Baaghi TV

Category: قصور

  • قصور :ڈی سی کا راجہ جنگ کا اچانک دورہ، ریٹ لسٹ و تجاوزات پر سخت ہدایات

    قصور :ڈی سی کا راجہ جنگ کا اچانک دورہ، ریٹ لسٹ و تجاوزات پر سخت ہدایات

    قصور (باغی ٹی وی،ڈسٹرکٹ رپورٹرطارقنویدسندھو) وزیراعلیٰ پنجاب مریم نواز شریف، چیف سیکرٹری پنجاب اور کمشنر لاہور ڈویژن کی خصوصی ہدایات پر ڈپٹی کمشنر قصور عمران علی نے تحصیل راجہ جنگ کا اچانک دورہ کیا۔ اس موقع پر انہوں نے عام مارکیٹ، میونسپل کمیٹی، نادرا اور ریسکیو 1122 کے دفاتر کا معائنہ کیا۔

    ڈپٹی کمشنر نے عام مارکیٹ میں اشیائے ضروریہ کی قیمتوں، ریٹ لسٹوں کی دستیابی، تجاوزات کے خلاف جاری آپریشن، ماحولیاتی آلودگی اور "ستھرا پنجاب پروگرام” کے تحت صفائی ستھرائی کی صورتحال کا جائزہ لیا۔ انہوں نے دوکانداروں کو ہدایت کی کہ ضلعی انتظامیہ کی مقرر کردہ ریٹ لسٹ کے مطابق اشیاء فراہم کی جائیں، بصورتِ دیگر سخت کارروائی عمل میں لائی جائے گی۔

    عمران علی نے تجاوزات کے خلاف جاری آپریشن کا بھی جائزہ لیا اور دوکانداروں کو متنبہ کیا کہ وہ اپنی حدود میں رہ کر کاروبار کریں۔ انہوں نے واضح کیا کہ تجاوزات کسی صورت برداشت نہیں کی جائیں گی اور ضلعی انتظامیہ کی زیرو ٹالرنس پالیسی کے تحت روزانہ کی بنیاد پر کارروائیوں کی مانیٹرنگ کی جا رہی ہے۔

    ڈپٹی کمشنر نے "ستھرا پنجاب پروگرام” کے تحت صفائی ستھرائی کے انتظامات کا بھی معائنہ کیا اور ایل ڈبلیو ایم سی کے ذمہ داران کو صفائی کے نظام کو مزید بہتر بنانے کی ہدایت دی۔ انہوں نے ماحولیاتی آلودگی کے خلاف کیے جانے والے اقدامات کا بھی جائزہ لیا۔

    میونسپل کمیٹی، نادرا اور ریسکیو 1122 کے دفاتر کے دورے کے دوران انہوں نے سائلین کو فراہم کی جانے والی سہولیات کا جائزہ لیا اور متعلقہ افسران کو شہریوں کے مسائل فوری حل کرنے کی ہدایت کی۔

    ڈپٹی کمشنر عمران علی نے کہا کہ شہر کو صاف ستھرا اور خوبصورت بنانا ہم سب کی مشترکہ ذمہ داری ہے۔ وزیراعلیٰ پنجاب کے ویژن کے مطابق ضلعی انتظامیہ دن رات کوشاں ہے اور اس مقصد کے حصول میں کسی قسم کی کوتاہی برداشت نہیں کی جائے گی۔ انہوں نے افسران کو ہدایت کی کہ فیلڈ میں مزید متحرک ہو کر کام کریں اور صفائی ستھرائی کی سرگرمیوں کی روزانہ کی بنیاد پر مانیٹرنگ یقینی بنائیں۔

  • قصور،اوباش نوجوان نے خواتین کا گھروں سے نکلنا محال کر دیا، ویڈیو وائرل

    قصور،اوباش نوجوان نے خواتین کا گھروں سے نکلنا محال کر دیا، ویڈیو وائرل

    قصور، روشن آباد کالونی میں اوباش نے عورتوں اور بچیوں کو تنگ کرنے کا سلسلہ شروع کر رکھا ہے،عورتوں کا گھروں سے نکلنا محال،سی سی ٹی وی فوٹیج میڈیا کو فراہم،سی سی ڈی قصور سے کاروائی کا مطالبہ

