Baaghi TV

Category: کراچی

  • سندھ ہائی کورٹ کا تھرپارکرکی بیٹی کے اغوا،جنسی زیادتی اورخودکشی پرڈی این اے کرانے کا حکم

    سندھ ہائی کورٹ کا تھرپارکرکی بیٹی کے اغوا،جنسی زیادتی اورخودکشی پرڈی این اے کرانے کا حکم

    کراچی:تھرپارکر میں لڑکی کے اغوا کے بعد اس کی خودکشی اس وقت لڑکی کے والدین اورحکومت سندھ کےلیے معمہ بنی ہوئی ہے،شاید یہی وجہ ہے کہ  سندھ ہائیکورٹ نے مٹھی تھر پارکر میں لڑکی کے اغوا، اجتماعی زیادتی اور خودکشی سے متعلق کیس میں ڈی این اے کرانے کی ہدایت کردی۔

    سندھ ہائیکورٹ میں مٹھی تھر پارکر میں لڑکی کے اغواء، اجتماعی ذیادتی اور خود کشی کے نوٹس کی سماعت ہوئی۔ ڈی آئی جی میر پور خاص ذوالفقار مہر اور ایس ایس پی تھرپار کار حسن سردار اور دیگر پیش ہوئے۔متوفیہ کے اہلخانہ نے عدالت کو واقعہ کی تفصیل سے آگاہ کیا۔ ڈی آئی جی میر پور خاص کی جانب سے پیش رفت رپورٹ پیش کی گئی۔ رپورٹ میں کہا گیا کہ مقدمے میں 4 ملزمان گرفتار ہیں۔ مقدمے کی مزید تحقیقات جاری ہیں۔

    چیف جسٹس سندھ ہائیکورٹ احمد علی شیخ نے کیس میں ڈی این اے کرانے کی ہدایت کردی۔ چیف جسٹس نے ریمارکس دیئے کہ مدعی مقدمہ اور ان کے اہلخانہ کے ساتھ تعاون کیا جائے۔ مقدمے کی مزید تفتیش کرکے 2 ہفتوں میں پیش رفت رپورٹ جمع کرائی جائے۔

    چیف جسٹس سندھ ہائیکورٹ نے واقعے کا نوٹس لیا تھا۔ سماعت کے بعد ڈی آئی جی میر پور خاص نے میڈیا سے گفتگو میں کہا کہ چیف جسٹس سندھ ہائیکورٹ نے کیس کے مدعی اور گواہ کو تفصیل سے سنا ہے۔ چیف جسٹس نے تمام شواہد اور ڈی این اے کی بنیاد پر میرٹ پر تحقیقات کا حکم دیا ہے۔

    ایک سوال کے جواب میں ڈی آئی جی نے کہا کہ مدعی اور گواہ نے چیف جسٹس کے سامنے اس معاملے کو کلیئر کیا ہے کے ہم نے ہی کوئی چیز نہیں بتائی تھی۔ مدعی اور گواہ نے کہا ہے کہ ہم نے جب پولیس کو رپورٹ کیا ہے تو انہوں نے کارروائی کی ہے۔ مدعی اور گواہ پولیس کی تفتیش سے مطمئن ہیں۔

    صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

    سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

    جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

    اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

  • چھینا جھپٹی میں مصروف ڈکیت موقع واردات سے رنگے ہاتھوں گرفتار

    چھینا جھپٹی میں مصروف ڈکیت موقع واردات سے رنگے ہاتھوں گرفتار

    باغی ٹی وی کی رپورٹ کے مطابق شہر قائد کراچی میں جرائم پیشہ عناصر کے خلاف پولیس کی کاروائیاں جاری ہیں

    ایس ایس پی ضلع کیماڑی فدا حسین جانوری کی سربراہی میں ضلع کیماڑی پولیس جرائم پیشہ عناصر کے خلاف کاروائیاں جاری رکھے ہوئے ہے۔گزشتہ رات ایس ایچ او تھانہ پاک کالونی سب انسپکٹر محمد اشفاق کی ٹیم کے ہمراہ دو کامیاب کاروائیاں کیں، پہلی کاروائی میں پاک کالونی پولیس نے کباڑی مارکیٹ شیرشاہ میں شھری سے اسلحہ کے زور پر موبائل فون، ڈیڑھ لاکھ روپے کیش اور ATM کارڈز وغیرہ چھینے والے ڈکیت ملزم کو تعاقب کرکے گرفتار کر لیا۔گرفتار ملزم کی شناخت رسول بخش ولد عبدالغفور کے نام سے ہوئی جبکہ ملزم کے اشفاق اور ڈاڈا نامی ساتھی فرار ہونے میں کامیاب ہو گئے۔گرفتار ملزم کے قبضہ سے غیرقانونی 30 بور پستول بمعہ راؤنڈ، موبائل فون اور کیش برآمد ہوا۔ملزم کے خلاف مقدمہ الزام 305/22 بجرم دفعہ 392/397/34 ت پ اور 306/22 بجرم دفعہ 23(i)A درج کرکے مزید تفتیش کی جا رہی ہے۔

