Category: قصور

قصور
ویٹرنری ڈاکٹروں نے الہ آباد میں اندھیر نگری مچا دی ناقص گوشت کی سر عام فروخت جاری انتظامیہ خاموش تماشائی ڈی سی قصور سے نوٹس لینے کا مطالبہ
تفصیلات کے مطابق الہ آباد، گہلن، تلونڈی اور گردونواح کے درجنوں دیہات میں مردار اور لاغر جانوروں کا گوشت سرعام فروخت کیا جا رہا ہے ویٹرنری ڈاکٹر گھر بیٹھ کر تنخوائیں اور منتھلیاں وصول کر رہے ہیں مذبحہ خانہ نا ہونے کی وجہ سے قصاب سڑکوں اور گندگی کے ڈھیروں پر جانور ذبح کرتے ہیں جنہیں چیک کرنے کا کوئی نظام قائم نہیں ویٹرنری ڈاکٹر آرام سے گھروں میں سوئے رہتے ہیں جبکہ بعض قصاب مبینہ طور پر بیمار اور لاغر جانوروں کا گوشت فروخت سرعام کر رہے ہیں ویٹرنری ڈاکٹر نے کبھی کسی کے خلاف مقدمہ درج و جرمانہ نہیں کروایا کیونکہ انہیں ہر ماہ گھر بیٹھے منتھلیاں مل جاتی ہیں
مقامی شہریوں نے چیف سیکرٹری پنجاب اور ڈی سی قصور سے فوری نوٹس لینے کا مطالبہ کیا ہے واضح رہے کہ الہ آباد اور گردونواح کے دیہاتوں میں روزانہ کی بنیاد پر سینکڑوں جانور ذبح ہوتے ہیں لیکن کسی کو کوئی پوچھنے والا نہیں

قصور میں لڑکیوں کے ذریعے لوگوں کو بلیک میل کئے جانےکا انکشاف ہوا ہے
تفصیلات کے مطابق قصور میں لڑکیوں کے ذریعے لوگوں کو بلیک میل کئے جانے کا انکشاف ہوا ہے اس مکروہ دھندے میں ملوث گروہ کی لڑکیاں پہلے امیر افراد سے دوستی کرتی ہیں اور پھر بعد میں ان کی نازیبا ویڈیوز بنا کر انہیں بلیک میل کیا جاتا ہے اور پیسے بٹورے جاتے ہیں
دھندہ کرنے والے خفیہ گروہ کے ڈسے شہری محمد احمد اور محمد حسین نے زبان کھول دی اور گروہ کے خلاف ایف آئی آر کٹوا دی جس پر ایکشن لیتے ہوئے ایڈیشنل آئی جی پنجاب محمد انعام غنی نے ڈی پی او قصور زاہد نواز مروت کو خصوصی ہدایات جاری کر دی اور جلد سے جلد پورے گروہ کو گرفتار کرکے کاروائی کرنے کے آرڈر جاری کر دیئے ہیں

چونیاں پولیس کی پیشہ وارانہ خدمات*

قصور
چونیاں پولیس نے 3 روز قبل الہ آباد سے لاپتہ ہونے والے 12 سالہ انس کو برآمد کر لیا گیا

تفصیلات کے مطابق اٹاری کرم سنگھ کے رہائشی عبدالحمید کا 12 سالہ بیٹا انس 30 نومبر کو لاپتہ ہو گیا تھا
تھانہ الہ آباد پولیس نے فوری اغوا کا مقدمہ درج کیا
چونیاں پولیس نے ڈی پی او قصور کی خصوصی ہدایت پر ایڈیشنل ایس پی راشد کی زیر نگرانی مغوی کی برآمدگی کیلئے سپیشل ٹیمیں تشکیل دیں
12 سالہ انس کی تصویر سوشل میڈیا پر وائرل کی گئی اور مساجد میں اعلانات بھی کروانے کیساتھ کیبل نیٹ ورک پر اشتہار بھی چلوائے گئے
پولیس ٹیموں نے تلونڈی کے علاقہ سے انس کو برآمد کر کے والدین کے حوالے کر دیا
والدین نے انس کی باحفاظت واپسی پر پولیس کا شکریہ ادا کیا جبکہ شہری اور سماجی حلقوں نے خراج تحسین پیش کیا

