10اگست ممتاز شاعر عقیل عباس جعفری کا یوم پیدائش ہے عقیل عباس جعفری (پیدائش:10 اگست، 1957ء) پاکستان کے معروف مصنف، انجینئر، صحافی، شاعر، محقق، مورخ، پاکستان کرونیکل کے مصنف ہیں۔ وہ اس وقت اردو لغت بورڈ میں مدیر اعلیٰ اور پاکستان کوئز سوسائٹی انٹرنیشنل کے صدر ہیں۔

اہم اعزازات
بہترین فیچر نگارایوارڈ (آل پاکستان نیوزپیپرز سوسائٹی)
کوئز ایکسیلینس ایوارڈ (پاکستان کوئز سوسائٹی)
بہترین نعت گو (ریڈیو پاکستان)
بہترین قومی نغمہ نگار (ریڈیو پاکستان)

حالات زندگی و تعلیم

عقیل عباس جعفری 10 اگست 1957ء کو کراچی، پاکستان میں پیدا ہوئے۔ آپ کے والد کا نام وزیرحسن جعفری ہے جو قیام پاکستان کے بعد بلرام پور، اتر پردیش سے ہجرت کرکے کراچی، پاکستان منتقل ہوئے۔ عقیل عباس نے ابتدائی تعلیم گورنمنٹ اسکول ناظم آباد اورپھرانٹرمیڈیٹ ڈی جے سائنس کالج سے پاس کیا۔ بیچلرآف آرکیٹیکچر کی ڈگری داؤد کالج آف انجینیرنگ اور ایم اے (صحافت) کی ڈگری جامعہ کراچی سے حاصل کی۔

ادبی خدمات

تحقیق

عقیل عباس جعفری کا نام تحقیق کے شعبے میں نیا نہیں۔ انہوں نے ابتدا معلومات عامہ کے شعبے سے کی اور اس حوالے سے کئی کتابیں تحریر کیں جن میں366 دن، صفر سے 100 تک، جہان معلومات، ہے حقیقت کچھ، ایک سال پچاس سوال، کون بنے گا کروڑ پتی اور قائد اعظم معلومات کے آئینے میں شامل ہیں۔ پاکستان کے سیاسی وڈیرے سیاست کے موضوع پر ان کی پہلی کتاب تھی جس نے شائع ہوتے ہی تہلکہ مچا دیا۔ یہی وہ کتاب تھی جس نے سیاست کی دنیا میں سیاسی وڈیرے کی اصطلاح کو متعارف کروایا۔ پاکستان کے سیاسی وڈیرے کے علاوہ عقیل عباس جعفری نے سیاست ہی کے موضوع پر کئی اور کتابیں بھی لکھیں جن میں پاکستان کی ناکام سازشیں، پاکستان کی انتخابی سیاست اور تاریخ پر قائد اعظم کی ازدواجی زندگی، لیاقت علی خان قتل کیس، پاکستان کا قومی ترانہ: کیا ہے حقیقت، کیا ہے فسانہ؟ اور سوانح و تنقید پر میر باقر علی داستان گو شامل ہیں۔

انہوں نے موسیقی کے موضوع پر لکھے گئے شاہد احمد دہلوی کے نادر و نایاب مضامین کو بھی مضامین موسیقی کے نام سے مدون کیا ہے۔ اس کے علاوہ ان کی کتاب علی سردار جعفری شخصیت و فن اپنے موضوع پر مستند حوالہ مانی جانی ہے۔ ان کی تازہ ترین کتاب 2016ء میں شائع شدہ چراغ روشن ہیں ہے جس میں عصمت چغتائی کے مختلف شاہکار خاکوں کو بہت خوبصورتی سے مرتب و مدون کیا گیا ہے۔

