قصور
شہری ذمہ داری کا مظاہرہ کرتے ہوئے ایکسائیز ٹیکسز بروقت جمع کروائیں ٹیکس نادہندگان کے خلاف سخت محکمانہ کارروائی عمل میں لائی جائے گی ایکسائز عملہ کو خوش اخلاقی سے پیش آنے کی تلقین کر رکھی ہے
تفصیلات کے مطابق ڈسٹرکٹ آفیسر ایکسائیز اینڈ ٹیکسیشن اسلم بھٹی نے صحافیوں سے خصوصی گفتگو کے دوران انہوں نے بتایا کہ محکمہ ایکسائز اینڈ ٹیکسیشن قصورکے آفیسر و ٹیم نے رواں سال دوہزار بیس میں چوبیس کروڑ ہدف میں سے تیرہ کروڑ تیہتر لاکھ روپے کی ٹیکس نادہندگان سے 57”فیصد ریکوری حاصل کرکے گورنمنٹ کے خزانے میں جمع کروادی ہے۔ اسی طرح علی اسداللہ موٹر برانچ انسپکٹر نے ٹوکن وٹیکس وغیرہ کی مد میں ہدف 28900000 میں سے 24700000روپے وصول کرکے 85/نمبر حاصل کیے جو کہ سابقہ سال سے پچتر فیصد زائد ہے۔ مزید سی ٹی او صاحبان نے مزید کام کو تیز کرنے اور 100نمبر پر کام کرنے کی تلقین کی۔ اس موقع پر انہوں نے قصور ایکسائز اینڈ ٹیکسیشن کے آفیسران کو شاباش بھی دی اور عملہ کو ہدائیت کی کہ عوامی سماجی حلقوں کے عہدیدارن سے اچھے برتاؤ اور انہیں ایکسائز کے ٹیکسز کو بروقت جمع کروانے کی بریفننگ دیں اور اخلاق سے پیش آئیں کیونکہ عوام اور ادارے کے درمیان اچھے تعلقات ہی ملک و قوم کے مفاد میں ہیں کیونکہ ٹیکسز کی ادائیگی سے ہی ملک خوشحال ہوگا۔
Category: قصور
-
ٹیکس نادہندگان کے خلاف سخت ایکشن
-
دو سگے بھائی قتل تیسرا زخمی
قصور
کھڈیاں میں کل پرانے بس سٹینڈ کے قریب فائرنگ میں ہلاک ہونے والےدو سگے بھائیوں سمیت ایک زخمی ہونے والے بھائی اور مخالفین کے مابین پرانی دشمنی تھی
تفصیلات کے مطابق کل قصور کے نواحی قصبے کھڈیاں خاص میں اندھا دھند فائرنگ کے نتیجے میں جانبحق ہونے والے دو سگے بھائیوں صابر اور مسکین جبکہ زخمی ہونے والے تیسرے بھائی کی فائرنگ کرنے والے مخالفین کیساتھ دیرینہ دشمنی تھی جبکہ ان کا چوتھا بھائی کل ڈسٹرکٹ کورٹس قصور میں پیشی پر آیا ہوا تھا جسے اپنے بھائیوں کی موت کی اطلاع کچہری میں ملی مخالفین نے آتے ہی شاٹ گن سے اندھا دھند فائرنگ کی جس کے نتیجہ میں صابر اور مسکین موقع پر ہی ہلاک ہو گئے تھے جبکہ ان کا تیسرا بھائی اور ایک راہ گیر شدید زخمی ہو گیا تھا جنہیں ہسپتال پہنچا دیا گیا تھا جہاں ان کا علاج جاری ہے -
جرائم پیشہ افراد کیخلاف آپریشن
قصور
الہ آباد میں جرائم پیشہ افراد کے خلاف آپریشن جاری کئی گرفتار