    دوسری کاروائی پاک کالونی پولیس نے جوا سٹہ کے ٹھکانے پر چھاپہ مار کارروائی کرتے ہوئے قمار بازی میں ملوث 5 ملزمان کو گرفتار کر لیا۔گرفتار ملزمان کی شناخت منور، ابراھیم، محمد زاھد، ریحان اور محسن کے ناموں سے ہوئی۔ملزمان کے قبضے سے جوا سٹہ کی پرچیاں اور رقم برآمد کر کے مقدمہ الزام نمبر 307/22 بجرم دفعہ 5/5A گیمبلنگ ایکٹ درج کیا گیا۔مزید تفتیش کی جا رہی ہے۔

    دوسری جانب کراچی کو ٹارگٹ کلنگ سمیت سنگین جرائم سے پاک کرنے اور تاجر برادری کو تحفظ فراہم کرنے پر صدر لانڈھی ایسوسی ایشن آف ٹریڈ اینڈ انڈسٹری سراج منو نے کراچی پولیس کے اقدامات کو سراہا ہے .ایس ایس پی ملیر عرفان بہادر نے لانڈھی ایسوسی ایشن آف ٹریڈ اینڈ انڈسٹریز کا دورہ کیا۔چیف کورڈینیٹر LATI نے ایس ایس پی ملیر کو خوش آمدید کہا اور انکی آمد پر شکریہ ادا کیا۔ایس ایس ملیر نے ممبران لانڈھی ایسوسی ایشن آف ٹریڈ اینڈ انڈسٹری سے شہر میں لاء اینڈ آرڈر کی صورتحال کے حوالے سے بات چیت کی۔ ممبران کی جانب سے چند گزارشات پیش کی گئیں جن پر ضروری احکامات دئیے گئے۔ایس ایس پی ملیر کا کہنا تھا کہ کراچی پولیس اسٹریٹ کرائم کے خلاف اپنی کاروائیاں جاری رکھے ہوئے ہے۔ قائدآباد تھانے کی حدود میں 15 مددگار کو مزید نفری فراہم کی گئی تاکہ کسی بھی ناخوشگوار واقعے پر فوری ریسپانس کو یقینی بنایا جا سکے۔

    سکول سے گھر آنیوالی خاتون کے سامنے نوجوان نے کپڑے اتار دیئے، ویڈیو وائرل،مقدمہ درج

    تقریب کے بہانے بلا کر خاتون کے ساتھ ہوٹل میں اجتماعی زیادتی

    لودھراں میں خاتون کے ساتھ اجتماعی زیادتی کا واقعہ،پولیس کا کاروائی سے گریز

    شہر قائد کراچی میں پولیس نے نادرا کا جعلی ہیڈ کوارٹر تلاش کر لیا

    دوران ڈکیتی ماں باپ کے سامنے حافظ قرآن بیٹی کے ساتھ درندوں کی زیادتی

    عزیزآباد پولیس نے جیب کترے گوپانگ گروپ کے خلاف ایکشن لیا ہ

  • صرف 4 سے ساڑھے 4 لاکھ ٹینٹس ابھی بانٹ چکے ہیں جو کافی نہیں،وزیراعلیٰ سندھ

    صرف 4 سے ساڑھے 4 لاکھ ٹینٹس ابھی بانٹ چکے ہیں جو کافی نہیں،وزیراعلیٰ سندھ

    وزیراعلیٰ سندھ سید مراد علی شاہ نے کہا ہے کہ ابھی تک کسی کو اس کا اندازہ بھی نہیں کہ کتنی بارش ہوئی میں سندھ بھر کے اضلاع میں گیا ہوں میں نے آج متعدد کیمپس کا دورہ کیا لوگ سڑکوں پر بیٹھے ہیں سندھ بھر میں اوسطاً 11 سو بعض علاقوں میں18 سو ملی میٹر بارش ہوئی تربیلا ڈیم جیسے 20 ڈیمز کے پانی جتنی بارش سندھ میں ہوئی پانی صرف منچھر جھیل کے ذریعے دریائے سندھ میں جائے گا صرف 4 سے ساڑھے 4 لاکھ ٹینٹس ابھی بانٹ چکے ہیں جو کافی نہیں

