Category: قصور

قصور پتنگ بازی جاری انتظامیہ بے بس

تفصیلات کے مطابق قصور میں پتنگ باز بے لگام ہوچکے ہیں لوگ پتنگ بازی بڑے شوق سے کر رہے ہیں جس سے کئی افراد زخمی ہو کر ہسپتال پہنچ چکے ہیں تو کئی سفر آخرت پر
جمعرات کع ساتویں جماعت کا طالب علم چھت سے گر گیا جسے زخمی حالت میں ہسپتال منتقل کر دیا گیا محلہ ترکھاناوالہ کا رہائشی محنت کش عبدالرحمن کا کمسن بیٹا شہزاد پتنگ لوٹنے کی کوشش میں چھت سے گر گیا جو کہ سر میں گہری چوٹ لگنے کی بدولت موت وحیات کے کی کشمکش میں مبتلا ہے ضلعی انتظامیہ وزیر اعلی پنجاب اور آئی جی پنجاب پولیس کے پتنگ بازی کے خلاف احکامات کے باوجود پتنگ بازی پر قابو نہیں پاسکی ورثاء کے مطابق جمعرات کو گر کر زخمی ہونے والا ہسپتال میں زیرعلاج 10 سالہ شہزاد سر میں گہری چوٹ لگنے سے ٹھیک طرح سے نا ہی بول سکتا ہے نا ہی سن سکتا ہے ورثاء نے ڈی سی قصور سے نوٹس لینے کا مطالبہ کیا ہے

قصور
موسمی تبدیلی سے آنکھوں کی بیماری عام ہو گئی
تفصیلات کے مطابق ضلع قصور میں چند دن سے آنکھوں کی بیماریاں بہت بڑھ گئی ہیں خصوصی طور پر آشوب چشم کی بیماری میں نمایاں اضافہ ہوا ہے ماہرین چشم کے مطابق سموگ کی بدولت آشوب چشم اور آنکھوں کی الرجی جیسی بیماریاں جنم لے رہی ہیں مگر حالیہ بارش کی بدولت آنکھوں کی بیماریوں میں کمی واقع ہو گی آنکھوں سے متاثرہ مریض تازہ پانی کے چھینٹے ماریں اور آنکھوں کو مسلنے سے گریز کریں آرام نا آنے کی صورت میں آنکھوں کے سپیشلسٹ ڈاکٹر سے رجوع کریں اور خود ساختہ گھریلوں ٹوٹکوں سے پرہیز کریں کیونکہ آنکھ جسم کا انتہائی نازک حصہ ہے اور بہت اہم بھی

قصور
سردی کی آمد کیساتھ ہی انڈے مہنگے بھی اور غائب بھی
تفصیلات کے مطابق قصور میں انڈوں کی ذخیرہ اندوزی شروع کر دی گئی ہے بڑے بڑے تاجر حضرات نے اپنے گوداموں میں انڈے سٹاک کر لئے ہیں وجہ سردیوں کی آمد اور انڈے کی مانگ میں اضافہ ہے چند دن قبل انڈوں کی ٹرے جس میں 30 انڈے ہوتے ہیں 230 روپیہ تھی جو اب اچانک اضافے کیساتھ 285 روپیہ ہو گئی ہے اس اضافے کا سارا نقصان عام دکاندار اور صارف کو ہے کیونکہ بڑے بڑے تاجر تو لاکھوں انڈے سٹاک کر چکے اب چند دن بعد وہ جب انڈے کی قیمت م8ں مذید اضافہ ہوگا تب ان سٹاک شدہ انڈوں کو بیچ کر کروڑوں روپیہ منافع کمائیں گے

قصور
موٹر سائیکل اور گاڑیوں میں پریشر ہارن لگوانے کا رجحان بڑھنے لگا
تفصیلات کے مطابق قصور میں موٹرسائیکلوں اور گاڑیوں میں پریشر ہارن لگوانے کا رجحان تیزی سے بڑھتا جا رہا ہے خصوصی موٹر سائیکل پر پریشر ہارن لگوانا ایک فیشن سمجھا جانے لگا ہے ہر دوسری تیسری موٹرسائیکل پر پریشر ہارن لگا ہوا ہو گا پریشر ہارن کے بے جا استعمال کی بدلت شور شرابا تو ہوتا ہی ہے مگر ڈپریشن اور دل کے مریضوں کیلئے یہ ہارن کسی دراءونے خواب سے کم نہیں موٹر سائیکل سوار حضرات جب سڑک پر چلتے ہوئے ایک دم پریشر ہارن چلاتے ہیں تو دل کے مریض خاص طور پر ڈر جاتے ہیں جس سے بعض اوقات ان کی طبیعت بگڑ بھی جاتی ہے مگر افسوس سٹی ٹریفک پولیس قصور پر ہے کہ سارا کچھ روڈ پر ہوتا دیکھنے کے باوجود بھی ٹریفک اہلکاران کچھ بھی نہیں کر رہے
قصور کی عوام نے سٹی ٹریفک پولیس قصور سے مطالبہ کیا ہے کہ کاروائی کرتے ہوئے موٹرسائیکل اور گاڑیوں پر پریشر ہارن کو لگوانے والوں کے خلاف کاروائی کی جائے

قصور
تیز آندھی و بارش سے مکئی کی فصل کو شدید نقصان
تفصیلات کے مطابق قصور اور گردونواح میں کل صبح سے کل رات تک کبھی تیز اور کبھی ہلکی بارش کا سلسلہ جاری رہا جس کیساتھ تیز ہوا بھی چلتی رہی چند ایک مقامات پر ژالہ باری بھی ہوئی جس سے ہائیبرڈ مکئی کی فصل گر گئی کسانوں نے بتایا کہ ہائیبرڈ مکئی کی جڑ کمزور ہونے کی بدولت فصل بارش کیساتھ ہوا کا پریشر برداشت نا کر سکی جس سے مکئی کی فصل کو کافی نقصان پہنچا ہے گری ہوئی مکئی کو کاٹنے بھی مشکل کا سامنا کرنا پڑتا ہے اور مکئی کی پیداوار میں بھی نمایا کمی ہوتی ہے جس سے کسانوں کی مشکلات میں مذید اضافہ ہو گا

قصور کے مشہور صحافی رضا الہی سے وفات پا گئے
تفصیلات کے مطابق قصور مشہور صحافی مقبول احمد بھٹی رضائے الہی سے وفات پا گئے ہیں مرحوم نجی ٹی وی چینل کے رپورٹر تھے اور ایک نڈر اور بے باک صحافی تھے قصور کی پوری صحافی برادری نے ان کی وفات پر گہرے دکھ اور افسوس کا اظہار کیا ہے اور اللہ تعالی سے ان کی مغفرت کی دعا کی ہے
مرحوم کی نماز جنازہ آج 3 بجے دوپہر ان کے آبائی گاؤں منڈیانوالا تحصیل پتوکی کے گورنمنٹ سکول میں ادا کی جائے گی جس میں ضلع قصور کی سیاسی شحضیات اور میڈیا نمائندگان شرکت کرینگے

قصور
پورے علاقے میں بجلی غائب واپڈا قصور خواب خرگوش کے مزے میں لوگ پریشان پانی کی بوند بھی میسر نہیں
تفصیلات کے مطابق کل قصور کے مختلف علاقوں میں تیز بارش و ہلکی آندھی آئی جس کی بدولت پورا قصور شہر اور گردونواح تاریکی میں ڈوب گیا سب ڈویژن بلہے شاہ فیڈر بہادر پورہ کی بجلی کل دوپہر 3 بجے گئی اور آج صبح 8 بجے آئی سب ڈویژن راجہ جنگ فیڈر راءو خان والا کی بجلی کل صبح 9 بجے گئی اور دوپہر 2 بجے آئی اور پھر رات 9 بجے سے تاحال نہیں آئی اسی طرح سب ڈویژن مصطفی آباد کی بجلی کل دن 4 بجے گئی اور آج صبح 8 بجے آئی
لوگوں نے متعلقہ ایس ڈی اوز اور کمپلین دفتروں کے نمبروں پر رابطہ کیا تو آگے سے بتلایا گیا کہ فنی خرابی کی بدولت بجلی میسر نہیں فنی خرابی کو جلد دور کر دیا جائے گا مگر لوگ پریشان ہیں کہ وہ کونسی فنی خرابی ہے جو بیک وقت اتنی سب ڈویژنوں میں آ گئی اور ساری رات میں بھی ٹھیک نا ہو سکی
لوگوں نے واپڈا قصور کی اس غفلت پر ایس ای قصور اور ڈی سی قصور سے نوٹس لینے کا مطالبہ کیا ہے

قصور
کل اغواء ہونےوالی کمسن طیبہ فیصل آباد سے برآمد ہو گئی
تفصیلات کے مطابق 8 سالہ طیبہ کی گمشدگی پر میڈیا اور پولیس بہت پریشان ہوئے مگر طیبہ کو اسکے سگے والد نے خود اغواء کیا بعد میں اغواء کا ڈرامہ رچایا طیبہ کے والد اور دیگر لواحقین نے نامزد ملزمان شہباز وغیرہ سے ذاتی مخالفت پر تنگ آ کر بچی کے اغواء کا ڈرامہ رچایا تھا
طیبہ کے لواحقین نے پولیس ، میڈیا اور علاقہ مکینوں کو 24 گھنٹے تک دھوکے میں رکھا اور بے وقوف بنائے رکھا

ڈی پی او قصور کی قائم کردہ پولیس جوائنٹ انویسٹی گیشن ٹیم نے مبینہ بچی کو فیصل آباد سے برآمد کر کہ والد کو گرفتار کرلیا اور مقدمہ درج کر لیا ہے

قصور
کل رات سے گھنے بادل ہلکی بارش اور ژالہ باری
تفصیلات کے مطابق قصور اور گردو نواح میں کل سے گہرے بادل چھائے ہوئے ہیں جس سے موسم کافی حد تک ٹھنڈا ہو گیا آج آدھی رات کے بعد 4 بجے قصور کے نواحی علاقوں جبومیل،پل جبومیل،اوراڑہ نو و اوراڑہ خورد راءو خان والا اور گردونواح میں تیز بارش اور ژالہ باری ہوئی جبکہ قصور شہر میں ہلکی بارش ہوئی اور اب بھی وقفے وقفے سے ہلکی بارش جاری ہے جس سے سردی میں کافی اضافہ ہو گیا ہے

قصور الہ آباد
تجاوازات کا خاتمہ کر کے ہی دم لو گا قبضہ مافیاء کو وارننگ دے رہا ہوں کہ وہ روڑ کی جگہ خالی کر دیں سروس روڑ عام عوام کے پیدل گزرنے کے لئے تعمیر کیا گیا نا کہ دوکانداروں کے ذاتی استعمال کے لئے میں نے بلا تفریق کارروائی جاری رکھنے کا عزم کر رکھا ہے اسسٹنٹ کمشنر چونیاں سردار شبیر احمد ڈوگر

تفصیلات کے مطابق چوک الہ آباد میں تجاوازات بڑھتی ہی جا رہی ہیں اور دوکانداروں نے سروس روڈ کو ذاتی استعمال کیلئے مختص کر رکھا ہے جس سے راہ گیروں کو سخت پریشانی کا سامنا کرنا پڑتا ہے اس بدولت میڈیا نمائندگان اور سول سوسائٹی الہ آباد نے اسسٹنٹ کمشنر چونیاں سے ملاقات کی تو انہوں نے میڈیا نمائندگان کو بتایا کہ میں نے ٹریفک اور راہ گیروں کے لئے مشکلات پیدا کرنے والوں کے لئے گھیرا تنگ کر دیا ہے گذشتہ دنوں میں نے اپنی ٹیم کے ہمراہ چوک الہ آباد،کنگن پور روڑ، قصور روڑ، چونیاں روڑ پر تجاوازات کے خلاف گرینڈ آپریشن کیا جس کے دوران کارورائی بھی کی نیز قبضہ مافیا اور دیگر عناصر کو ایک بار وارننگ دے چکا ہوں ڈھابہ، ریڑھی بان، خانچہ فروش، ٹی سٹال اور دیگر سروس روڑ پر غیر قانونی طور پر قبضہ کرنے والوں کو وارننگ دے دی ہے کہ سروس روڈ چھوڑ دیں ورنہ مقدمات درج ہوں گے تجاوازات کا خاتمہ میری اولین ترجیحات میں شامل ہے
سیاسی اثر و رسوخ پر چوک الہ آباد کو اپنی جاگیر بنانے والے قانون کی گرفت سے بچ نا سکیں گے