Baaghi TV

Category: قصور

  • قصور کا رہائشی بی ایل اے کے ہتھے چڑھ گیا،ویڈیو وائرل

    قصور
    گزشتہ دنوں قصور کی تحصیل چونیاں کے رہائشی کوئلہ خریدنے گئے تاجر کو بلوچ لبریشن آرمی کے دہشتگردوں نے اغواء کرکے ملٹری انٹیلیجنس کا اہلکار ظاہر کرکے ویڈیو وائرل کر دی،مغوی کی بازیابی کیلئے گورنمنٹ سے اپیل

    تفصیلات کے مطابق گزشتہ دنوں بلوچستان میں علیحدگی پسند تنظیم بلوچ لبریشن آرمی کے دہشتگردوں کی طرف سے ایک ویڈیو وائرل کی گئی جس میں 6 کے قریب بی ایل اے کے دہشتگردوں نے محمد فیصل ولد بشیر احمد سکنہ رہائشی تحصیل چونیاں قصور پر اے کے 47 اور ایم 4 رائفلیں تانی ہوئی ہیں اور ویڈیو کے شروع میں مغوی کی طرف سے اکتوبر بروز بدھ کے الفاظ سے بولنے کا آغاز ہوا ہے جس میں مغوی اپنا نام اور ایڈریس بتا کر ریاست پاکستان سے دردمندانہ اپیل کر رہا ہے کہ اس کو رہا کروا جائے او بی ایل اے کے دہشتگردوں کے مطالبات مانے جائیں اور اس کے گھر والے احتجاج کریں
    مذکورہ شحض کوئلے لینے کیلئے بلوچستان گیا تھا جسے بی ایل اے نے اغواء کیا اور اسے پاکستان آرمی کی خفیہ ایجنسی ایم آئی کا اہلکار ثابت کرنے کی کوشش کی جو کہ قطعاً غلط ہے تاہم مذکورہ شحض قصور کی تحصیل چونیاں کا ہی رہائشی ہے اور اس سے قبل بھی کوئلہ لینے بلوچستان جاتا رہا ہے
    اس بار اسے اغواء کرکے بی ایل اے کے دہشتگردوں نے اپنے مطالبات منوانے کیلئے اس کی ویڈیو وائرل کی ہے
    گورنمنٹ سے مغوی کے خاندان اور اہلیان علاقہ کی اپیل ہے کہ جلد سے جلد مغوی کو بازیاب کروایا جائے

  • قصور:چونیاں میں5 دن سے دو بہنیں غائب،اغوا یا کچھ اور؟پولیس بے بس

    قصور:چونیاں میں5 دن سے دو بہنیں غائب،اغوا یا کچھ اور؟پولیس بے بس

    قصور(ڈسٹرکٹ رپورٹرطارق نویدسندھو)چونیاں میں پانچ دن سے دو بہنیں غائب،اغوا یا کچھ اور؟پولیس بے بس

    تفصیلات کے مطابق ضلع قصورکی تحصیل چونیاں کے محلہ حاجی لکھے خاں کے رہائشی پذیر سنہار عرف شاہ نواز کی جواں سالہ 2 بیٹیاں 18 سالہ ناہید بی بی اور 16 سالہ پارس بی بی 5 روز قبل گھر سے نکلیں مگر واپس نہ آئیں ۔ والدین نے اپنی مدد آپ کے تحت ہر ممکن جگہ تلاش کی، لیکن ان کا کوئی سراغ نہیں ملا۔

    مقامی پولیس بھی پانچ روز کی کوششوں کے باوجود لڑکیوں کا پتہ لگانے میں ناکام رہی ہے۔ جواں سالہ بیٹیوں کی عدم بازیابی پر والدین شدید پریشانی اور غم میں مبتلا ہیں۔ ان کا کہنا ہے کہ انہیں اپنی بیٹیوں کے اغوا کے بعد قتل کیے جانے کا خدشہ ہے۔