    وزیراعلیٰ سندھ مراد علی شاہ کی رتوڈیرو آمد ہوئی، وزیراعلیٰ سندھ نے سڑک پر قائم میڈیکل کیمپ کا دورہ کیا،وزیراعلیٰ سندھ مراد علی شا ہ کو میڈیکل کیمپ میں ڈاکٹروں نے بریفنگ دی اور کہا کہ میڈیکل کیمپ میں روزانہ 300 مریضوں کی او پی ڈی ہے وزیراعلیٰ سندھ نے ڈاکٹرز کو ملیریا کی ادویات کیمپ پر مریضوں کو مہیا کرنے کی ہدایت کی،وزیراعلیٰ سندھ مراد علی شا ہ نے بچوں کیلئے ٹینٹ لگا کر دینے کی ہدایت کی وزیراعلیٰ سندھ نے ٹینٹ میں بیٹھے لوگوں سے سہولیات کی فراہمی پر سوال کیا جس پر ٹینٹ میں موجود افسر نے جواب دیا کہ سب ملا ہے ،وزیراعلیٰ سندھ سید مراد علی شاہ نے برہمی کا اظہار کرتے ہوئے کہا کہ جس سے پوچھا ہے وہ بتا ئے گا، آپ کی بات نہیں مانونگا جو متاثرین بتائینگے وہ مانونگا، وزیراعلیٰ کی ہدایت پر وہاں مزید کچھ ٹینٹ لگائے جا رہے ہیں۔

    سندھ کے سیلاب متاثرہ علاقوں میں وبائی بیماریاں بھی پھیلنا شروع ہو گئی ہیں، محکمہ صحت سندھ کے مطابق حیدر آباد میں بنائے گئے ریلیف کیپس میں 210 متاثرین جلدی امراض میں مبتلا ہیں حیدرآباد میں 164 افراد ریلیف کیمپس میں ڈائریا میں مبتلاہوئے آنکھوں کے انفیکشن کے 34 کیسز رپورٹ ہوئے ملیریا 99 مشتبہ اور تصدیق شدہ 11 کیسز رپورٹ ہوئے ،250 افراد کو سانس کی تکلیف کے انفیکشن کی شکایت ہوئی ،376 افراد دیگر مختلف امراض میں مبتلا ہوئے ایک ہزار 351 افرادکو میڈیکل سہولیات دی گئیں

    وزیرخارجہ بلاول  کی میٹا کے عالمی امور کے صدر نک کلیگ سے ملاقات

    سیلابی پانی کے بعد لوگ مشکلات کا شکار ہیں کھلے آسمان تلے مکین رہ رہے ہیں

    حکومت پنجاب نے سیلاب زدہ علاقوں میں نقصانات کے تخمینے کا سروے 12 ستمبر سے شروع کرنے کا فیصلہ کیا ہے

    وزیراعظم شہبازشریف سے امریکی نمائندہ خصوصی جان کیری کی ملاقات ہوئی ہے

    پوری دنیا کو پاکستان کے ساتھ کھڑا ہونا ہوگا،وزیر اعظم

  • شہر قائد میں رکشے پر سفر کرنیوالوں کے ساتھ گھناؤنا کام کرنیوالے گرفتار

    شہر قائد میں رکشے پر سفر کرنیوالوں کے ساتھ گھناؤنا کام کرنیوالے گرفتار

    باغی ٹی وی کی رپورٹ کے مطابق شہر قائد کراچی میں جرائم پیشہ عناصر کے خلاف پولیس کی کاروائیاں جاری ہیں

    عزیزآباد پولیس نے جیب کترے گوپانگ گروپ کے خلاف ایکشن لیا ہے،پولیس نے ملزمان کو رنگے ہاتھوں گرفتار کیا جب ملزمان نے ایک مزدور کو گھات لگا کر اسکی جیب کاٹی ملزمان نے انکشاف کیا یہ لوگ گروہ کی صورت ٹیم بنا کر شہر کے مختلف علاقوں میں واردات کرتے ہیں ملزمان پانچ پانچ اورچھ چھ کے گروہ میں لوگوں کی جیب کاٹتے ہیں واردات کے لئے رکشہ یا چنگچی کا استعمال بھی کرتے ہیں ملزمان کا ایک ساتھی رکشہ یا چنگچی چلاتا ہے باقی ساتھی سواری بن کر بیٹھے رہتے ہیں جیسے ہی کوئی شہری اس چنگچی میں سوار ہوتا تو یہ لوگ ٹیم ورک کرکے اسکی جیب کاٹ لیتے ہیں

    ملزمان نے بتایا کہ وہ ہر اسٹاپ پر نئی ایک سواری بٹھاتے اور اسکی جیب کاٹ لیتے اس طرح 5/6 کلومیٹر کے سفر میں لاکھوں بنا لیتے ملزمان کے دیگر ساتھی بھی شہر کی مختلف علاقوں میں اس ہی طرح کاروائیاں کرتے ہیں گرفتار ملزمان کی شناخت صابر حسین گوپانگ ، طالب حسین گوپانگ ، اختیار علی گوپانگ ، زاہد علی گوپانگ ، مومن علی گوپانگ کے ناموں سے ہوئی گرفتار ملزمان کے خلاف مقدمات درج کر کے تفتیش کا آغاز کردیا گیا ہے

