Category: قصور

قصور
تھانہ الہ آباد کی حدود میں گاؤں بونگی کلیاں کا رہائشی پچاس سالہ بزرگ تاندلیانوالہ کا شحض جعلی پولیس مقابلے کی نذر
تفصیلات کے مطابق پولیس مقابلہ میں جان بحق ہونے والے کو پولیس تھانہ تاندلیانوالہ نے دو روز قبل گھر سے گرفتار کیا تھا اور ڈکیتی کا جھوٹا وقوعہ بنا کر قتل کر دیا
مقتول اقبال کے ورثاء کا پولیس تھانہ تاندالیانوالہ کے خلاف شدید احتجاج، اور وزیر اعلی پنجاب اور آئی جی پنجاب سے نوٹس لینے کا مطالبہ

قصور
کرونا کا عذاب آیا لوگ ڈر گئے رشوت و جرائم سے توبہ کرنے لگے مگر لیسکو قصور سرعام رشوت لینے لگی ڈی سی قصور و ایس ایس لیسکو قصور بے خبر
تفصیلات کے مطابق ضلع قصور کے سب سے بڑے اور سب سے قریبی گاؤں کھارا میں دو روز سے محلہ ملکاں والا میں ٹرانسفارمر خراب تھا جس پر لوگوں نے لیسکو سب ڈویژن بہادر پورہ قصور کا آگاہ کیا تو بجائے ٹرانسفارمر ٹھیک کرنے کے ایس ڈی او و لائن مین نے ہیلے بہانے شروع کر دیئے اور دو دن بعد آج لوگوں کی جانب سے پیسے
اکٹھے کرکے دینے پر ٹرانسفارمر کی مرمت کا کام شروع کیا گیا ہے لوگوں نے نمائندہ باغی ٹی وی سے گفتگو کرتے ہوئے بتایا کہ سارے گاؤں میں جب بھی کوئی ٹرانسفارمر خراب ہوتا ہے یاں کوئی اور مسئلہ بنتا ہے تو ایس ڈی او سب ڈویژن بہادر پورہ اور لائن مین بغیر پیسوں کے کام نہیں کرتے لہذہ اس راشی ایس ڈی او اور لائن مین کو فوری نوکری سے فارغ کیا جائے جو مشکل کی اس گھڑی میں بھی رشوت لینے سے باز نہیں آئے جبکہ لوگ لاک ڈاؤن کی بدولت اپنے روزگار سے محروم ہو چکے ہیں شاید ان افسران کو اللہ کا خوف نہیں

قصور
احساس پروگرام کے تحت لوگوں میں رقم کی تقسیم کیلئے ایس ایم ایس آنا شروع ہو گئے مگر لوگوں کو پیسے ملینگے کہاں سے یہ نا بتایا
تفصیلات کے مطابق لاک ڈاؤن کے باعث گورنمنٹ کی طرف سے دیہاڑی دار مزدور طبقے کیلئے احساس پروگرام کے تحت مبلغ 12000 روپیہ دینے کا اعلان کیا گیا تھا جس کے حصول کیلئے لوگوں نے ایس ایم ایس کئے کچھ لوگوں کی جانچ پڑتال مکمل ہونے کے بعد جوابی ایس ایم ایس آ چکے ہیں مگر ان کو پتہ ہی نہیں کہ انہوں نے جانا کس مرکز پر ہے اور ان کے نزدیک ترین احساس مرکز کونسا ہے کی بدولت لوگوں کو سخت پریشانی کا سامنا ہے لوگوں کا کہنا ہے کہ کئی دن ہو چکے لاک ڈاؤن ہوئے ہمارے پاس کھانے پینے کو کچھ نہیں لہذہ جلد سے جلد ہمیں پیسے دے تاکہ ہم اپنا اور اپنے بچوں کا پیٹ بھرنے کیلئے سامان خرید سکیں نیز چھوٹے گاؤں دیہات میں بھی احساس پروگرام مراکز بنائے جائیں تاکہ لوگوں کو رقم لینے میں دشواری کا سامنا نا کرنا پڑے کیونکہ پبلک ٹرانسپورٹ بند ہے اور ہر غریب کے پاس موٹر سائیکل بھی نہیں

قصور
پتوکی میں 16 سالہ بچہ عدیل گھر سے لاپتہ بچے کے والد نے تھانہ میں درخواست دے دی اغواء کا خدشہ
تفصیلات کے مطابق پتوکی ہلہ روڈ بکر منڈی کے رہائشی تاجر محمد عارف کا 16 سالہ بیٹا گھر کے باہر نکلا جو واپس گھر نہیں آیا جس پر پریشان والدین کو تشویش ہوئی تو انہوں نے مقدمہ اندراج کیلئے تھانہ سٹی پتوکی میں درخواست دے دی
پولیس نے مقدمہ درج کر لیا ہے تاہم ابھی تک بچے کا کوئی سراغ نہ مل سکا خدشہ ہے کہ بچے کو اغواء کیا گیا ہے