    غم سے نڈھال والدین نے روتے ہوئے وزیر اعلیٰ مریم نواز اور آئی جی پنجاب سے فوری اپیل کی ہے کہ ان کی بیٹیوں کو بازیاب کرایا جائے۔ انہوں نے کہا کہ وہ انصاف کے منتظر ہیں اور چاہتے ہیں کہ پولیس جلد از جلد ان کی بیٹیوں کو بازیاب کرائے۔

    اس واقعے سے علاقے میں خوف و ہراس پھیلا ہواہے۔ علاقہ مکینوں کا کہنا ہے کہ پولیس کو جلد از جلد لڑکیوں کو بازیاب کرانا چاہیے۔

  • 17 سال سے مفرور اشتہاری مجرم گرفتار کر لیا گیا

    قصور
    17 سال سے مفرور اشتہاری مجرم گرفتار

    تفصیلات کے مطابق قتل کے مقدمہ میں 17 سال سے مفرور مجرم اشتہاری کو گرفتار کر لیا گیا ہے
    تھانہ صدر چونیاں کے ایس ایچ او محمد ذوالفقار کی سربراہی میں پولیس ٹیم نے کامیاب کاروائی کرتے ہوئے قتل کے مقدمہ 535/08 میں 17 سال سے مفرور اے کیٹگری کا مجرم اشتہاری محمد سرور کو گرفتار کیا
    اشتہاری محمد سرور نے سال 2008 میں نوشہرہ کے علاقہ میں شہری امین کو ناحق قتل کیا تھا اور روپوش ہو گیا تھا
    تھانہ صدر چونیاں پولیس نے حسب ضابطہ ملزم کو گرفتار کر کے مزید تفتیش شروع کر دی ہے

  • قصور: لیسکو کی نااہلی، ایک سال میں 37 ارب کی بجلی چوری

    قصور: لیسکو کی نااہلی، ایک سال میں 37 ارب کی بجلی چوری

    قصور ( ڈسٹرکٹ رپورٹر طارق نوید سندھو سے ) لیسکو حکام قصور کے بجلی چوروں کے آگے بے بس ہوگئے، ایک سال میں 37 ارب 20 کروڑ 70 لاکھ روپے کی بجلی چوری کرلی گئی، مقدمات درج ہونے کے باوجود اربوں روپے کی ریکوری نہ ہوسکی۔

    تفصیلات کے مطابق پاکستان کی سب سے بڑی پاور ڈسٹری بیوشن کمپنی لیسکو کے لیے قصور بڑا چیلنج بن گیا ہے۔ لیسکو کے 7 سرکلز میں سب سے زیادہ بجلی چوری قصور سرکل میں رپورٹ ہوئی ہے۔

    سیاسی مداخلت اور بااثر افراد کی پشت پناہی کے باعث لیسکو افسران بجلی چوروں کے خلاف مؤثر کارروائی نہیں کر پاتے، اگر کوئی افسر جرات کا مظاہرہ کرے تو اسے مقامی اراکین اسمبلی کی شدید مخالفت کا سامنا کرنا پڑتا ہے، جبکہ کئی افسران اور اہلکاروں پر تشدد کے واقعات بھی پیش آچکے ہیں۔

    لیسکو دستاویزات کے مطابق بجلی چوری کی وجہ سے قصور سرکل میں پوری کمپنی کی کارکردگی متاثر ہورہی ہے۔ ایک سال میں 37 ارب، 20 کروڑ، 70 لاکھ روپے کی بجلی چوری ہوئی، مگر لیسکو افسران کو بجلی چوروں کے خلاف مقدمات درج کرانے میں شدید مشکلات کا سامنا ہے، اور اگر مقدمات درج ہو بھی جائیں تو چوروں کو پکڑنا مشکل ہوجاتا ہے۔

