قصور
سردی کی آمد کے ساتھ بیماریوں میں تیزی، ادویات مافیا دوبارہ سرگرم ، قیمتوں میں بے تحاشا اضافہ، گورنمنٹ خاموش
تفصیلات کے مطابق قصور میں ٹھنڈ نے زور پکڑا تو ساتھ ہی نزلہ، زکام، کھانسی، الرجی اور بخار جیسی موسمی بیماریوں میں خطرناک اضافہ ہو گیا ہے شہری پہلے ہی مہنگائی کے بوجھ تلے دبے ہوئے تھے اوپر سے ادویات کی بڑھتی ڈیمانڈ نے صورتحال مذید خراب کر دی ہے
بلیک مارکیٹنگ مافیا نے حسبِ روایت سرگرم ہو کر مارکیٹ سے عام استعمال کی بیشتر ادویات غائب کر دیں ہیں اور جو دستیاب ہیں اُن کی قیمتیں کئی گنا بڑھا دی گئی ہیں مہنگائی کے ستائے لوگوں کے لیے علاج کروانا مذید مشکل ہو گیا ہے
ادویات ساز کمپنیوں کی جانب سے من مانی قیمتوں کا سلسلہ جاری ہے جبکہ ڈریپ، پرائس کنٹرول اتھارٹی اور دیگر متعلقہ ادارے خاموش تماشائی بنے ہوئے ہیں
شہریوں کا کہنا ہے کہ سابقہ حکومت کی طرح موجودہ حکومت بھی صرف دعووں تک محدود ہے جبکہ عملی اقدامات کہیں نظر نہیں آتے
ہر روز نیا وعدہ، اور ہر وعدہ ریت کا گھر ثابت ہو رہا ہے
قصور کے میڈیکل سٹور مالکان بھی شدید دباؤ میں ہیں، کیونکہ ادویات کی سپلائی کم اور قیمتیں بڑی تیزی سے بڑھ چکی ہیں
عوام نے اعلیٰ حکام سے فوری نوٹس لینے کا مطالبہ کیا ہے تاکہ سردی کے موسم میں بیماریاں بڑھے تو علاج کم از کم عام آدمی کی پہنچ میں رہے