    علاوہ ازیں ایس ایس پی سٹی شبیر احمد سیٹھار کی ہدایات پر ڈسٹرکٹ سٹی پولیس نے مختلف کاروائیاں کرتے ہوئے پولیس کو مطلوب 11 ملزمان کو گرفتار کر لیا. ملزمان میں 5 منشیات فروش اور 6 گٹکا ماوا سپلائرز شامل ہیں. ملزمان سے تقریباً 1 کلو گرام چرس, 60 گرام کرسٹال اور 57 کلو گرام گٹکا ماوا برآمد کیا گیا. منشیات فروشوں کو علاقہ تھانہ چاکیواڑہ , عیدگاہ اور کلری کی حدود سے گرفتار کیا گیا.گٹکا ماوا سپلائرز کو علاقہ تھانہ بغدادی, کلری, نیپئر اور عیدگاہ سے گرفتار کیا گیا.ملزمان عادی پیشہ ور ہیں اور اس سے قبل بھی کئی مقدمات میں گرفتار ہو کر جیل جا چکے ہیں.ملزمان میں سمیر, محمد اسماعیل, جواد, محمد بلال, محمد عمران, محمد امتیاز, حسن, ساجد, اسماعیل, سہیل عرف لنگڑا اور اسداللہ عرف لالو شامل ہیں.ملزم سمیر اس سے قبل بھی منشیات فروشی کے 2 مقدمات میں گرفتار ہوکر جیل جا چکا ہے.

    قبل ازیں 2 روز قبل گرفتار ہونے والے ڈکیتوں کے مزید 2 ساتھی گرفتار کر لئے گئے، ملزمان سے 2 پستول بمعہ راؤنڈز برآمد کر لئے گئے ہیں، گرفتار ملزمان کی شناخت عبدالرحمن اور عرفان کے نام سے ہوئی ہے. واضح رہے کہ اس سے قبل اسی گروہ کے 4 ساتھی گرفتار ہو چکے ہیں,ملزمان کے انکشافات اور ٹیکنیکل بیسڈ کاروائیاں کاروائیاں کرکے ملزمان کے مزید 2 ساتھیوں کو گرفتار کیا گیا ہے. مجموعی طور پر ان ڈکیتوں کے سرغنہ سمیت 5 ساتھی گرفتار ہو چکے ہیں. ملزمان دوران ڈکیتی چھینا جھپٹی شہریوں کو زخمی قتل کرنے کی متعدد وارداتوں میں پولیس کو انتہائی مطلوب تھے. ملزمان شہر بھر کے مختلف علاقوں میں ڈکیتی کی وارداتیں کیا کرتے تھے.ملزمان کے خلاف مقدمات درج کر کے مزید معلومات اکٹھی کی جا رہی ہے. ملزمان کا سابقہ کریمنل ریکارڈ بھی اکٹھا کیا جا رہا ہے.

    دوران ڈکیتی ماں باپ کے سامنے حافظ قرآن بیٹی کے ساتھ درندوں کی زیادتی

    سکول سے گھر آنیوالی خاتون کے سامنے نوجوان نے کپڑے اتار دیئے، ویڈیو وائرل،مقدمہ درج

    تقریب کے بہانے بلا کر خاتون کے ساتھ ہوٹل میں اجتماعی زیادتی

    لودھراں میں خاتون کے ساتھ اجتماعی زیادتی کا واقعہ،پولیس کا کاروائی سے گریز

    شہر قائد کراچی میں پولیس نے نادرا کا جعلی ہیڈ کوارٹر تلاش کر لیا

  • میں خوفزدہ ہوں اور اس معاملے پر بات کرنے کی حالت میں نہیں ہوں،طلاق کے بعد فیروز خان کا بیان

    میں خوفزدہ ہوں اور اس معاملے پر بات کرنے کی حالت میں نہیں ہوں،طلاق کے بعد فیروز خان کا بیان

    پاکستان ٹی وی انڈسٹری کے مشہور اداکار فیروز خان کی اپنی اہلیہ علیزے سےعلیحدگی ہو گئی ہے-

    باغی ٹی وی : علیزے سلطان نے علیحدگی کی تصدیق کرتے ہوئے اپنے انسٹاگرام اکاونٹ پر بیان جاری کیا کہ ہماری 4 سالہ شادی الجھنوں کا شکار رہی، اس عرصے کے دوران میں نے اپنے شوہر کی جانب سے مسلسل جسمانی و نفسیاتی تشدد بھی برداشت کیا۔

    فیروز خان جسمانی تشدد کرتے تھے اہلیہ علیزے

    انہوں نے یہاں تک لکھا کہ انہیں بے وفائی اور بلیک میلنگ کا بھی سامنا کرنا پڑا، اور بہت سوچنے کے بعد میں اس نتیجے پر پہنچی ہوں کہ میں اپنی پوری زندگی اس خوفناک ماحول میں نہیں گزار سکتی۔

    فیروز خان کی سابق اہلیہ نے لکھا کہ میں نہیں چاہتی کہ میرے بچے ایسے تشدد زدہ ماحول میں پرورش پائیں، میرے بچوں کی بھلائی کیلئے یہ فیصلہ اہم تھا۔ میں اپنے بچوں کو سکھاؤں گی کہ کوئی زخم اتنا گہرا نہیں ہوتا کہ بھر نہ سکے۔