    تفصیلات کے مطابق قصور کے تھانہ بی ڈویژن کی چوکی سبزی منڈی کے نواحی علاقے روشن آباد کالونی کے رہائشیوں نے بتایا کہ اوباش ہارون عرف مونو مسیح عرصہ دراز سے خواتین اور بچیوں کو ہراساں کر رہا ہے جس کے باعث عورتوں کا گھروں سے نکلنا محال ہو گیا ہے،سکول و کالجز جانے والی لڑکیاں سخت پریشان ہیں، اہلِ علاقہ نے بتایا کہ یہ واقعات کالونی میں کثرت سے پیش آتے ہیں ،اہلیانِ علاقہ نے سی سی ٹی وی فوٹیج کو ثبوت کے طور پر میڈیا کو مہیا کیا ہے، انہوں نے متعلقہ پولیس اور مقامی انتظامیہ سے فوری کارروائی کا مطالبہ کیا ہے
    مقامی رہائشیوں کے مطابق یہ اوباش جوان لڑکیوں اور خواتین کو نہ صرف جنسی طور پر تنگ کرتا ہے بلکہ لوگوں کے گھرانوں میں خوف و ہراس پیدا کر چکا ہے،اور مذکورہ اوباش لوگوں کو ڈراتا دھمکاتا بھی ہےکاروائی کی جائے

  • کمرہ امتحان سے جعلی امیدوار گرفتار،تفتیش شروع

    قصور
    کمرہ امتحان میں جعلی امیدوار رنگے ہاتھوں گرفتار
    قصور ،تحقیات شروع

    تفصیلات کے مطابق گزشتہ دن گورنمنٹ حنفیہ اسلامیہ ہائی سکول قصور میں امتحان کے دوران جعل سازی کا انکشاف سامنے آیا جس میں
    کلاس نہم کے ریاضی کے پیپر میں ایک جعلی امیدوار پکڑا گیا
    سپرنٹنڈنٹ آصف علی شاہ نے دورانِ امتحان ایک نوجوان کو مشکوک حالت میں بیٹھے دیکھا جس سے تفتیش پر معلوم ہوا کہ ملزم معیز عارف دراصل اصلی امیدوار محمد فیضان کی جگہ امتحان دے رہا تھا

    سکول انتظامیہ نے فوری کارروائی کرتے ہوئے جعلی امیدوار کو رنگے ہاتھوں پکڑ کر پولیس کے حوالے کر دیا پولیس نے واقعہ کی تحقیقات شروع کر دی ہیں

  • معروف امام مسجد انتقال فرما گئے،مقامی قبرستان میں نماز جنازہ ادا کی جائے گی

    معروف امام مسجد انتقال فرما گئے،مقامی قبرستان میں نماز جنازہ ادا کی جائے گی

    قصور
    معروف امام مسجد وفات پا گئے،اہلیان علاقہ سوگوار،نماز جنازہ دس بجے مقامی قبرستان میں ادا کی جائے گی

    تفصیلات کے مطابق قصور کے سب سے قریبی و سب سے بڑے گاؤں موضع کھارا کے سابق امام مسجد میاں علی اصغر انتقال کر گئے
    مرحوم معتدل مزاج اور تمام مسالک کے متفقہ امام مسجد تھے
    میاں علی اصغر طویل عرصہ دینی خدمات سرانجام دینے کے بعد وفات پا گئے
    مرحوم کی وفات پر علاقے میں گہرے رنج و غم کی فضا پھیل گئی ہے

    مرحوم اپنی نرمی، دیانت اور مسالک کے درمیان اتحاد کی کوششوں کے باعث اہلیانِ علاقہ میں انتہائی احترام کی نگاہ سے دیکھے جاتے تھے
    ان کی نمازِ جنازہ آج صبح دس بجے مقامی قبرستان میں ادا کی جائے گی جس میں بڑی تعداد میں شہریوں، علما اور شاگردوں کی شرکت متوقع ہے

