Category: کراچی

پیپلزپارٹی کے رہنما طاہر مشہدی کراچی میں انتقال کر گئے۔

باغی ٹی وی :اہل خانہ کے مطابق طاہر مشہدی کچھ عرصے سے بیمار تھے تاہم جمعے کی رات کو ان کا انتقال ہوگیا طاہر مشہدی کی نماز جنازہ بعد نماز ظہر ملیر کینٹ امام بارگاہ میں ادا کی جائے گی۔

واضح رہے کہ ریٹائرڈ کرنل طاہر مشہدی پیپلزپارٹی سے قبل ایم کیو ایم سے منسلک تھے۔

وزیر اعظم محمد شہباز شریف نے پاکستان پیپلز پارٹی کے سابق سینیٹر طاہر حسین مشہدی کے انتقال پر دکھ اور افسوس کا اظہار کیا ہے صدر مملکت ڈاکٹر عارف علوی نے سابق سینیٹر طاہر مشہدی کی وفات پر گہرے دکھ اور افسوس کا اظہارکیا ہے

چیئرمین پی پی پی بلاول بھٹو زرداری نے سینیٹر طاہر مشہدی کے انتقال پر دکھ اور افسوس کا اظہار کیا اور کہا کہ مرحوم سینٹر طاہر مشہدی ایک زیرک اور منجھے ہوئے سیاستدان تھے،مرحوم طاہر مشہدی شہر کراچی کی ترقی اور خوشحالی کے لئے مؤثر کردار ادا کرتے رہے، مرحوم طاہر مشہدی کی مغفرت اور درجات بلندی کی دعا کرتا ہوں،

سیکرٹری جنرل پیپلز پارٹی سید نیر حسین بخاری نے سابق سینیٹر طاہر مشہدی کے انتقال پر دکھ اور افسوس کا اظہار کیا اورسینیٹر طاہر مشہدی کے لواحقین سے اظہار تعزیت کرتے ہوئے کہا کہ سینٹر طاہر مشہدی کی پارلیمانی خدمات تادیر یاد رکھی جائیں گی اللہ تعالی سابق سینیٹر طاہر مشہدی کو جنت الفردوس میں اعلی مقام عطا کرے اور لواحقین کو صبر دے

سینیٹر شیری رحمان کا کہنا تھا کہ سابق سینیٹر طاہر حسین مشہدی کے انتقال کی خبر سن کر بہت افسوس ہوا، وہ ایک منجھے ہوئے سیاستدان تھے۔ سینیٹر طاہر حسین مشہدی کے لواحقین کے دکھ میں برابر کے شریک ہیں۔ اللہ تعالی سابق سینیٹر طاہر حسین مشہدی کی مغفرت فرمائے اور ان کو جنت الفردوس میں اعلی مقام عطا فرمائی،

چیئرمین سینیٹ محمد صادق سنجرانی نے سابق سینیٹر کرنل ریٹائرڈ سید طاہر حسین مشہدی کے انتقال پر گہرے دکھ اور افسوس کا اظہار کیا ہے۔چیئرمین سینیٹ نے اپنے تعزیتی پیغام میں مرحوم سینیٹر کے اہلخانہ سے دلی ہمدردی کا اظہار کرتے ہوئے کہا کہ دکھ کی اس گھڑی میں مرحوم سینیٹر کے اہلخانہ کے غم میں برابر کے شریک ہیں۔ مرحوم طاہر حسین مشہدی ایک مدبر سیاستدان تھے ان کی سیاسی و سماجی خدمات کو خراج عقیدت پیش کرتے ہیں۔ملک میں جمہوریت کے فروغ اور ایوان بالاء میں قانون سازی کے حوالے سے مرحوم سینیٹر کی خدمات قابل تحسین ہیں۔چیئرمین سینیٹ نے اللہ تبارک تعالیٰ سے دعا کہ مرحوم سینیٹرکی مغفرت اور درجات بلند کرے اورغم زدہ خاندان کو یہ صدمہ صبرو حوصلے سے برداشت کرنے کی توفیق عطا فرمائے۔

ڈپٹی چیئرمین سینیٹ سینیٹر مرزا محمد آفریدی،قائد ایوان سینیٹ سینیٹراعظم نذیر تارڑ اور قائد حزب اختلاف سینیٹ سینیٹر ڈاکٹر شہزاد وسیم نے بھی مرحوم سینیٹر طاہر حسین مشہدی کی خدمات کو خراج عقیدت پیش کیا۔ انھوں نے سابق سینیٹر طاہر حسین مشہدی کے انتقال پر اہل خانہ کے ساتھ اظہار افسوس اور دلی ہمدردی کا اظہار بھی کیا

