Category: کراچی

گورنر سندھ کامران ٹیسوری کا کہنا ہے کہ پچاس ہزار نوجوان گورنر ہاؤس میں آئی ٹی کورس کریں گے، تمام امیدواروں کو منتخب کرلیا ہے۔ جبکہ مزار قائد پر کلچر شو کا انعقاد کیا گیا تھا جس میں گفتگو کرتے ہوئے گورنر سندھ کامران ٹیسوری نے کہا کہ اگر یہاں عام لوگ کھڑے ہیں تو ہمارے گھر والے بھی یہاں کھڑے ہیں اور جولوگ ایک کروڑ نوکریوں کی باتیں کرتے تھے انکے بچے یہاں نظر نہیں آرہے ہیں۔

جبکہ واضح رہے کہ گورنر سندھ کا کہنا تھا کہ آؤ دیکھو پاکستان والو یہ پرچم کہاں تک جا رہا ہے، یہ اس پاکستان کی پہچان ہے جورنگ ، نسل، فرقہ اور سیاست سے بالاتر ہے، خالد بھائی نے کہا تھا ایم کیوایم کا جھنڈا نہیں ہوگا صرف پاکستان کا جھنڈا ہوگا، ہم نے یہاں پاکستانی پرچم بلند کر کے دکھا دیا ہے۔ علاوہ ازیں کامران ٹیسوری کا کہنا تھا کہ آج اسلام آباد گیا جہاں نگراں وزیراعظم کے حلف کی تقریب تھی، لیکن میں اپنا دل یہاں چھوڑ گیا تھا اور جسم اسلام آباد لے گیا تھا ، اسلام آباد میں طوفانی بارش تھی کہا گیا کہ اپنی ذمہ داری پر جائیں ، میں نے کہا یہ ذمہ داری اللہ نے لی ہے، جان جوکھوں میں ڈال کر آیا، میں اکیلا یہاں نہیں کھڑا یہ بھی کڑوی حقیقت ہے ، یہاں میرا 9 ماہ، 5 سال اور 12 سال کا بیٹا، بیٹی اور بیگم بھی موجود ہیں، مجھے کہا گیا آپکی جان کوخطرہ ہے آپ باکس میں کھڑے ہو کر تقریر کیجئے گا، میں نے کہا مجھے سب کی جان کی پرواہ ہے ۔
مزید یہ بھی پڑھیں؛
کسی بھی سیاسی جماعت پر پابندی نہیں لگنی چاہیے،چودھری شافع حسین
سیما حیدر نے بھارتی ترنگا لہرا کر بھارت زندہ باد کا نعرہ لگا دیا
گھبرانے کی ضرورت نہیں منزل قریب ہے، راجہ پرویز اشرف
ڈاکوؤں کے متعدد ٹھکانے تباہ، املاک کو آگ لگا دی گئی
76 واں یوم آزادی:14 صحافیوں کو سرکاری اعزازات سے نوازے جانے کاامکان
گورنر سندھ کا کہنا تھا کہ کیا ساری زندگی ایسے رہو گے یااپنا حق چاہیے ، حق ایسے نہیں ملتا، ایسے دھوکا ہی ملےگا ، کبھی روٹی کپڑا مکان کے نام پر کبھی 50 لاکھ گھر کے نام پر، کیا آپ کو اپنا ذاتی گھر اور کاروبار چاہیے؟ ، آپ کیلئے گورنر ہاؤس کے دروازے کھلے ہیں، جس کو نوکری چاہئے آجاٸے، جس طرح رمضان میں افطار و کھانا ہوا اس طرح آٸی ٹی کی نوکریاں بھی ہونگی۔ جبکہ انہوں نے کہا کہ گورنر ہاؤس کے دروازے کھولنا اور آئی ٹی ٹیسٹ کروانا یہ سب خالد مقبول کی ہدایت ہے، ٹیسٹ میں کامیاب نہ ہونیوالے ساڑھے چارلاکھ امیدوار مایوس نہ ہوں، ان کومیٹاورس آرٹیفیشل انٹیلیجنس اور ویب تھری کورسز آن لائن کروائے جائیں گے۔