قصور
تمام یونین کونسلوں کی حالت زار لوگ اپنی مدد آپ کے تحت صفائی کرنے پر مجبور
تفصیلات کے مطابق قصور کی تقریبا تمام یونین کونسلوں کی حالت انتہائی خراب ہے اکثر یونین کونسلوں کے اپنے دفتروں میں صفائی کا عملہ موجود نہیں حالانکہ ہر یونین کونسل کو لاکھوں روپیہ ماہانہ ملتا ہے پھر بھی چند ایک یونین کونسل کے علاوہ باقی میں صفائی عملہ تک موجود نہیں اور تو اور گورنمنٹ کی طرف سے سٹریٹ لائٹس کا انتظام کیا گیا تھا جو کہ ناظم سے لے کر جنرل و اقلیتی کونسلر مل کر کھا چکے ہیں یونین کونسل کھارہ،چڑیوان،اوراڑہ،لکھنیکے اور دیگر قصور کی قریب ترین یونین کونسلوں میں نالیاں گندگی سے بھری پڑی ہیں جن کی عرصہ دراز سے صفائی نہیں کی گئی جس سے پانی گلیوں بازاروں میں کھڑا ہو جاتا ہے دوسری جانب کوئی رہائشی فرد یونین کونسل کے دفتر میں کسی نالے اور پلی وغیرہ کی مرمت کیلئے جائے تو آگے سے سیکٹری صاحبان فنڈ نا ہونے کا عندیہ سنا دیتے ہیں جس سے سائل حضرات مایوس ہو کر واپس چلے آتے ہیں
لوگوں نے ٹی ایم او قصور اور ڈی سی قصور سے نوٹس لینے کی اپیل کی ہے

قصور
چونیاں میں میر کوٹ کے قریب موٹرسائیکل میں دوپٹہ پھنسنے سے موٹرسائیکل سوار جواں سالہ لڑکی جاں بحوق ہو گئ
تفصیلات کے مطابق سترہ سالہ موبینہ شریف اپنے بھائی محمد ندیم کے ساتھ موٹرسائیکل پر جا رہی تھی کہ جب وہ میر کوٹ کے قریب پہنچی تو اسکا ڈوپٹہ موٹرسائیکل کے پہیے آ گیا ڈوپٹہ پھنسنے سے وہ موٹرسائیکل سے گر گئی اور پیچھے آنیوالے نامعلوم تیز رفتار رکشہ کی زد میں آکر کچلی گئی جسے فوری طور پر قریبہ ہسپتال پہنچایا گیا مگر زخموں کی جانبر نا ہوسکی اور دم توڑ گئی
جبکہ نا معلوم رکشہ ڈرائیور موقع سے فرار ہونے میں کامیاب ہو گیا
پولیس تھانہ چونیاں سٹی نے مقدمہ درج کر لیا ہے اور مصروف کاروائی ہے

قصور سپیشل برانچ قصور کی نشاندہی پر بڑی کاروائیاں آلودگی پھیلانے اور غیر قانونی گیس کی ری فلنگ اور منی پیٹرول پمپس چلانے والے متعددافراد کو گرفتارکرکے ان کے خلاف مقدمات درج کر لئے گئے
تفصیلات کے مطابق قصور سپیشل برانچ کی نشاندہی پر اسسٹنٹ کمشنر قصور انعم زائد نے قصور اور دیگر علاقوں میں کاوروائیاں شروع کر دی فیروز پور روڈ رحمان پورہ کے قریب گلو بنانے والی فیکٹری کی نکاسی آب سے قریبی کھیتوں کو زہریلا پانی اور دھوئیں کے ذریعے آلودگی پھیلانے اور زیر زمین پانی خراب کرنے پر اسکے مالک غلام حسین کے خلاف مقدمہ درج کرکے فیکٹری کو سیل کر دیا
جبکہ رکن پور ہ قصور میں غیرقانونی طور پر آبادی والے علاقے میں گیس ری فل کرنے والے تین دکانداروں غلام فرید،اقبال اور رضوان جبکہ غیرقانونی طور پر پیٹرول فروخت کرنے والے محمد فیاض کو گرفتار کرکے انکی دکانیں سیل کر دی گئی ہیں
کھڈیاں خاص میں شرافت علی اور محمد جمیل وغیرہ تین دکانداروں کو گرفتار کرکے انکی دوکانیں سیل کر دی گئیں
مصطفی آباد میں رفاقت علی اور شاھد کی دونوں دکانوں کو بھی سیل کر کے انہیں گرفتار کربکے انکے خلاف الگ الگ مقدمات درج کر لئے گئے ہیں