    فیروز خان نے اس بیان پر ردعمل دیتے ہوئے کہا کہ ان کا کیس عدالت میں زیر سماعت ہے جس وجہ سے وہ زیادہ بات نہیں کر سکیں گے فیروز خان نے بھی انسٹاگرام پر ایک پوسٹ شیئر کی اور بتایا کہ ان کی طلاق 3 ستمبر 2022 کو ہوئی اور اب انہوں نے بچوں سلطان اور فاطمہ کی کسٹڈی کے لیے عدالت میں کیس دائر کر رکھا ہے۔

    اداکار نے اپنی پوسٹ میں گزشتہ روز عدالت کا احوال بتایا اور لکھا کہ مجھے اپنے ملک کی عدالت کے انصاف پر پورا بھروسہ ہے، میرے دل میں سابقہ اہلیہ کے لیے احترام ہے کیونکہ وہ میرے بچوں کی والدہ ہیں میں خوفزدہ ہوں اور مزید اس معاملے پر بات کرنے کی حالت میں نہیں ہوں کیونکہ کیس عدالت میں چل رہا ہے-

    ہانیہ عامر اور فرحان سعید کی ڈانس ریہرسل وڈیو وائرل

    کچھ ساتھی اداکاروں اور سوشل میڈیا صارفین کی طرف سے انہیں تنقید کا نشانہ بھی بنایا جا ریا ہے اور کہا جا رہا ہے کہ جیسے وہ اسکرین پر پرتشدد کردار ادا کرتے ہیں ویسے ہی وہ اصل زندگی میں بھی ہیں صارفین کا کہنا ہے کہ ڈرامہ کر کر کے حقیقی زندگی میں بھی ویسا بن گیا ہے-

    واضح رہے کہ پاکستانی اداکار فیروز خان نے سابقہ اہلیہ علیزا سلطان کے ساتھ تمام تعلقات ختم کرنے کا باضابطہ اعلان کر دیا ہے گزشتہ روز فیملی جج شرقی کی عدالت میں اداکار فیروز خان کی جانب سے بچوں سے ملاقات کرانے سے متعلق کیس کی سماعت ہوئی تھی –

    درخواست گزار فیروز خان اپنے وکیل کے ہمراہ پیش ہوئے جبکہ علیزا سلطان اپنے بچوں اور ایس ایچ او گلستان جوہر کے ہمراہ عدالت میں پیش ہوئیں تھیں عدالت نے بچوں کی کسٹڈی کے کیس کی مزید سماعت یکم اکتوبر تک ملتوی کردی۔

    بھارتی کامیڈین راجو شریواستو انتقال کر گئے

    یاد رہے کہ گزشتہ دنوں اداکار فیروز خان اور ان کی اہلیہ علیزہ میں علیحدگی کی خبریں سوشل میڈیا پر گردش کررہی تھیں فیروز اور علیزا نے انسٹا گرام پر ایک دوسرے کو ان فالو کر دیا تھا اوراپنے سوشل میڈیا اکاؤنٹس سے ایک دوسرے کی تصاویر اور ویڈیوز بھی ہٹا دی تھیں فیروز خان اور علیزے سلطان کی شادی 2018ء میں ہوئی تھی،جس سے دونوں کے دو بچے بھی ہیں، جبکہ دو سال سے دونوں کی علیحدگی کی خبریں بھی سامنے آ رہی تھیں۔

  • لاہور سمیت ملک کے بڑے شہروں میں ڈینگی کے وار شدت سے جاری

    لاہور سمیت ملک کے بڑے شہروں میں ڈینگی کے وار شدت سے جاری

    پاکستان کے بڑے شہر کراچی، پشاور، اسلام آباد اور لاہور ڈینگی کے وار شدت سے جاری ہیں راولپنڈی 95، لاہور 63 اور گجرانوالہ سے ڈینگی کے 29 کیسز رپورٹ ہوئے-

    باغی ٹی وی :محکمہ صحت کے مطابق خیبرپختونخوا میں ڈینگی کےمزید 242 کیسز رپورٹ ہوئے خیبرپختونخوا میں رواں سال ڈینگی کے 5 ہزار 506 کیسز رپورٹ ہوئے ، خیبرپختونخوا میں رواں سال 6 افراد ڈینگی سے جاں بحق ہوئے ، خیبرپختونخوا میں ڈینگی کے 130 مریض مختلف اسپتالوں میں زیر علاج ہیں،

    کراچی اسٹریٹ کرائم میں پولیس افسر بھی غیر محفوظ، ڈاکو ڈی ایس پی سے لاکھوں روپے…

    گزشتہ 24 گھنٹوں کے دوران ڈینگی کے سب سے زیادہ 126 کیسز پشاور میں رپورٹ ہوئے۔ کوہاٹ 33، ملاکنڈ 6، چارسدہ 21، نوشہرہ میں ڈینگی سے 15 افراد متاثر ہوئے ہری پور 23، بنوں 11، لوئر دیر سےڈینگی کے 3کیسزسامنے آئے-

