Category: کراچی

ایڈمنسٹریٹر کراچی مرتضیٰ وہاب مستعفی ہو گئے

ایڈمنسٹریٹر کراچی مرتضیٰ وہاب نے استعفے کا اعلان پریس کانفرنس میں کیا ،کہا کہ کراچی کو پاوں پر کھڑا کرنے کے لیے دن رات محنت کی، میں ہوٹلوں پر کھانے اور ناشتے کرتے نہیں دیکھا گیا،سڑکوں پر کا م کراتے دیکھا گیا میں نے کبھی نہیں کہا کہ میرے پاس اختیارات نہیں،قانون کے دائرے میں ٹیکس پر کام کیا میں نے کراچی کے لیے جو کام کیا وہ احسان نہیں کیا،میں ٹیکس جمع کرنے کے فیصلے پر مصطفیٰ کمال کے حق میں تھا اور رہوں گا پیسوں میں خورد برد ہو جاتی ہے ، شہری سوال کر سکتے ہیں پریس کانفرنس کے بعد وزیر اعلیٰ سندھ کو استعفیٰ دے دوں گا میں سمجھتا ہوں کہ عہدے کے بغیر بھی شہر کی خدمت کی جا سکتی ہے ،

ایڈمنسٹریٹر کراچی مرتضیٰ وہاب نے کہا ہے کہ کوشش ہے کراچی کی خدمت کروں ،بارش میں بلدیہ عظمیٰ کراچی کے لوگوں نے پانی نکالاجب حکومت کام کرتی ہے تو روک دیا جاتا ہے،قانون اس بات کی اجازت دیتا ہے کہ بلدیہ عظمیٰ کراچی ٹیکس لگا سکتی ہے، میوہ شاہ قبرستان کی سڑک، شاہراہ لیاقت کو بنایا جا رہا ہے لوگوں کو پسند نہیں آرہا، اگر بلدیہ عظمیٰ کراچی شہریوں کو ریلیف دے رہی ہے لوگوں کو پسند نہیں آ رہا، بلدیہ عظمٰی کراچی نے مختلف سڑکوں کی پیوندکاری کا کام کیا،16ستمبرسے پھر ہم سڑکوں کی بحالی کے لیے روڈ پرتھے،5جون 2008 سے آج تک یہ ٹیکس اکٹھا کیا جارہا ہے،وسیم اختر کی چار سالہ حکومت میں جب وہ میئر تھے، یہ ٹیکس لگا رہا،یہ کیسے ہوسکتا ہے کہ کراچی کا ادارہ اپنی تنخواہیں نہیں دے سکتا، سڑکیں ٹھیک نہیں کرسکتا، میرا ایمان ہے کہ قانون کے مطابق چلنا ہی ہمیں آگے لیکر جائے گا،

اکثر ارکان اسمبلی ڈیفنس اور کلفٹن کے رہائشی ہیں انہیں پتا ہی نہیں کہ کراچی کے عوام کے مسائل کیا ہیں،حافظ نعیم الرحمان

سیاسی ایڈمنسٹریٹر نے کراچی کو ڈبو دیا،جماعت اسلامی

 بجلی کے بلوں پر عائد ٹیکس ناقابل برداشت ہے

ایڈمنسٹریٹر کراچی مرتضیٰ وہاب کا مزید کہنا تھا کہ قانون میں درج ہے کہ بلدیہ عظمیٰ کراچی ٹیکس لے سکتی ہے،میں نے یہ ٹیکس جمع کرنے کے لیے کراچی الیکٹرک کا انتخاب کیا،میں نے ٹیکس جمع کرنے کے لیے ایک سال تک کام کیا،ہم نے منصوبہ بندی کہ سال کے سوا6 ارب روپے جمع کریں گے شہری کسی بھی میئر یا ایڈمنسٹریٹر سے پوچھ سکتے تھے کہ یہ پیسے کہاں خرچ ہوئے،ہم نے ٹیکس کی شرح کم کی ، مخلص ہو کر نظام بدلنے کی کوشش کی کسی سیاسی جماعت نے ٹی وی ٹیکس کی وصولی پر اعتراض نہیں کیا عدالت کا احترا م کرتاہوں مگر عہدے پر مزید کام نہیں کرسکتا، بہتر ایڈمنسٹریٹر آکر شہر کے لیے اچھا کام کرے گا

