Category: کراچی

کراچی کے علاقے ملیر میں ایک ہفتہ قبل قاتلانہ حملے میں زخمی ہونے والے نجی ٹی وی چینل کے سینیئر صحافی اور اینکرپرسن امتیاز میر اسپتال میں زخموں کی تاب نہ لاتے ہوئے انتقال کر گئے۔

پولیس اور خاندانی ذرائع کے مطابق 21 ستمبر کی رات ملیر کے کالا بورڈ کے قریب امتیاز میر کی گاڑی پر مسلح افراد نے اندھا دھند فائرنگ کی تھی۔ حملے کے وقت وہ اپنے بڑے بھائی محمد صالح کے ساتھ دفتر سے قائدآباد واقع گھر جا رہے تھے۔ فائرنگ کے نتیجے میں امتیاز میر کے منہ اور سینے پر کئی گولیاں لگیں اور انہیں تشویشناک حالت میں اسپتال منتقل کیا گیا تھا، جبکہ ان کے بھائی معمولی زخمی ہوئے تھے۔

متوفی کے بھائی ریاض علی نے اس کیس میں مدعی بن کر اتوار کی رات بھائی کے انتقال کی تصدیق کی۔ تھانہ سعودآباد کے ایس ایچ او عتیق الرحمٰن نے بھی صحافی کی موت کی تصدیق کر دی۔پولیس نے ایک شخص اور اس کے بیٹوں کے خلاف مقدمہ درج کیا ہے اور ابتدائی تحقیقات میں اس واقعے کو جیکب آباد کی تحصیل ٹھل میں زمین کے تنازع کا نتیجہ قرار دیا جا رہا ہے۔ اگرچہ ایک عسکریت پسند گروپ نے حملے کی ذمہ داری قبول کی تھی لیکن پولیس نے اسے ناقابل اعتبار قرار دیا۔

وزیراعلیٰ سندھ سید مراد علی شاہ نے امتیاز میر کے انتقال پر افسوس کا اظہار کرتے ہوئے آئی جی سندھ کو قاتلوں کی فوری گرفتاری کی ہدایت کی۔ ان کا کہنا تھا کہ امتیاز میر کے قاتلوں کو انصاف کے کٹہرے میں لایا جائے گا اور مرحوم کی صحافتی خدمات کو ہمیشہ یاد رکھا جائے گا۔ ترجمان وزیراعلیٰ عبدالرشید چنا کے مطابق حکومت نے اس کیس کو منطقی انجام تک پہنچانے کے عزم کا اعادہ کیا ہے۔

بھارت: 20 لڑکیوں سے زیادتی،مذہبی رہنما سوامی سرسوتی گرفتار

غزہ پر اسرائیلی بمباری: حماس کا 24 گھنٹے جنگ بندی کا مطالبہ

کل وائٹ ہاؤس میں ٹرمپ اور نیتن یاہو کی ملاقات ہوگی

مرکزی مسلم لیگ سندھ کے صدر فیصل ندیم نے مرکزی مسلم لیگ کراچی کے صدر احمد ندیم اعوان کے ہمراہ مرکزی امدادی کیمپ کراچی میں پریس کانفرنس سے خطاب کرتے ہوئے کہا کہ سیلاب متاثرین کی بحالی اور ریلیف کے لیے ہم پہلے روز سے میدان عمل میں ہیں۔

انہوں نے کہا کہ خیبر پختونخوا، جنوبی پنجاب اور گلگت بلتستان میں تباہ کن سیلاب کے بعد مرکزی مسلم لیگ مسلسل ریلیف ورک میں مصروف ہے۔فیصل ندیم نے کہا کہ بونیر اور مینگورہ میں سیلابی ریلوں نے بڑے پیمانے پر نقصان کیا، گھروں اور دکانوں سے مٹی اور پتھر ہٹائے گئے، بیواؤں کو نقد رقوم فراہم کی گئیں جبکہ اسکولوں اور پانی کی سپلائی لائنوں کو بحال کیا گیا۔ گلگت غذر میں آمدورفت کے لیے بوٹ سروس شروع کی گئی۔ جنوبی پنجاب میں جلال پور پیر والا میں تین ماڈل خیمہ بستیاں قائم کی گئیں جہاں متاثرین کو ریسکیو، رہائش اور کھانے کی سہولت دی گئی۔ شدید گرمی کے پیش نظر ہر خیمے میں سولر پلیٹ، پنکھے، بیٹری اور لائٹ نصب کی گئی۔ متاثرین کو ڈیڑھ ماہ کا راشن بھی فراہم کیا گیا۔ فیصل ندیم نے بتایا کہ پنجاب میں مسلم لیگ کی 62 کشتیوں نے ریسکیو آپریشن میں حصہ لیا اور 75 ہزار سے زائد افراد کو محفوظ مقامات پر منتقل کیا۔