مادر ملت محترمہ فاطمہ جناحؒ کی 54 ویں برسی آج عقیدت و احترام سے منائی جا رہی ہے۔

باغی ٹی وی : مادر ملت محترمہ فاطمہ جناح ؒ 30جولائی 1893 کو کراچی میں پیدا ہوئیں، محترمہ فاطمہ جناح قائد اعظم محمد علی جناح کے بہن بھائیوں میں ان کے سب سے زیادہ قریب تھیں 1919 میں یونیورسٹی آف کلکتہ سے انہوں نے ڈینٹل سرجن کی ڈگری حاصل کرنے کے بعد ممبئی میں باقاعدہ پریکٹس کی ان کی شادی 1918 میں ہوئی تھی۔ لیکن جب 1929 میں ان کے خاوند کا انتقال ہوگیا تو وہ اپنا نجی کلینک بند کرکے بھائی کے گھر منتقل ہوگئیں۔

بھائی محمد علی جناح کے گھر منتقل ہونے کے بعد انہوں نے قیام پاکستان کی جدوجہد میں نمایاں کردار ادا کیا محترمہ فاطمہ جناح نے بھائی محمدعلی جناح کیساتھ ملکر آزادی تحریک میں اہم ترین کردار ادا کیا۔ فاطمہ جناح آزاد وطن کے حصول کیلئے پیش پیش رہیں۔

مادر ملت محترمہ فاطمہ جناحؒ نے تحریک پاکستان کے دوران نہ صرف مسلم خواتین کی رہنمائی کی بلکہ قائداعظم محمد علی جناح کی بھرپور اخلاقی مدد کرتے ہوئے نئے وطن کے حصول کے مشن میں‌ عملی طور پر ان کے ساتھ رہیں۔

مادر ملت محترمہ فاطمہ جناح ؒ نے برصغیر کی مسلم خواتین کو ایک پلیٹ فارم پرجمع کر کے حصول پاکستان کی منزل کو آسان بنایا۔ قائداعظم کے شانہ بشانہ رہ کر ان کا حوصلہ بڑھاتیں اور سیاسی معاملات میں انھیں قابل عمل مشورے دیتیں۔ ان کی ذات میں بھی وہی اصول اور قائدانہ صلاحیت تھی جو قدرت نے ان کے بھائی کو ودیعت کر رکھی تھی-

پاکستان بننے کے بعد بھی اپنے بھائی کی طرح محترمہ میدان عمل میں متحرک رہیں۔ قائداعظم کی وفات کے بعد قوم کو مایوسی کی کیفیت نے گھیرا تو آپ نے اہل وطن کی رہنمائی کی۔ قوم کو دوبارہ سے قائد کا پیغام یاد کروایا اور اپنی تقاریر سے ان میں نئی روح پھونک دی۔ بانی پاکستان کے انتقال کے بعد فاطمہ جناح، عملی سیاست سے کنارہ کش ہوگئیں، مگر 1964 میں جب جمہوریت کے بجائے ملک میں آمریت کی جڑیں پھیلنے لگیں تو وہ ایک مرتبہ پھر عملی طور پر میدان میں اتر آئیں۔

جنرل ایوب خان نے جب 1965 میں انتخابات کرانے کا اعلان کیا تو فاطمہ جناح کو حزب اختلاف کی تمام جماعتوں نے اپنا مشترکہ امیدوار نامزد کیا آپ نے 1964 کے صدارتی انتخابات میں حصہ لیا، 9 جولائی 1967 کو 73 برس کی عمر میں دار فانی سے کوچ کر گئیں، وصیت کے مطابق آ پ کو بھائی قائد اعظم محمد علی جناح ؒ کے پہلو میں دفن کیا گیا-

کراچی:شہرقائد میں بارش سے فلائٹ آپریشن متاثر ہوگیا ہے۔تفصیلات کے مطابق کراچی سے جانے والی ملکی اور غیر ملکی ائیر لائنز کی پروازیں تاخیر کا شکار ہیں، بارش کے باعث کراچی ایئر پورٹ سے جانے والی تین پروازیں بھی منسوخ ہوگئیں۔

ذرائع کا کہنا ہے کہ پی آئی اے کی کراچی سے اسلام آباد کی پرواز پی کے 308 چار گھنٹے تاخیر سے شام 7:36 بجے روانہ ہوئی، پی آئی اے کی کراچی سے نجف کی پرواز پی کے 219 ساڑھے پانچ گھنٹے تاخیر سے 9 بجے شیڈول ہوئی۔

ذرائع نے بتایا کہ فلائی دبئی کی کراچی سے دبئی کی پرواز FZ-336 ڈیڑھ گھنٹہ تاخیر سے شام 6 بجے روانہ ہوئی، ایرسیال ایرلاین کی کراچی سے اسلام آباد کی پرواز PF 125 بھی 53 منٹ تاخیر سے شام 7:53 بجے روانہ ہوئی۔

ایربلو کی کراچی سے لاہور کی پرواز PA 406 ڈیڑھ گھنٹہ تاخیر سے رات 10:35 بجے شیڈول ہوئی، پی آئی اے کی رات 10 بجے کی پشاور کی پرواز کو رات ایک بجے شیڈول کردیا گیا۔