ایک سال سے عدالتی فیصلے کی خلاف ورزی کر رہے ہیں،عدالت برہم

سندھ ہائی کورٹ میں کلفٹن کے رہائشی کی گھر کی اصل فائل کی گمشدگی کیس کی سماعت ہوئی

متبادل فائل تیار نہ کرکے دینے پر عدالت کے ڈی اے حکام پر برہم ہو گئی، جسٹس سید حسن اظہر رضوی نے ریمارکس دیتے ہوئے کہا کہ آپ لوگ بادشاہ بنے ہوئے ہیں لوگ دھکے کھا رہے ہیں،پورے کراچی میں تباہی مچائی ہوئی ہے، عدالت نے ڈائریکٹر لینڈ کے ڈی اے کو آئندہ سماعت پر ذاتی حیثیت میں طلب کر لیا، عدالت نے کے ڈی اے ڈائریکٹرز کے اجلاسوں کے مینٹس طلب کر لئے ، عدالت کے ڈی اے افسر پر برہم ہو گئی اور کہا کہ کام نہیں کرنا، آپ سامنے آئیں؟ کے ڈی اے افسر نے عدالت میں موقف اپنایا کہ پروسس چل رہا ہے،

سندھ ہائیکورٹ نے کہا کہ کیا پروسس چل رہا ہے، کیا طریقہ ہوتا ہے؟ ایک سال سے عدالت نے فیصلہ دے رکھا ہے،ماسٹر پلان کو چھوڑیں، کیا بات کریں ماسٹر پلان کی؟ آپ کے ڈائریکٹرز کی میٹنگ آخری بار کب ہوئی؟ آپ کے ڈائریکٹرز نے کتنے اجلاس کیے؟ متبادل فائل میں اتنی تاخیر کیوں لگتی ہے؟ درخواست 29 اکتوبر 2021 سے زیر التوا ہے،وکیل درخؤاست گزارنے کہا کہ فائل نیب سے گم ہوئی، متبادل فائل چاہیے، عدالت نے ریمارکس دیتے ہوئے کہا کہ آپ لوگ ایک سال سے عدالتی فیصلے کی خلاف ورزی کر رہے ہیں،

علاوہ ازیں حاجی مرید گوٹھ گلبہار کے علاقے میں گھروں کے قریب کچرا کنڈی کیس کی سماعت ہوئی ،سندھ ہائی کورٹ نے درخواست گزار سے گھر کے مکمل دستاویزات طلب کرلیے ،جسٹس حسن اظہر رضوی نے ریمارکس دیتے ہوئے کہا کہ کچرا اٹھانا اداروں کی ذمہ داری ہے ، دستاویزات پیش کرنا ہوں گی، شہر سے کچرا اٹھانا چاہیے،گیس، بجلی، پانی اور دیگر دستاویزات پیش کریں پھر حکم نامہ جاری کریں گے،

دس برس تک سگی بیٹی سے مسلسل جنسی زیادتی کرنیوالے سفاک باپ کو عدالت نے سنائی سزا

شادی شدہ خاتون کے ساتھ اجتماعی زیادتی کے بعد ملزمان نے ویڈیو وائرل کر دی

وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

نوجوان جوڑے پر تشدد کرنیوالے ملزم عثمان مرزا کے بارے میں اہم انکشافات

لڑکی کو برہنہ کرنیوالے ملزم عثمان مرزا کو پولیس نے عدالت پیش کر دیا

کیا فائدہ قانون کا، مفتی کو نامرد کیا گیا نہ عثمان مرزا کو،ٹویٹر پر صارفین کی رائے