اس کتاب میں 12 خاکے وہ ہیں جنہیں عصمت چغتائی نے مختلف ادبی شخصیات پر لکھا، ان میں عظیم بیگ چغتائی، سعادت حسن منٹو، سجاد ظہیر، پطرس بخاری، میراجی، کرشن چندر، مجاز لکھنوی، جانثار اختر، خواجہ احمد عباس، مہندر ناتھ اور ثریا شامل ہیں۔ خاکہ نما افسانوں کے عنوان سے مرتب کردہ باب میں مینا کماری، دلیپ کمار، بادشاہی خانم، تمیز الدین، ٹیکو، محبوب اور گم نام شامل ہیں۔ ذاتی خاکوں میں تین تحریریں، ایک مضمون قرۃ العین حیدر کے حوالے سے، ایک خط جوش ملیح آبادی کے نام اور ایک تحریری مکالمے کے عنوان سے مرتب باب میں دو تحریریں شامل اشاعت ہیں، آخری تحریر کوحرف آخر کا نام دیا گیا ہے۔

شاعری

عقیل عباس جعفری کا شمار اپنی نسل کے نمائندہ شعرا میں ہوتا ہے۔ ان کی تخلیقات ادب کے معتبر جرائد میں شائع ہوتی رہتی ہیں۔ اس کے علاوہ بین الاقوامی مشاعروں اور سیمینارز میں شرکت کے لیے امریکا، کینیڈا، برطانیہ، عوامی جمہوریہ چین، بھارت اور متحدہ عرب امارات کے سفر بھی کر چکے ہیں۔ ان کی غزلیہ شاعری کا مجموعہ راستاکے نام سے اور مذہبی شاعری کا مجموعہ تروتازہ کے نام سے زیرِ اشاعت ہے۔ آپ کی شاعری پر ریڈیو پاکستان بہترین نعت گو اور بہترین قومی نغمہ نگار کا ایوارڈ دے چکا ہے۔

نمونۂ کلام
غزل

زیست کرنا در ادراک سے باہر ہے ابھی یہ ستارہ مرے افلاک سے باہر ہے ابھی
ڈھونڈتے ہیں اسی نشے کو سبھی بادہ گسار ایک نشہ جو رگ تاک سے باہر ہے ابھی
ایک ہی لمحے میں تسخیر کرے گی اسے آنکھ پر وہ لمحہ مرے افلاک سے باہر ہے ابھی
کچھ مرے چاک گریباں کو خبر ہو شاید ایک گردش جو مرے چاک سے باہر ہے ابھی
بس وہی اشک مرا حاصل گریہ ہے عقیلؔ جو مرے دیدۂ نمناک سے باہر ہے ابھی
شعر

زندہ رہنا عجب ہنر ہے عقیلؔ یہ ہنر عمر بھر نہیں آتا
پاکستان کرونیکل

پاکستان کرونیکل عقیل عباس جعفری کی بیس سالہ محنت کا ثمر ہے۔ یہ کتاب اس طرز پر شائع ہونے والے بین الاقوامی کرونیکلز کے معیارات کو سامنے رکھتے ہوئے تالیف کی گئی ہے اور اس میں پاکستان کی تاریخ کا ایک ایک لمحہ محفوظ کر دیا گیا ہےپاکستان کرونیکل میں قیامِ پاکستان سے لے کر 31 اگست 2011ء تک پاکستان کے تاریخ وار واقعات تحریر و تصویر کی صورت انتہائی خوبصورت اور سلیقے کے ساتھ پیش کیے گئے ہیں۔ اصل میں یہ کتاب ماہانہ ڈائری ہے جس میں سیاسی، صحافتی، ثقافتی، فنون لطیفہ، صنعت و حرفت اور کھیلوں کے علاوہ اہم ترین واقعات پر مشہور زمانہ کتب، رسائل و اخبارات سے اقتباسات بھی ہیں اور نامور پاکستانی شخصیات کی پیدائش و انتقال کے علاوہ مختصر تعارف بھی ہے۔