تفصیلات کے مطابق تحصیل چونیاں کے تھانہ الہ آباد کی حدود سے جرائم کا خاتمہ اولین ترجیح ہے ڈی پی او قصور عمران کشور کی ہدایت پر عمل کرتے ہوئے جرائم پیشہ افراد کے خلاف گھیرا تنگ کردیا گیا ہے کسی کو بھی قانون ہاتھ میں نہیں لینے دینگے ان خیالات کا اظہار ایس ایچ او تھانہ الہ آباد سید ظہیر عالم شاہ نے روزنامہ دنیا سے گفتگو کرتے ہوئے کیا انہوں نے کہا کہ معززین علاقہ کے لیے چوبیس گھنٹے حاضر ہوں جرائم کی نشاندہی کریں فوری کارروائی عمل لائی جائے گی ٹاؤٹ مافیا کے لیے تھانہ الہ آباد کے دروازے بند ہیں میرٹ پر کام سرانجام دینا میری ڈیوٹی میں شامل ہے کسی بھی مظلوم کے ساتھ غنڈہ گردی فراڈ بازی برداشت نہیں کرونگا کوشش کرتا ہوں کہ کسی کے ساتھ ظلم نہ ہو عوام کو انصاف ملے پولیس اور میڈیا کا چولی دامن کا ساتھ ہے جرائم پیشہ افراد کو پکڑنے کے لیے ٹیمیں تشکیل دے دی ہیں جو روزانہ کی بنیاد پر کارروائی کر رہی ہیں جلد بڑے مجرم تھانہ کی حوالات میں بند ہونگے شہری پولیس کے ساتھ تعاون رکھیں نام صیغہ راز میں رہے گا -
قصور پولیس میں بڑے پیمانے پر تبادلے
قصور
ڈی پی او قصور عمران کشور کے حکم پر قصور پولیس میں تقرر و تبادلے کر دیئے گئےتفصیلات کے مطابق ڈی پی او قصور عمران کشور نے متعدد ایس ایچ اوز کے تقرروتبادلے کے احکامات جاری کر دئیے ہیں جن میں سب انسپکٹر راحیل خاں انچارج چوکی جمبر سے ایس ایچ او تھانہ راجہ جنگ تعینات اور سب انسپکٹر محمد امجد ڈوگر پولیس لائن سے ایس ایچ او تھانہ کوٹرادھاکشن تعینات جبکہ
سب انسپکٹر رائے سعدی ایس ایچ او منڈی تھانہ عثمانوالا انسپکٹر عمران سعید تھانہ کوٹرادھاکشن سے ایس ایچ او سٹی چونیاں اور انسپکٹر ذوالفقار حمید، سب انسپکٹر ذوالفقار احمد اور سب انسپکٹر محمد یاسر ڈسٹرکٹ پولیس لائن میں تعینات کرنے کے احکامات جاری کر دیئے گئے ہیں -
سڑک کنارے ملے اہم کاغذات پولیس حوالے
قصور
رائیونڈ قصور روڈ پر شہری کو بہاولنگر کے شناختی کارڈز،سم کارڈ اور خالی بٹوہ ملا جسے تھانہ راجہ جنگ کی چوکی اوراڑہ میں محرد محمد اقبال کے سپرد کر دیا گیا
تفصیلات کے مطابق منیر عرف بلا انصاری کو رائیونڈ قصور روڈ پر سڑک کنارے ایک خالی بٹوہ ملا جس میں شبیر حسین ولد ولد غلام رسول سکنہ بہاولنگر اور عمران علی صفدر ولد صفدر علی مرزا سکنہ بہاولنگر کے اصل شناختی کارڈز بمعہ ایک عدد خالی بٹوہ،سم کارڈ ٹیلی نار ملے جسے چوکی اوراڑہ تھانہ راجہ جنگ کے محرر محمد اقبال کے سپرر کر دیا گیا ہے
خدشہ ہے کہ ان افراد کیساتھ واردات کرکے بٹوے سے پیسے نکال کر سڑک کنارے پھنیکا گیا ہے