    محکمہ صحت کے مطابق راولپنڈی میں بھی ڈینگی مریضوں کی تعداد میں اضافہ ہورہا ہے، گزشتہ 24 گھنٹوں میں 95 افراد ڈینگی وائرس کا شکارہوئے جس کے بعد کیسز کی مجموعی تعداد 1576 تک پہنچ گئی۔

    اس کے علاوہ پوٹھوہار ٹاؤن،راولپنڈی کینٹ، ڈھوک کالا خان، اڈیالہ ،دھاماں سیداں،چک جلال الدین ڈینگی سے سب سے زیادہ متاثر ہیں دوسری جانب مردان میں مزید 66 افراد ڈینگی سے متاثر ہوئے جبکہ اسلام آباد میں 105 اور لاہور میں 100 افراد ڈینگی وائرس میں مبتلا ہیں۔

    کورونا وائرس سے مزید 2 مریض انتقال کرگئے

    اسلام آباد میں ڈینگی کیسز کی تعداد ایک ہزار 657 ہوگئی ،اسلام آباد کےدیہی علاقوں میں ڈینگی کے 53 کیسز رپورٹ ہوئے،اسلام آباد میں رواں سیزن میں ڈینگی سے 5 مریض انتقال کرچکے ہیں،اسلام آباد کےشہری علاقوں میں ڈینگی کے 43 کیسز رپورٹ ہوئے-

    سیکریٹری صحت کے مطابق لاہور سمیت پنجاب بھر میں ڈینگی کے 196 کیسز رپورٹ ہوئے لاہور سمیت پنجاب بھر کے اسپتالوں میں ڈینگی کے 969 مریض زیرعلاج ہیں چنیوٹ ، جہلم، بھکر، مظفر گڑھ، سرگودھا، لودھراں، ساہیوال اور بہاولپور سےڈینگی کا ایک ایک کیس رپورٹ ہوا-

    سیکریٹری صحت کے مطابق فیصل آباد، شیخوپورہ، گجرات ، اٹک ، چکوال اور راجن پور سے ڈینگی کے 2،2 کیسز رپورٹ ہوئے خانیوال اور ملتان سے 4 چار، وہاڑی، سیالکوٹ اور قصور سے 3 ،3 کیسز رپورٹ ہوئے-

    وفاقی وزارت صحت نے حکومت سے بھارت سے مچھر دانیاں خریدنے کی اجازت طلب کر لی نیشنل ملیریا کنٹرول پروگرام کے مطابق پاکستان کے 26 اضلاع میں ملیریا نے تباہی پھیلا رکھی ہے اور ان 26 اضلاع میں فوری طور پر 71 لاکھ مچھر دانیوں کی ضرورت ہے۔

    تیز بارش،آندھی،ژالہ باری،کئی فصلیں تباہ،درخت گر گئے،برقی نظام معطل

  • کراچی کے بلوں پر کے ایم سی کے چارجز بہت بڑا ظلم ہے،حافظ نعیم

    کراچی کے بلوں پر کے ایم سی کے چارجز بہت بڑا ظلم ہے،حافظ نعیم

    امیرجماعت اسلامی کراچی حافظ نعیم نے کہا ہے کہ بجلی کے بلوں پر عائد ٹیکس ناقابل برداشت ہے ،

    حافظ نعیم کا کہنا تھا کہ نعمت اللہ خان نے دیانت داری سے کے ایم سی ٹیکس ریکوری میں اضافہ کیا،کراچی میں سائن بورڈز سے کرورڑوں روپے کمائے جارہے ہیں،سائن بورڈز سے آنے والی ماہانہ آمدنی کو اپنی جیبوں میں ڈالا جارہا ہے،کراچی کے عوام پر بجلی کے بلوں میں چارجز لگا کے دینا زیادتی ہے 2013میں جب ہر جگہ قبضہ کیا جا رہا تھا ایم کیو ایم پیپلز پارٹی ساتھ تھی ہمیں ٹیکس میں جو حصہ ملتا تھا وہ نہیں دیا جا رہا ،کراچی میں موٹر وہیکل ٹیکس وصول کیا جاتا ہے،کراچی کی کوئی سڑک سلامت نہیں رہی؟ ہم کل کورٹ میں کے الیکٹرک کے خلاف ایک اور پٹیشن دائر کریں گے،جب مصطفی کمال ناظم تھے اسوقت بھی یہ چارجزلگے تھے،اپنی جیبوں میں پیسے ڈالنا بند کریں، کراچی کے بلوں پر کے ایم سی کے چارجز بہت بڑا ظلم ہے،

