کراچی : کراچی کے چار انڈر پاسز بارش کے پانی کی نکاسی نہ ہونے کے باعث ٹریفک لیے بند ہیں۔
ٹریفک پولیس کے مطابق، کے پی ٹی انڈر پاس، 3 تلوار انڈرپاس اور سب میرین انڈر پاس میں بارش کا پانی جمع ہے جس کے باعث تینوں انڈر پاسز کو ٹریفک کے لیے بند رکھا گیا ہے۔
اس کے علاوہ غریب آباد انڈر پاس میں بھی بارش کا پانی جمع ہونے سے ٹریفک کی آمدورفت بند ہے۔
ٹریفک پولیس کا بتانا ہےکہ انڈرپاسز بند ہونے پر ٹریفک کو متبادل راستوں سے گزارا جارہا ہے۔
کراچی : کراچی کے معاشی مرکز اور ڈیفنس کے پوش رہائشی علاقوں سے بارش کاپانی تاحال نہ نکالاجاسکا۔
کراچی میں بارش سے جامع کلاتھ اور بولٹن مارکیٹ کی دکانوں میں پانی داخل ہونے سے تاجروں کو بھاری نقصان ہوا ہے۔
آئی آئی چندریگر روڈ، شاہین کمپلیکس سے گورنر ہاؤس اور وزیراعلیٰ ہاؤس جانے والی سڑکوں پر پانی جمع ہے جب کہ آرٹس کونسل، سندھ اسمبلی اور ہائیکورٹ کے اطراف بھی ریلہ موجود ہے۔
ڈیفنس کے مختلف علاقوں میں پانی گھروں میں داخل ہے جب کہ کلفٹن اور دہلی کالونی میں بھی پانی جمع ہے۔
اس کے علاوہ کے پی ٹی انڈرپاس سے پانی کی نکاسی نہیں کی جاسکی اور غریب آباد انڈر پاس بھی تاحال بند ہے، مبارک ولیج کا شہر سے رابطہ کٹ گیا ہے اور سڑک زیرآب ہے۔
کراچی : دعا زہرا کی چھوٹی بہن نے بڑی بہن کی واپسی کے لیے روتے ہوئے پیغام جاری کیا جو سوشل میڈیا پر وائرل ہے۔
عید الاضحٰی کے موقع پر سوشل میڈیا پر دعا زہرا کی چھوٹی بہن کی ویڈیو وائرل ہو رہی ہے جس میں دعا کی بہن کو والد مہدی علی کاظمی کے سوالوں کے جواب میں بڑی بہن کو ’واپس آجائیں‘ کا پیغام دیتے دیکھا جاسکتا ہے۔
دعا زہر اکی بہن نے بڑی بہن کو واپس آنے کا کہتے ہوئے کہا کہ ’ہم دونوں بہنیں دعا کو یاد کرتے ہیں اور ہم نے اب تک عید نہیں منائی اور جب دعا واپس آجائیں گی تب ہی عید منائیں گی‘۔
یاد رہے کہ اس سے قبل دعا زہرا کے والد نے بیٹی کے لیے عید الاضحیٰ کے موقع پر خصوصی ویڈیو پیغام جاری کیا تھا۔
ویڈیو میں مہدی کاظمی نے کہا کہ ‘بچیاں سب کی سانجھی ہوتی ہیں، اللہ تعالیٰ سے دعا کرتا ہوں کہ تمام ماں باپ کے ساتھ ان کی بچیوں کا ساتھ رہے، یہ دوسری عید ہے جب میری بیٹی دعا میرے پاس نہیں ہے، اللہ سے دعا ہے کہ یہ آخری عید ہو جب میری بیٹی میرے پاس نہیں ہے’۔
کراچی : سائنسدانوں نے کہا ہے کہ اپنے دوستوں، عزیزوں اور شناسا افراد کو اگر صرف ہیلو کی ای میل، کوئی مسیج، یا سوشل میڈیا پیغام دیا جائے تو نہ صرف وہ اسے پسند کرتے ہیں بلکہ یہ ان کی نفسیاتی صحت کے لیے بہتر ہوسکتا ہے۔
