Category: قصور

قصور
چھانگا مانگا ایس ایچ او رانا سہیل احمد کی کاروائی بدنام زمانہ منشیات فروش رنگے ہاتھوں گرفتار بھاری مقدار میں شراب بر آمد مقدمہ درج
تفصیلات کے مُطابق ڈی پی او قصور زاہد نواز مروت کی ہدایت اور ڈی ایس پی چونیاں شمس الحق دورانی کے حکم پر ایس ایچ او تھانہ چھانگا مانگا رانا سہیل احمد نے اپنی ٹیم کے ہمراہ مخبر خاص کی اطلاع پر سخت ناکہ بندی کر کے بدنام زمانہ منشیات فروش نصیر احمد سکنہ چک نمبر 17 کو رنگے ہاتھوں گرفتار کر کے اسکے قبضہ سے 23 لیٹر شراب بر آمد کر لی ملزم کے خلاف مقدمہ نمبر 614/19 درج کرکے ملزم کو سلاخوں کے پیچھے دھکیل دیا

قصور
ایڈیشنل ایس پی قصور راشد ہدایت کی تھانہ الہ آباد میں پریس کانفرنس

تفصیلات کے مطابق تھانہ الہ آباد قصور پولیس کی کاروائی اندھے قتل کا سراغ لگا کر ملزم کو گرفتار کر لیا گیا ہے
5 روز قبل الہ آباد کے ایک گھر سے عورت کی نعش ملی تھی جسے پوسٹ مارٹم کے بعد ورثا کے حوالے کر دیا گیا تھا
عورت کی شناخت یاسمین بی بی دختر اللہ بخش کے نام سے ہوئی تھی
قتل میں ملوث ملزمان کی تلاش کے لیے تمام شواہد اکٹھے کرنے کے بعد سپیشل ٹیم تشکیل دی گئی تشکیل دی گئی ٹیم نے 2 دن کے قلیل وقت میں محنت کر کے مقتولہ یاسمین بی بی کے سابقہ خاوند مختار کو گرفتار کر لیا جس نے دوران تفتیش قتل کا اعتراف کر لیا ہے
مقتولہ یاسمین بی بی کے موجودہ خاوند کی مدعیت میں ملزم کے خلاف 302 کی دفعات کے تخت مقدمہ درج کر لیا گیا ہے
گرفتار ملزم مختار نے بے دردی سے گلہ دبا کر سابقہ بیوی کو قتل کیا جس کے تمام شواہد اکٹھے کر لیے گئے ہیں ملزم سے مزید تفتیش بھی جاری ہے

قصور
انڈوں کی قیمت میں پھر اضافہ گھریلوں صارفین کے علاوہ رات کو گھر چلانے کیلئے گرم انڈے بیچنے والے غریب سخت پریشان جبکہ مرغی کے گوشت کے نرخوں میں کمی ہوئی
تفصیلات کے مطابق قصور میں انڈوں کی قیمت میں ایک بار پھر اضافہ کر دیا گیا ہے پچھلے ماہ انڈے کی قیمت 260 روپیہ فی کریٹ یعنی 30 انڈے تھی جو بڑھ کر 290 فی کریٹ کر دی گئی مگر حالیہ سردی کی لہر کے پیش نظر انڈوں کی مانگ میں اضافے کے ساتھ ہی فی کریٹ 330 روپیہ ہو گئی ہے جس سے عام گھریلوں صارفین کیساتھ رات کو گرم انڈے بیچنے والے غریب افراد کی پریشانی میں شدید اضافہ ہوا ہے کیونکہ اس نئی قیمت کے حساب سے فی انڈہ 11 روپیہ مل رہا ہے جسے ابال کر 15 روپیہ میں فروخت کیا جاتا ہے ابال کر بیچنے میں لکڑی وغیرہ کا خرچ الگ سے ہے
حالانکہ مرغی کے گوشت کی قیمتوں میں نمایا کمی واقع ہوئی ہے مگر مرغی کے انڈوں کی قیمتوں میں اضافہ کیا جا رہا ہے