  • باپ کو آگ لگا کر جلانے والے بیٹے کو گرفتار کر لیا گیا

    باپ کو آگ لگا کر جلانے والے بیٹے کو گرفتار کر لیا گیا

    قصور
    باپ کو آگ لگانے والے بیٹے کو گرفتار کر لیا گیا

    تفصیلات کے مطابق قصور میں انسانیت سوز واقعہ میں والد کو آگ لگانے والا درندہ صفت بیٹے کو گرفتار کرلیا گیا
    ڈی پی او محمد عیسیٰ خان کی ہدایت پر تھانہ اے ڈویژن پولیس نے بروقت کارروائی کرتے ہوئے ملزم خالد کو حراست میں لے لیا
    شاہ عنایت کالونی کھارا روڈ قصور کے رہائشی ملزم خالد نے گزشتہ دن نشہ کے لئے والد امین سے رقم مانگی تاہم انکار پر باپ کو تشدد کا نشانہ بنایا اور کپڑوں کو آگ لگا دی
    اس واقعہ میں ملزم کا والد امین بری طرح جھلس گیا تھا جسے فوری طور پر ہسپتال منتقل کر دیا گیا
    پولیس نے امین کے داماد کی مدعیت میں مقدمہ درج کر کے تفتیش شروع کر دی ہے
    ڈی ایس پی سٹی سیف اللہ بھٹی کے مطابق ملزم نفسیاتی اور ذہنی مریض ہے تاہم اسے قانون کے مطابق قرار واقعی سزا دلائی جائے گی

  • قصور: پیرا فورس کا کریک ڈاؤن، ناپ تول میں ہیراپھیری پر پٹرول پمپس کو 2 لاکھ 2 ہزار جرمانہ

    قصور: پیرا فورس کا کریک ڈاؤن، ناپ تول میں ہیراپھیری پر پٹرول پمپس کو 2 لاکھ 2 ہزار جرمانہ

    قصور (باغی ٹی وی،ڈسٹرکٹ رپورٹرطارق نویدسندھو)ڈپٹی کمشنر عمران علی کی ہدایت پر سب ڈویژنل انفورسمنٹ آفیسر پیرا فورس غضنفر نوید کی زیر نگرانی پٹرولیم مصنوعات کے ناپ تول میں ہیراپھیری کرنے والے پٹرول پمپس کے خلاف بھرپور کارروائیاں جاری ہیں۔

    تفصیلات کے مطابق پیرا فورس ٹیم نے مین دیپالپور روڈ سمیت مختلف علاقوں میں اچانک چھاپے مارے۔ دورانِ چیکنگ متعدد پٹرول پمپس پر ناپ تول کے پیمانوں میں کمی بیشی اور پیمائش میں دھوکہ دہی پکڑی گئی۔ موقع پر کارروائی کرتے ہوئے دو لاکھ دو ہزار روپے جرمانہ عائد کیا گیا۔

    سب ڈویژنل انفورسمنٹ آفیسر غضنفر نوید نے موقع پر گفتگو کرتے ہوئے کہا کہ پٹرول پمپس کے پیمانوں میں ہیراپھیری کسی صورت برداشت نہیں کی جائے گی۔ عوام کو ان کے پیسوں کے عوض درست مقدار میں ایندھن کی فراہمی یقینی بنانا انتظامیہ کی ذمہ داری ہے۔

    انہوں نے مزید کہا کہ مقدار میں کمی کرنے والے عناصر کے خلاف سخت قانونی کارروائی عمل میں لائی جائے گی اور آئندہ کسی بھی خلاف ورزی پر پٹرول پمپس کو سیل کرنے سے گریز نہیں کیا جائے گا۔

    پیرا فورس کی کارروائیوں سے عوامی حلقوں نے اطمینان کا اظہار کیا ہے اور مطالبہ کیا ہے کہ ایسے آپریشنز کو تسلسل کے ساتھ جاری رکھا جائے تاکہ ناپ تول میں فراڈ کرنے والے مافیا کا مکمل خاتمہ ممکن بنایا جا سکے۔

  • پنجاب فوڈ اتھارٹی کا بڑا ایکشن، مصطفیٰ آباد میں زہریلا دودھ تیار کرنے والا ملزم گرفتار، 800 لیٹر مضرِ صحت دودھ تلف