کراچی: ٹک ٹاکر حریم شاہ نے بھی نگراں حکومت میں عہدے کی خواہش کا اظہار کر دیا-

باغی ٹی وی : سماجی رابطوں کی ویب سائٹ پر پوسٹ میں حریم شاہ نے لکھا کہ اگر انہیں صرف 6 ماہ کے لیے نگراں وزیر خارجہ بنا دیا گیا تو وہ پاکستان کے غیر ملکی اثاثوں کو 8 ارب ڈالر سے 100 ارب ڈالر تک پہنچا دیں گی۔
https://twitter.com/_Hareem_Shah/status/1690327331926142976?s=20

حریم شاہ کی پوسٹ پر سوشل میڈیا صارفین مزاحیہ تبصرے کر رہے ہیں بعض صارفین نے پوچھا کہ وزیر خارجہ بننے کیلئے حریم شاہ کی کوالیفکیشن کیا ہے ، کیا وہ اس عہدے کی ذمہ داریوں سے آگاہ ہیں،ایک صارف نے لکھاکہ میڈم آپ اپنے اثاثوں کی طرف توجہ دے پاکستان کو ہمارے حال پہ ہی چھوڑ دے،ایک صارف نے لکھا کہ نہیں تم بھی صرف اپنے اثاثے بڑھاوگی ملک کی نہیں،ایک صارف نے لکھاکہ بس آپ کی کمی رہ گئی ہے امید ہے آپ کی بھی یہ خواہش پوری ہو جائے گی-

سعودی عرب نے فلسطین کے لیےغیر مقیم سفیرنامزد کر دیا

قبل ازیں حریم شاہ نے لوگوں کو تین لاکھ میں چار مرلے کے پلاٹ دینے کا اعلان کیا تھا،سوشل میڈیا پر ایک ویڈیو میں بتایا تھا کہ کراچی کے بے گھر افراد کے اپنی چھت کے خواب کو تعبیر دینے کے لیے انہیں چار چار مرلے کے پلاٹ صرف تین لاکھ روپے میں دیئے جائیں گے۔

ان کا کہنا تھا کہ آپ پراپرٹی بینک مارکیٹنگ کے متعلق گوگل سے بھی معلومات حاصل کر سکتے ہیں۔ تاہم جو افراد پلاٹ لینے کے خواہش مند ہیں وہ فارم لینے کے لیے پراپرٹی بینک مارکیٹنگ کے آفس آ جائیں ہر ماہ قرعہ اندازی کے ذریعے 100بے گھر لوگوں کو پلاٹ دیئے جائیں گے۔ جو شخص پلاٹ جیتے گا وہ ایک لاکھ روپے ادا کرکے پلاٹ کا قبضہ حاصل کر سکے گا اور باقی رقم اقساط میں ادا کرنی ہو گی۔

بابراعظم کو کھیلتا دیکھ کر انجوائے کرتا ہوں،ویرات کوہلی

سندھ کے صوبائی وزیر، صدر پاکستان پیپلز پارٹی کراچی ڈویژن سینیٹر سعید غنی نے کہا ہے کہ سندھ میں ملازمتیں میرٹ اور قانون کے مطابق دی جارہی تھیں۔

سعید غنی کا کہنا تھا کہ متعدد عدالتی فیصلوں کے مطابق ملازمتیں دینے کا شفاف طریقہ کار اپنایا گیا۔ ایم کیو ایم نے سندھ حکومت کی ملازمتیں دینے کے ہر کوشش میں رکاوٹ پیدا کی ،ایم کیو ایم سندھ کے بیروز گار نوجوانوں کی امیدوں کی قاتل ہے۔ ایم کیو ایم کو سندھ کے بیروز گار نوجوان کبھی معاف نہیں کریں گے۔ سندھ حکومت نے 60 ہزار سے زائد اساتذہ میرٹ پر بھرتی کئے۔ اساتذہ کی بھرتی پر کہیں سے اعتراض نہیں اٹھا۔نئی بھرتیوں کیلئے سکھر IBA سے تحریری ٹیسٹ کروائے گئے۔ سکھر IBA ملازمتوں کے ٹیسٹ لینے والا ملک کا مستند ترین ادارہ ہے۔ امید ہے عدالتیں ایم کیو ایم کی غریب دشمن مقدمہ بازی کو مسترد کریگی۔