سیرین ایر کی کراچی سے لاہور کی پرواز ER524 منسوخ کردی گئی، پی آئی اے کی کراچی سے فیصل آباد کی پرواز PK340 بھی منسوخ کردی گئی۔امارات ایرلاین کی کراچی سے دبئی کی پرواز EK-609 منسوخ کردی گئی۔

سی اے اے ذرائع کے مطابق کراچی ایئرپورٹ پر موسلا دھار بارش کے باعث پی آئی اے کی کوئٹہ سے کراچی کی پرواز کو ملتان ایئرپورٹ لینڈ کی ہدایت کی گئی، پرواز میں 120 سے زائد مسافر سوار ہیں۔

سی اے اے ذرائع کا کہنا ہے کہ نوابشاہ ایئرپورٹ پر بھی بارش کے باعث پرواز پی کے 311 کو ملتان لینڈنگ کی ہدایت کی گئی، پی کے 311 کو سہ پہر 2:55 پر کراچی لینڈ کرنا تھا لیکن پرواز تاحال ملتان ایئرپورٹ پر موجود ہے۔

سی اے اے ذرائع کا کہنا ہے کہ مسافروں کو رات 9 بجے ملتان سے کراچی لینڈنگ کا نیا وقت دے دیا گیا ہے۔

کراچی:بارشوں سے ہونےوالی تباہی پربہت دُکھ ہوا ہے،اطلاعات کےمطابق سابق گورنر سندھ عمران اسماعیل نے کہا ہے کہ سندھ بھر میں بارشوں سے ہونے والے نقصان پر افسردہ ہیں۔

تفصیلات کے مطابق سندھ بھر میں بارشوں کی صورتحال پر سابق گورنر سندھ عمران اسماعیل نے بیان دیتے ہوئے کہا ہے کہ سندھ بھر میں بارشوں سے ہونے والے نقصان پر افسردہ ہیں، کراچی میں بارشوں کے بعد انتظامیہ اور سندھ حکومت غائب ہوچکی ہے۔

انہوں نے کہا کہ سڑکوں پر پانی جمع ہے، لوگ ٹریفک پھنسے ہوئے ہیں، کئی نالے الٹے بہنا شروع ہوچکے ہیں، شہر کراچی پر سیاست کرنے والے گھروں میں چھپ کر بیٹھے ہیں۔

عمران اسماعیل نے کہا ہے کہ پی ٹی آئی نے کراچی کے نالے صاف کروائے جس سے عوام کو رلیف ملا، سندھ حکومت نے ان نالوں کی دوبارہ صفائی نہیں کرائی، کراچی کے لوگوں کو پیپلزپارٹی ووٹ نہ دینے کی سزا دے رہی ہے۔

سابق گورنر سندھ نے کہا کہ سڑکیں تالاب بن چکی ہیں مگر نااہل ایڈمنسٹریٹر اور انتظامیہ غائب ہے، سندھ حکومت صرف شہر کراچی سے بھتہ کلیکشن کا کام احسن طریقے سے کرسکتی ہے۔

بارش نے سندھ حکومت کی کارکردگی کا پول کھول دیا،کراچی میں مون سون کے پہلے اسپیل میں آج بھی بادل خوب برسے اور شہر بھر میں صبح سے کہیں ہلکی اور کہیں تیز بارش کا سلسلہ جاری ہے۔

کراچی کے علاقے ڈیفنس، کلفٹن، حسن اسکوائر، جیل روڈ، شارع فیصل، بہادرآباد، طارق روڈ، ملیر، گلستان جوہر، گلشن اقبال، ناظم آباد، آئی آئی چندریگرروڈ، گلشن حدید، قومی شاہراہ سپرہائی وے، کاٹھوڑ پر ہلکی اور تیز بارش کا سلسلہ جاری رہا۔

دوسری جانب کراچی میں مسلسل بارش کی وجہ سے ٹریفک کی روانی شدید متاثر ہوگئی ہے اور ٹریفک کی روانی متاثر ہونے سے گاڑیوں کی قطاریں لگ گئیں۔

کراچی میں شاہراہ فیصل ڈرگ روڈ ، راشد منہاس روڈ، میلینم، لالو کھیت کی طرف حسن اسکوائر، یونیورسٹی روڈ، سفاری پارک ، ایکسپو ٹرننگ جانب اسٹیڈیم ، حسن اسکوائر پل کی جانب اسٹیڈیم، (دونوں اطراف)، عصر شیریں کے قریب بارش کا پانی جمع ہونے کی وجہ بدترین ٹریفک جام ہے۔

ٹریفک پولیس نے شہریوں سے درخواست کی ہے کہ ان تمام مقامات پر پانی روڈ پر جمع ہونے کی وجہ سے ٹریفک جام ہے لہذا تمام گاڑیوں والے اور بائیک والوں سے گزارش ہے کہ وہ تحمل کا مظاہرہ کریں اور ہمارے ساتھ تعاون کریں۔