ریڈیو اور ٹیلی وژن سے وابستگی

عقیل عباس جعفری نے ریڈیو پاکستان اور پاکستان ٹیلی ویژن کے لاتعداد پروگرامز کے اسکرپٹس بھی تحریر کیے جن میں سات دن، ٹی وی انسائیکلوپیڈیا، ٹیلی شو، ہم مصطفوی، یہ تو مجھے پتا ہے، یونیورسٹی چیلنج، جہاں نما، ایک سال پچاس سوال، سارک کوئز، ملینیم کوئز، یو این کوئز، جو جانے وہ جیتے، ہم کسی سے کم نہیں، بیسویں صدی، سال بہ سال اور رات گئے کے نام سر فہرست ہیں۔ انہوں نے اے آر وائی کے پروگرام کیا آپ بنیں گے کروڑ پتی؟ اور جیو ٹیلی ویژن کے پروگرام یہ گھر آپ کا ہوا کے سوالات بھی مرتب کیے

اردو لغت بورڈ کی سربراہی
تصانیف
دائرۃ المعارف

پاکستان کرونیکل
تاریخ

پاکستان کا قومی ترانہ : کیا ہے حقیقت؟ کیا ہے فسانہ؟
پاکستان کی ناکام سازشیں
لیاقت علی خان قتل کیس
پاکستان کا جشن زریں (وضاحتی کتابیات)
معلومات عامہ

366 دن
صفر سے سو تک
کون بنے گا کروڑ پتی؟
ایک سال پچاس سوال
جہان معلومات
ہے حقیقت کچھ
قائد اعظم معلومات کے آئینے میں
سیاسیات

پاکستان کے سیاسی وڈیرے
پاکستان کے سیاسی وڈیرے
پاکستان کی انتخابی سیاست
سوانح
ترميم
قائد اعظم کی اذواجی زندگی
کانجی دوآرکا داس جناح،رتی اور میں

علی سردار جعفری شخصیت و فن
شاہد احمد دہلوی مضامین موسیقی
میر باقر علی داستان گو
علی سردار جعفری شخصیت و فن
چراغ روشن ہیں (عصمت چغتائی کے خاکے)
فرہنگ

فرہنگ اصطلاحات فنِ تعمیر
شعری مجموعہ

تعلق
ناقدین کی آراء

” جعفری صاحب کی علم کے لیے دیوانگی اورلگاؤ دیکھ کر ایسا محسوس ہوتاہے کہ یہ کیفیت کے طور سے خانہ بدوش ہیں۔کہیں یہ تکرار کے شور میں سوالات کی بُنت کرتے ہیں، کبھی سیاست کے ایوانوں کی طرف نکل جاتے ہیں،توکبھی موسیقی کے رچاؤ کو مرتب کرنے میں مشغول ہوتے ہیں اورکبھی تاریخ کا دیوان لکھنے بیٹھ جاتے ہیں، ایک دیوانے کی مانند،جس کو اپنے خمارِ عشق کے سوا کچھ یاد نہیں رہتا۔ پاکستان کرونیکل یا پاکستان کے سیاسی وڈیرے جیسا کام مذاق نہیں ہے،جس کی خاطر ان کی زندگی کے اتنے سارے برس دھول بن کر اُڑ گئے، البتہ یہ ضرور مذاق ہے کہ سرکاری سطح پر کہیں بھی ان کی پذیرائی نہیں ہوئی۔انہوں نے پاکستان کی تاریخ لکھی ہے، تو پاکستانی سرکار کوہی اس پرغور کرناہوگا۔ (مصنف و صحافی خرم سہیل)
اعزازات

تحقیق اور پاکستانیات کے شعبے میں ان کی خدمات کے اعتراف کے طور پر پاکستان کوئز سوسائٹی نے انہیں 2004ء میں کوئز ایکسیلینس ایوارڈ، وزڈم پاکستان فورم نے 2010ء میں ہیروزآف پاکستان کمال کارکردگی ایوارڈ اور سینٹر آف سوک ایجوکیشن پاکستان نے 2010ء کا سوک ایجوکیشن ایوارڈ عطا کیا۔ اس کے علاوہ 2000ء میں ریڈیو پاکستان کا بہترین نعت گو اور بہترین قومی نغمہ نگار کا ایوارڈ بھی حاصل کر چکے ہیں 2011ء میں آل پاکستان نیوز پیپرز سوسائٹی نے آپ کو بہترین فیچر نگار کا ایوارڈ عطا کیا۔

