Category: قصور

دیگر شہروں کی طرح کوٹ رادھاکشن میں بھی سردی کی شدت کے ساتھ ہی سوئی گیس کی لوڈشیڈنگ شروع شہری سراپا احتجاج

ؑ دیگر شہروں کی طرح کوٹ رادھاکشن میں بھی سردی میں اضافہ ہونے کے باعث سوئی گیس کی غیر اعلانیہ لوڈ شیڈنگ کا سلسلہ بدستور جاری جس سے عام آدمی کی مشکلات میں اضافہ ہوگیا ہے گھریلوں خواتین کھانے بنانے میں پریشان گیس پریشر میں کمی کے باعث ہوٹلوں والوں کی چاندی ہو گئی ہے کوٹ رادھاکشن شہری سراپا احتجاج اور حکام سے مطالبہ کرتے ہوئے کہنا تھا کہ کئی دنوں سے سوئی گیس کی غیر اعلانیہ لوڈ شیڈنگ کی وجہ سے معمولات زندگی شدید متاثر ہو رہی ہے گھروں کے چولہے ٹھنڈے پڑے ہیں اور مہنگائی کے اس دور میں اپنے بچوں کا پیٹ بھرنے کیلے ہوٹلوں سے کھانا خریدنا پڑ رہاہے اور ہمارا
شہریوں کا اعلی حکام سے سوئی گیس کی لوڈشیڈنگ ختم کرنے کا مطالبہ ہے

قصور
پیٹرلنگ پولیس چک ڈیڈھا اپنی چوکی تک محدود صرف دوپہر کے وقت سڑک پر لوگوں کو رسم منہ دکھلائی کروائی جاتی ہے سرشام سے ساری رات تک آرام
تفصیلات کے مطابق پنجاب ہائی وے پیٹرولنگ پولیس کہ جس کا کام صرف سڑکوں پر گشت کرنا ہے تاکہ سڑک پر سفر کرنے والوں لوگوں کی حادثات و جرائم کی صورت میں مدد کی جا سکے تاکہ لوگ عدم تحفظ کا شکار نا ہو مگر قصور پیٹرولنگ سکواڈ کی چوکی چک ڈیڈھا نے چوکی سے باہر آنا عرصہ دراز سے چھوڑ رکھا ہے اس چوکی کی حدود چک ڈیڈھا تا ہارون الرشید چیک پوسٹ کھارا موڑ قصور تک ہے مگر عجیب طور پر اس پوسٹ کے اہلکاران اپنی گاڑی سمیت دن کی روشنی میں نکلتے ہیں اور راستے میں قائم پیٹرول پمپوں پر رک کر ناکہ لگا کر لوگوں کے ہیلمٹ وغیرہ چیک کرکے اپنی موجودگی کا احساس دلواتے ہیں مگر افسوس کے شام سے کچھ دیر قبل ہی سڑک سے غائب ہو جاتے ہیں عرصہ دراز سے ان شیر بہادروں کو شام سے لیکر رات گئے تک سڑک پر پیٹرولنگ کرتے نہیں دیکھا گیا حالانکہ تھانہ راجہ جھنگ و ہارون الرشید چیک پوسٹ کھارا موڑ کی گاڑیاں پیٹرولنگ کرتی ہیں مگر شاید چک ڈیڈھا چوکی کو خاص رعایت حاصل ہے یاں پھر چوکی کے شیر جوانوں کو اندھیرے سے ڈر لگتا ہے سڑک پر سفر کرنے والے شہریوں کا کہنا ہے کہ ڈی پی او قصور اور ڈی ایس پی پیٹرولنگ نوٹس لیتے ہوئے چک ڈیڈھا چوکی کے شیر جوانوں کو رات کی تاریکی میں گشت کرنے کے احکامات صادر فرمائیں تاکہ لوگ عدم تحفظ کا شکار نا ہو