سعید غنی کا کہنا تھا کہ پیپلز پارٹی نے کراچی کے عوام کی خدمت کی ہے ۔ کراچی کی عوام نے بلدیاتی الیکشن پیپلز پارٹی پر اعتماد کا اظہار کیا ہے،انشااللہ عام انتخابات میں پیپلز پارٹی کراچی کی سب سے بڑی جماعت کے طور پر ابھر کر سامنے آئیگی۔ مقبوضہ کشمیر جیسی صورتحال کراچی میں تب تھی جب مصطفی کمال ، الطاف حسین کی ایما پر کاروائیاں کرتے تھے،آج کے پرامن کراچی کو مقبوضہ کشمیر سے تشبیہ دینا مودی کے مظالم کو کم ظاہر کرنے کے مترادف ہے۔مودی کی وکالت کرکے ایم کیو ایم نے اپنی مردہ سیاست کو مزید برباد کردیا ہے گجرات میں مودی اور کراچی میں الطاف حسین کے مظالم ایک جیسے ہیں ۔ الطاف حسین کے مظالم کا دفاع کرنے والے بڑی ڈھٹائی سے جھوٹ بولتے ہیں۔

عمران خان کی گرفتاری کیسے ہوئی؟ 

چئیرمین پی ٹی آئی کا صادق اور امین ہونے کا سرٹیفیکیٹ جعلی ثابت ہوگیا

پیپلز پارٹی کسی کی گرفتاری پر جشن نہیں مناتی

وزیراعلٰی سندھ مراد علی شاہ نے پریس کانفرنس کرتے ہوئے کہا ہے کہ اللہ کے کرم سے ہماری اسمبلی نے اپنی مدت پوری کی ، 4 سال 11 ماہ بعد اسمبلی تحلیل ہو گئی، میری ایڈوائس پر گورنر سندھ نے کل رات اسمبلی تحلیل کردی

وزیراعلیٰ سندھ سید مراد علی شاہ کا کہنا تھا کہ سندھ اسمبلی رات 9 بجے تحلیل ہوئی,آئین کے مطابق اسمبلی کو تحلیل کیا گیا،جب تک نگراں وزیر اعلی نہیں آ جاتا تب تک میں وزیر اعلی سندھ ہوں ، میری اور اپوزیشن لیڈر کے درمیان مشاورت ہوگی،اگر نہیں ہو پائی تو آئین میں پارلیمینٹ کمیٹی بنائے گی اسے تین دن دئیے جائیں گے، اگر پارلیمنٹری کمیٹی سے بھی بات نہ بنی تو الیکشن کمیشن دو دن میں فیصلہ سنائے گا،

وزیراعلیٰ سندھ مراد علی شاہ کا کہنا تھا کہ کچھ گندے انڈے اگر آجاتے ہیں تو پورا تالاب خراب کرتے ہیں،اس وقت کے وزیراعظم نے کہا تھا کہ کراچی ہمارا ہے ہی نہیں، اس حالت کے پیش نظر ہمیں مشکل حالات سے گزرنا پڑا، چیئرمین بلاول بھٹو نے اسی حالات کو دیکھتے ہوئے بیان دیا کہ وزیراعلیٰ یہی رہے گا چاہے جیل میں سے ہی کیوں نہ حکومت چلانی پڑے،کورونا سے کئی قیمتی جانیں گئی، ڈاکٹر کی تجویز پر میں نے فیصلے لئے تو مجھے شدید تنقید کا نشانہ بنایا گیا، جو میرے خلاف تنقید کررہے تھے بعد میں انھوں نے میرے فیصلوں کو تسلیم کیا، سندھ نے کورونا میں بہترین کام کیا، اور ہم کامیاب رہے