قبل ازیں سندھ ہائی کورٹ میں ملیر میں قبرستان پر قبضہ سے متعلق کیس کی سماعت ہوئی،ایم ڈی اے کی جانب سے وکیل نے سندھ ہائی کورٹ میں وکالت نامہ جمع کرا دیا ،اسٹنٹ کمشنر کی جانب سے جواب جمع نہ کرانے پرعدالت برہم ہو گئی،عدالت نے آئندہ سماعت پر اسسٹنٹ کمشنر کو وضاحت کے لیے طلب کر لیا

دوسری جانب پولیس اہلکار کے قتل اور دہشت گردی کے مقدمے میں سزا کے خلاف اپیل مسترد کر دی گئی ،سندھ ہائی کورٹ نے ملزم کو پھانسی دینے کا حکم برقرار رکھنے کا حکم دے دیا،سندھ ہائی کورٹ نے ملزم پولیس اہلکار کی سزا بھی برقرار رکھنے کا حکم دیا اپیل مسترد ہونے پر پولیس نے ملزم کو حراست میں لے لیا

وزیراعلیٰ سندھ مراد علی شاہ کی زیر صدارت اجلاس ہوا

اجلاس میں دریا کے دائیں اور بائیں کناروں پر ڈوبے شہروں سے نکاسی آب معاملے پر گفتگو کی گئی، وزیر آبپاشی نے وزیراعلیٰ سندھ کوبریفنگ دی اور بتایا کہ دریا معمول کے مطابق بہہ رہا ہے،منچھر جھیل 123.3 آر ایل سے کم ہو کر 118.85آر ایل ہوگیا ایف پی بند سے سیف اللہ اور رائیس کینال ڈویژن میں 8 سے 11 فٹ پانی کم ہوا ،جنوبی دادو ڈویژن میں 4 سے 7 فٹ پانی کم ہوا ہے، سپریو پر پانی کی سطح بھی 5 سے 6 فٹ کم ہوگئی ہے، یم این وی کی آر ڈی 194 پر 3 فٹ اور آر ڈی 10 پر 3 فٹ سے زائد پانی کم ہوا،شہدادکوٹ میں ڈرین اور میروخان ڈرین کی سطح میں ایک تا دو فٹ پانی کم ہوا ہے، پانی آر بی او ڈی تھری میں بہہ رہا ہے، بھان سعید آباد کے رنگ بند پر پانی بہت ہی کم ہوگیا ، اب بند کو ختم کیا جارہا ہے،

وزیراعلیٰ سندھ سید مراد علی شاہ کا کہنا تھا کہ شہروں میں نکاسی آب کے عمل کو تیز کرنا ہے، لوگوں کو واپس انکے گھر بھیجا ہے تاکہ زندگی معمول پر آجائے،

دوسری جانب سندھ کے ضلع دادو میں گیسٹرو اور ملیریا سے اموات کی تعداد 26 ہوگئی ہے سندھ اور بلوچستان کے سیلاب متاثرین کی مشکلات میں کمی آنے کے بجائے روز بروز اضافہ ہوتا جا رہا ہے متاثرین وبائی امراض میں جکڑتے جا رہے ہیں، سندھ کے علاقوں میں طبی سہولیات کی کمی ہے، سندھ حکومت کام کر رہی ہے لیکن متاثرین زیادہ ہیں

حکومت پنجاب نے سیلاب زدہ علاقوں میں نقصانات کے تخمینے کا سروے 12 ستمبر سے شروع کرنے کا فیصلہ کیا ہے

وزیراعظم شہبازشریف سے امریکی نمائندہ خصوصی جان کیری کی ملاقات ہوئی ہے

پوری دنیا کو پاکستان کے ساتھ کھڑا ہونا ہوگا،وزیر اعظم

وزیرخارجہ بلاول  کی میٹا کے عالمی امور کے صدر نک کلیگ سے ملاقات

سیلابی پانی کے بعد لوگ مشکلات کا شکار ہیں کھلے آسمان تلے مکین رہ رہے ہیں

ہ حالیہ بارشوں اور سیلاب سے انسانی المیہ برپا ہوا ہے ۔

کراچی:پی آئی اے کے پائلٹ فلائٹ رڈر کنٹرول ڈیفلیکٹ میں غیر معمولی ایئر مین شپ کا مظاہرہ کرنے لگے،اطلاعات کے مطابق پاکستان کی قومی ایئرلائنز پاکستان انٹرنیشنل ایئرلائن کے پائلٹوں نے فلائٹ رڈل کنٹرول ڈیفلیکٹ میں غیر معمولی ایئر مین شپ کا مظاہرہ کیا۔