چوکی اوراڑہ تفتیش کاروائی ہے -
کچہری میں جامع تلاشی کا سلسلہ معطل
قصور
ڈسٹرکٹ کورٹس قصور اور ڈی سی آفس میں تلاشی لینے والے اہلکار تلاشی کی بجائے خوش گپیوں میں مصروف ،کسی بھی ناخوشگوار واقعے کا خدشہ
تفصیلات کے مطابق چند ماہ قبل ڈسٹرکٹ کورٹس قصور میں وکیل کے چیمبر میں ہوئے قتل کے بعد ڈسٹرکٹ کورٹس کی سیکیورٹی بڑھا دی گئی تھی اور ہر آنے والے فرد کو واک تھرو گیٹ سے گزار کر جامع تلاشی کی جاتی تھی جس کا مقصد کسی بھی ناخوشگوار واقعہ سے بچنا تھا تاہم وقت گزرنے کیساتھ ڈیوٹی ہر تعینات سول ڈیفنس و پولیس اہلکاروں نے اس مقصد کی دھجیاں بکھیر کر رکھ دی ہیں اہلکاروں نے اپنی خوش گپیوں کی خاطر لوگوں کی تلاشی لینا چھوڑ دی ہے کسی بھی افسر کی آمد کے پیش نظر دکھلاوے کے طور پر لوگوں کی تلاشی کی جاتی ہے بعد میں اہلکار پھر اپنی خوش گپیوں میں مصروف ہوجاتے ہیں جس سے ہر بندہ کوئی بھی خطرناک چیز اندر لے جا سکتا ہے جس سے کسی ناخوشگوار واقعہ کا خدشہ ہے
شہریوں نے اپنی جان کی تحفظ کے پیش نظر ڈی ہی او قصور عمران کشور سے نوٹس لینے کا مطالبہ کیا ہے -
مودی کے خلاف بغاوت بھارتی تباہی کا باعث بن رہی ہے چئیرمین ریڈیو قصور
ایف ایم 99 کے چئیرمین زبیر قصوری کا کہنا ہے کہ مودی سرکار چاہے جو مرضی آرڈیننس لے آئے لیکن اس کے اپنے بھارت میں ہی ان کے خلاف بغاوت ہے جو بھارت کی تباہی و بربادی کا باعث بن رہی ہے-
قصور بارڈر پر انسٹال ایف ایم 99 ریڈیو اسٹیشن پر گزشتہ روز اپنے پروگرام کے دوران زبیر قصوری نے کہا کہ سنا ہے کہ انڈیا سرجیکل اسٹرائیک کرنے اور پاکستان کے ساتھ جنگ کرنے کا خواب دیکھ رہا ہے –
انہوں نے بھارت کو دھمکی آمیز پیغام دیتے ہوئے کہا کہ لیکن انڈیا ایک بات یاد رکھے کہ یہ چائنہ والا ماحول نہیں چائنہ کے ساتھ لڑائی میں تو کم جانی نقصان ہوا تھا لیکن یہ پوری دنیا جانتی ہے کہ پاکستان کی بہادر افواج اور پاکستانی عوام کس طرح ملک پر جان نچھاور کرتی ہے-
زبیر قصوری نے کہا کہ بھارت ایک مرتبہ ہمت کر کے دیکھے تو سہی پہلے پاکستان نے بھارت کے دو طیارے گرا کر چھوٹا سا ٹیزر دکھایا تھا لیکن اب اگرمودی سرکار اپنی حرکتوں سے باز نہ آئی تو ہمت کر کے اس کا انجام بھی دیکھ ہی لے کیونکہ پاکستان کی افواج ،عوام اور گورنمنٹ کے سامنے ساری اصلیت کُھل چکی ہے اب تم لوگوں کا بہت اچھا بندوبست کیا جائے گا-
