Category: قصور

قصور
گورنمنٹ کے آرڈر کے باوجود ادویات مہنگی ادویات ساز کمپنیاں بے لگام گورنمنٹ بے بس عوام پریشان
تفصیلات کے مطابق رواں گورنمنٹ کے دور حکومت میں سب سے زیادہ مہنگی ادویات ہوئی ہیں تقریبا 200 سے 250 فیصد تک ادویات رواں دور حکومت میں مہنگی ہوئی جس پر گورنمنٹ نے ادویات ساز کمپنیوں کو تنبیہہ بھی کی مگر گورنمنٹ کی بات ان سنی کرکے ادویات ساز کمپنیاں پھر قیمتیں بڑھا رہی ہیں جس سے غریب عوام کی پہنچ سے ادویات دور ہو رہی ہیں اور اس کے علاوہ ادویات کی بلیک مارکیٹنگ کرکے فروخت کا سلسلہ بھی جاری ہے جس سے شہری سخت پریشان ہیں
لوگوں نے وزیراعظم,وزیراعلی اور ڈرگ کنٹرول اتھارٹی سے ادویات کی قیمتوں میں اضافہ رکوانے کی استدعا کی ہے

قصور
پولیس کا کمانڈر اپنے فرائض منصبی میں کبھی کوتاہی نہیں کرتا تو عملہ بھی اپنے کمانڈر کا سر اسی طرح فخر سے بلند کرتے ہیں ڈی پی او قصور زاہد نواز مروت
گزشتہ رات بارش میں خود ڈی پی او قصور شہر میں گشت کرتے رہے قصور پولیس کے جوان بھی آندھی طوفان اور بارش کی پرواہ کئے بغیر قرنطینہ سنٹر قصور کے باہر طوفانی بارش کے سامنے سسیہ پلائی دیوار اور چٹان کی طرح اپنی ڈیوٹی سر انجام دیتے رہے اس پر ڈی او قصور نے کہا کہ ان پولیس کے جوانوں کو میرا سلام ہے آپ کی عوام کے لیے خدمات لگن محنت اور محبت کو بھی سلام آپ قصور پولیس کا مان ہو جس پر جتنا بھی فخر کیا جائے کم ہے اور آپ پنجاب پولیس کے چمکتا ستارہ ہو اللہ آپ کو مزید ترقیاں دے کیونکہ آپ ہمارے لیے جاگ رہے ہیں اور ہم بے فکر ہو کر اپنے گھروں میں آرام کی نیند سو رہے ہیں

قصور
کل رات سے بجلی غائب گھروں میں مقید لوگ مذید پریشان محکمہ واپڈا کا حصول رشوت کی طرف دھیان
تفصیلات کے مطابق کل رات 9 بجے سے قصور و قرب و جوار کے علاقوں میں تیز ہوا چلنے اور ہلکی ہلکی بارش آنے کے ساتھ ہی بجلی غائب ہو گئی ہے جو کہ تاحال غائب ہی ہے کچھ علاقوں میں چند لمحوں کیلئے بجلی آئی مگر پھر غائب ہو گئی جس سے گھروں میں مقید لوگوں کی مشکلات میں مذید اضافہ ہو گیا ہے لوگوں نے بار بار ہاتھ دھونے کیلئے پانی کا استعمال کرنا ہے جو کہ بجلی نا ہونے کی بدولت میسر نہیں اوپر سے موسم بھی گرم ہوچکا ہے اور پنکھے چلانے کی بھی ضرورت پیش آ رہی ہے
شہریوں نے ایس ایس قصور سے مطالبہ کیا ہے کہ واپڈا اہلکاران کے نمبرز یاں تو بند رہتے ہیں اگر ملتے بھی ہیں تو کوئی کال اٹھانے کی زحمت گوارہ نہیں کرتا جس کی وجہ واپڈا اہلکاران میں بغیر رشوت کوئی کام نا کرنے کی عادت ہے لہذہ ان کی عادت کو بدلوا کر شہر و قرب وجوار کے علاقوں کی بجلی بحال کی جائے

قصور
احساس پروگرام کی رقم خواتین سے ہتھیانے والے دو مزید ملزمان کو گرفتار کر لیا گیا
تفصیلات کے مطابق احساس پروگرام مرکز گورنمنٹ ڈگری کالج فار بوائز میں موجود دو ریٹیلرز سلیم اور تنویر نے خاتون کے اکاؤنٹ کی کل رقم بقایا جات سمیت مبلغ 21 ہزار بائیو میٹرک مشین کے ذریعے نکال لی اور 12 ہزار خاتون کے حوالے کئے اور 9 ہزار روپے دھوکہ دہی سے ہتھیا لیے جس پر ایس ایچ او اے ڈویژن وحید عارف نے دونوں ملزمان کے قبضہ سے خاتون کی رقم 9 ہزار روپے برآمد کر کے متاثرہ خاتون کے حوالے کر دی جبکہ دونوں ملزمان کے خلاف مقدمہ درج کر کے حوالات میں بند کر دیا ہے یاد رہے قصور پولیس نے گزشتہ چار روز کے دوران ضلع بھر میں احساس پروگرام مراکز پر دھوکہ دہی کرنے والے 16 ملزمان کو حراست لیکر مقدمات درج کیے گئے ہیں.

قصور
پولیس چوکی لاری اڈہ کے انچارج اللہ وسایا نے دفعہ 144 کی خلاف ورزی کرنے پر انجمن تاجران نیا بازار کے درجنوں تاجروں کو گرفتار کر لیا اور ایف آئی آر بھی درج کر دی
تفصیلات کے مطابق ڈی پی او قصور زاہد نواز مروت کی خصوصی ہدایت پر عمل کرتے ہوئے تھانہ اے ڈویژن پولیس چوکی نمبر 1 لاری اڈہ قصور کے انچارج اللہ وسایا نے انجمن تاجران نیا بازار کے درجنوں تاجروں کو گرفتار کر لیا زیر حراست تاجران دفعہ 144 کی خلاف ورزی کرتے ہوئے اپنی دکانیں کھول کر کاروبار میں مصروف تھے اور دکانوں پر رش لگا کر بیٹھے تھے پولیس ان کو پہلے بھی تنبیہہ کر چکی تھی مگر تاجران باز نا آئے تو پولیس نے کاروائی کی