پاکستانی پائلٹوں کی اس مہارت نے سب کو حیران کردیا ، یہ مہارت پی آئی اے کے پائلٹوں کی کارکردگی بہتر کرنے میں ممدومعاون ثآبت ہوگی

پاکستانی پائلٹوں کی اس مہارت کے متعلق فلائٹ سیفٹی ڈیولپمنٹ کارپوریشن نے کہا کہ کسی بھی طیارے میں بہترین حفاظتی آلہ ‘ایک تربیت یافتہ پائلٹ ہے’۔

اس مہارت کے لیے PK-609/16th ستمبر 2022 کو لاہور سے گلگت LHE-GIL کے لیے ٹیک آف کے دوران، ATR-42 پر ایک رڈر ٹرم رن وے ہوا جس کے نتیجے میں "Rudder, Flt Control Jam” سے مکمل طور پر رڈر ڈیفلیکشن ہو گیا۔

پاکستان انٹرنیشنل ایئرلائنز کے پائلٹس، کیپٹن احد حسینی اور فرسٹ آفیسر حامد خان نے مہارت سے ایل میں بحفاظت واپس لینڈ کرکے اپنی قابلیت کو ثابت کردیا

ادھرپی آئی اے میں نئے طیاروں کی آمد کا سلسلہ جاری ہے اور مزید ایک ایئر بیس 320 طیارے کو قومی فضائی کمپنی کے بیڑے میں شامل کرلیا گیا ہے۔

ترجمان پی آئی اے کے مطابق رواں سال پی آئی اے نے 4 اے 320 طیارے حاصل کیے ہیں، تیسرا طیارہ شارجہ سے اسلام آباد پہنچ گیا ہے، جب کہ چوتھا اور آخری طیارہ آئندہ چند روز میں پاکستان پہنچے گا۔

ترجمان کے مطابق جدید طیارہ مسافروں کو بہتر سفر ی سہولیات فراہم کرے گا، نئے طیارے شمولیت سے پی آئی اے کے بیڑے میں اے 320 ساختہ طیاروں کی تعداد 14 ہوجائے گی۔

واضح رہے کہ گزشتہ دنوں قومی ایئرلائن (پی آئی اے ) نے 5 جدید طیارے خریدنے کا فیصلہ کیا تھا اور یہ جدید طیارے 6 سال کی ڈرائی لیز پر لیے جائیں گے۔

کراچی :شہید بے نظیر بھٹو کی صاحبزادی آصفہ بھٹو نے کہا ہے کہ حکومتِ سندھ سیلاب متاثرین کی امداد کیلئے اپنی انتھک کاوشیں جاری رکھے گی۔تفصیلات کے مطابق شہید بے نظیر بھٹو کی صاحبزادی آصفہ بھٹو زرداری نے شہید بے نظیر آباد میں سیلاب سے متاثرہ مختلف علاقوں کا دورہ کر کے مختلف مقامات پر سیلاب متاثرین کے مسائل سے آگاہی حاصل کی۔

آصفہ بھٹو نے سکرنڈ میں واقع سیلاب متاثرین کے لئے بنائے گئے ٹینٹ سٹی کا دورہ کیا۔ انہوں نے امدادی سرگرمیوں میں مصروف رضاکاروں سے ملاقات کر کے ان کی حوصلہ افزائی کی۔

