Category: کراچی

پیپلز پارٹی کی رہنما شازیہ مری نے مریم نواز کے بیانات کو تنگ نظر اور تفرقہ پیدا کرنے والا قرار دیا

شازیہ مری کا کہنا تھا کہ پاکستان کھوکھلے بیانیے کا متحمل نہیں ہو سکتا،وزیراعلیٰ پنجاب مریم نواز کو خدمت پر توجہ دینی چاہیے، نہ کہ تفرقہ انگیز باتوں پر،چیئرمین بلاول بھٹو ہمیشہ سیلاب متاثرین کی مدد پر فوکس کرتے ہیں،جو لوگ سیلاب متاثرین کے لئے ریلیف مانگ رہے ہیں، وہ سیاست نہیں کر رہے، لوگ اب بھی پانی میں پھنسے ہیں اور مدد کے منتظر ہیں،پیپلز پارٹی عوام کی خدمت پر یقین رکھتی ہے، کھوکھلے بیانات پر نہیں، جو لوگ جوس کے ڈبوں پر اپنی تصویریں لگا رہے ہیں، ٹک ٹاک بنا رہے ہیں اور اسے ریلیف ورک کہتے ہیں، اصل میں وہی سیاست کر رہے ہیں، مسلم لیگ ن کی پنجاب حکومت کو دکھاوے کے بجائے خدمت پر توجہ دینی چاہیے، بے گھر سیلاب متاثرین کے لئے ریلیف مانگنا کب سے جرم بن گیا؟چیئرمین بلاول بھٹو نے وفاقی حکومت سے بینظیر انکم سپورٹ پروگرام کے ذریعے مدد مانگی، چیئرمین پیپلز پارٹی نے پنجاب حکومت کی تعریف کی لیکن وفاقی حکومت سے کہا کہ قدرتی آفت میں اپنا کردار ادا کرے، بلاول بھٹو زرداری نے بجلی کے بلوں میں ریلیف اور زرعی ایمرجنسی کے نفاذ کا مطالبہ کیا،ہم شکر گزار ہیں کہ وزیراعظم شہباز شریف نے دونوں مطالبات تسلیم کئے،
وزیراعظم شہباز شریف کو فوری طور پر بی آئی ایس پی کے ذریعے کیش امداد کا اعلان کرنا چاہیے، جیسا کہ انہوں نے 2022 میں کیا تھا،سیلاب متاثرین کو 2022 میں اور اس سال وزیراعظم کے رمضان پیکج کے لئے بی آئی ایس پی کے ذریعے فوری ریلیف ملا،وفاقی حکومت فوری ریلیف کے لئے کامیاب سماجی تحفظ کے اس نظام کو کیوں استعمال نہیں کر رہی؟

وزیر اعلیٰ سندھ سید مراد علی شاہ نے ملک کے سب سے بڑے شہر کراچی کی تمام سڑکوں کی مرمت اور تعمیر نو کا حکم دے دیا۔

کراچی میں وزیر اعلیٰ سندھ مراد علی شاہ کی زیرِ صدارت شہر کی اندرونی سڑکوں کی تعمیر سے متعلق اجلاس منعقد ہوا جس میں صوبائی وزراء اور میئر کراچی مرتضیٰ وہاب نے شرکت کی،اس موقع پر انہوں نے کہا کہ کراچی میں حالیہ بارشوں سے اندرونی سڑکیں ٹوٹ پھوٹ کا شکار ہیں، کے ایم سی اور ٹاؤنز محکمۂ بلدیات کی نگرانی میں اسکیمیں تیار کریں، کراچی کی تمام سڑکوں کی مرمت یا تعمیرِ نو کی جائے،سڑکوں کے ساتھ نکاسیٔ آب کا نظام بھی بنایا جائے، نکاسیٔ آب کا نظام ہو گا تو بارشوں کا پانی نکل جائے گا اور سڑکیں خراب نہیں ہوں گی۔

اس موقع پر میئر کراچی مرتضیٰ وہاب نے بتایا کہ کے ایم سی کی ٹوٹی پھوٹی سڑکوں کا سروے کیا جا رہا ہے،وزیرِ بلدیات سندھ نے بتایا کہ ٹاؤنز کو اپنی سڑکوں کا سروے کرنے کی ہدایت دی ہے،وزیر اعلیٰ سندھ کو اجلاس میں بریفنگ میں بتایا گیا کہ سڑکوں کا سروے تیزی سے جاری ہے، جیسے ہی سروے مکمل ہو گا، اسکیمیں بنا کر منظوری لی جائے گی،وزیر اعلیٰ سندھ مراد علی شاہ نے ہدایت کی کہ کراچی میں صفائی کے کام کو مزید بہتر بنایا جائے۔

