Category: قصور

قصور
قصور کے نواحی گاؤں کھارا میں واپڈا والوں کی نا اہلی سے نوجوان جانبحق
تفصیلات کے مطابق گاؤں کھارا میں عبدالحکیم لائن مین نے اپنا کام کرنے کیلئے مقامی نوجوان 27 سالہ محمد رفیق ولد عبدالرشید کو اجرت پر رکھا ہوا تھا آج دوپہر 2 بجے محلہ جگھیاں کھارا قصور کا ٹرانسفارمر خراب ہو گیا جسے ٹھیک کرنے کیلئے عبدالحکیم لائن مین نے محمد رفیق کو بیجھا جو کہ ایک عام الیکٹریشن ہے رفیق جیسے ہی بجلی کے کھمبے پر چڑھا اسے بجلی نے دبوچ لیا جو کہ مردہ حالت میں کھمبے سے نیچے گرا اہل علاقہ نے واپڈا کی اس غفلت پر شدید احتجاج کیا رفیق کی لاش تھانہ صدر پولیس نے موقع پر پہنچ کر کاروائی کیلئے ڈسٹرکٹ سپتال قصور منتقل کر دی
لوگوں نے بہادر پورہ فیڈر بلہے شاہ سب ڈویژن قصور کے ایس ڈی او اور لائن مین کے خلاف کاروائی کا مطالبہ کر دیا
واضع رہے لائن مین بھی اسی گاؤں کا ہے جو کہ اپنی ساری سروس ادھر ہی پوری کر رہا ہے

قصور
بیوٹی پارلر کی آڑ میں بلیک میلنگ

قصور کے شہر الہ آباد میں بیوٹی پالر کی آڑ میں فحاشی کا دھندہ عروج پر غریب ِخاندان کی لڑکیوں کو سبز باغ دکھا کر ٹرینگ کا بہانہ بنا کر امیرزادوں سے ملاقاتیں کرائی جاتی ہیں بیوٹی پالرز کی رجسٹریشن کروائی جاے اور سی سی ٹی وی کیمرے لگوائے جائیں جن کو ڈی سی آفس میں مانیٹرنگ سیل قائم کر کے خواتین کنٹرول کریں
ان ِخیالات کا اظہار سٹی صدر انجمن تاجران الہ آباد چوہدری عبد الرحمن شاکر نے صحافیوں سے گفتگو کرتے ہوئے کیا انہوں نے کہا کہ الہ آباد کے مِختلف محلوں جن میں مولا پور روڈ، میاں ٹاءون، گلشن اقبال ٹاءون،محلہ حاجی لکھےخاں، محلہ ملکاں والا، محلہ اسلام پورہ، وغیرہ میں بیوٹی پالر کی آڑ میں فحاشی کادھندہ چلایا ہوا ہے جس میں کچھ امیر زادوں نے اپنی عیاشی کے لئے نام نہاد صحافیوں اور کچھ پولیس ملازمین کی ملی بھگت سے بھی اس دھندے کو تقویت دے رکھی ہے جس پر ڈی سی قصور فوری نوٹس لیتے ہوئے اس مکروہ دھندے کو فوری طور پر بند کروائیں تاکہ نوجوان نسل بے راہ روی کا شکار ہونے سے بچ جائے

پتو کی:-
پتوکی شوگرمل کو فروخت کرنے کی تیاریاں مکمل کر لی گئی ہیں
باغی ٹی وی کی رپورٹ کے مطابق قصور کی قدیم اور سب سے پرانی پتوکی شوگر مل کو فروخت کیا جا رہا ہے ۔ اس اقدام سے ملازمین میں تشویش کی لہر دوڑ گئی ہے۔ باضابطہ اعلان چند روز میں ہوگا۔ معتبر اور باخبر ذرائع سے معلوم ہوا ہے کہ پتوکی شوگر مل کے مالکان مالی بحران کا شکار ہوگئے ہیں اس لئے انہوں نے پتوکی شوگر مل کو فروخت کرنے کیلئے تیاریاں شروع کر دی ہیں اور اس سلسلہ میں تمام انتظامات مکمل کر لئے گئے ہیں۔ جس کا باضابطہ اعلان چند روز میں کر دیاجائیگا پتوکی شوگر مل کی فروخت کے فیصلہ کے بعد شوگر مل کے ملازمین میں تشویش کی لہر دوڑ گئی ہے تاہم شوگر مل مالکان اس فیصلہ کو ابھی تک خفیہ رکھ رہے ہیں۔ توقع ہے کہ چند روز میں شوگر مل کی فروخت کا باضابطہ اعلان کر کے انہیں نئے مالکان کے حوالے کر دیا جائے گا۔

قصور کھارا چونگی پر کچرے کے دھیر

تفصیلات کے مطابق کھارا چونگی اور مدینہ ٹاءون کے رہاہشیوں نے کچرے کو سڑک کے کنارے پھینکنا شروع کیا ہوا ہے اور ایسا کرنا ان کی مجبوری ہے کیونکہ ٹی ایم اے سٹی قصور کی جانب سے ان علاقوں میں کچرا ڈالنے کے بکس نہیں لگائے گئے جو کہ ٹی ایم اے سٹی قصور کی نااہلی کا منہ بولتا ثبوت ہے بجائے کہ اس کچرے کو اٹھایا جائے اسے آگ لگا دی جاتی ہے جس سے سڑک پر ہر وقت دھواں چھایا رہتا ہے سڑک پر چلنے والی بسوں گاڑیوں اور موٹرسائیکل کے ڈرائیورز حضرات کو دیکھنے میں دشواری کیساتھ شہریوں کیلئے بیماریوں کا باعث بھی بن رہا ہے
ڈی سی قصور و انتظامیہ صفائی سے نوٹس لینے کا مطالبہ

قصور
چھانگا مانگا شہر کے گاؤں جمبر میں جعلی پیر بابا کامران لوگوں کو لوٹنے لگا
تفصیلات کے مطابق پہلے سے دکھی لوگوں کو بے اولادی اور شادی کا جھانسہ دے کر سادہ لو اور دکھیاڑے لوگوں
کی مشکلات کا فائدہ اٹھا کر خود ساختہ جعلی پیر بابا کامران نے لوگوں کو لوٹنے کا کام شروع کر رکھا ہے جمبر اڈا مین ملتان روڈ پر واقع جعلی ڈیرے میں بابا کامران نامی ڈھونگی پیر شادی اور بے اولادی کا جھانسہ دے کر لوگوں سے نذرانے کے طور پر روزانہ کی بنیاد پر ہزاروں روپیہ لوٹ رہا ہے اس کے علاوہ شبہ ہے کہ کالے علم کا دھندہ بھی کرتا ہیں لوگوں کا کہنا ہے کہ اعلی حکام نوٹس لیں اور لوگوں کو اس جعلی بابے سے لوٹنے سے بچائیں