امریکی نفسیاتی تنظیم کے مطابق آپ کے حلقے میں شامل افراد سماجی اکائیوں کی طرح ہی ہیں۔ اگر ہم انہیں خیریت اور مزاج پرسی کا کوئی پیغام بھیجتے ہیں تو نہ صرف آپ کے دوست اسے پسند کرتے ہیں بلکہ جسمانی اور نفسیاتی طور پر بھی اچھے اثرات مرتب ہوتے ہیں۔
ایک تجربے میں شرکا سے پوچھا گیا کہ وہ یاد کریں کہ ایک طویل عرصے بعد آخری مرتبہ انہوں نے اپنے کس جاننے والے یا کسی دوست کو فون، ٹیکسٹ، سوشل میڈیا یا ای میل پر’ہیلو ہائے‘ کے لیے رابطہ کیا تھا۔ دوسرے گروہ کے لوگوں سے پوچھا گیا کہ وہ یاد کرکے بتائیں کہ ان کے کسی دوست نے کب انہی ذرائع سے ان کی مزاج پرسی کی تھی۔ اس کے بعد ان سے کہا گیا کہ وہ ایک سے سات درجے تک اس کو نمبر دیں جن میں اچھا لگنا، شکر گزار ہونا، اور خوشی محسوس کرنے جیسے درجے شامل تھے جو رابطے کے وقت انہیں محسوس ہوئے۔
تیسرے تجربے میں لوگوں سے کہا گیا کہ وہ اپنے کسی ایسے دوست یا جاننے والا کا انتخاب کریں جس سے رابطہ کئے عرصہ گزر گیا ہے۔ اب اسے ایک چھوٹا پیغام بھیجیں یا پھر پیغام کے ساتھ کوئی چھوٹا سا تحفہ بھی روانہ کریں۔ اس تجربے کو بھی سات درجوں میں سے کسی ایک کا انتخاب کرنے کو کہا گیا۔
حیرت انگیز طور پر جنہیں پیغام موصول ہوا وہ بہت مسرور تھے لیکن جنہوں نے پیغام بھیجا تھا یا دوست کی خبر لی تھی انہوں نے ہمیشہ اسے وہ اہمیت نہ دی جو پیغام موصول کرنے والے نے محسوس کی تھی۔ یہی وجہ ہے کہ ماہرین نے کہا ہے کہ اپنے پرانے دوستوں، جامعہ کے یاروں اور قریبی عزیزوں سے رابطہ کرتے رہیں کیونکہ وہ اسے انمول سمجھتے ہیں۔
دوسری جانب صحت پر اس کے مثبت اور بہترین اثرات بھی مرتب ہوتے ہیں۔
کراچی: لیاری ایکسپریس وے گلشن اقبال کے قریب ٹریفک حادثے میں ڈی آئی جی گوادر اظفر مہیسر کا بیٹا اور گن مین زخمی ہوگئے۔
تفصیلات کے مطابق گلشن اقبال کے علاقے لیاری ایکسپریس وے جمالی کالونی کے قریب ٹریفک حادثے میں ڈی آئی جی گوادر اظفر مہیسر کا بیٹا ارشد مہیسر اور ان کا گن مین پولیس کانسٹیبل 40 سالہ عبد الحمید ولد محمد خلیل زخمی ہوگئے۔
زخمیوں کو طبی امداد کے لیے سول اسپتال منتقل کیا گیا۔ زخمی اہلکار پولیس ہیڈ کوارٹر گارڈن ساؤتھ میں تعینات اور ڈی آئی جی اظفر مہیسر کا گارڈ ہے۔
کراچی : ملک بھر میں مون سون بارشوں کے باعث عید کے تیسرے روز بھی ٹرین آپریشن متاثر ہے۔
ریلوے انتظامیہ کے مطابق کراچی سے چلنے والی پاکستان ایکسپریس 1:00 بجے کے بجائے رات 9:00 بجے روانہ ہوگی جبکہ علامہ اقبال ایکسپریس دوپہر 2:00 بجے کے بجائے رات 11:00 بجے سیالکوٹ کے لیے روانہ ہوگی۔
لاہور سے براستہ فیصل آباد کراچی جانے والی قراقرم ایکسپریس ٹرین 8 گھنٹوں کی تاخیر سے دوپہر 3 بجے کی بجائے رات 11 بجے روانہ ہوگی۔