قصور
کوٹ رادہاکشن مہنگائی غربت یا انتظامی کمزوری تحصیل بھر میں کرائم کی شرح میں بے تحاشہ اضافہ ہوا ہے جس شہری عدم تحفظ کا احساس کرنے لگے ہیں نا صرف تحصیل کوٹ رادہاکشن بلکہ ضلع بھر میں کرائم کی شرح میں زبردست اضافہ دیکھنے کو نظر آ رہا ہے اور شہری عدم تحفظ محسوس کرنے لگے ہیں خاص کر ڈکیتی اور چوری کے اضافے نے عوام کی نیندیں حرام کر دی ہیں جس کی بنیادی وجہ شاید بے روزگاری مہنگائی غربت یا انتظامی کمزوری ہے اور شہری حکومتی اداروں کی طرف امید لگائے بیٹھے ہیں سر شام ہی لوگ گھروں میں دبک کر بیٹھ جاتے ہیں تاہم اس کے باوجود وارداتوں کا نہ رکنے والا سلسلہ بدستور جاری ہے اگرچہ ڈی پی او قصور زاہد نواز مروت اس سلسلہ میں زبردست محنت کر رہے ہیں تاہم اس کے ابھی ثمرات واضع نظر نہیں آ رہے اس کی وجہ جرائم پیشہ افراد کے حوالے سے پولیس کا نرم رویہ بھی ہے جبکہ پولیس والوں کے مطابق عوامی سطح پر پولیس رویے کے متعلق منفی پروپگینڈے کی مہم نے پولیس مورال میں کمی واقع کی ہے ضرورت اس امر کی ہے کہ پولیس مورال کو بلند کرنے کے لیے ملازمین میں عدم تحفظ احساس کے خاتمے کے لیے حکمت عملی اپنائی جائے تاکہ وہ زیادہ محنت لگن اور دلچسپی سے جرائم کے خاتمے کے لئے اپنا کردار ادا کر سکیں

قصور
پتوکی بار کونسل کی جانب سے ہڑتال اور عدال
پنجاب بار کونسل کی کال پر پتوکی میں زبردست ہڑتال کی گئی ہے اور عدالتوں کی تالہ بندی بھی کی گئی 
اس موقع پر صدر بار ایسوسی ایشن پتوکی چوہدری محمد اشفاق نے گفتگو کرتے ہوئے کہا کہ حکومت فوری طور گرفتار کئے گئے وکلاء کو فوری رہا کرے اور انہوں نے مزید کہا کہ وکلاء کی رہائی تک ہڑتال جاری رہے گی وکلاء کی جانب سے شدید نعرے بازی کی گئی اس موقع پر نائب صدر پتوکی بار عاصم سہیل ہاشمی ،جنرل سیکرٹری کامران احمد مان ،فنانس سیکرٹری چوہدری عبدالرزاق بابر سمیت کثیر تعداد میں وکلاء موجود تھے 
جبکہ وکلاء کی ہڑتال سے سائیلین کو شدید مشکلات کا سامنا کرنا پڑ رہا ہے کئی کئی سالوں سے زیر التواء کیس مذید تاخیر کا شکار ہیں

قصور بھر اور گردونواح میں آوارہ کتوں کی بہتات
کئی لوگ کتوں کے شکار ہو گئے ضلعی انتظامیہ خواب خرگوش کے مزے لینے میں مصروف
تفصیلات کے مطابق ضلعی انتظامیہ قصور اور ٹی ایم اے کی نااہلی کی وجہ سے شہر میں آوارہ کتوں کی بہتات ہو گئی ہے جس سے آئے روز آوارہ کتے لوگوں کو کاٹ رہے ہیں صرف رواں ماہ میں کتا کاٹنے کے مریضوں میں حیرت انگیز اضافہ ہوا ہے
اب تک ڈسٹرکٹ ہیڈ کوارٹرز ہسپتال قصور میں 301 رجسٹرڈ مریضوں کو کتا کاٹنے کی ویکسین دی گئی ہے جبکہ پرائیویٹ ویکسین بہت مہنگی ہے جو کہ ہر بندہ نہیں لگوا سکتا اس لئے گورنمنٹ کی طرف سے مریضوں کو مفت ویکسین لگائی جاتی ہے