    لیسکو ذرائع کے مطابق اگر قصور میں بجلی چوروں کو سیاسی پشت پناہی نہ ملے تو قومی خزانے کو سالانہ 40 ارب روپے کے نقصان سے بچایا جاسکتا ہے۔ قصور کے مختلف ڈویژنز میں بجلی چوری کے اعداد و شمار کے مطابق قصور رورل ڈویژن میں8 ارب 64 کروڑ 80 لاکھ روپے،پھول نگر ڈویژن میں 9 ارب 62 کروڑ 90 لاکھ روپے،چونیاں ڈویژن میں 9 ارب 38 کروڑ 70 لاکھ روپے،قصور سٹی ڈویژن میں 5 ارب 66 کروڑ 70 لاکھ روپے اورکوٹ رادھا کشن ڈویژن میں 2 ارب 87 کروڑ 70 لاکھ روپے کی بجلی چوری کی گئی

    ایک سال کے دوران بجلی چوروں کے خلاف 26 ہزار 9 سو 87 مقدمات درج کیے گئے، تاہم بجلی چوروں کو 84 کروڑ 89 لاکھ 63 ہزار روپے کے ڈی بل چارج کیے گئے، مگر صرف 33 کروڑ 68 لاکھ 67 ہزار 911 روپے کی وصولی ممکن ہوسکی۔ اس طرح قصور سرکل میں ریکوری کی شرح محض 40 فیصد رہی۔

    لیسکو ذرائع کے مطابق بجلی چوری میں ملوث عناصر کو بااثر سیاسی خاندانوں کی سرپرستی حاصل ہے، یہی وجہ ہے کہ نشاندہی کے باوجود انتظامیہ کارروائی سے گریزاں ہے، اور لیسکو حکام بے بسی کی تصویر بنے ہوئے ہیں۔

  • مین سڑک عرصہ دراز سے ٹوٹ پھوٹ کا شکار،سخت مشکلات

    قصور
    نواحی علاقے کے لوگ سڑک کی وجہ سے سخت پریشان،ڈپٹی کمشنر قصور سے نوٹس کا مطالبہ

    تفصیلات کے مطابق قصور کے نواحی علاقے حاجی گگہ میں عرصہ دراز سے اہلیان علاقہ مین سڑک کی وجہ سے سخت پریشان ہیں
    ٹوٹے ہوئے مین راستے پر جگہ جگہ گڑھے پڑے ہوئے ہیں نیز زیادہ تر ان گڑھوں میں پانی کھڑا رہتا ہے جس کی وجہ سے اہلیان علاقہ کا گزرنا سخت مشکل ہے
    خاص کر بزرگ لوگ اس راستے کی وجہ سے سخت اذیت میں مبتلا ہیں اور نہیں گزر سکتے

    اہلیان علاقہ نے ڈپٹی کمشنر قصور سے نوٹس لے کر راستے کو نئے سرے سے تعمیر کرنے کا مطالبہ کیا ہے

  • ڈسٹرکٹ کورٹس میں پولیس کسٹڈی میں ہتھکڑیاں لگے شحض کا قتل،شہریوں میں تشویش

    قصور
    گزشتہ دن ڈسٹرکٹ کورٹس قصور میں عدالت کے باہر پولیس کسٹڈی میں قتل پر شہریوں میں سخت تشویش

    تفصیلات کے مطابق گزشتہ دن قصور پولیس کی کسٹڈی میں ہتھکڑیاں لگے شخص کو ڈی پی او آفس کے سامنے قتل کرنے پر شہریوں میں سخت تشویش پائی جا رہی ہے
    ڈسٹرکٹ کورٹس قصور میں کئی لوگوں کے پولیس کسٹڈی میں قتل ہونے کے باوجود اور سخت سیکیورٹی میں ایک بار پھر سے پولیس کسٹڈی میں سرعام قتل کی واردات پر شہری سوال کر رہے ہیں کہ اتنی سخت سیکیورٹی کے باوجود قاتل اسلحہ لے کر اندر کیسے پہنچا اور سرعام قتل کے بعد اتنی آسانی سے کیسے بھاگ نکلا؟
    حالانکہ جس جگہ قتل ہوا اسی جگہ واک تھڑو گیٹ لگا کر تلاشی کی جاتی ہے
    شہریوں کا سوال ہے کہ اس سے قبل بھی بہت سے لوگ قتل ہوئے جن کے بیشتر مجرمان پکڑے گئے تاہم کیا ان کی معاونت کرنے والے بھی پکڑے گئے؟
    اور اندر اسلحہ لیجانے کی یہ معاونت کر کون رہا ہے آخر معاون لوگ کب نشان عبرت بنیں گے؟