    حافظ نعیم الرحمن نے کے الیکٹرک کے خلاف عوامی ریفرنڈم کا اعلان کردیا کہا کہ 23,24,25 ستمبر کو کراچی میں ریفرنڈم کروایا جائے گا۔ریفرنڈم میں ناجائز کے ایم سی ٹیکس ، دیگر ٹیکسز، فیول ایڈجسٹمنٹ چارجز اور کے الیکٹرک کی کارکردگی کے حوالے سے عوامی رائے لی جائے گی۔

    حکومت بارش سے متاثرہ افراد کو معاوضہ دینے کا اعلان کرے،سربراہ پاکستان سنی تحریک

    بارش کے بعد کی صورتحال ، میئر کراچی نے گورنر سندھ سے ملاقات میں وفاق سے مدد مانگ لی

    اکثر ارکان اسمبلی ڈیفنس اور کلفٹن کے رہائشی ہیں انہیں پتا ہی نہیں کہ کراچی کے عوام کے مسائل کیا ہیں،حافظ نعیم الرحمان

    سیاسی ایڈمنسٹریٹر نے کراچی کو ڈبو دیا،جماعت اسلامی

  • ممنوعہ فنڈنگ کیس، عدالت کا عمران اسماعیل کو ایف آئی اے میں پیش ہونے کا حکم

    ممنوعہ فنڈنگ کیس، عدالت کا عمران اسماعیل کو ایف آئی اے میں پیش ہونے کا حکم

    سندھ ہائیکورٹ ،پی ٹی آئی ممنوعہ فنڈنگ سے متعلق الیکشن کمیشن کے فیصلے کے بعد ایف آئی اے انکوائری کیس کے حوالہ سے دائر درخواست پر سماعت ہوئی

    سندھ ہائیکورٹ نے عمران اسماعیل اور سیما ضیا اور دیگر کو 26 ستمبر کو ایف آئی اے میں پیش ہونے کی ہدایت کر دی، سندھ ہائیکورٹ میں دائر درخواست میں کہا گیا تھا کہ عمران اسماعیل اور دیگر کے خلاف جن 3 بینک اکاؤنٹس کی بنیاد پر انکوائری کی جارہی ہے وہ بند ہیں

    واضح رہے کہ ایف آئی اے سندھ زون ون کے ڈائریکٹر عبداللہ شیخ نے پی ٹی آئی فارن فنڈنگ کیس کی تحقیقات کیلئے 5 رکنی کمیٹی قائم کردی۔ایف آئی اے کمیٹی کی سربراہ کمرشل بینکنگ سرکل کی ڈپٹی ڈائریکٹر رابعہ قریشی ہوں گی جبکہ دیگر اراکین میں اسسٹنٹ ڈائریکٹڑ رؤف شیخ، انسپکٹر سبین غوری، انسپکٹر آفتاب وٹو اور سب انسپکٹر راحت خان شامل ہیں۔

    ایف آئی اے سندھ زون ون کے ڈائریکٹر کی جانب سے جاری نوٹیفکیشن کے مطابق اکنامک کرائم ڈائریکٹر اسلام آباد نے ایک خط لکھا ہے جس میں کہا گیا ہے کہ پی ٹی آئی اور افراد کی طرف سے بینک اکاؤنٹس کھولنے اور چلانے میں اختیار کی گئی بے ضابطگیوں کی الیکشن کمیشن آف پاکستان کے حکم کی روشنی میں پیراگراف نمبر 4 اور پیراگراف نمبر 43 پر عملدرآمد کرتے ہوئے تحقیقات کی جائیں۔ایف آئی اے کمیٹی کی جانب سے سابق گورنر سندھ عمران اسماعیل اور پی ٹی آئی کی سابق رکن سندھ اسمبلی سیما ضیاء کو نوٹس جاری کئے گئے ہیں

    عمران خان سمیت پوری پی ٹی آئی کو نااھل قرار دے کر پی ٹی آئی کی رجسٹریشن منسوخ کرنے کا مطالبہ 

    ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

    ،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

    اکبر ایس بابر سچا اور عمران خان جھوٹا ثابت ہوگیا،چوھدری شجاعت

    عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

    پی ڈی ایم اجلاس،عمران خان کے خلاف کارروائی سے متعلق غور

  • کراچی اسٹریٹ کرائم میں پولیس افسر بھی غیر محفوظ، ڈاکو ڈی ایس پی سے لاکھوں روپے لُوٹ کر فرار

    کراچی اسٹریٹ کرائم میں پولیس افسر بھی غیر محفوظ، ڈاکو ڈی ایس پی سے لاکھوں روپے لُوٹ کر فرار

    شہرقائد میں اسٹریٹ کرائم کی وارداتوں میں پولیس افسر بھی محفوظ نہیں رہا۔

    باغی ٹی وی : کراچی میں اسٹیڈیم روڈ پر ڈالمیا کے قریب ڈاکوؤں نے پولیس افسر کو لوٹ لیا پولیس کے مطابق گزشتہ روز ڈی ایس پی سعد جبار بینک سے 8 لاکھ روپے لے کر نکلے تھے، ڈاکوؤں نے ڈی ایس پی سعد جبار کا تعاقب کیا اور کچھ دور جا کر انہیں لوٹ لیا۔