قصور
الہ آباد کے علاقے میں دو دن سے بجلی غائب لوگ پریشان
تفصیلات کے مطابق گزشتہ دنوں کوٹ سردار سلیم حیدر کےقریب آلو سے لوڈ مزدا کھمبے سے ٹکرانے پر دو کھمبے موقع پر ٹوٹ گئے تھے اور ٹرانسفارمر کو بھی شدید نقصان پہنچا تھا مگر 48 گھنٹے گزرنے کے باوجود بھی بجلی ٹھیک نہ ہوسکی ہے لوگوں کیلئے پانی نایاب ہو کر رہ گیا ہے جبکہ گرمی سے بچے بلبلا اٹھے، لوگوں کے جانور بھی پیاسے مرنے لگے، اعلی حکام فوری نوٹس لیں اور لوگوں کا مسئلہ حل کروائیں
دوسری طرف واپڈا والوں نے ڈالہ کے مالک سے بھی ہزاروں روپے بٹورے تھے، واپڈا والوں نے اپنے ذاتی فون نمبرز بھی بند کرلئے
اہل علاقہ کے مطابق واپڈا ملازمین کسی نذرانے کےمنتظر ہیں

قصور
احساس کفالت پروگرام میں تحصیل چونیاں کے سادہ لوح لوگوں کے ساتھ نوسر بازی کرنے پر ضلعی انتظامیہ قصور کا سخت ایکشن
اے سی چونیاں عدنان بدر کی کاروائی احساس کفالت پروگرام میں لوٹ مار کرنے والا گینگ کو گرفتار
تفصیلات کے مطابق سادہ لوح خواتین سے احساس کفالت پروگرام کی رقم دلوانے کے لئے انگوٹھا سکیننگ کروائی جا رہی تھی لیکن بتایا جا رہا تھا کہ رقم نہیں ہے اس
فراڈ کرنے والے دو گروپوں کو حراست میں لے لیا گیا ہے ایک گروپ مافیا الہ آباد امدادی سنٹر اور دوسرے گروہ کو ایچ بی ایل اے ٹی ایم الہ آباد سے گرفتار کیا گیا دونوں گروپ مافیا سے مجموعی طور پر 1 لاکھ 29 ہزار روپے برآمد کر لئے گئے ہیں
اسسٹنٹ کمشنر چونیاں عدنان بدر نے برآمد کی گئی رقم کو خواتین میں واپس لوٹا دیا گیا ہے جس پر خواتین نے اے سی چونیاں کو ڈھیروں دعائیں دیں

قصور بائی پاس پر گندگی کے ڈھیر میونسپل کارپوریشن ویسٹ بائی پاس پر جمع کرنے لگا پورے علاقے میں تعفن اور بدبو کا راج گزرنے والے بھی سخت پریشان
تفصیلات کے مطابق میونسپل کارپوریشن قصور نے قصور بائی پاس پر بھسر پورہ جانے والے راستے پر خالی جگہ میں ویسٹ جمع کرنا شروع کر دی ہے جس سے کچرے کے پہاڑ لگ گئے ہیں کافی عرصے سے اس کچرے کو اٹھایا بھی نہیں گیا جس کی بدولت تعفن اور بدبو دور دور تک پھیل گئی ہے بائی پاس سے گزرنے والوں کو بھی بدبو کی بدولت سخت کوفت اٹھانا پڑتی ہے حالانکہ کرونا وائرس کی وباء سے نمٹنے کیلئے ساری دنیا میں گندگی کو ختم کرکے صفائی کی جا رہی ہے مگر قصور انتظامیہ مذید گندگی کو جمع کر رہی ہے اس گندگی سے علاقہ مکین تو پریشان ہیں ہی مگر اس سے ڈینگی،گلے و سانس کی بیماریوں کے بڑھنے کا بھی خدشہ ہے
ڈی سی قصور نوٹس لیتے ہوئے اس گندگی کے ڈھیر کو ٹھکانے لگوائیں تاکہ لوگ بیماریوں سے محفوظ رہ سکیں

قصور
کنگن پور کے تاجر کی ڈی پی او سے انصاف کی اپیل
تفصیلات کے مطابق ڈسٹرکٹ پولیس آفیسر قصور سے انصاف کی اپیل کرتے ہوئے کنگن پور کے شریف شہری و مقامی تاجر حاجی چوہدری کاشف علی نے ڈسٹرکٹ پولیس آفیسر جناب زاہد نواز مروت سے اپیل کی ہے کہ گزشتہ روز پولیس تھانہ کنگن پور کے ملازمین نے دفعہ 144 کے تحت ناجائز مقدمہ درج کر دیا انہوں نے کہا کہ جن دکانداروں کو پولیس نے پکڑا تھا پیسے لیکر چھوڑ دیا ہماری بند دکانیں اور گھر میں بیٹھے ہوئے لوگوں کی ایف آئی آر درج کردی گئی ہے کیونکہ ہم۔نے رشوت نہیں دی اس لئے ہمیں ڈسٹرکٹ پولیس آفیسر زاہد نواز مروت صاحب انصاف دلوائیں اور ہم پر ناجائز جھوٹا مقدمہ فوری طور پر خارج کیا جائے