وزیراعلیٰ سندھ سید مراد علی شاہ کا کہنا تھا کہ پھر سیلاب آ گیا، وزیراعظم شہباز جب بھی آئے وہ حیران ہوگئے اتنا پانی دیکھ کر کہ کیسے نکلے گا،وزیراعظم شہباز شریف بہت پریشان تھے کہ گندم کی فصل کیسے ہوگی، وزیراعظم شہباز شریف کو میں نے اعتماد میں لیا اور ہم نے کام کیا، گندم کی قیمت اگر نہیں بڑھاتے تو کسانوں کے خرچے پورے نہیں ہوتے، ہم نے اللہ تعالیٰ کی مدد سے پورے سندھ سے سیلاب کا پانی نکالا اور گندم بھی اگائی ، گندم کی رکارڈ فصل ہوئی اور اس سال کپاس کی فصل آنے والی ہے، سیلاب نے سندھ کو شدید نقصان پہنچایا، تمام ایم پی ایز فیلڈ میں رہے اور کام کرتے رہے،اس وقت کے وزیراعظم کچھ منٹوں کیلئے صرف کراچی آتے اور چلے جاتے، سندھ کے کسی شہر میں انھوں نے دورہ نہیں کیا، سیلاب میں سندھ کے ہر شہر میں ہم پہنچے اور مدد کی،اس وقت کے تمام جماعتوں کا موقف تھا کہ اسمبلی سے استعفیٰ دینا چاہئے،
ہمارے تمام اتحادی جماعتوں کے ذریعے ہم جمہوری طریقے سے ایک وزیراعظم کو گھر بھیجا،ملک کی تاریخ میں پہلی بار جمہوری طریقے سے وزیراعظم کو گھر بھیجا، وزیراعظم شہباز شریف کو نیا وزیراعظم منتخب کروایا، سیلاب میں ہر جگہ جہاں جاتا دیکھ کر میں ہمت ہار چکا تھا،تمام اہم شاہراہیں بند ہوچکی تھی، کھانے پینے کی اشیاء پہنچا نہیں پارہے تھے، ہماری کابینہ اور ٹیم نے چیئرمین بلاول بھٹو کی ہدایت پر فیلڈ میں رہے، جو بھی سیلاب متاثرین تھے ہر ایک ایک شخص کے پاس پہنچے، اللہ تعالیٰ کی طرف سے ایک آزمائش تھی لیکن ہم نے ہر متاثرین کی مدد کی،

دوسری جانب وزیراعلیٰ سندھ سید مراد علی شاہ کےاعزاز میں وزیراعلیٰ ہائوس کے اسٹاف کی جانب سے ظہرانہ دیا گیا،ظہرانے میں چیف سیکریٹری ، سہیل راجپوت، سابق پرنسپل سیکریٹریز، تمام سابق اور موجودہ ڈپٹی سیکریٹریز ، گریڈ 2 سے لے کر 20 تک کے افسران و ملازمین نے شرکت کی،وزیراعلیٰ ہائوس کے 4 گریڈ کے ملازم ڈنل خان ، چیف سیکریٹری سہیل راجپوت اور پرنسپل سیکریٹری فیاض جتوئی نے تقاریر کیں،تمام ملازمین نے وزیراعلیٰ سندھ کی شفقت ، مختلف شعبوں میں ان کی رہنمائی اور سندھ کے حقوق پر آواز بلند کرنے پر انہیں خراج تحسین پیش کیا،تمام ملازمین نے وزیراعلیٰ سندھ کے ساتھ تصویربنانے کی خواہش کا اظہار کیا،وزیراعلیٰ سندھ مراد علی شاہ نے وزیراعلی ہاوس کے ملازمین کے ساتھ یادگار سیلفی بھی بنائی

تحریک انصاف کی صوبائی رکن فرح کی آڈیو سامنے

عابد زبیری نے مبینہ آڈیو لیک کمیشن طلبی کا نوٹس چیلنج کردیا

آڈیو لیکس جوڈیشل کمیشن نے کارروائی پبلک کرنے کا اعلان کر دیا