شاہ حسین ایکسپریس تاخیر سے رات 9 بجے روانہ ہوگی، لاہور سے براستہ رائے ونڈ کراچی جانے والی کراچی ایکسپریس ٹرین شام 5 بجکر30 منٹ کی بجائے شام 6 بج کر 30 منٹ پر روانہ ہوگی۔
قراقرم ایکسپریس دوپہر 3:30 کے بجائے شام 6:00 بجے لاہور کے لیے روانہ ہوگی جبکہ تیزگام ایکسپرس شام 5:30 بجے کے بجائے رات 1:30 بجے راولپنڈی کے لیے روانہ ہوگی۔
عید کے تینوں ایام میں ٹرینیں لیٹ ہونے پر مسافروں نے ٹکٹیں ری فنڈ کروا دیں، ٹکٹیں ری فنڈ ہونے سے ریلوے کو مالی نقصان کا سامنا رہا۔
کراچی: محکمہ موسمیات نے کراچی میں جمعرات سے مزید تیز بارشوں کی پیش گوئی کرتے ہوئے کہا ہے کہ بارشوں کا ایک اور مضبوط سسٹم شہر قائد کی جانب رواں دواں ہے۔
ذرائع کے مطابق محکہ موسمیات نے پیش گوئی کی ہے کہ حالیہ بارشوں کے سسٹم کا پھیلاؤ کراچی اور زیریں سندھ پر اب بھی موجود ہے، شہر میں کبھی تیز اور کبھی معتدل بارش ہورہی ہے۔
چیف میٹرو لوجسٹ سردار سرفراز کے مطابق 14 جولائی کی شام سے ایک اور سسٹم سندھ میں داخل ہونے کی توقع ہے، مون سون بارشوں کا سبب بننے والا نیا سسٹم 18 جولائی تک اثرانداز رہے گا۔
کراچی : وزیر اعلیٰ سندھ سید مراد علی شاہ نے کہا ہے کہ شہر میں 12 گھنٹے (8 بجے شب سے صبح 8 بجے) کے درمیان 136 ملی میٹر یعنی 5 انچ کی ریکارڈ بارش ہوئی ہے اور پھر ایک مختصر وقفے کے بعد یہ صبح 11 بجے تک دوبارہ جاری رہی ، برساتی پانی کی نکاسی کا نظام اتنے بڑی برسات کی صورتحال پر مکمل طورپر قابو نہ پاسکا،بحیرہ عرب طغیانی کی حالت میں ہے، اس لیے برسات کا پانی خارج نہیں ہوسکا، شہر کے تقریباً تمام قدرتی آبی گزرگاہوں پر یا تو تجاوزات ہو چکی ہیں یا ہاؤسنگ سوسائٹیوں کو الاٹ کر دی گئی ہیں جس کے نتیجے میں ان کی تعمیر سے پانی کا اخراج بند ہو گیا ہے۔
وزیراعلیٰ ہاوس سے جاری اعلامیہ کے مطابق ان خیالات کا اظہار انہوں نے پیر کو شہر کے مختلف علاقوں کا دورہ کرنے کے بعد وزیراعلیٰ ہاؤس میں میڈیا سے گفتگو کرتے ہوئے کیا۔
اس موقع پر وزیر اطلاعات شرجیل انعام میمن، چیف سیکریٹری سہیل راجپوت، کمشنر کراچی اقبال میمن بھی موجود تھے۔مراد علی شاہ نے کہا کہ محکمہ میٹرولوجیکل نے بارشوں کی پیشن گوئی جاری کی ہے، اس لیے انہوں نے شہر کے مختلف اضلاع میں اپنی کابینہ کے اراکین کو رین ایمرجنسی ڈیوٹیاں سونپی ہیں۔