قصور کوٹ رادھاکشن
(چوہدری طارق اقبال)
جب تحصیل کوٹرادھا کشن کی آبادی 3 لاکھ 60 ہزار اور پولیس کانسٹیبل 34 ہوں تو پھر ڈاکوؤں کی موجیں تو لگیں گی ہی ۔اوپر سے ڈاکوؤں کو پکڑنے کے لئے صرف 3 ناکارہ گاڑیاں ہوں گی تو ڈاکے تو پڑیں گے۔جی ہاں آج کل کوٹرادہاکشن کے شہریوں کو کچھ اسی طرح کے حالات کا سامنا ہے

تفصیلات کے مطابق

تحصیل کوٹرادہاکشن کے بدنصیب شہری پچھلے ایک ماہ سے ڈاکووں کے رحم و کرم پر ہیں۔ شہر بھر میں پچھلے ایک ہفتے میں مختلف دکانوں ۔گھروں اور بڑے ڈیپارٹمنٹل سٹورز پر ڈکیتی کی 8 اور شہریوں کے ساتھ مختلف جگہوں پر راہزنی کی 13 وارداتیں ہوئیں جس سے غریب عوام نقدی ۔موٹر سائیکلز ,موبائل فونز اور دیگر قیمتی سامان سے محروم ہوۓ ہیں ۔ڈکیتی کی بڑھتی ہو ئی وارداتوں سے عوام میں عدم تحفظ پیدا ہو گیا ہے۔ ذرائع کے مطابق اس وقت تحصیل کوٹرادہاکشن میں شہری آبادی 84906 اور دیہی آبادی275424 ہے جو کل آبادی3 لاکھ 60 ہزار کے قریب ہے جبکہ اتنی بڑی آبادی کی حفاظت کے لیے ایک تھانہ اور پانچ چوکیاں ہیں جن میں 34 پولیس کانسٹیبل اور 7 ASi مامور ہیں بات صرف یہاں پر ختم نہیں ہوتی مجرموں کو پکڑنے کے لئے پولیس کے پاس صرف 3 گاڑیاں فعال ہیں جبکہ 3 گاڑیاں منٹیننس کے لیے بھیجی ہوئی ہیں جو کہ محکمہ پولیس کی بے بسی کا منہ بولتا ثبوت ہیں ۔ علاقہ ایس ایچ او نے بڑھتی ہوئی وارداتوں کا سارا ملبہ حکومت پر ڈالتے ہوئے سہولیات کی کمی اور نفری نہ ہونے کا اپنا دکھڑا سنا دیا

عوام کے جان اور مال کا تحفظ ریاست کی ﺫمہ داری ہوتی ہے مگر جب حکومتی نمائندے پروٹوکول کی شکل میں پولیس ملازمین اور دوسری سہولیات کو اپنی حفاظت کے لئے مختص کردیں تو پھر عوام

قصور
تھانہ کنگن پور پولیس کی منشیات فروشوں کے خلاف بڑی کاروائی
تفصیلات کے مطابق ڈی پی او قصور زاہد نواز مروت کی منشیات فروشان کے خلاف چلائی گئی خصوصی مہم کے تسلسل میں اضافہ
تھانہ کنگن پور پولیس نے کاروائی کرتے ہوئے ایک بدنام زمانہ سابقہ ریکارڈ یافتہ شخص محمد عارف سکنہ جمشیر کلاں کو 1300 گرام چرس کیساتھ رنگے ہاتھوں گرفتار کرکے مقدمہ درج کر لیا اہل علاقہ کا ایس ایچ او کنگن پور اور اس کی ٹیم کو منشیات فروشوں کے خلاف کارروائی کرنے پر خراج تحسین پیش کیا
ایس ایچ او تھانہ کنگن پور سید وجیہہ الحسن شاہ اور اسکی ٹیم ممبران محمد عاشق سب انسپکٹر یاسین،طفیل منشاء کانسٹبلان پر مشتمل ٹیم نے مخبر کی اطلاع پر بوڑھ والا شیلر مین عیسوی روڈ پر چھاپہ مارکر بدنام زمانہ منشیات فروش عارف جٹ ساکن جمشیر خورد کو 1300گرام چرس سمیت رنگے ہاتھوں گرفتار کر لیا ملزم عرصہ دراز سے علاقے میں منشیات بیچ رہا تھا انسپکٹر سید وجیہہ الحسن شاہ اور اسکی ٹیم کی منشیات فروشوں کے خلاف کارروائیوں پر اہل علاقے نے خوب خراجِ تحسین پیش کیا ہے ڈی پی او قصور نے بھی منشیات فروش کے خلاف کارروائی کرنے پر انسپکٹر سید وجیہہ الحسن شاہ اور اسکی ٹیم کو شاباش دی ہے