ٹریفک پولیس کے مطابق کراچی کازوے روڈ سیلابی ریلے کے بائث ٹوٹ پھوٹ کا شکار ہے ، کازوے روڈ پر ایک بڑا گھڑا بن چکا ہے ، ٹریفک کی آمد و رفت کو سیلابی ریلے کے بائث بند کیا گیا ہے ، کازوے روڈ پر کوئی بھی حادثہ پیش آسکتا ہے ، اعلی افسران سے متعلقہ اداروں کو درخواست لکھنے کی استدا کی ہے۔

سیاسی ایڈمنسٹریٹر نے کراچی کو ڈبو دیا،جماعت اسلامی
جماعت اسلامی کراچی کے رہنما حافظ نعیم کا کہنا ہے کہ کراچی ٹرانسفورمیشن پلان کہاں گیا؟دو سال کی پرفامنس صفر ہے،ایم پی اے 50کروڑ کی سیاسی رشوت لے رہے ہیں، ایم کیو ایم اس وقت کہاں کھڑی ہے ؟روڈ کارپیٹنگ کا کام بارش کے دنوں میں شروع کیا گیا،الیکشن کے اعلان کے بعد کام شروع کیا گیا،سیاسی ایڈمنسٹریٹر نے کراچی کو ڈبو دیا،نالوں کی صفائی نہیں کی گئی،کراچی میں پانی کی بدترین صورتحال ہے، پچھلے سال بجٹ میں ایک ارب 20 کروڑ روپے رکھے گئے، سندھ حکومت نے تمام اداروں پر قبضہ کر رکھا ہے، ہر محکمے میں کرپشن کی داستانیں پڑی ہیں،2020 میں زیادہ بارشیں ہوئی تھیں

دوسری جانب کراچی میں آج بھی بارش کا امکان ہے محکمہ موسمیات کے مطابق ہوا کا کم دباؤ اس وقت بھارتی علاقے کچھ پر ہے جسکی وجہ سے مون سون ہواؤں میں شدت آئی ہے۔ آج دوپہر 2 بجے کے بعد شہر میں گرج چمک کے ساتھ تیز موسلادھار اسپیل ہوسکتا ہے۔ بارش کا سلسلہ وقفے وقفے سے کل تک جاری رہے گا،

بارش کے بعد پاور ہاوس چورنگی کی بدترین صورتحال ایڈمنسٹریٹر کراچی مرتضی وہاب صاحب امید کرتی ہوں جلد اس پر کام ہوگا @murtazawahab1 @MediaCellPPP @SyedNasirHShah @BBhuttoZardari @SAMAATV pic.twitter.com/g7soTO1iM1

— zamzam saeed (@zamzamkhan61) July 6, 2022

قبل ازیں موسلادھار بارشوں نے شہر قائد کا حلیہ بگاڑ دیا، کراچی کے مختلف علاقوں میں بارش کا پانی ابھی تک موجود ہے۔ لٹھ ندی میں 3 افراد بہہ گئے، ملیرندی میں پانی کے بہاؤ میں مسلسل اضافہ ہو رہا ہے جبکہ ریسکیوٹیموں نے ندی میں پھنسے چار افراد کو بچا لیا۔

بارش سے یوسف گوٹھ جانے والی سڑک متاثر ہوئی ہے شہریوں کو گاڑیاں گزارنے میں دشواری کا سامنا ہے ناگن چورنگی اور فائیو اسٹار چورنگی پر کھڑا پانی کلیئر کروا دیا گیا،بفرزون میں بارش کا پانی اب بھی موجود ہے کراچی کے کئی علاقوں میں دھوپ اور حبس کی کیفیت برقرار ہے شارع فیصل سے متصل نرسری فرنیچر مارکیٹ بھی برساتی پانی سے متاثر ہے

گزشتہ روز دوپہر 3 بجے سے اب تک ہونے والی بارش کے اعداد و شمار جاری کر دیئے گئے، سب سے زیادہ بارش سرجانی ٹاؤن میں 68.2ملی میٹر ریکارڈ، گلشن حدید 60 ملی میٹر،نارتھ کراچی 52.4ملی میٹربارش ریکارڈ، قائد آباد میں 48.5 ملی میٹربارش ریکارڈ، فیصل بیس 42ملی میٹر،اورنگی ٹاؤن میں 25.7 ملی میٹرریکارڈ ہوئی، سعدی ٹاون میں 23.5ملی میٹر بارش ریکارڈ، گڈاپ 20.6 ملی میٹر،ناظم آباد میں 19.6 ملی میٹر بارش ریکارڈ، پی اے ایف مسرور بیس میں 15.8ملی میٹربارش ریکارڈ ، ،ائیرپورٹ 14،یونیورسٹی روڈ میں12.4 ملی میٹربارش ریکارڈ کی گئی

بلوچستان میں بارشوں سے زمینی رابطے منقطع،بچہ ڈوب کا جاں بحق،9 اضلاع میں ایمرجنسی نافذ

حکومت بارش سے متاثرہ افراد کو معاوضہ دینے کا اعلان کرے،سربراہ پاکستان سنی تحریک

بارش کے بعد کی صورتحال ، میئر کراچی نے گورنر سندھ سے ملاقات میں وفاق سے مدد مانگ لی