ایک سوال کے جواب میں وزیراعلیٰ سندھ نے کہا کہ انہوں نے چیف سیکرٹری کو ہدایت کی ہے کہ وہ جانی و مالی نقصانات کا جائزہ لیں تاکہ متاثرہ افراد کو ریلیف فراہم کیا جاسکے۔موجودہ شدید بارشوں نے 29 قیمتی جانیں لے لی ہیں میں غمزدہ خاندانوں کے ساتھ اپنی ہمدردی اور تعزیت کا اظہار کرتا ہوں ۔مراد علی شاہ نے کہا کہ انہوں نے ایس ایس یو اربن فلڈنگ یونٹ کو بھی ہدایت کی ہے کہ وہ سیلاب زدہ علاقوں میں پھنسے ہوئے لوگوں کو نکالنے کے لیے اپنی بھاری گاڑیاں منتقل کریں۔
انہوں نے کہا کہ ضلعی انتظامیہ کے ساتھ پولیس بھی سیلاب زدہ علاقوں میں لوگوں کی مدد کر رہی ہے۔مراد علی شاہ نے کہا کہ محکمہ موسمیات نے ایک اور تیز بارش کی پیش گوئی بھی کی ہے جس کے لیے انہوں نے متعلقہ شہری اداروں کو اس کے مطابق تیار رہنے کی ہدایات جاری کی ہیں۔ انہوں نے شہر کے لوگوں پر زور دیا کہ وہ اس وقت تک گھروں میں رہیں جب تک کہ پانی کی نکاسی ممکن نہ ہو ۔
دنیا چاند پر پہنچی ہم سیوریج لائن کے مسائل سے باہر نہیں نکل سکے،مصطفیٰ کمال
پاک سرزمین پارٹی کے چیئرمین سید مصطفیٰ کمال نے کہا ہے کہ لندن کے بغیر برطانیہ کی ترقی کا کوئی تصور نہیں کیا جاسکتا،
سید مصطفیٰ کمال کا کہنا تھا کہ چینی کی ترقی کیلئے شنگھائی کی گروتھ ضروری ہے،بنگلہ دیش نے درجنوں نئے شہر آباد کیا ہے شہر ملک کو امیر بنا دیتے ہیں،دنیا چاند پر پہنچی ہے ہم سیوریج لائن کے مسائل سے باہر نہیں نکل سکے، پاکستا ن میں75 سالوں سے کوئی نیا شہر نہیں بسایا گیا،
قبل ازیں پاک سر زمین پارٹی کے چیئرمین سید مصطفی کمال نے لاڑکانہ میں پیپلزپارٹی کے ظالم وڈیرے کے ہاتھوں غریب ریڑھی بان کے معصوم بچے کے قتل پر شدید غم اور غصے کا اظہار کرتے ہوئے کہا کفر کی حکومت چل سکتی ہے لیکن ظلم کی نہیں۔ پہلے عمران خان کی حکومت چلانے اور اب شہباز شریف کی حکومت چلانے کی خاطر سندھ کو آصف زرداری کی پیپلز پارٹی کے ہاتھوں گروی رکھ دیا گیا ہے، پولیس پیپلز پارٹی کی زر خرید غلام بن چکی ہے، پیپلز پارٹی کی ظالم اور کرپٹ سندھ حکومت خود کو ریاست سے بالاتر سمجھنے لگی ہے۔کوئی پوچھنے والا نہیں۔ ایسی صورتحال میں ریاست پاکستان کے قانون نافذ کرنے والے دوسرے اداروں کو اپنا کردار ادا کرنا ہوگا۔پیپلز پارٹی کے گڑھ لاڑکانہ میں با اثر ظالم وڈیرے نے زمین کے معاملے پر غریب ریڑھی بان کے چھوٹے بیٹے کو کلہاڑی کی ضربوں سے قتل کردیا جبکہ اسی بااثر ظالم وڈیرے نے کچھ عرصہ قبل اسی مزدور کے بڑے بیٹے کو بھی قتل کردیا تھا۔
اس بربریت پر خاموش رہنے والے ظالم کو طاقتور بنا کر اللہ کے عذاب کو دعوت دے رہے ہیں۔ عدالتیں بھی انصاف فراہم کرنے میں ناکام ہوچکی ہیں، اگر پہلے بیٹے کے قتل پر انصاف فراہم کیا جاتا تو دوسرے بیٹے کی لاش دفنانے کی نوبت نہیں آتی۔ غریب ریڑھی بان کے بیٹوں کے قتل کی زمہ دار پیپلزپارٹی کی سندھ حکومت ہے۔ پیپلز پارٹی کے با اثر وڈیروں نے قانون کو گھر کی لونڈی بنا لیا ہے جبکہ عوام کی حفاظت پر معمور پولیس اہلکار ظالم وڈیروں کی پشت پناہی میں مصروف نظر آتے ہیں، اس دوہرے قتل پر پولیس تاحال خاموش تماشائی بنی ہوئی ہے۔