    گزشتہ دن قصور ڈی پی او آفس کے سامنے عدالت پیشی پر پسند کی شادی کرنے والے نوجوان کی عدالت میں پیشی تھی جس کے خلاف اس کے سسرال نے اغواء کا پرچہ کروا تھا اور وہ پولیس کسٹڈی میں تھا
    مقتول نوجوان وقاص کا تعلق نواہی گاؤں روشن بھیلہ سے تھا
    اور وقاص کے خلاف اغواء کا مقدمہ تھانہ شیخم میں درج تھا جس پر پسند کی شادی پر لڑکی کے بھائی نے عدالت اور ڈی پی او آفس کے دروازے پر مقتول کو فائرنگ کر کے قتل کیا حالانکہ عدالت میں لڑکی نے اپنے خاوند وقاص کے حق میں بیان دے دیا تھا اور اس کی رہائی تھی

  • قصور:کنگن پور میں خونی تصادم، فائرنگ سے 2 افراد ہلاک

    قصور:کنگن پور میں خونی تصادم، فائرنگ سے 2 افراد ہلاک

    قصور،باغی ٹی وی (ڈسٹرکٹ رپورٹرطارق نویدسندھو)کنگن پور میں خونی تصادم، فائرنگ سے 2 افراد ہلاک

    تفصیل کے مطابق قصور کے علاقے کنگن پور میں دو گروہوں کے درمیان خونی تصادم ہوا جس کے نتیجے میں فائرنگ سے 2 افراد موقع پر ہی جان کی بازی ہار گئے۔ یہ افسوسناک واقعہ اس وقت پیش آیا جب دونوں گروہوں کے درمیان کسی تنازع پر تلخ کلامی ہوئی۔ تلخ کلامی نے شدت اختیار کی اور دیکھتے ہی دیکھتے دونوں گروہوں نے ایک دوسرے پر فائرنگ شروع کر دی۔ فائرنگ کے نتیجے میں 2 افراد موقع پر ہی جاں بحق ہو گئے۔

    واقعے کی اطلاع ملتے ہی ریسکیو ٹیمیں اور پولیس کی بھاری نفری جائے وقوعہ پر پہنچ گئی۔ پولیس نے علاقے کو گھیرے میں لے کر ملزمان کی تلاش شروع کر دی ہے۔ پولیس حکام کا کہنا ہے کہ لاشوں کو پوسٹ مارٹم کے لیے ہسپتال منتقل کر دیا گیا ہے۔ اور علاقے میں مزید کسی ناخوشگوار واقعے سے بچنے کے لیے سیکیورٹی سخت کر دی گئی ہے۔

    پولیس حکام کا کہنا ہے کہ ابتدائی تحقیقات کے مطابق یہ تصادم دو مخالف گروہوں کے درمیان پرانی دشمنی کا نتیجہ ہے۔ پولیس تمام پہلوؤں سے معاملے کی تحقیقات کر رہی ہے اور ملزمان کو جلد گرفتار کر لیا جائے گا۔

  • قصور:محبت کا خونی انجام، پسند کی شادی کرنے والا نوجوان عدالت کے باہر قتل

    قصور:محبت کا خونی انجام، پسند کی شادی کرنے والا نوجوان عدالت کے باہر قتل

    قصور،باغی ٹی وی (ڈسٹرکٹ رپورٹرطارق نویدسندھو)محبت کا خونی انجام، پسند کی شادی کرنے والا نوجوان عدالت کے باہر قتل

    تفصیلات کے مطابق قصور میں ایک دلخراش واقعہ پیش آیا، جہاں پسند کی شادی کرنے والے نوجوان کو عدالت کے باہر فائرنگ کر کے قتل کر دیا گیا۔ یہ واقعہ قصور کی مقامی عدالت کے باہر پیش آیا، جس نے ایک بار پھر پسند کی شادی کے تنازعات میں تشدد کی انتہا کو بے نقاب کر دیا۔