اکثر ارکان اسمبلی ڈیفنس اور کلفٹن کے رہائشی ہیں انہیں پتا ہی نہیں کہ کراچی کے عوام کے مسائل کیا ہیں،حافظ نعیم الرحمان

شہر قائد میں بارش نے شہریوں کی زندگی اجیرن بنا دی، نکاسی آب کا انتظام نہ ہونے کی وجہ سے شہریوں کو مشکلات کا سامنا کرنا پڑ رہا ہے,کراچی ملیر ناد علی لیاقت اسکوائر جناح اسکوائر۔لیاقت مارکیٹ اردو نگر اور سعوداباد کھوکھراپار جانے والے روڈ پانی سے بھر گئے مختلف علاقوں میں موسلا دھار بارش کے بعد روڈوں پر پانی جمع ہو گیا،

موسلا دھار بارش کے بعد فیڈرل بی ایریا میں بھی تباہی ہوئی ہے،گجر نالہ بپھر جانے سے رحمان آباد واطراف کی آبادی میں پانی داخل ہو چکا ہے،ایف بی ایریا بلاک 5 گلیوں اور مکانات میں کئی کئی فٹ پانی داخل ہو چکا ہے،گجر نالے کا پانی مسجد میں بھی داخل ، علاقہ مکینوں کو مشکلات کا سامنا ہے،

بارش کے بعدکنٹونمنٹ بورڈ کلفٹن نے ایمرجنسی نافذ کی ہے ترجمان کے مطابق عملہ اوربھاری مشینری علاقوں میں موجو دہے،کنٹونمنٹ بورڈ کلفٹن کا علا قہ سمندر کے قریب ہے،پانی کی نکاسی ممکن نہیں،علاقہ مکینوں سے احتیاط اور گھر میں رہنے کی درخواست ہے،کسی بھی صورت حال سے نمٹنے کے لیے تیاریاں مکمل ہیں،

عبدالستار ایدھی کی چھٹی برسی آج منائی جا رہی ہے.
ابائے انسانیت عبدالستار ایدھی کی پانچویں برسی آج منائی جا رہی ہے ۔ عبدالستار ایدھی نے اپنی زندگی کے 65 برس دکھی انسانیت کی خدمت میں گزاری ملک کے مختلف شہروں میں عبد الستار ایدھی کے ایصال ثواب کے لیے قرآن خوانی اور فاتحہ خوانی کی جارہی ہے.ایدھی ہومز میں رہنے والے بچوں کا کہنا کہ رنگ ونسل،عقیدے اور مذہب سے بالاتر، انسانیت کی بے لوث خدمت کرنے والے عبدالستار ایدھی کی وفات کے بعد جیسے ان کے سروں سے باپ کا سایہ ہی اٹھ گیا ہو ۔

ایدھی ہومز کی انتظامیہ بھی عبدالستار ایدھی کی جدائی میں غمگین ہے۔ وہ کہتے ہیں ایدھی صاحب کی سماجی خدمات کوہمشہ یاد رکھا جائے گا ان کی وفات کے بعد ایسا خلا پیدا ہوا ہے جس کو کوئی پُر نہیں کر سکتا ۔عبدالستار ایدھی وطن عزیز کا ایک بہت بڑا نام ، جو شاید دکھی انسانیت کی خدمت کے لئے ہی پیدا ہوئے تھے۔ انہوں نے انسانوں کی خدمت کو ہی اپنی زندگی کا مقصد بنائے رکھا۔ ایدھی جیسی ہستی کی یاد ہر دل میں کسی کسک کی طرح موجود رہے گی

عبدالستار ایدھی کی ایمبولینس سروس آج نہ صرف پاکستان بلکہ دنیا کی سب سے بڑی ایمبولینس سروسز میں سے ایک ہے جو فلاحی کاموں کے لئے استعمال ہوتی ہے، ایدھی نے ہمیشہ یتیموں کی پرورش اور لاوارثوں کی کفالت کی،ایدھی کا نام تاریخ میں سنہرے حروف سے لکھا جائے گا

عبدالستار ایدھی نے 1957 میں پہلی بار بڑے پیمانے پر لوگوں کی مدد کی جب شہر میں فلو کی وبا پھیلی اور متعدد لوگ متاثر ہوئے۔ عبدالستار ایدھی نے متاثرین کے لیے رقوم جمع کیں اور نہ صرف ان کے علاج معالجے کا انتظام کیا بلکہ شہر کے مضافات میں خیمے بھی لگائے بعد ازاں جس عمارت میں انہوں نے ڈسپنسری کھولی اسے خرید لیا اور وہاں میٹرنٹی ہوم اور نرسوں کی ٹریننگ کا ادارہ قائم کیا جس سے ایدھی فاؤنڈیشن کا آغاز ہوا عبدالستار ایدھی نے بعد ازاں ایمبولینس سروس کا آغاز کیا، ایک ایمبولینس سے شروع ہونے والی ایمبولینس سروس آج دنیا کی سب سے بڑی ایمبولینس سروسز میں سے ایک ہے گینز بک آف ورلڈ ریکارڈ 1987 کے مطابق اس وقت ان کی ایمبولینس سروس دنیا کی سب سے بڑی ایمبولینس سروس تھی 2006 میں انہوں نے ایدھی انٹرنیشنل ایمبولینس فاؤنڈیشن کے قیام کااعلان کیا، جس کے تحت دنیا کے کسی بھی ملک کو ایمبولینس عطیہ کی جاتی ہیں اور انہیں ہدایت کی جاتی ہے کہ پانچ سال تک انہیں استعمال کرنے کے بعد انہیں فروخت کر دیں اور حاصل ہونے والے رقم کو سماجی خدمات کے لیے استعمال کریں