قصور الہ آباد
محکمہ ہائی وے کی اربوں روپیہ کی مالیتی جگہ قبضہ گروپوں سے واگزار کروائی جائے اے سی چونیاں سے قبضہ گروپوں کے خلاف کاروائی کی اپیل مقامی شہریوں کا مطالبہ
تفصیلات کے مطابق کنگن پور روڈ الہ آباد میں عرصہ دراز سے قبضہ گروپوں نے محکمہ ہائی وے کی اربوں روپے کی مالیتی اراضی پر عرصہ دراز سے قبضہ کر رکھا ہے جب بھی ناجائز تجاوزات کے خلاف اپریشن کیا جاتاہے انتظامیہ کے افسران نشاندھی کر دیتے ہیں کہ یہاں تک دکانیں گرائی جائیں گی لیکن بعد ازاں بھاری رشوت لے کر یا سیاسی دباؤ کی وجہ سے آپریشن کو ادھورا چھوڑ دیا جاتا ہے اب ایک بار پھر کئی دنوں سے ناجائز تجاوزات کے خلاف کلین اینڈ گرین مہم کے تحت اہریش کیا جا رہا ہے لیکن بااثر قبضہ مافیا کے خلاف ابھی تک کوئی کاروائی نہیں کی گئی ملک بھر میں سرکاری اراضی پر قابضین سے قبضے واپس کروائے جا رہے ہیں لیکن الہ آباد میں کنگن پور روڈ میں مہنگی ترین پراپرٹی کے باعث جہاں ایک ایک دکان کروڑوں روپے کی بے تمام قابضین آپس میں فنڈ اکٹھا کر کے کئی سالوں سے محکمہ ہائی وے یا تحصیل انتظامیہ کو دے کر ناجائز تجاوزات کے خلاف اپریشن رکواتے آ رہے ہیں
مقامی شہریوں نے اے سی چونیاں سے مطالبہ کیا ہے کہ سرکاری اراضی قبضہ گروپوں سے واگزار کروائی جائے تاکہ کنگن پور روڈ پر ٹریفک کی روانی متاثر نا ہو کیونکہ یہ واحد سڑک ہے جو چونیاں چھاؤنی سے کنگن پور بارڈ کو جاتی ہے جہاں پر پاک فوج اور پنجاب رینجرز کی نقل و حرکت بھی رہتی ہے مقامی شہریوں نے امید ظاہر کی ہے کہ اے سی چونیاں عوام کا درینہ مطالبہ بھی پورا کریں گے

قصور
محکمہ واپڈا کے بعد محکمہ سوئی گیس بھی لوگوں کو اللہ اللہ کا ورد کروانے لگا ساری رات سوئی گیس غائب لوگ پریشان ایل پی جی کی قیمتیں ساتویں آسمان پر
تفصیلات کے مطابق قصور میں خاص کر اندرون شہر ،کوٹ رکن دین،کوٹ بدر دین کوٹ مراد خان،موریگیٹ،شہباز خان روڈ ،کوٹ پیراں ،کوٹ اعظم خان و دیگر اندرون شہر محلوں میں دن کو تو سوئی گیس میسر ہوتی ہے مگر رات کو گیس بلکل بھیمیسر نہیں ہوتی رات 11 بجے کے بعد گیس بلکل چلی جاتی ہے اور پھر صبح 8 بجے آتی ہے مگر 9 بجے تک گیس کا پریشر انتہائی کم ہوتا ہے پھر رفتہ رفتہ پریشر بہتر ہو جاتا ہے گو کہ سارا دن گیس صارفین کو گیس ملتی تو ضرور ہے مگر پریشر کچھ کم ہی ہوتا ہے جس سے کھانا پکانے والی خاتون خانہ کو سخت پریشانی کا سامنا کرنا پڑتا ہے بعض علاقوں میں تو پریشر انتہائی کم ہے جس سے گھریلوں صارفین کیساتھ کمرشل صارفین کو سوئی گیس کے نعم البدل ایل پی جی گیس کا استعمال کرنا پڑتا ہے جو کہ انتہائی مہنگی ہے لوگ پہلے ہی واپڈا سے تنگ تھے اب سخت سردی میں محکمہ سوئی گیس بھی لوگوں کو اذیت دے رہا ہے مہنگائی سے پریشان لوگ ناشتہ بنانے کیلئے ایل پی جی کا استعمال کرنے پر مجبور ہیں