    پنجاب فوڈ اتھارٹی کا بڑا ایکشن، مصطفیٰ آباد میں زہریلا دودھ تیار کرنے والا ملزم گرفتار، 800 لیٹر مضرِ صحت دودھ تلف

    قصور ( باغی ٹی وی،ڈسٹرکٹ رپورٹرطارق نویدسندھو)وزیر اعلیٰ پنجاب مریم نواز شریف، ڈائریکٹر جنرل فوڈ اتھارٹی محمد عاصم جاوید اور ڈپٹی کمشنر قصور عمران علی کی خصوصی ہدایات پر ڈپٹی ڈائریکٹر آپریشنز باقر رسول انور کی زیر نگرانی پنجاب فوڈ اتھارٹی کی سیفٹی ٹیموں نے ملاوٹ مافیا کے خلاف بھرپور کارروائی کرتے ہوئے مصطفیٰ آباد کے علاقے میں فیضان ملک یونٹ پر چھاپہ مار کر 800 لیٹر زہریلا دودھ موقع پر تلف کردیا۔

    ترجمان فوڈ اتھارٹی کے مطابق دورانِ کارروائی کیمیکلز ملا کر دودھ تیار کرنے والا ملزم رنگے ہاتھوں گرفتار ہوا۔ موقع سے دودھ والی گاڑی، دودھ تیار کرنے والا سامان اور دیگر کیمیکل مواد قبضہ میں لے کر ملزم کے خلاف مقدمہ درج کروا دیا گیا اور اسے پولیس کے حوالے کر دیا گیا۔

    ابتدائی تحقیقات کے مطابق ملزم پانی، گھی، پاوڈر اور کیمیکل ملا کر دودھ جیسا سفید گاڑھا محلول تیار کرتا تھا جو لاہور سمیت دیگر شہروں میں سپلائی کیا جاتا تھا۔ اس غیرمعیاری اور مضرِ صحت دودھ سے شہریوں کی صحت کو شدید خطرات لاحق ہوسکتے تھے۔

    ڈپٹی ڈائریکٹر آپریشنز باقر رسول انور نے کہا کہ عوام کو صاف ستھری، معیاری اور صحت بخش خوراک کی فراہمی پنجاب فوڈ اتھارٹی کی اولین ترجیح ہے۔ انہوں نے واضح کیا کہ صحت دشمن عناصر کے خلاف زیرو ٹالرنس پالیسی جاری رہے گی، اور کسی بھی قیمت پر عوام کی زندگیوں سے کھیلنے کی اجازت نہیں دی جائے گی۔

    انہوں نے عوام سے اپیل کی کہ ملاوٹ مافیا کے خلاف شکایات فوری طور پر پنجاب فوڈ اتھارٹی کے فیس بک پیج یا ٹال فری نمبر 1223 پر درج کروائیں تاکہ معاشرے کو زہریلی خوراک سے پاک بنایا جا سکے۔

  • دھوپ میں پرچی کاؤنٹر پر مریضوں کی لمبی لائنیں ،سخت پریشانی،نوٹس کی اپیل

    قصور
    ڈی ایچ کیو ہسپتال کی او پی ڈی میں عوام کا امتحان،لائنیں،دھوپ،گھنٹوں انتظار

    تفصیلات کے مطابق قصور کے ڈسٹرکٹ ہیڈکوارٹر ہسپتال المعروف بابا بلہے شاہ ہسپتال میں او پی ڈی کا حال اب لوگوں کے صبر کا امتحان بن چکا ہے
    دھوپ میں گھنٹوں انتظار کرتے مریض، بزرگ، خواتین اور بچے سب بے بسی کی تصویر بنے نظر آتے ہیں
    لمبی لائنوں سے لوگ اکتا جاتے ہیں خاص کر وہ مریض جن کے ساتھ کوئی آنے والا نہیں ہوتا