انہوں نے اعلان کیا کہ کراچی سے مزید 10 ہزار راشن بیگز، ملبوسات اور برتن روانہ کیے جا رہے ہیں جبکہ متاثرین کے لیے دو کمروں پر مشتمل مکانات بھی تعمیر کیے جائیں گے۔ انہوں نے کہا کہ مرکزی مسلم لیگ موسمیاتی تبدیلی اور آبی گزرگاہوں کی صفائی کے لیے ملک گیر مہم شروع کرے گی اور مستقل بنیادوں پر ریسکیو سینٹرز قائم کیے جائیں گے۔

اس موقع پر احمد ندیم اعوان، صدر مرکزی مسلم لیگ کراچی نے کہا کہ مشکل کی اس گھڑی میں ہم متاثرہ خاندانوں کے ساتھ کھڑے ہیں۔ کراچی کے عوام نے ہمیشہ انسانیت کی خدمت میں بڑھ چڑھ کر حصہ لیا ہے، اور اسی جذبے کے تحت بڑی تعداد میں امدادی سامان روانہ کیا جا رہا ہے۔ انہوں نے کہا کہ ہماری جدوجہد اس وقت تک جاری رہے گی جب تک آخری متاثرہ خاندان کو سہولت اور بحالی میسر نہیں آجاتی۔

صدر مملکت نے قومی اسمبلی اور سینیٹ کے اجلاس طلب کرلیے

سندھ سولر پروگرام میں کوئی بے ضابطگی نہیں ہوئی، ناصر حسین شاہ

ہدایات کے باوجود دو سینیٹرز نے کمیٹیوں سے استعفیٰ نہ دیا

دبئی: بغیر اجازت گاڑی استعمال ، ملزم کو جرمانہ اور ملک بدری

وزیر بلدیات سندھ ناصر حسین شاہ نے کہا ہے کہ صوبائی سولر پروگرام میں کسی قسم کی بے ضابطگی نہیں ہوئی۔

نجی ٹی وی کےپروگرام میں گفتگو کرتے ہوئے ان کا کہنا تھا کہ ممکن ہے سولر پیکیج کی قیمت پر اعتراض کرنے والوں نے اس میں شامل پنکھے اور بیٹری کی قیمت شمار نہ کی ہو۔ناصر حسین شاہ نے وضاحت کی کہ مستحق افراد کو فراہم کیے گئے سولر سسٹمز میں سولر پینل، پنکھا، بلب اور بیٹری شامل ہیں۔ اس حوالے سے حکومت کو کسٹمز کی سرٹیفائیڈ کاپیاں بھی فراہم کی گئی ہیں، جن کے مطابق سسٹم کے ساتھ دیے گئے پنکھے امپورٹڈ ہیں۔

ان کا مزید کہنا تھا کہ سوال یہ ہے کہ اگر پنکھے مقامی کمپنی کے ہیں تو ان پر کسٹم کیسے لگایا گیا؟ جن اشیاء پر اعتراضات سامنے آئے ہیں ان سے متعلق انکوائری جاری ہے۔

دبئی: بغیر اجازت گاڑی استعمال ، ملزم کو جرمانہ اور ملک بدری

بھارت کا کشمیر بیانیہ زمین بوس ہوچکا ، مسئلہ حل ہوکر رہے گا: طارق فضل چوہدری

پاک-بھارت میچ پر بھی سٹے بازی، جوا کھیلنے والے 3 بکی گرفتار

پاک-چین سرحد پر 68 روزہ دھرنا ختم، تجارتی و سیاحتی سرگرمیاں بحال

امریکی بحری جہاز یو ایس ایس وین ای میئر 24 سے 26 ستمبر تک دو روزہ کامیاب دورے کے بعد کراچی سے روانہ ہوگیا۔

