۔ قبضہ میئر صاحب جھوٹ بولتے ہیں، اس بارش میں بھی انتظامیہ نے عذاب بنا دیا ہےجو فخر عالم کے گھر پر قیامت ٹوٹی ہے، اسے کون ختم کر سکتا ہے؟۔ 5 بچوں کا باپ دنیا سے چلا گیا، کون ان کی تکلیف کا اندازہ کرسکتا ہےیہ اسی طرح بارش اور کرنٹ سے ہمارے لوگوں کو مارتے رہیں گےکے الیکٹرک مافیا ہے، ان کے کھمبوں میں کرنٹ آرہا ہے، شہر کے لوگوں کو سوچنا ہوگا کہ ایسے لوگوں کو مسترد کریں واقعے کے مقدمے کے حوالے سے بھی بات کریں گے انتظامیہ اور ادارے ایسے واقعات کے ذمے دار ہیں۔

واضح رہے کہ سائٹ بی تھانے کے علاقے بلدیہ ٹاؤن نمبر 2کی حدود میں 45 سالہ سید فخر عالم کی ڈوبی ہوئی لاش ملی متوفی بلدیہ ٹاؤن سیکٹر فائیو-ایل کے رہائشی اورسائٹ ایریا میں کوثر ڈائنگ نامی فیکٹری میں ملازمت کرتے تھے،طوفانی بارش کے دوران بلوچ کالونی پل کے قریب برساتی نالے میں گرکرایک اورشخص جاں بحق ہوگیا متوفی کی لاش دوروزکے بعد نالے سے نکالی گئی،متوفی شخص ایک کمسن بیٹی کا باپ اورقوت گویائی و سماعت سے محروم خاتون کا شوہرتھا متوفی شخص ہومیوپیتھک ڈاکٹر بھی بتایا جاتا ہےمتوفی کی شناخت 50 سالہ شوکت ناگوری ولد انورناگوری کے نام سے کی گئی-

کراچی: مئیر کراچی مرتضیٰ وہاب کا کہنا ہے کہ میں قانون پر عمل کرتا ہوں اور کسی الیکشن مہم کا حصہ نہیں بنوں گا-

باغی ٹی وی : میئر کراچی مرتضیٰ وہاب نے میڈیا سے گفتگو میں کہا کہ خوف اور جبر کی سیاست سے اللہ اس شہر کو محفوظ رکھے، ہم اس وقت کراچی کی سڑک پر موجود ہیں ، بلدیاتی اداروں نے کارکردگی دکھائی جس کی وجہ سے صورتحال بہتر ہے شہر کی مرکزی سڑکیں صاف ہیں، شہر کے کچھ علاقے اب بھی خراب ہیں-

مرتضیٰ وہاب نے کہا کہ مسئلے کے حل کے لیے نہ مصطفی کمال جائے گا نہ نعیم الرحمان جائے گا، کل جب میں سڑکوں پر کام کررہا تھا ،الیکشن کمیشن کے ڈسٹرکٹ سینٹرل کے افسر نے مجھے جرمانہ کردیا، ان کو شاید مجھ سے کوئی مسئلہ ہے میں نے کوئی الیکشن مہم میں حصہ نہیں لیا ہے، جماعت اسلامی کے حافظ نعیم بھی الیکشن مہم چلارہے ہیں ، میں قانون پر عمل کرتا ہوں اور کسی الیکشن مہم کا حصہ نہیں بنوں گا-

الیکشن کمیشن کا میئر کراچی مرتضیٰ وہاب پر جرمانہ عائد

الیکشن ایکٹ کے تحت چوہدری نثار گروپ کے کارکنوں کے خلاف مقدمہ درج

ضابطہ اخلاق کی خلاف ورزی، کے پی میں جرمانے، وارننگ نوٹس

کراچی: الیکشن کمیشن آف پاکستان (ای سی پی) نے میئر کراچی مرتضیٰ وہاب پر انتخابی ضابطہ اخلاق ورزی پر جرمانہ عائد کر دیا-

باغی ٹی وی: ای سی پی نے الیکشن 2024ء کے ضابطہ اخلاق کی خلاف ورزی پر میئر کراچی پر 49 ہزار روپے کا جرمانہ عائد کیا ہے۔ڈسٹرکٹ مانیٹرنگ افسر کراچی سینٹرل نے مرتضیٰ وہاب پر عدم پیشی پر یہ جرمانہ عائد کیا ہے۔ای سی پی نے اپنے مراسلے میں کہا کہ میئر کراچی مرتضیٰ وہاب ضابطہ اخلاق کی شق نمبر 18 اور 41 کے مرتکب پائے گئے ہیں۔

قبل ازیں سیکرٹری الیکشن کمیشن نے نگران وزیراعظم کے سیکرٹری اور سیکرٹری کابینہ ڈویژن کو خط لکھا، نگران وزیراعظم کے سیکرٹری کے نام خط میں سیکرٹری الیکشن کمیشن ڈاکٹر آصف حسین نے سیکرٹری کابینہ ڈویژن کامران علی افضل کو خط میں لکھا کہ پی آئی اے کی نجکاری کے معاملات کی تمام دستاویزات جائزے کے لیے الیکشن کمیشن کو فراہم کی جائیں، الیکشن کمیشن کی جانب سے اس معاملے پر کسی بھی فیصلے سے پہلے نگران حکومت پی آئی اے نجکاری کے کسی معاہدے پر دستخط کرنے سے اجتناب کرے-