قصور
پرائیویٹ سکول و کالجز مالکان نے پنجاب گورنمنٹ کے احکامات ہوا میں اڑا دیئے بچوں کو چھٹیاں نہیں دیں بلکہ بچوں کو بغیر یونیفارم کے سکول آنے کا پابند کر دیا
تفصیلات کے مطابق گورنمنٹ کی طرف سے 20 دسمبر سے 5 جنوری 2020 تک بچوں کو سکول سے چھٹیاں ہیں جس کا باقاعدہ نوٹیفیکیشن جاری کرکے تمام سرکاری و نجی سکولوں کو پابند کیا گیا مگر قصور اور گردونواح میں قائم چند ایک نجی سکول و کالجز نے گورنمنٹ کے حکم کو یکسر نظر انداز کر دیا ہے اور مذید ظلم کی انتہا کہ کچھ پرائیویٹ سکول تو بچوں کے باقاعدہ سالانہ امتحانات بھی لے رہے ہیں قانونی اور کاروائی سے بچنے کیلئے سکول و کالجز مالکان نے بچوں کو سخت احکامات دیئے ہیں کہ سکول و کالجز لازمی آئیں مگر بغیر یونیفارم کے آئیں تاکہ کسی بھی قسم کے چھاپے کی صورت میں ٹیوشن کا بہانہ بنا کر قانونی کاروائی سے بچا جا سکے
گورنمنٹ نے سخت سردی و دھند کی بدولت چھٹیاں دی ہیں تاکہ بچے موسمی اثرات سے بچ سکیں اور ان کی صحت پر برے اثرات نا پڑیں مگر ہوس اور رینکنگ کے مارے پرائیوٹ سکول و کالجز نے بچوں کی جسمانی و دماغی صحت کو داءو پر لگا رکھا ہے
بچوں کے والدین نے ایسے سکول و کالجز مالکان کے خلاف سخت سے سخت قانونی کاروائی کا مطالبہ کیا ہے اور کہا ہے کہ اگر ہم بچے پڑھنے نہیں بیجھتے تو ہمیں دھمکی دی جاتی ہے کہ آپ کے بچوں کو سکول و کالجز سے نکال دیا جائے گا
لہذہ وزیر تعلیم و وزیر اعلی پنجاب نوٹس لے کر ڈی سی و تحصیلوں کے اے سی صاحبان کو حکم دیں کے ایسے لوگوں کے خلاف سخت سے سخت کاروائی کی جائے

قصور
کوٹ رادھاکشن روڈ شدید ٹوٹ پھوٹ کا شکار سڑک پر گڑھے مورچوں کا منظر پیش کرنے لگے لوگ سخت پریشان
تفصیلات کے مطابق کوٹ رادھاکشن شہر سے قصور کو جانے والا روڈ شدید ٹوٹ پھوٹ کا شکار ہے یہ روڈ 100 دیہات اور قصبوں کو قصور سے ملانے کا واحد راستہ ہے
اس روڈ پر کیچڑ، گوبر اور گندگی کا شدید راج ہے اور اس روڈ پر جا بجا گڑھوں سے حادثات معمول بن چکے ہیں جس سے گاڑیوں کا گزرنا محال ہو کر رہ گیا ہے ٹریفک نا ہونے سے لوگوں کے کاروبار ٹھپ ہو گئے ہیں
شہریوں کا متعلقہ ایم پی اے، ایم این اے کی کارکردگی پر تشویش کا اظہار
عوام کی ڈی سی قصور، اے سی کوٹ رادھا کشن اور محکمہ ہائی وے سے مدد کی اپیل ہے تاکہ ان کی مشکل حل ہو سکے

قصور
شدید دھند کا سلسلہ جاری حادثات میں اضافہ
تفصیلات کے مطابق گزشتہ کئی دنوں سے قصور اور گردونواح میں دھند کا سلسلہ جاری ہے جو کہ پچھلے 3 دن سے شدت اختیار کر گیا ہے جس سے ہر روز کئی حادثات رونما ہو رہے ہیں گزشتہ رات رائیونڈ سے قصور آتی ہوئی گاڑی ڈرین راءو خان والا پر دھند کے باعث سڑک سے نیچے درختوں سے ٹکرا گئی اور مکمل تباہ ہو گئی جس میں سوار اکیلا نوجوان معمولی زخمی ہوا جسے ریسکیو ٹیم نے ہسپتال منتقل کر دیا تھا عینی شاہدین کے مطابق دھند شدید ترین تھی اور گاڑی کی رفتار بھی بہت تیز تھی اور آگے سڑک پر کھڈے بھی  تھے جس سے کار سوار سے گاڑی بے قابو ہو کر درختوں سے جا ٹکرائی مگر قابل تشویش بات یہ ہے کہ گاڑی کی دونوں نمبر پلیٹیں گاڑی کیساتھ نہیں ہیں لوگوں نے گاڑی اٹھا کر نزدیکی پیٹرول پمپ پر پہنچا دی ہے