اس دورے نے پاک بحریہ اور امریکی بحریہ کے درمیان دیرینہ تعلقات اور تعاون کو مزید مستحکم کیا۔دورے کے دوران امریکی بحری جہاز کے کمانڈنگ آفیسر نے کمانڈر پاکستان فلیٹ ریئر ایڈمرل عبدالمُنیب سے ملاقات کی، جس میں باہمی دلچسپی کے امور اور مستقبل میں تعاون کے امکانات پر تبادلہ خیال کیا گیا۔جہاز کے عملے نے مختلف سرگرمیوں میں حصہ لیا جن میں پیشہ ورانہ تبادلے، کھیلوں کے مقابلے اور تربیتی سیشن شامل تھے۔ ان سرگرمیوں کا مقصد باہمی تعاون کو فروغ دینا اور پیشہ وارانہ صلاحیتوں میں مزید اضافہ کرنا تھا۔

اس موقع پر دونوں ممالک کی بحری افواج کے اہلکاروں نے ایک دوسرے کے جہازوں کا بھی دورہ کیا تاکہ آپریشنل طریقہ کار کو سمجھا جا سکے اور مشترکہ تجربات سے استفادہ کیا جا سکے۔یو ایس ایس وین ای میئر کے اس کامیاب دورے نے خطے میں بحری سلامتی اور استحکام کے لیے دونوں افواج کے مشترکہ عزم کو اجاگر کیا اور مستقبل میں مزید تعاون کے نئے دروازے کھول دیے۔

غزہ میں نیتن یاہو کا خطاب زبردستی سنانے پر اسرائیلی فوج اور اہل خانہ برہم

امریکا نے بھارت پر روسی تیل کی خریداری ختم کرنے کا دباؤ ڈال دیا

امریکا پاکستان سے کوئی مطالبہ نہیں کر رہا، خواجہ آصف

نواز شریف کا جینیوا سے پاکستان واپسی کا فیصلہ

دی ماڈرن اسپتال کے تحت ایک روزہ فری میڈیکل کیمپ کا 28 ستمبر بروز اتوار گلشن اقبال بلاک 7 سفاری پارک کے سامنے لگایا جائے گا۔

مریضوں کو ماہر تشخیص اور علاج پر 25 فیصد رعایت بھی فراہم کی جائے گی۔جبکہ ضرورت مند افراد کو مفت ادویات بھی فراہم کی جائیں گی ۔کیمپ میں مختلف شعبہ جات کے ماہرین اپنی خدمات انجام دیں گے، جن میں امراضِ قلب، امراضِ نسواں، امراضِ اطفال، جنرل فزیشن، آرتھوپیڈک سرجن، امراضِ جلد، کان، ناک اور گلہ کے ماہر، یورولوجسٹ، نیورولوجسٹ، امراضِ معدہ کے ماہر، جنرل سرجن اور ماہر نفسیات شامل ہیں۔

جو صبح 11 بجے سے شام 4 بجے تک جاری رہے گا، جس میں مریضوں کو ماہر ڈاکٹروں کی ٹیم کی جانب سے مفت معائنہ اور مشاورت فراہم کی جائے گی۔اسپتال انتظامیہ کے مطابق اس موقع پر اسپتال کی تمام سہولیات پر خصوصی رعایت دی جائے گی، جن میں چیک اپ، لیبارٹری ٹیسٹ، ایکسرے، الٹراسانڈ، سی ٹی اسکین، میموگرافی اور دیگر تشخیصی سہولیات شامل ہیں۔

ماڈرن اسپتال کے ترجمان کے مطابق یہ فری میڈیکل کیمپ عوام کو معیاری اور بروقت علاج کی سہولت فراہم کرنے کے لیے منعقد کیا جا رہا ہے تاکہ زیادہ سے زیادہ لوگ اپنی صحت کے بارے میں آگاہی حاصل کریں۔ صحت سب سے بڑی دولت ہے اور ہمارا مقصد ہے کہ کوئی بھی شخص علاج سے محروم نہ رہے۔ہم چاہتے ہیں کہ لوگ نہ صرف علاج کروائیں بلکہ اپنی بیماریوں کی بروقت تشخیص بھی کرائیں تاکہ پیچیدہ مسائل سے بچا جا سکے۔ یہ کیمپ اسی مقصد کے تحت ایک اہم قدم ہے۔

مقبوضہ لداخ میں احتجاجی مظاہرے، رہنما سونم وانگ چک گرفتار