عبدالستار ایدھی کی سماجی خدمات کے صلے میں انہیں متعدد قومی اور بین الاقوامی اعزازت سے نوازا گیا تھا،عبدالستار ایدھی 8 جولائی 2016 کو 88 سال کی عمر میں وفات پا گئے تھے۔ حکومت پاکستان نے ان کی خدمات کے اعتراف میں پورے سرکاری اور فوجی اعزاز کے ساتھ سپرد خاک کیا۔ان کو 19 توپوں کی سلامی دی گئی اور میت کو گن کیرج وہیکل کے ذریعے جنازہ گاہ تک لایا گیا اسٹیٹ بینک آف پاکستان نے عبدالستار ایدھی کی خدمات کے اعتراف کے طور پر مارچ 2017 میں پچاس روپے کا یادگاری سکہ بھی جاری کیا تھا

وزیراعظم شہباز شریف نے معروف سماجی کارکن عبدالستار ایدھی کی برسی پر خراج عقیدت پیش کیا ہے اور کہا ہے کہ عبدالستار ایدھی نے مخلوق کی خدمت کرکے اللہ رب العزت کی خوشنودی حاصل کی، اللہ تعالیٰ انسانیت کے اس بے لوث خادم پر اپنی رحمتوں کا نزول فرمائے عبدالستار ایدھی فخر پاکستان ہیں جنہوں نے تمام عمر انسانیت کی پرخلوص خدمت میں گزار دی یتیموں، بے سہاروں کا سرپرست بن کر انہوں نے معاشرے کو بے آسرا ہونے سے بچایا اور بے سہاروں کا سہارا بنے ،مرحوم عبدالستار ایدھی اور مرحومہ بلقیس ایدھی کا خدمت خلق کا مشن جاری ہے جو ان کے لئے صدقہ جاریہ ہے اللہ تعالیٰ مرحوم کو جنت الفردوس میں اعلی مقام عطا فرمائے اور ان کے وابستگان کو صبر جمیل دے۔ آمین

پی پی پی چیئرمین و وزیر خارجہ بلاول بھٹو زرداری نے بابائے خدمت عبدالستار ایدھی کی برسی پر پیغام جاری کیا ہے، بلاول بھٹو زرداری نے عبدالستار ایدھی کو ان کی چھٹی برسی پر خراج عقیدت ہیش کیا ہے اور کہا ہے کہ عبدالستار ایدھی دکھی انسانیت کی بے لوث خدمت کا استعارہ ہیں عبدالستار ایدھی ایک سوچ اور ایک راستہ ہیں ایدھی صاحب نے ثابت کیا، خلوص و خدمت سب سے زیادہ طاقتور اور لازوال ہوتے ہیں ایدھی صاحب نے ہمیں سکھایا کہ بہترین زندگی اپنے آپ کو ایک کاز کے لیے وقف کرنے کا نام ہے

خواجہ سرا پر تشدد کرنے والے ملزمان گرفتار

خواجہ سراؤں کو ملازمتوں میں کوٹہ مقرر کرنے کا مطالبہ سامنے آ گیا

خواجہ سرا کا یہ کام دوسروں کیلئے مشعل راہ ہے،لاہور ہائیکورٹ

سگی بیٹی کو فحش ویڈیو دکھا کر سفاک باپ سمیت 28 افراد نے کیا ریپ

موبائل میں فحش مواد ڈال کر دینے والا دکاندار گرفتار

فحش ویڈیوز کا دھندہ کرنیوالے 20 ملزمان گرفتار

فیکٹر ی ایریا سے لاپتہ ہونے والی چاروں بہنیں بحفاظت بازیاب

ملک بھر میں سپورٹس کو فروغ دینے کے لئے نیشنل بینک آف پاکستان (این بی پی) نے حال ہی میں پاکستان بلائنڈ کرکٹ کونسل کو معاونت کی صورت میں 15لاکھ روپے کا چیک دیا۔ نیشنل بینک آف پاکستان کے قائم مقام صدر
رحمت علی حسنی نے، ڈائریکٹر آف آپریشن، بلائنڈ کرکٹ کونسل سلمان طارق بخاری کو اس حوالے سے چیک پیش کیا۔ اس موقع پر این بی پی کی ای وی پی اینڈ گروپ ہیڈ، انکلوسیو ڈویلپمنٹ محترمہ نوشابہ شہزاداور ای وی پی اینڈ ڈویژنل ہیڈ سی ایس آر مرزا بابر بیگ بھی موجود تھے۔