    شاہصدردین:صدر سرکل میں معتدد گینگز گرفتار ، لاکھوں روپے کی نقدی ، موٹر سائیکل اور اسلحہ برآمد

    پولیس کا کہنا ہے کہ واقعے کا مقدمہ درج کر کے سی سی ٹی وی فوٹیجز حاصل کر رہے ہیں۔

    قبل ازیں رواں ماہ کے شروع میں گزری کے علاقے پنجاب چورنگی انڈر پاس میں موٹر سائیکل سوار 3 ڈاکوؤں نے زمان ٹاؤن تھانے کی پولیس چوکی کے انچارج اے ایس آئی راشد علی کو روک کر لوٹ مار کی تھی-

    تیز رفتار ٹرک نے سڑک کے کنارے سوئے ہوئے 4 افراد کو کچل دیا

    اس دوران مزاحمت پر ڈاکوؤں نے پولیس افسر کو تشدد کا نشانہ بنا کر زخمی کر دیا تھا جبکہ ڈاکو پولیس افسر سے نقدی ، موبائل فون اورلائسنس یافتہ نائن ایم ایم پستول چھین کر فرار ہوگئے تھے زخمی اہلکار ڈیوٹی ختم کر کے واپس گھر جا رہا تھا کہ ڈاکوؤں نے اسے گھیر لیا تھا پولیس نے واردات کا مقدمہ 402 سال 2022 بجرم دفعات 392 اور 397 چونتیس کے تحت درج کرلیا تھا0

    کراچی: شوہرسابق اہلیہ پر تیزاب پھینک کر فرار

    جبکہ چند روز قبل کراچی میں کورنگی انڈسٹریل ایریا کے قریب بینک سے رقم نکلوا کر گھر جانے والے دو نوجوانوں نے لوٹنے کے لیے آنے والے دو ملزمان کو ان ہی کے پستول سے فائرنگ کر کے ہلاک کر دیا تھا تاہم جھگڑے کے دوران گرنے والی رقم کوئی دوسرا شخص لے کر فرار ہو گیا۔

  • عمران نیازی کی ذہنی کیفیت دیکھ کر ترس آتا ہے، سعید غنی

    عمران نیازی کی ذہنی کیفیت دیکھ کر ترس آتا ہے، سعید غنی

    باغی ٹی وی کی رپورٹ کے مطابق سندھ کے وزیر محنت و افرادی قوت سندھ سعید غنی کا کہنا ہے کہ عمران نیازی کی ذہنی کیفیت دیکھ کر ترس آتا ہے،

    سعید غنی کا کہنا تھا کہ عمران نیازی خود غرض نکلے عمران نیازی ٹیلی تھون کے 13 ارب روپے متاثرین میں تقسیم کرے پھر تحریک کا شوق پورا کریں ہم بارش اور سیلاب کے متاثرین کی بحالی پر کام کریں یا بگڑے ہوئے لاڈلے کی خواہش پوری کریں، ٹیلی تھون کے پیسے ہضم کرنے نہیں دینگے ،پاکستان میں ماحولیاتی تبدیلی کی وجہ سے آنے والی تباہی پر دنیا آبدیدہ ہے ہمیں یقین ہے کہ جلد متاثرین دوبارہ اپنے گھروں میں آباد ہوں گے

    کراچی جانے کیلئے عمران خان کو جہاز کس نے دیا؟ بحث چھڑ گئی

    پنجاب اسمبلی، ہنگامہ آرائی کا مقدمہ درج

    چودھری پرویز الہیٰ کو پولیس نے بلا لیا

    پرویز الہیٰ کی جانب سے حملے کے الزام کے بعد رانا مشہود بھی خاموش نہ رہ سکے

    سعید غنی کا مزید کہنا تھا کہ مران نیازی کا وسیلہ روزگار نہیں مگر پانچ سو کروڑ کے گھر کا مالک ہے والدہ کے علاج کیلئے پیسے نہیں تھے مگر ٹرسٹ بنانے کے بعد بھائی بہن امیر بن گئے۔ عمران نیازی جھوٹ، غلط بیانی اور کرپشن میں کمال کا فن رکھتے ہیں غیرملکی حکمرانوں سے ملنے والے تحفوں کو قومی خزانے کی ہوا لگنے نہیں دی ، عمران خان کا دو لاکھ تنخواہ سے گزارہ نہیں ہوتا تھا کروڑوں کے تحفے کیسے خریدے مران نیازی واحد وزیراعظم تھے جنہوں نے ملک کو ملنے والے تحفے بیچ کر کاروبار کیا عمران نیازی وزیراعظم تھے اس لئے تحفے ملے اب انہیں کوئی ربڑ کے جوتے بھی نہیں دیتا