قصور
قصور سے اغواء کی گئی عورت پولیس نے لاہور سے بازیاب کروا لی
تفصیلات کے مطابق تھانہ کنگن پور پولیس نے مغویہ شمیم بی بی اور کمسن بچی کو لاہور سے بازیاب کروا لیا گیا
مغوی شمیم بی بی اور اس کی بچی کو چند دن قبل اغواء کیا گیا تھا
ڈی پی او قصور کی ایس ایچ او کنگن پور اور دیگر ملازمین کو مبارکباد
تھانہ کنگن پور میں مقدمہ نمبر 447/19 کے مطابق شمیم بی بی اور اس کی کمسن بچی روبینہ کو اغواء کر لیا گیا تھا جس پر ڈی پی او قصور کی خصوصی ہدایت پر ایس ایچ او کنگن پور سید وجیہہ الحسن اور دیگر ملازمین نے انتہائی جانفشانی اور محنت سے سائنسی بنیادوں پر ماں بیٹی کو لاہور سے برآمد کر لیا جس پر اہل علاقہ نے ایس ایچ او کنگن پور اور محرر منشی بشیر احمد پولیس چوکی شامکوٹ کو مبارکباد پیش
اور خراج تحسین پیش کیا ہے

قصور
کھڈیاں خاص میں دن دیہاڑے واردات ڈاکو بے خوف پولیس مدہوش
تفصیلات کے مطابق دن دیہاڑے ڈاکو گن پوائنٹ پر سپئر پارٹس کی دکان سے نقدی 35 ہزار اور قیمتی سامان لوٹ کر فرار
ٹھینگ موڑ کا رہائشی محمد عرفان نیا لاری اڈہ نیو پاک مدینہ آٹو کی دکان سے نامعلوم مسلح ڈاکو گن پوائنٹ پر نقدی 35 ہزار اور قیمتی سامان لوٹ کر فرار ہو گئے دن دیہاڑے کی اس واردات سے شہریوں میں سخت خوف و عدم اعتماد کی فضاء پائی گئی ہے جبکہ پولیس نے موقع پر پہنچ کر کاروائی شروع کر دی ہے

قصور
الہ آباد یونین کونسل تلونڈی کے ساتھ سوتیلی ماں جیسا سلوک کیا جا رہا ہے ماضی میں یونین کونسل کو دو خاکروب دیئے گے تھے جن سے پورے قصبے کو صاف ستھرا دیکھا جا تا تھا گلیوں بازاروں میں صفائی ستھرائی کا نظام بہتر تھا مگر بدقسمتی سے آج ان خاکروب سے یونین کونسل کو محروم کردیا گیا اہل علاقہ نے اسسٹنٹ کمشنر چونیاں اور ڈپٹی کمشنر قصور سے درخواست کی ہے کہ یونین کونسل تلونڈی میں صفائی کے نظام کو دوبارہ سے بحال کیا جائے قصبہ بھر کی گلیاں اور بازار کوڑے کرکٹ کی لپیٹ میں ہیں گندگی سے بدبو اور تعفن پھیل رہا ہے جہاں سے گزرنا بھی محال بن گیا ہے شہری محمد لطیف حیات ، محمد بوٹا ، مستری دلدار احمد ، محمد شریف و دیگر نے وزیر اعلیٰ پنجاب سے اپیل کی ہے کہ یو سی تلونڈی سے سوتیلی ماں جیسا سلوک برتنے کی بجائے اسے بنیادی سہولیات فراہم کیجائیں تاکہ خاکروبوں کو تعینات کر کے صفائی ستھرائی کا عمل دوبارہ سے بحال ہو سکے