پاکستان بلائنڈ کرکٹ کونسل نہ صرف پاکستان میں بلائنڈ کرکٹ کی گورننگ باڈی ہے بلکہ یہ ورلڈ بلائنڈ کرکٹ کونسل کی بانی ممبر بھی ہے۔1977میں اپنے قیام کے بعد سے اب تک کونسل ملک میں باصلاحیت اور بصارف سے محروم کرکٹرز کے لئے قومی اور بین الاقوامی سطح پر پزیرائی کا اہتمام کرتی چلی آرہی ہے۔

اس موقع پر اپنے خیالات کا اظہار کرتے ہوئے رحمت علی حسنی نے کہا ” این بی پی قومی بینک کی حیثیت سے معاشرے کے تمام طبقات سے تعلق رکھنے والے باصلاحیت بلخصوص مختلف معذوریوں کے باوجود جدو جہد کرنے والے قابل کھلاڑیوں کی معاونت اور رہنمائی کرنے کے لیے پر عزم ہے۔ ہمیں پاکستان میں ٹی ٹوینٹی بلائنڈ کرکٹ کونسل کی صورت میں بی سی سی کے ساتھ 12سالہ وابستگی پر فخر ہے جس نے کئی بہترین باصلاحیت کھلاڑیوں کو متعارف کرایا ہے۔ یہ بات قابل فخر ہے کہ پاکستان بلائنڈ کرکٹ کونسل خواتین کھلاڑیوں کی ٹیم پر بھی توجہ مرکوز کررہی ہے۔ ہمیں امید ہے کہ دیگر ادارے بھی آگے بڑھ کر ان خصوصی افراد کے لیے اپنا کردار ادا کریں گی تاکہ وہ اپنی قابلیت کے ذریعے دوسروں کے لئے مثال بن سکیں۔

این بی پی کی طرف سے معاونت پر شکریہ ادا کرتے ہوئے ڈائریکٹر آف آپریشن، بلائنڈ کرکٹ کونسل سلمان طارق بخاری نے کہا ” ہم گزشتہ کئی سالوں سے این بی پی کی طرف سے مسلسل معاونت پر ان کے شکر گزار ہیں۔ حال ہی میں ٹی ٹوینٹی بلائنڈ کرکٹ ٹورنامنٹ کے 12 واں ایڈیشن کا انعقاد ایک قومی کامیابی ہے جس میں بصارت سے محروم 250 سے زائد کھلاڑیوں نے حصہ لیا ۔

کراچی: گلگت ائیرپورٹ پر پرندوں کے خطرے سے آگاہی مہم کا آغازوقت کی ضرورت بن کررہ گیاہے ، ادھر اطلاعات کے مطابق اس شعبے سے منسلک افراد اورتنظیموں نے یہ فیصلہ کیا ہے کہ ایئرپورٹس پرپرندوں کے خطرات کے حوالے سے جب تک آگاہی مہم نہیں چلائے جائے گی اس وقت تک اس سےمتعلق اقدامات بھی بے معنی ہوں گے، اس لیے کراچی سے لیکرگلگت تک یہ مہم چلائی جارہی ہے

اس حوالے سے کراچی میں مہم کا آغاز کرتے ہوئےلوگوں کا کہنا تھا کہ عوام کی آگاہی کے لیے نمایاں مقامات پر پینافلیکس کی نمائش سے بھی اچھے اثرات مرتب ہوں گے ، یہ پینا فلیکس شہرکی بڑی شاہرات پرلٹکائے گئے ہیں‌

اس کے علاوہ اے پی ایم کے ذریعے ہوائی اڈے کی قریبی مسجد میں مقامی لوگوں کے لیے آگاہی سیشنز کا بھی انعقاد کیا گیا ہے،کراچی سے ذرائع کےمطابق اس مقصد کے تحت ملحقہ مقامی مارکیٹ میں شہریوں میں فلائیرز کی بھی تقسیم کیئے گئے

اے پی ایم کا کہنا تھا کہ تعلیم اور آگاہی کی غرض سے ملحقہ علاقوں میں تعینات ٹیم کی طرف سے فلائر تقسیم کرنے کی سرگرمی عید تک جاری رہے گی۔

 ادھر اسی حوالے سے ایک رپورٹ سامنے آئی ہے جس میں کہا گیا ہے کہ سول ایوی ایشن اتھارٹی کی ناقص حکمت عملی کے باعث بڑے ایئر پورٹس پر طیاروں سے پرندے ٹکرانے کے واقعات میں اضافہ ہو گیا ہے۔

اے آر وائی نیوز کے مطابق سی اے اے نے طیاروں سے پرندے ٹکرانے سے متعلق اعداد و شمار جاری کر دیے، جنوری 2018 سے مئی 2022 تک کی رپورٹ کے مطابق لاہور ایئر پورٹ پر طیاروں سے پرندے ٹکرانے کے سب سے زیادہ واقعات رپورٹ ہوئے۔