سید مصطفی کمال نے چیف جسٹس آف پاکستان اور چیف آف آرمی اسٹاف سے واقعے کا نوٹس لینے کے ساتھ، سندھ میں بدترین طرزِ حکمرانی اور پیپلز پارٹی کے وڈیروں اور جاگیرداروں کی سفاکی کا نوٹس لینے کا مطالبہ کیا ہے کیونکہ پیپلز پارٹی ان ہی ظالم وڈیروں اور جاگیرداروں کے زریعے 14 سال سے بلا شرکت غیر سندھ پر قابض ہے۔
عمران خان صاحب ،آپ کے لوگوں نے بھی کراچی کیلئے کچھ نہیں کیا،حافظ نعیم
باغی ٹی وی کی رپورٹ کے مطابق جماعت اسلامی کراچی کے امیر حافظ نعیم نے کہا ہے کہ پیپلز پارٹی کے پاس سب سے زیادہ طاقت ہے لیکن کراچی ڈوب رہا ہے
حافظ نعیم کا کہنا تھا کہ جہاں جہاں سے لوگوں کو نکالا ہے ان کیلئے رہائش کا منصوبہ ہی نہیں بنایا،سیاسی اور علاقائی بنیادوں پر بھرتیاں کی گئیں ہیں اعداد و شمار چیک کریں کہ کے ایم سی اور دیگر اداروں میں کتنے لوگ موجود ہیں،ایم کیو ایم کی پوری کوشش ہے کہ ان کا گورنر لگ جائے،ایم کیو ایم وزارتوں کے پیچھے لگی ہوئی ہے،مرتضیٰ وہاب کو کراچی سے متعلق معلومات ہی نہیں ہیں،وزیر اعلیٰ کہتے ہیں کہ بارش کے دوران ریلیف کا کام نہیں کرسکتے،جہاں پانی خشک ہو جاتا ہے وہاں مرتضیٰ وہاب پہنچ جاتے ہیں
حافظ نعیم کا مزید کہنا تھا کہ عمران خان صاحب ،آپ کے لوگوں نے بھی کراچی کیلئے کچھ نہیں کیا،وزیر اعلی ٰبتائیں بارش اور گھر میں پانی داخل ہو تو کیا آپ بارش رکنے کا انتظار کریں گے،پی ٹی آئی کے کراچی کے رہنما اپنے ایونٹ کرکے اپنی قیادت سے جھوٹ بولتے ہیں خان صاحب ، بتائیں کوٹہ سسٹم میں غیر معینہ مدت تک اضافہ، اس کی کیا تک بنتی تھی،کے فور میں جو ماضی میں 18 ارب روپے رکھے گئے وہ استعمال نہیں ہوئے،آپ کراچی والوں کے ساتھ کیا کرنا چاہتے ہیں خان صاحب نے کے سی آر کا اعلان کیا،کے سی آر کون بنائے گا کس کمپنی کے ساتھ بات ہوئی ہے کچھ نہیں معلوم،کسی بھی حکومت نے کچھ بھی نہیں کیا ،کراچی کو بچانا ہے تو 24 جولائی کو ترازو پر مہر لگائیں،
امیر جماعت اسلامی کراچی حافظ نعیم الرحمان نے دیئے امبر دانش کے تلخ سوالات کے جواب
سیاسی ایڈمنسٹریٹر نے کراچی کو ڈبو دیا،جماعت اسلامی
حکومت بارش سے متاثرہ افراد کو معاوضہ دینے کا اعلان کرے،سربراہ پاکستان سنی تحریک
بارش کے بعد کی صورتحال ، میئر کراچی نے گورنر سندھ سے ملاقات میں وفاق سے مدد مانگ لی