پیشکش ۔ وقاص وکی

کراچی: وفاقی حکومت نے 3 اسپتال حکومت سندھ کے کنٹرول میں دے دیئے ہیں-

باغی ٹی وی: جناح اسپتال، بچوں کا اسپتال اور این آئی سی وی ڈی کا کنٹرول سندھ حکومت کو دینے کا نوٹی فکیشن جاری کردیا گیا دوسری جانب محمد خالد بخاری ایم ایس سروس اسپتال کراچی کو ڈاکٹر رتھ کے ایم پی ایف اے یو سول اسپتال کی بھی چارج دے دیا گیا ہے۔ جب کہ عتیق الرحمان قریشی ایم ایس گورنمنٹ اسپتال لیاقت آباد کراچی تعینات کردیئے گئے ہیں۔

گزشتہ روزبلاول بھٹو زرداری نے سندھ انسٹی ٹیوٹ آف یورولوجی اینڈ ٹرانسپلانٹیشن (ایس آئی یو ٹی) کمپلیکس اور چائلڈ ہیلتھ انسٹی ٹیوٹ کا بھی افتتاح کردیاایس آئی یو ٹی کمپلیکس کے افتتاح کے موقع پر ڈاکٹر ادیب رضوی بھی موجود تھے، سکھر میں 27 ایکڑ رقبے پر مشتمل 70 ڈائیلاسز مشینوں کے ساتھ 170 بستروں کے میڈیکل کمپلیکس میں علاج کی سہولیات میسرآسکیں گی،بلاول نے ڈائیلیسز، لیبارٹری، ریڈیا لوجی، پیٹ اسکین، سائیکلوٹرون اور روبوٹک سرجری سمیت مختلف سہولیات کا جائزہ لیا۔

بلاول بھٹو کا چائلڈ ہیلتھ انسٹی ٹیوٹ کا افتتاح

انہوں نے کہا کہ جس طریقے سے سندھ بھر کے اضلاع میں قومی ادارہ برائے امراض قلب کا جال بچھایا گیا ہے ٹھیک ویسے ہی سندھ انسٹی ٹیوٹ آف چائلڈ ہیلتھ اینڈ نیونیٹولوجی اور سندھ انسٹی ٹیوٹ آف یورولوجی اینڈ ٹرانسپلانٹیشن کا جال بچھانا چاہتے ہیں تاکہ ہم اپنی عوام کو مفت علاج دلوا سکیںا ٹھارویں ترمیم پر ڈاکہ ڈال کر جو آپ کے این آئی سی وی ڈی, این آئی سی ایچ اور جے پی ایم سی پر قبضے کرنے کی کوشش کی گئی وہ ادارے آج ہم نے وفاق سے واپس لے لیے ہیں-

تہران میں غیرقانونی بلڈنگ کو گرانا مہنگا پڑگیا،5 افراد ہلاک

باغی ٹی وی کی رپورٹ کے مطابق شہر قائد کے علاقے کیماڑی میں زہریلی گیس کے اخراج سے 21 خواتین کی حالت غیر ہو گئی، 11 خواتین کو بیہوشی کی حالت میں ہسپتال منتقل کیا گیا

کیماڑی میں تین برسوں سے زہریلی گیس کے اخراجات کے واقعات پیش آ رہے ہیں، سندھ ہائیکورٹ میں بھی کیس چلا لیکن مسئلہ حل نہیں ہوا، اب تازہ واقعہ ایک فیکٹری میں پیش آیا جہاں دھماکے کے بعد زہریلی گیس کا اخراج ہوا، فیکٹری میں خواتین کام کر تی تھیں، واقعہ میں 21 خواتین کو ہسپتال منتقل کیا گیا جن کی حالت غیر ہو چکی تھی، دیگر افراد بھی زہریلی گیس سے متاثر ہوئے، مقامی افراد کا کہنا ہے کہ علاقے میں امونیا گیس کی بدبو پھیل گئی تھی