قصور
پاکستان تحریک انصاف ضلع قصور کے عہدیدران کی تقریب حلف برداری الحمراہال لاہور میں منعقد ہوئی تفصیلات کے مطابق پاکستان تحریک انصاف ضلع قصور کی تنظیم سازی کے تحت بننے والے عہدیدران کی تقریب حلف برداری کا انعقاد اعجاز احمد چوہدری صدر سنٹرل پنجاب کی قیادت میں الحمرا ہال لاہور میں ہوا
انہوں نے تقریب حلف برداری کے شرکاء سے خطاب کرتے ہوئے کہا کہ وزیراعظم عمران خان کرپشن سے پاک پاکستان چاہتے ہیں اور پاکستان کو ریاست مدینہ بنانا چاہتبے ہیں جس پر پوری پاکستانی قوم عمران خان کے ساتھ کھڑی ہے قوم کی خوش قسمتی ہے کہ عمران خان جیسا لیڈر ملا ہے نیا نظام جس میں صرف عوام کی امنگوں کی ترجمانی ہوں قائم کرنا ہاکستان تحریک انصاف کا مشن ہے جو تیزی سے اپنی منزل کی طرف گامزن ہے پاکستان کو لوٹنے والوں کو کسی صورت معافی نہیں ملے گی اور این آر او کا خواب دیکھنا بھول جائیں کرپٹ عناصر اس ریاست کا ناسور ہیں جس سے نجات کے بغیر پاکستان ترقی نہیں کر سکتا ملک کو خوشحال بنانے میں ہمیں اپنا کردار ادا کرناہو گا اور عمران خان کے ساتھ کندھے سے کندھا ملا کر ساتھ چلنا ہوگا پروگرام کا آغاز تلاوت قرآن پاک سے ہوا قصور سے ڈاکٹر عظیم الدین لکھوی نے صدر ضلع قصور کاحلف اٹھایا اور ان کی قیادت میں عہدیداروں نے شرکت کی

قصور
آتش بازی و ہوائی فائرنگ جاری بااثر افراد کی جانب سے ساری ساری رات آتش بازی کرکے لوگوں کی نیندیں حرام کرنا فیشن بن گیا ضلعی انتظامیہ و پولیس بھنگ پی کر سو گئی
تفصیلات کے مطابق پاکستان بھر کی طرح قصور میں بھی شادیوں کا سلسلہ کافی تیز ہے ایسے میں ڈھول دھمکے کیساتھ آتش بازی و ہوائی فائرنگ کرکے لوگوں کی نیندیں حرام کرنے کا سلسلہ بھی جاری ہے بااثر افراد پہلے ہی متعلقہ تھانہ سے مک مکا کر لیتے ہیں تاکہ کسی کے شکایت کرنے پر قانونی کاروائی سے بچنے کا راستہ پہلے سے ہی کھول رکھا جائے شادی والا گھرانا ساری ساری رات آتش بازی کرکے لوگوں کی نیندیں حرام کرنا اپنا شرعی فریضہ سمجھتا ہے تو دوسری جانب قصور پولیس و ضلعی انتظامیہ پر بھی افسوس ہے کہ وہ کھلے عام قانون شکنی کو رکوانے سے بلکل قاصر ہے
اور تو اور قصور کی دکانوں سے چاہے ٹرک بھر کر آتش بازی کا سامان خرید لیں کوئی پوچھنے والا نہیں

قصور میں پتنگ بازوں نے پنجاب حکومت کی جانب سے پابندی ہوا میں اڑا دی
شہر میں ممنوع ڈور کے استعمال سے بجلی کی بار بار ٹریپنگ سے شہری پریشان بجلی کی آنکھ مچولی کی وجہ سے شہریوں کا الیکٹرونکس کا سامان خراب ہونے لگا شہری تنظیموں نے اعلی حکام سے فوری نوٹس لینے کا مطالبہ کیا ہے
پنجاب حکومت کی پتنگ بازی اور اسکی فروخت پر پابندی کے باوجود شہر میں پتنگ بازی کا سلسلہ جاری اور خاص کر جمع اور اتور کے روز تو پتنگ بازی عروج پر ہوتی ہے اور پتنگ باز ایسی ممنوعہ ڈور استعمال کرتے ہیں جس میں دھات شامل ہوتی ہے جو کہ نہ صرف انسانی جانوں کے لئے خطرناک ہے بلکی اس سے بجلی کی بار با رٹریپنگ بھی ہوتی ہے جس سے شہر بھر میں بجلی کی آنکھ مچولی جاری ہے جس سے شہریوں کو پریشانی اور مشکلات کا سامنا کرنا پڑ رہا ہے شہریوں نے اعلی حکام سے اپیل کی ہے کہ فوری طور پر نوٹس لیا جائے اور پتنگ باری رکوائی جائے

قصور
کنگن پور کے نواحی علاقہ ڈھڈے میں جواں سالہ لڑکے کو نامعلوم ملزمان نے اغوا کر لیا
تفصیلات کے مطابق کنگن پور کے نواحی موضع ڈھڈے کی رہائشی مسرت بی بی زوجہ محمد حیات نے پولیس تھانہ کنگن پور میں مقدمہ درج کروایا کہ اسکا جواں سالہ بیٹا محمد امجد گھر سے کام کے سلسلہ میں گھر سے باہر گیا اور واپس نہیں آیا اسے خدشہ ہے کہ اسے نا معلوم ملزمان نے اغوا کر لیا ہے
پولیس نے درخواست جمع کرکے کاروائی شروع کر دی ہے