انہوں نے کہا کہ مودی سرکار ایک مرتبہ نتائج دیکھ ہی لے بھارت کے پورے پنجاب بلکہ پورے بھارت میں کسان سڑکوں پر احتجاج کر رہے ہیں کشمیری لوگ ان کے ہاتھوں رو رہے ہیں مودی سرکار 370 کا قانون یا کوئی بھی آرڈیننس لے آئے سارے بھارت کے اندر ان کے خلاف بغاوت ہے ان کے 80 فیصد جن میں سے 8 لاکھ فوج بھارتی سکھ ہیں جو اپنے تمغے اور انعامات واپس کر رہے ہیں کہ ہم نے اس حکومت کے ساتھ نہیں رہنا جو بھارت کی تاریخی تباہی بربادی بن رہی ہے-
انہوں نے سکھوں میں معتبر مانے جانے والے بابا رام سنگھ کی کہانی بیان کرتے ہوئے کہا کہ انہوں نے دہلی کے بارڈر پر جا کر اپنی کتھا پڑھی اور کسا ن اتحاد کے ساتھ جرات کا مظاہر کیا اور خودکشی کر لی اور وصیت میں لکھا کہ میں اتنا ظلم نہیں دیکھ سکتا اور شاید میری خود کشی اس جدو جہد کو نئی روح پھونک دے اور کروڑوں کسان ہندو مسلمان سکھ سب کو کامیابی مل جائے-
زبیر قصوری کے مطابق بابا رام سنگھ نے پورے مجمع کے سامنے خودکشی کی جس کا پورے بھارت کو پتہ ہے اور اب ان کی حکومت ایک مرتبہ ضرور ہلے گی-
انہوں نے مزید کہا کہ پہلے بھی مودی حکومت کرتار پور راہداری کا بارڈر بند رکھنے کی کوشش کی تھی لیکن آخر کار وہ کھلوا لیا گیا تھا نہ مودی پہلے کچھ کر سکا تھا اور انہ ہی اب کچھ کر سکے گا-
واضح رہے ایف ایم ریڈیو 99 پاکستان کے سرحدی علاقے قصور سے نشر کیا جاتا ہے اور اس کی نشریات بھارتی پنجاب کے فیروزپور امرتسر کے بڑے شہروں سمیت چھوٹے علاقوں میں بھی بڑے شوق سے سنی جاتی ہیں ایک اور اہم بات یہ بھی ہے کہ کہ پاکستان سے نشر ہونے والے ریڈیو 99 اس علاقے کے لوگوں کے لئے بہت بڑی سہولت تصور کی جاتی ہے کیونکہ بھارتی پنجاب کے سرحدی علاقوں پر اور دیگر اضلاع میں ایف ایم ریڈیو کی نشریات کی رسائی تاحال نہیں ہے-
-
ٹویوٹا ہائی ایس میں لوگوں کو شدید مسائل
قصور
ٹویوٹا ہائی ایس کے مالکان کی کھلے عام ایس او پیز کی دھجیاں بکھیری جانے لگیں لوگ پریشانتفصیلات کے مطابق قصور سے لاہور اور کھڈیاں،رائیونڈ،پتوکی،چونیاں روڈز پر چلنے والی چھوٹی گاڑی ٹویوٹا میں سفر کرنے والے عوام کے مسائل بڑھ گئے
ایک ٹویوٹا گاڑی جس میں تقریباً 20 سے 21 افراد کہ گنجائش ہوتی ہے
اس میں زبردستی لکڑی کے بنچ رکھ کر قانون کی خلاف ورزی تو ہوتی ہی ہے ساتھ کرونا ایس او پیز کی بھی دھجیاں بکھیری جا رہی ہیں
جس سے عوام کو مشکلات کا سامنا کرنا پڑتا ہے
متعلقہ افسران سے عوام کی پر زور اپیل ہے کی ٹریفک کا مسئلہ حل کروائیں اور ساتھ عوام کے مسائل بھی زیر غور رکھیں
جتنی گنجائش ہو اتنے افراد بٹھائیں
اور تمام گاڑیوں کی فٹنس کو بھی چیک کریں -