سکیورٹی انچارج فش ہاربر ناصر بونیری کا کہنا ہے کہ فیکٹری میں جھینگے اورمچھلی کی پروسیسنگ ہوتی ہے ایمونیا گیس کے دھماکے سے علاقے میں بدبو پھیلی فیکٹری میں 60 خواتین صبح 9 بجے معمول کے مطابق کام پر پہنچی تھیں، واقعہ کے بعد پولیس نے کاروائی کی ہے اور فیکٹری سپروائزر کو گرفتار کر لیا گیا ہے فیکٹری کے انجنینئر کو بھی گرفتار کر لیا گیا ہے،

چھیپا ترجمان کے مطابق کیماڑی فشری کے قریب مہران کمپنی میں زہریلی گیس لیکج کے باعث 20خاتون سمیت 21افراد کی حالت غیر ہو گئی،حالت غیر ہونے والوں کو چھیپا ایمبولینس کے ذریعے سول اور جناح ہسپتال منتقل کیا گیا،
حالت غیر ہونے والوں کی شناخت
1-اسماعیل ولد ابوبکر عمر25سال
2-شہزادی دختر ملک عمر22سال
3-ماریہ دختر حنیف عمر15سال
4-محمودہ دختر صدیق عمر18سال
5-آمنہ زوجہ کبیر عمر30سال
6-محمودہ زوجہ امان عمر30سال
7-شازیہ دختر جہانگیر عمر16سال
8-حکیمہ زوجہ شکور عمر40سال
9-فاطمہ دختر منشاہ عمر19سال
10-مسکن دختر رمضان عمر16سال
11-محمودہ زوجہ امین عمر32سال
12-حاجرہ زوجہ فرحان عمر32سال
13-ثمرین دختر عمران عمر25سال
9-نسیمہ زوجہ محمود عمر22سال
14-ماریہ دختر انس عمر17سال
15-نسیمہ دختر بابو عمر19سال
16-افسرا دختر صالح عمر22سال
17-روبینہ دختر ناصر عمر16سال
18-سمیرا دختر رمضان عمر15سال
19-عائشہ زوجہ عبدالرحمان عمر20سال
20-مایہ زوجہ اشرف عمر40سال
21-سمیہ دختر اشرف عمر16سال

وزیراعلیٰ سندھ سید مراد علی شاہ نے کراچی کی فوڈ فیکٹری میں گیس دھماکے کا نوٹس لیا ، ترجمان کے مطابق وزیراعلیٰ نے کمشنر اور وزیر لیبر سے رپورٹ طلب کرلی، وزیراعلیٰ سندھ نے کہا کہ تمام زخمی خواتین کی جان بچانے کی ہر ممکن کوشش کریں، فیکٹری میں دھماکہ کی تفصیلات سے فوراً آگاہ کریں،وزیراعلیٰ نے محکمہ فوڈ سے فیکٹری کا معائنہ کرنے کی ہدایت کی اور کہا کہ فوڈ فیکٹری میں ناکارہ گیس سلنڈر پائے جائیں تو فوراً سیل کریں،

زہریلی گیس، جاں بحق افراد کا پوسٹ مارٹم کیوں نہیں کروایا گیا؟ مبشر لقمان نے اٹھایا اہم سوال

زہریلی گیس کہاں سے خارج ہو رہی؟ سراغ لگا لیا گیا، مقدمہ درج

زہریلی گیس سے اموات، معاملہ عدالت پہنچ گیا، درخواست دائر

زہریلی گیس سے کراچی کے شہری پریشان، ہلاکتیں 9 ہو گئیں، تعلیمی ادارے، فیکٹریاں ،دکانیں سب بند

زہریلی گیس، تحقیقات کے لئے کمیٹی قائم،ڈاکٹرز کا کیا کہنا ہے؟