کراچی پولیس نے بڑی کارروائی کرتے ہوئے شاہراہ فیصل پر اسٹار گیٹ کے قریب ایک گاڑی سے 11 کلوگرام چرس برآمد کرلی۔ پولیس کے مطابق منشیات اسمگلنگ کی یہ کوشش ناکام بنادی گئی اور دو ملزمان کو گرفتار کرلیا گیا ہے۔

ایس ایچ او کلیم موسیٰ نے میڈیا کو بتایا کہ پولیس نے معمول کی چیکنگ کے دوران ایک مشکوک گاڑی کو روکا تو اس میں سوار افراد نے خود کو سرکاری اہلکار ظاہر کیا اور گاڑی کو ’’اہم شخصیت‘‘ کی قرار دیا۔ تاہم پولیس کی جانب سے سخت جانچ پڑتال پر ان کی اصلیت سامنے آگئی۔پولیس کا کہنا ہے کہ ملزمان نے گاڑی پر غیر قانونی طور پر پولیس لائٹ نصب کر رکھی تھی تاکہ چیکنگ سے بچ سکیں۔ گاڑی کی تلاشی کے دوران 18 پیکٹ برآمد ہوئے جن میں مجموعی طور پر 11 کلو چرس موجود تھی۔

پولیس نے موقع پر ہی دو ملزمان شریف بازئی اور ذوالقرنین کو گرفتار کرلیا۔ گرفتار افراد کے خلاف ائیرپورٹ تھانے میں منشیات ایکٹ کے تحت مقدمہ درج کرلیا گیا ہے۔ایس ایچ او کلیم موسیٰ کا کہنا ہے کہ ملزمان کے دیگر سہولت کاروں اور نیٹ ورک کی تلاش جاری ہے جبکہ ابتدائی تفتیش میں یہ بات سامنے آئی ہے کہ چرس شہر کے مختلف علاقوں میں فروخت کے لیے لائی جارہی تھی۔پولیس حکام کے مطابق اس کارروائی سے منشیات کی ایک بڑی کھیپ کراچی کی مارکیٹ میں پہنچنے سے قبل ہی پکڑ لی گئی ہے۔

وزیر اطلاعات سندھ شرجیل میمن نے کہا ہے کہ سبسڈی دینے پر ہم پر تنقید کی گئی۔

کراچی میں نیوز کانفرنس کرتے ہوئے انہوں نے کہا کہ موجودہ صورتِ حال میں کسان کو سہولت دینا لازم ہے، گندم اگانے والوں کو سپورٹ کر رہے ہیں،وفاق سے اپیل کی ہے کہ آئی ایم ایف سے بات کریں، بلاول بھٹو نے کسی صوبے سے نہیں وفاق سے بات کی، بلاول بھٹو نے وفاق سے کہا کہ سیلاب متاثرین کے لیے بیرونی امداد کی اپیل کی جائے،حکومت سندھ کسان پیکیج پر 55 ارب روپے سے زائد خرچ کرے گی، کسان پیکیج سے 4 لاکھ 4 ہزار 408 کسان شامل ہیں، بلاول بھٹو کی پالیسی سے کسان، مزدور اور غریب کو فائدہ ہو گا،بلاول بھٹو کی پالیسی کا مقصد کسانوں کو مضبوط کرنا ہے، ملک میں عوام کا ڈیٹا صرف پیپلز پارٹی کی حکومت میں بنایا ہے، اس وقت جو صورتِ حال ہے اس میں لازم ہے کہ کسان سہولت دیں، فوڈ سیکیورٹی کے لیے ہمیں کسانوں کو سہولت دینے کی ضرورت ہے، کل چیئرمین بلاول بھٹو نے انقلابی پالیسی کا اعلان کیا، انہوں نے کسانوں کے لیے ریلیف کا اعلان تھا، یہ ریلیف صرف کاشتکار کے لیے نہیں پورے پاکستان کے لیے ہے۔

شرجیل میمن کا مزید کہنا ہے کہ پاکستان پیپلز پارٹی سیلاب پر سیاست نہیں کر رہی ہے، ہم مشکل کے اس وقت میں اپنمشکل22 لاکھ ایکڑ پر گندم کی کاشتکاری کے لیے پروگرام شروع کر رہے ہیں،آن لائن شکایت کا نظام بھی بنایا جا رہا ہے، 21 لاکھ گھر بن رہے ہیں، ان گھروں کو دنیا دیکھ سکتی ہے، پنک اسکوٹی اسکیم ابھی بھی چل رہی ہے۔