ساڑھے 4 سالوں میں ایئر پورٹ پر پرندے ٹکرانے کے 662 واقعات رونما ہوئے، ملکی و غیر ملکی ایئر لائنز دونوں کے طیاروں سے پرندے ٹکرانے کے واقعات رپورٹ ہوئے۔

لاہور ایئر پورٹ پر سب سے زیادہ 198 واقعات رپورٹ کیے گئے، دوسرے نمبر پر کراچی ایئر پورٹ پر 192 واقعات رپورٹ ہوئے، اسلام آباد ایئر پورٹ پر 100 واقعات رپورٹ ہوئے۔

سیالکوٹ ایئر پورٹ پر 53، پشاور ایئر پورٹ پر 40، ملتان ایئر پورٹ پر 26 حادثات، فیصل آباد ایئر پورٹ پر 22 اور کوئٹہ ایئر پورٹ پر 17 حادثات رپورٹ ہوئے۔

اعداد و شمار کے مطابق مجموعی طور پر 60 فی صد حادثات مون سون کے سیزن میں رپورٹ ہوئے، جون، جولائی، اگست اور ستمبر کے مہینوں میں حادثات میں اضافہ دیکھا گیا۔

گزشتہ سال 2021 میں 142 حادثات رپورٹ ہوئے، جنوری 2022 سے مئی 2022 تک 48 حادثات رپورٹ ہو چکے ہیں، سی اے اے کے مطابق حادثات کے باعث ملکی و غیر ملکی ایئر لائنز کو کروڑوں روپے کا مالی نقصان برداشت کرنا پڑا۔

کراچی: متحد قومی موومنٹ کے رہنما بابر غوری نے ضانت کیلئے انسداد دہشت گردی عدالت سے رجوع کرلیا ہے۔

میڈیا رپورٹ کے مطابق بابر غوری نے ضمانت کیلئے انسداد دہشت گردی کی عدالت سے رجوع کرلیا ہے، عدالت نے تفتیشی افسر کے پیش نہ ہوئے، عدالت نے بابر غوری کی درخواست ضمانت پر تفتیشی افسر سے جواب طلب کرتے ہوئے بابر غوری کے طبی معائنے سے متعلق رپورٹ پیش کرنے کا حکم دیا ہے۔

عدالت نے بابر غوری کا آئندہ سماعت تک طبی معائنہ نہ کرانے کی صورت میں وجوہات سے متعلق آگاہ کرنے کی ہدایت کی ہے۔ انسداد دہشت گردی عدالت نے بابر غوری کی درخواست ضمانت پر سماعت 13 جولائی تک ملتوی کردی ہے۔

خیال رہے کہ بابر غوری کو پولیس نے 4 جولائی کو امریکہ سے واپسی پر کراچی ایئرپورٹ سے گرفتار کیا تھا، بابر غوری کے خلاف سائٹ سپر ہائی وے تھانے میں مقدمہ درج ہے، بابر غوری پر ملک مخالف اور اشتعال انگیز تقریر میں سہولت کاری کا الزام ہے۔ عدالت نے بابر غوری کو 12 جولائی تک جسمانی ریمانڈ پر پولیس تحویل میں دیا ہے۔

کراچی: اسٹیٹ بینک نے نئی مانیٹری پالیسی جاری کرتے ہوئے شرح سود میں 1 اعشاریہ 25 فیصد کا اضافہ کردیا۔

ذرائع کے مطابق اسٹیٹ بینک آف پاکستان نے آئندہ دو ماہ کے لیے مانیٹری پالیسی کا اعلان کر دیا جس میں شرح سود میں 1 اعشاریہ 25 فیصد کا اضافہ کیا گیا ہے۔ اضافے کے بعد بنیادی شرح سود 14 فیصد ہوگئی ہے۔

اسٹیٹ بینک کی جانب سے جاری کردہ بیان میں بتایا گیا ہے کہ عمومی مہنگائی غیر متوقع طور پر اپریل میں دو سال کی بلند ترین سطح 15 فیصد تک پہنچ گئی، مہنگائی دیہی اور شہری علاقوں میں مزید بڑھ کر بالترتیب 11.5 فیصد اور 11.1 فیصد ہوگئی، جب کہ زری پالیسی کمیٹی مہنگائی، مالی استحکام، اور نمو کے وسط مدتی امکانات پر اثر انداز ہونے والی تبدیلیوں کی محتاط نگرانی برقرار رکھے گی۔

اسٹیٹ بینک کا کہنا ہے کہ مانیٹری اور اقتصادی پالیسی سے طلب کو پائیدار کرنا ہوگا، مہنگائی کی توقعات اور بیرونی خدشات کم کرنے کی ضرورت ہے، مہنگائی کی صورتحال بیرونی اور اندرونی حالات سے متاثر ہوئی ہے، رواں مالی سال کی اقتصادی پالیسی، انرجی سبسڈی پیکیج سے طلب بڑھی۔