آصفہ بھٹو زرداری نے سیلاب سے متاثرہ خواتین اور بچوں میں ضروریات کا سامان بھی تقسیم کیا۔ان کا کہنا تھا کہ ایک مہینہ ہو چکا، ہمارے عوام تاحال اس سیلاب کی تباہ کاریوں کا سامنا کر رہے ہیں جس نے سندھ کو ڈبو دیا ہے، تین کروڑ سے زائد متاثرین اور بے گھر افراد کو پناہ، خوراک اور ادویات کی ضرورت ہے۔

شہید بینظیر بھٹو کی صاحبزادی بی بی آصفہ بھٹو زرداری کا شہید بینظیر آباد میں سیلاب سے متاثرہ مختلف علاقوں کا دورہ

بی بی آصفہ بھٹو زرداری نے سکرنڈ میں واقع سیلاب متاثرین کے لئے بنائے گئے ٹینٹ سٹی کا دورہ کیا@AseefaBZ pic.twitter.com/hP1rXIT7eV

— PPP Punjab (@LidoFiRewards) September 24, 2022

انہوں نے کہا کہ امدادی کیمپوں میں رہائش پذیر متاثرین نے مجھے اپنی پریشانیوں سے آگاہ کیا، امید ہے، حکومتِ سندھ سیلاب متاثرین کی امداد کے لیے اپنی انتھک کاوشیں جاری رکھے گی۔

آصفہ بھٹو نے کہا کہ ڈینگی، ملیریا اور اسہال کی پھیلتی بیماریاں تباہی کی دوسری لہر ثابت ہو رہی ہیں، پی پی آئی ایچ کی طرح میڈیکل کیمپوں نے خدمت کے لئے خود کو وقف کیا ہوا ہے تاہم ان کو ہم سب کی مدد کی ضرورت ہے۔

ان کا کہنا تھا کہ اس سطح کی بڑی آفت کے سامنے ادویات اور ڈاکٹرز کی موجودہ فراہمی کم ہے، ہمیں ہر ایک کی ضرورت ہے کہ وہ آگے آئیں اور مدد کریں، عطیہ دیں اور رضا کار بنیں تاکہ سیلاب سے ہونے والی تباہی میں کمی کو یقینی بنایا جا سکے۔

کراچی :سندھ میں سیلاب سے متاثرہ علاقوں میں گزشتہ 24 گھنٹوں کے دوران طبی کیمپوں میں لوگوں کے آنے کا سلسلہ جاری رہا، بیماریوں کے پھیلاؤ کے خطرات اب بھی صوبے میں موجود ہیں اور سانس کی تکلیف میں مبتلا ایک اور بچہ چل بسا۔

صوبائی محکمہ صحت کے مطابق صوبے بھر میں قائم طبی کیمپوں میں تقریبا 71 ہزار 398 افراد علاج کے لیے آئے، جنہوں نے زیادہ تر شکایات پانی سے جنم لینے والی بیماریوں سے متعلق کی جو سیلاب کے بعد اب تک کھڑا ہے۔

صوبائی محکمہ صحت کے اعداد و شمار کے مطابق جو ہزاروں افراد علاج کے لیے آئے ان میں زیادہ تعداد سانس کی شدید تکلیف میں مبتلا افراد کی تھی جو 13 ہزار 989 ظاہر کی گئی۔

اسی طرح 12 ہزار 777 افراد نے اسہال اور 13 ہزار 672 افراد نے جلدی امراض کی شکایت کی، 8 ہزار 515 نے ملیریا کے خدشات کا اظہار کیا جبکہ 415 میں ملیریا اور 33 میں ڈینگی کی تصدیق ہوئی، دیگر 22 ہزار 413 افراد دیگر بیماریوں میں مبتلا تھے، یکم جولائی سے اب تک مجموعی طور پر 30 لاکھ بے گھر افراد کو طبی امداد دی گئی۔

سندھ میں ملک کے شمال اور بلوچستان کے پہاڑی علاقوں سے سیلاب آیا جس کی وجہ سے صحت کے بحران نے جنم لیا، ہزاروں بے گھر افراد میں ڈینگی اور پانی سے جنم لینے والی بیماریاں دیکھی گئیں۔

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس