Baaghi TV

Category: قصور

  • ویٹرنری ڈسپنسری پانی میں ڈوب گئی،جانوروں کا علاج معطل

    قصور
    نواحی گاؤں موضع مان میں جانوروں کی ڈسپنسری زیر آپ،ہر طرف پانی ہی پانی

    تفصیلات کے مطابق قصور میں مسلسل تیز بارش کا آج تیسرا دن ہے جس باعث بیشتر علاقے زیر آب آگئے ہیں
    قصور کے نواحی گاؤں موضع مان میں جانوروں کی ڈسپنسری مکمل طور پر پانی میں ڈوب گئی ہے جس کے باعث ہسپتال میں آلات و ادویات کیساتھ کروڑوں روپیہ سے بنی سرکاری بلڈنگ کا بھی نقصان ہو رہا ہے
    موضع مان و قرب جوار کے دیہات کسان اور مویشی پال حضرات پر مشتمل ہیں اور پورے علاقے کے جانوروں کی بیماریوں کے علاج کیلئے مان ویٹرنری ڈسپنسری ہی خدمات سرانجام دیتی ہے تاہم پانی میں ڈوبنے کے باعث جانوروں کا علاج معطل ہو گیا ہے
    اہلیان علاقہ نے ضلعی انتظامیہ سے نوٹس کی اپیل کی ہے

  • صاف ستھرا پنجاب پروگرام کی دھجیاں اڑا دی گئیں،پانی،گندگی کا ڈھیر

    صاف ستھرا پنجاب پروگرام کی دھجیاں اڑا دی گئیں،پانی،گندگی کا ڈھیر

    قصور
    وسیم کالونی پیرو والا روڈ میں گندگی کا راج،صاف ستھرا پنجاب کی دھجیاں اڑا دی گئیں وزیر اعلی پنجاب سے نوٹس کی اپیل

    تفصیلات کے مطابق قصور میں بیشتر مقامات پر وزیر اعلی پنجاب کے صاف ستھرا پنجاب پروگرام کی دھجیاں اڑا دی گئی ہیں

    وسیم کالونی پیرو والا روڈ سٹی قصور میں جگہ جگہ گندگی کے ڈھیر پڑے ہیں جس سے تعفن اور بدبو اٹھتا ہے اور اس باعث علاقہ مکینوں کا جینا محال ہو چکا ہے اوپر سے موسم برسات کے باعث بارش کا پانی گلیوں میں کھڑا رہتا ہے جس سے عورتوں ،بچوں اور بچوں کا گھروں سے نکلنا انتہائی مشکل ہے خاص کر نمازی حضرات کو سخت پریشانی کا سامنا کرنا پڑتا ہے
    اہلیان علاقہ کے مطابق عملہ صفائی اپنی مرضی سے کبھی آ جائے تو ٹھیک وگرنہ علاقہ گندگی کے ڈھیر میں تبدیل ہو جاتا ہے
    اہلیان علاقہ نے وزیر اعلی پنجاب کے صاف ستھرا پنجاب پروگرام پر تشویش کا اظہار کیا ہے اور کہا ہے کہ اربوں روپیہ لگا کر بھی صفائی کا نا ہونا بہت بڑا سوالیہ نشان کے
    اہلیان علاقہ نے وزیر اعلی پنجاب سے نوٹس کی اپیل کی ہے

  • أر پی او شیخوپورہ آج قصور میں کھلی کچہری لگائیں گے،موقع پر شکایات کا ازالہ کیا جائے گا

    أر پی او شیخوپورہ آج قصور میں کھلی کچہری لگائیں گے،موقع پر شکایات کا ازالہ کیا جائے گا

    قصور
    آر پی او شیخوپورہ آج قصور میں کھلی کچہری لگائیں گے

    تفصیلات کے مطابق ریجنل پولیس آفیسر RPO شیخوپورہ ریجن اطہر اسماعیل آج مورخہ 14.07.2025 بروز سوموار کو ڈسٹرکٹ قصور میں کھلی کچہری کا انعقاد کریں گے
    وہ آج تھانہ سٹی چونیاں میں دن 11 بجے کھلی کچہری لگائیں گے اس کے بعد دوپہر 1:30 بجے تھانہ چھانگا مانگا میں کھلی کچہری میں عوامی مسائل سنیں گے
    قصور پولیس کے دیگر اعلی عہدیدار بھی موجود ہونگے اور موقع پر ہی شکایات کا ازالہ کیا جائے گا قصور پولیس نے شہریوں سے اپیل کی ہے کہ
    شہری اپنی شکایات کے حل کے لیے تشریف لائیں

  • تھانیدار کے نجی کمرے سے نوجوان کی پھندہ لگی لاش برآمد ،معاملہ نیا رخ

    تھانیدار کے نجی کمرے سے نوجوان کی پھندہ لگی لاش برآمد ،معاملہ نیا رخ

    قصور
    چند روز قبل تھانیدار کے نجی کمرے سے نوجوان کی پھندا لگی لاش برآمد ہونے کا وقوعہ نیا رخ اختیار کر گیا

    تفصیلات کے مطابق چند روز قبل قصور کے تھانہ گنڈا سنگھ والا میں تھانیدار کے نجی کمرے میں نوجوان کی پھندا لگی نعش ملنے کا معاملہ نیا رخ اختیار کر گیا ہے
    جانبحق ہونے والے نوجوان کے بھائی نے علاقہ مجسٹریٹ عدالت سے پوسٹمارٹم کروانے کے آرڈر لیکر میڈیکل کروا لیا ہے جس میں مقتول کے بھائی نے بتایا کہ میرے بھائی حمید کو پولیس نے تشدد کر کے مارا ہے متوفی حمید کے جسم پر تشدد کے نشانات پائے گئے اور گردن کی ہڈی بھی ٹوٹ چکی تھی میرے بھائی کو پولیس نے نجی سیل میں ٹارچر کے بعد قتل کیا اور پھر پھانسی دیکر خود کشی کا ڈرامہ رچایا
    اگر میرے بھائی پر کوئی ایف ائی ار درج نہیں تو اسے کیوں گرفتار کیا اور حوالات میں بند کیا
    مقتول کے بھائی نے کہا کہ سوچنے والی بات ہے کہ وہ خودکشی کیوں کرے گا
    سارے ثبوتوں کو مدنظر رکھتے ہوئے یہ ثابت ہوتا ہے کہ پولیس نے تشدد کرکے مارا ہے جو کہ ظلم ہے اور میں اس ظلم کے خلاف چپ نہیں رہوں گا
    متاثرہ شحض نے آئی جی پنجاب سے نوٹس لینے کی استدعا کی ہے

  • کوٹ رادھا کشن:خاتون کے ہاں ایمبولینس میں ہی بچے کی پیدائش

    کوٹ رادھا کشن:خاتون کے ہاں ایمبولینس میں ہی بچے کی پیدائش

    قصور : کوٹ رادھا کشن میں خاتون کی حالت بگڑنے پر ایمبولینس میں ہی ڈیلیوری کروا کر زچہ و چہ دونوں کی جان بچا لی گئی-

    ریسکیو حکام کے مطابق حاملہ خاتون کو ڈیلیوری کے لیے اسپتال منتقل کیا جارہا تھاکہ اس دوران خاتون کی حالت بگڑگئی،خاتون کی حالت زیادہ خراب ہونے پر ریسکیو اہلکاروں کی جانب سے ایمبولینس میں ہی ڈیلیوری کروائی گئی، خاتون کے ہاں بچے کی پیدائش کے بعد ماں اور بچے دونوں کی جان بچالی گئی،بروقت اور بحفاظت ڈیلیوری ممکن بنانے پر خاتون کے لواحقین نے ریسکیو عملے کا شکریہ ادا کیا۔

    اس سے قبل رواں ماہ کے شروع میں ہی ایمبولینس میں جڑواں بچوں کی ڈیلیوری کرواکر خاتون اور بچوں کی جان بچالی گئی تھی، نواحی علاقے خانپور بگاشیر سے حاملہ خاتون کو ڈیلیوری کیلئے ڈی ایچ کیو ہسپتال منتقل کیا جارہا تھا ، کہ راستے میں ہی خاتون کی حالت بگڑگئی ، تو ریسکیو عملے کو ایمبولینس میں ہی خاتون کی ڈیلیوری کروانا پڑی ،خاتون نے ڈیلیوری کے دوران 2 جڑواں بچوں کو جنم دیا-

    سعودی ولی عہد محمد بن سلمان کا دورہ پاکستان جلد متوقع

    ریسکیو اہلکاروں کی جانب سے بروقت رسپانس کے باعث خاتون اور دونوں بچوں کی جان بچ گئی، زچہ و بچہ کو ڈی ایچ کیو ہسپتال مظفرگڑھ منتقل کردیا گیا،بروقت اور بحفاظت ڈیلیوری ممکن بنانے پر خاتون کے لواحقین نے ریسکیو عملے کا شکریہ ادا کیا۔

    حمیرا اصغر کی تدفین کے لئے کئی شخصیات سامنے آ گئیں

  • دریائے ستلج قصور میں سیلابی صورتحال پر میسج

    قصور دریائے ستلج میں سیلابی صورتحال کے پیش پھیلی جعلی افواہوں پر رپورٹ میں بتایا گیا کہ

    قصور انٹرنیشنل بارڈر گنڈا سنگھ کے مقام پر دریائے ستلج میں پانی کا بہاؤ صرف 33 کیوسک ہے جبکہ پانی کی سطح 7 فٹ ہے
    پانی کی سطح 6 فٹ ہو تو ڈیڈ لیول تصور کیا جاتا ہے جبکہ اس وقت ڈیڈ لیول سے صرف ایک فٹ پانی کی سطح بلند ہے
    دریائے ستلج گنڈا سنگھ کے مقام پر پانی کی سطح 19.50 فٹ اور پانی کا بہاؤ ستر ہزار کیوسک ہو تو نچلے درجے کا سیلاب ہوتا ہے
    اگر پانی کی سطح 21.50 فٹ ہو اور پانی کا بہاؤ ایک لاکھ پچاس ہزار کیوسک ہو تو درمیانے درجے کا سیلاب ہو گا
    اور اسی طرح جب 23.50 فٹ بلند ہو گی اور پانی کا بہاؤ 3 لاکھ کیوسک تک پہنچ جائے تو اونچے درجے کا سیلاب کہلائے گا
    نیز بارشوں کے پانی سے دریائے ستلج میں سیلابی صورتحال نہیں پیدا ہوتی تاہم دریائے ستلج میں بھارتی آبی جارحیت سے ہی سیلابی صورتحال پیدا ہوتی ہے جب انڈیا کی طرف سے پانی چھوڑا جاتا ہے
    انڈیا نے جن ڈیم سے پانی چھوڑا ہے ون ڈیمز میں بھی ابھی پانی کی سطح انتہائی کم ہے اور اسی باعث صورتحال کے مطابق قصور گنڈا سنگھ کے مقام پر فالحال سیلاب کی امید نہیں ہے

  • لاکھوں روپیہ مالیت کی ڈور اور پینگیں آگ لگا کر جلا دی گئیں

    لاکھوں روپیہ مالیت کی ڈور اور پینگیں آگ لگا کر جلا دی گئیں

    قصور
    لاکھوں روپے مالیت کی ہزاروں پتنگیں اور ڈور کی 100 سے زائد چرخیاں آگ لگا کر تلف کر دی گئیں
    ایس ایچ او بی ڈویژن محمد اسلم بھٹی نے لاکھوں روپے مالیت کی پتنگیں اور ڈور کی چرخیاں تلف کر دیں
    پتنگ بازی کے مختلف مقدمات میں ہزاروں کی تعداد میں پتنگیں اور 100 سے زائد ڈور کی چرخیاں برآمد کی گئی تھیں
    20 لاکھ روپے مالیت کی ڈور کی چرخیاں اور ہزاروں پتنگوں کو آگ لگا کر تلف کر دیا گیا
    تھانہ بی ڈویژن نے گزشتہ 06 ماہ کے دوران 133 مقدمات درج کر کے 34 ہزار سے زائد پتنگیں، 2400 ڈور کی چرخیاں برآمد کر کے 11 فیکٹریاں سیل کی ہیں۔
    ڈی پی او محمد عیسیٰ خاں کی ہدایت پر پتنگ بازوں سے سختی سے نمٹا جا رہا ہے
    قصور۔ پتنگ بازی خونی کھیل ہے شہری اپنوں بچوں کو جیل کی سلاخوں سے بچائیں

  • سڑکوں پر ہیوی ٹریفک کا راج،دو بچے جانبحق،دس افراد زخمی

    سڑکوں پر ہیوی ٹریفک کا راج،دو بچے جانبحق،دس افراد زخمی

    قصور
    شہر و گردونواح میں سڑکوں پر ہیوی ٹریفک کا راج،آئے روز کے حادثات میں لوگ اپنی زندگیوں سے ہاتھ دھونے لگے،حادثہ میں دو بچے جانبحق،دس افراد زخمی

    تفصیلات کے مطابق شہر قصور و گردونواح کی سڑکوں پر ہیوی ٹریفک کا راج ہے جس کے باعث آئے روز حادثات میں لوگ اپنی زندگیوں سے ہاتھ دھو رہے ہیں گزشتہ رات بھی ایک ڈمپر کی رکشہ کو ٹکر سے دو بچے جانبحق اور دس افراد زخمی ہوئے
    گزشتہ شام سے پہلے بھگیانہ سٹاپ دیپالپور روڈ قصور کے نزدیک ایک رکشہ کو بورنگ مشین کے ڈمپر نے ٹکر مار دی جس کے نتیجے میں 10 افراد زخمی اور دو بچوں کی موقع پر موت واقع ہو گئی
    زخمیوں اور ڈیڈ باڈیز کو ریسکیو 1122 نے ہسپتال منتقل کیا

  • تھانہ کوٹ رادھا کشن میں پولیس مقابلہ ،دو ڈاکو گرفتار

    تھانہ کوٹ رادھا کشن میں پولیس مقابلہ ،دو ڈاکو گرفتار

    قصور
    تحصیل کوٹ رادھا کشن میں پولیس مقابلہ،دو ڈاکو زخمی حالت میں گرفتار

    تفصیلات کے مطابق تھانہ کوٹ رادھاکشن کے علاقہ بھمبہ روہی نالہ کے قریب پولیس مقابلہ میں دو ڈاکو ساتھیوں کی فائرنگ سے زخمی ہونے پر گرفتار ہوئے جبکہ باقی ساتھی ملزمان فرار ہونے میں کامیاب رہے
    زخمی ڈاکوؤں کی شناخت کاشف اور علی احمد سکنہ رائیونڈ لاہور کے ناموں سے ہوئی ہے
    گرفتار ہونے والے دونوں ڈاکو کاشف اور علی احمد متعدد سنگین وارداتوں میں ریکارڈ یافتہ نکلے
    واضع رہے کہ ڈاکوؤں کے اسی گروہ نے گزشتہ روز دو شہریوں کیساتھ کوٹ رادھا کرشن کے علاقہ میں وارداتیں کی تھیں
    تھانہ کوٹ رادھاکشن پولیس نے 15 کی اطلاع پر فوری کاروائی کرتے ہوئے ناکہ بندی کی
    ڈاکوؤں نے پولیس پارٹی کو دیکھ کر مختلف اطراف سے سیدھی فائرنگ شروع کر دی
    ڈاکوؤں کی اپنی فائرنگ سے دو ساتھی زخمی ہو گئے جبکہ دیگر ساتھی فرار ہونے میں کامیاب ہو گئے
    پولیس نے ڈاکوؤں سے گزشتہ روز دو وارداتوں سے چھینی جانیوالے موٹر سائیکل، طلائی زیورات، موبائل فونز، گھڑی اور اسلحہ برآمد کر لیا
    تھانہ کوٹ رادھا کشن پولیس نے فرار ہونے والے ملزمان کی گرفتاری کیلئے ٹیمیں تشکیل دے دی ہیں

  • 8 دنوں سے خراب ٹرانسفارمر ٹھیک نا کرنے پر احتجاج

    8 دنوں سے خراب ٹرانسفارمر ٹھیک نا کرنے پر احتجاج

    قصور
    8 دن سے ٹرانسفارمر خراب،سخت گرمی،جینا عذاب،لوگوں کا سخت احتجاج

    تفصیلات کے مطابق قصور کے گاؤں نظام پورہ کے لوگوں نے قصور دیپال پور روڈ پر احتجاج کرتے ہوئے
    واپڈا کے خلاف نعرے بازی کی اور احتجاج میں شرکاء نے بتایا کہ پچھلے اٹھ دن سے ان کا ٹرانسفارمر خراب ہے جس کا واپڈا کی جانب سے کوئی حل نہیں نکالا جا رہا
    شدید گرمی کے باعث بچے بوڑھے لوگ سخت متاثر ہوئے ہیں اور بیشتر لوگ بیمار ہو چکے ہیں
    گرمی اور بجلی نا ہونے کے باعث اہل محلہ نے واپڈا کی غفلت پر پریشانی کی حالت میں دیپال پور روڈ کو بلاک کر کے احتجاج کیا