    لوگوں کا کہنا ہے کہ ہم وہ لوگ ہیں جو ٹیکس دے کر اس نظام کو چلاتے ہیں مگر لگتا ہے نظام ہی ہم پر مسلط ہے
    عوام کا سوال یہ ہے کہ کیا عزت اور سہولت سے علاج ہمارا بنیادی حق نہیں؟
    شہریوں کا کہنا ہے کہ قصور کے شہریوں کو اب آواز اٹھانا ہو گی کیونکہ یہ ہسپتال ہمارے پیسوں سے چلتا ہے کسی کی احسان مندی پر نہیں
    گورنمنٹ دھوپ سے بچاؤ کا انتظام کرے اور پرچی کاؤنٹر بڑھائے تاہم مریض اور لواحقین عزت سے دوائی لے سکیں

  • قصور: پولیس کی بڑی کارروائی، بدنام زمانہ منشیات فروش گرفتار

    قصور: پولیس کی بڑی کارروائی، بدنام زمانہ منشیات فروش گرفتار

    تھانہ سٹی پتوکی پولیس نے منشیات فروشوں کے خلاف ایک اور بڑی کارروائی کرتے ہوئے لاکھوں روپے مالیت کی ایک کلوگرام آئس برآمد کرلی۔ کارروائی ایس ایچ او آصف نذیر کی سربراہی میں کی گئی، جس کے دوران بدنام زمانہ منشیات فروش سلیم عرف ساجد شیخ کو گرفتار کیا گیا۔

    پولیس کے مطابق ملزم سلیم عرف ساجد پتوکی اور گردونواح میں نوجوان نسل کو آئس کے زہریلے نشے کی لت میں مبتلا کر رہا تھا، جس کے باعث علاقے میں نشے کی لعنت تیزی سے پھیل رہی تھی۔ پولیس نے خفیہ اطلاع پر چھاپہ مار کر ملزم کو حراست میں لیا اور اس کے قبضے سے ایک کلوگرام آئس برآمد کی جس کی مالیت لاکھوں روپے بتائی جاتی ہے۔ملزم کے خلاف امتناعِ منشیات ایکٹ کے تحت مقدمہ درج کرلیا گیا ہے، جبکہ مزید تفتیش جاری ہے تاکہ اس کے دیگر ساتھیوں کا بھی سراغ لگایا جا سکے۔

    ڈی ایس پی سجاد اکبر نے اس موقع پر گفتگو کرتے ہوئے کہا کہ پتوکی کو منشیات فروشوں سے پاک کرنے کے لیے پولیس ہر ممکن اقدامات کر رہی ہے۔ انہوں نے واضح کیا کہ آئندہ کسی بھی صورت میں منشیات کے کاروبار کو برداشت نہیں کیا جائے گا اور ایسے عناصر کے خلاف آہنی ہاتھوں سے نمٹا جائے گا۔پولیس حکام کے مطابق علاقے میں آئس اور دیگر منشیات کے خلاف خصوصی مہم جاری ہے، جس کے مثبت نتائج جلد سامنے آئیں گے۔

  • قصور، کروڑوں روپے کی معدنیات چوری

    قصور، کروڑوں روپے کی معدنیات چوری

    قصور تھانہ صدر کے علاقے میں معدنیات گھسوں چوری کا سلسلہ عروج پر کوئی پوچھنے والا نہیں کروڑوں روپے کی معدنیات چوری کرلی گئی

    قصور سہارہ روڈ فیض شاہ دربار کے پاس سے رات کے اس پہر گھسو چوری کیا جارہا ہے ، یہ علاقہ محکمہ معدنیات کی لیز کردہ زون سے بھی باہر ہے لیکن چوری دھڑلے سے جاری ہے،تھانہ صدر پولیس ان کو روکنے میں مکمل ناکام ہے جبکہ ذرائع کے مطابق اعلی افسران حصہ دار ہیں ،محکمہ معدنیات کی ملی بھگت سے ٹھیکدار غیر قانونی طور پر عرصہ دراز سے رات کے وقت گھسو نکال رہا ہے،عوامی حلقوں نے کہا ہے کہ ڈی پی او قصور عیسیٰ سکھیرا ڈی سی قصور عمران علی اور وزیر اعلیٰ پنجاب آئی جی پنجاب نوٹس لیکر غیر قانونی فعل بند کروائیں ،مقامی لوگوں نے کہا یہ مکمل غیر قانونی ہے ان کے پاس کوئی پرمٹ نہیں ہے اگر نا روکا گیا تو کچہری چوک میں احتجاج کریں گے.