فلور مل نے اپنوں کو نوازنا شروع کر دیا
قصور
چونیاں کے نواح میں واقع فلور ملز کا اپنوں کو نوازنے کا انوکھا طریقہ
تفصیلات کے مطابق قصور کی تحصیل چونیاں میں اندھیر نگری
یونائیٹڈ فلور ملز نور پور الہ آباد من پسند افراد کو آٹا دینے اور دوسرے لائسنس ہولڈرز ڈیلرز کو ٹر خانے لگے آٹا معیاری لحاظ سے انتہائی ناقص ہے ڈی سی قصور سے ایکشن لینے کا مطالبہ
چند دن قبل اسسٹنٹ کمشنر چونیاں نے سہولت بازار الہ آباد میں آٹا خرید کر لے جانے والے ایک خریدار سے 10 کلو آٹا تھیلا کا وزن کروایا تو پانچ گرام وزن کم نکلا آٹا کے وزن میں کمی کے علاؤہ یونائیٹڈ فلور ملز کا آٹا انتہائی ناقص ہونا معمول بن چکا ہے چند ماہ پہلے بھی اسسٹنٹ کمشنر چونیاں عدنان بدر نے اس فلور ملز پر عوامی شکایت پر چیکنگ کی تو تمام شکایت درست ہونے پر ایک ملازم کو موقع پر ہی گرفتار کروا کر تھانہ الہ آباد میں بند کروا دیا تھا
ذرائع کے مطابق اگر محکمہ فوڈ یونائیٹڈ فلور ملز پر آٹے کا معیار چیک کرے اور اس ملز کو گندم کی سپلائی اور علاقائی ڈیلروں کو آٹے کی سپلائی کا ریکارڈ چیک کرے تو دوسرے صوبوں کو مہنگے داموں آٹا سپلائی کرنے کا مکمل ریکارڈ مل جائے گا اس کے علاؤہ فلور ملز کی مشینری کی صفائی نہ ہونے اور دوران پسائی گندم میں پانی کی مقدار بھی زیادہ ہونے سے اور زائد نمی کی وجہ سے آٹے میں کیڑا پڑ جانا بھی پایا جاتا ہے ۔عوامی سماجی حلقوں نے یونائیٹڈ فلور ملز کے خلاف سخت کارروائی کا مطالبہ کیا ہے جس کا آٹا انسانی صحت کو نقصان پہنچانے کا سبب بن رہا ہے -
پولیس اہلکار کو قتل کرنے والوں کے خلاف مقدمہ
قصور
کل پنجاب ہائی وے پیٹرولنگ پولیس کے اہلکار محمد سلیم کو قتل کرنے والے ملزمان کے خلاف مقتول کے بھائی کی مدعیت میں مقدمہ درج
تفصیلات کے مطابق کل ڈی ایچ کیو ہسپتال کے باہر پنجاب ہائی وے پیٹرولنگ پولیس کے اہلکار محمد سلیم کو قتل کرنے والے ملزمان عارف عرف گوگا،محمد عامر،سلیمان عرف مانو اور یاسر کے خلاف تھانہ سٹی اے ڈویژن میں مقتول کے بھائی محمد خلیل کی مدعیت میں بجرم 302,148,149 ت پ کے تحت مقدمہ درج کر لیا گیا ہے
کل محمد سلیم، جو کہ پیٹرولنگ پولیس قصور کا اہلکار ہے اور ہارون الرشید چیک پوسٹ کھارا موڑ قصور میں تعینات تھا ، کو اس وقت گولیاں ماری گئیں جب وہ اپنی زوجہ کے ہمراہ ڈی ایچ کیو ہسپتال داوئی لینے گیا تھا کہ اس کی زوجہ کے سامنے ملزمان نے اس کو موٹر سائیکل سے اتارا اور اس کو گولیاں مار کر قتل کر دیا تھا اور موقع سے فرار ہو گئے تھے