قصور(باغی ٹی وی،ڈسٹرکٹ رپورٹرطارق نوید سندھو) ڈرائیونگ سکول، پولیس لائن قصور میں پاسنگ آؤٹ تقریب منعقد ہوئی، جس میں مسلم لیگ (ن) کی رکن پنجاب اسمبلی حاجن صفیہ سعید نے بطور مہمانِ خصوصی شرکت کی۔
تقریب میں کامیاب ہونے والے طلبہ و طالبات میں سرٹیفکیٹس اور اسناد تقسیم کی گئیں۔ اس موقع پر انچارج ڈرائیونگ اسکول میڈم نسیم اختر اور انچارج ڈرائیونگ برانچ اظہر حسین سمیت ڈسٹرکٹ پریس کلب کے صدر عطاء محمد قصوری اور دیگر اہم شخصیات بھی موجود تھیں۔
خواتین کی ڈرائیونگ میں دلچسپی ایک مثبت رجحان: مہمانِ خصوصی حاجن صفیہ سعید نے کامیاب امیدواروں کو مبارکباد دیتے ہوئے کہا کہ خواتین اور نوجوانوں کی ڈرائیونگ میں بڑھتی ہوئی دلچسپی ایک مثبت رجحان ہے، جو مستقبل میں محفوظ ٹریفک کلچر کے فروغ میں معاون ثابت ہوگا۔ انہوں نے مزید کہا کہ وزیراعلیٰ پنجاب کی خصوصی ہدایت پر قصور میں جدید ڈرائیونگ مشینری فراہم کی گئی ہے، جس سے بالخصوص خواتین کو ڈرائیونگ سیکھنے میں نمایاں آسانی حاصل ہو گی۔
انچارج ڈرائیونگ اسکول میڈم نسیم اختر نے کہا کہ اسکول اپنے طلبہ و طالبات کو معیاری اور عملی ڈرائیونگ ایجوکیشن فراہم کر رہا ہے اور تجربہ کار پولیس افسران لیکچرز کے ذریعے ان کی کردار سازی پر بھی خصوصی توجہ دے رہے ہیں۔
غریب دکاندار مہنگی چینی خرید کر بیچنے پر مجبور جبکہ ہیں بڑے مگرمچھ قانون کی گرفت سے دور ہیں