    مقتول نوجوان کی شناخت وقاص کے نام سے ہوئی ہے، جس کا تعلق نواحی گاؤں روشن بھیلا سے تھا۔ وقاص نے اپنی پسند کی لڑکی سے شادی کی تھی، جس پر لڑکی کے گھر والے سخت ناراض تھے۔ اس شادی کے بعد لڑکی کے گھر والوں نے وقاص کے خلاف اغوا کا مقدمہ تھانہ شیخم میں درج کرایا تھا۔

    گذشتہ روز جب وقاص عدالت میں پیش ہوا تو لڑکی نے اپنے شوہر کے حق میں بیان دیا۔ اس بیان پر لڑکی کا بھائی عمران مشتعل ہو گیا اور اس نے عدالت کے دروازے پر وقاص پر فائرنگ کر دی۔ فائرنگ کے نتیجے میں وقاص موقع پر ہی دم توڑ گیا۔

    اس واقعے نے علاقے میں خوف و ہراس پھیلا دیا ہے۔ لوگوں نے عدالت کے باہر اس طرح کے سفاکانہ قتل پر شدید غم و غصے کا اظہار کیا ہے۔

    ڈی پی او عیسیٰ خاں سکھیرا کے مطابق ملزم عمران کی گرفتاری کے لیے 3 رکنی کمیٹی تشکیل دے دی گئی ہے۔ پولیس کا کہنا ہے کہ ملزم کو جلد گرفتار کر لیا جائے گا۔

  • ڈسٹرکٹ کوآرڈینیشن کمیٹی کا اہم اجلاس،اہم فیصلے

    قصور
    ڈسٹرکٹ کوآرڈینیشن کمیٹی کا اہم اجلاس

    تفصیلات کے مطابق ڈسٹرکٹ کوآرڈینیشن کمیٹی کے
    اجلاس میں ڈپٹی کمشنر عمران علی،ڈی پی او محمد عیسی خان سکھیرا،کرنل رفیع اللہ اور دیگر افسران نے شرکت کی جس نو ایجنڈوں کے حوالے سے جائزہ لیا گیا
    سول ڈیفنس نے غیر قانونی پٹرول پمپس،منی پٹرول پمپس، ایل پی جی ری فلنگ شاپس کی نشاندہی کی اور
    کاروائی کیلئے اسسٹنٹ کمشنر، سول ڈیفنس اور پولیس پر مشتمل کمیٹی قائم کر دی گئی
    پنجاب روڈ سیفٹی ڈیپارٹمنٹ کی طرف سے حادثات کی روک تھام کیلئے سڑکوں پر برجز کے دونوں اطراف وال لگائی جائینگی اور
    نان کسٹم گاڑیوں کیخلاف کاروائی کیلئے ایکسائز،ٹریفک، سیکرٹری ڈی آر ٹی اے اور پولیس پر مشتمل کمیٹی قائم کی جائے گی نیز ملتان روڈ پر ایک چیکنگ پوائنٹ بنانے کا فیصلہ کیا گیا ہے
    تمام اسسٹنٹ کمشنرز کو تجاوزات پر کام کی رفتار کو تیز کرنے کی ہدایت کی گئی
    جبکہ نان رجسٹرڈ مدارس کو جلد از جلد رجسٹر کرنے کیلئے اقدامات کرنے کی ہدایات کی گئی
    اجلاس میں بجلی چوری کی روک تھام اور ریکوری کیلئے کئے گئے اقدامات کا جائزہ لیا گیا

  • قصور کا رہائشی کچے کے ڈاکوؤں کے ہاتھوں اغواء ،30 لاکھ تاوان

    قصور
    قصور کا رہائشی 65 سالہ بزرگ شحض کچے کے ڈاکوؤں کے ہاتھوں اغوا،تشدد کی ویڈیو لواحقین کو وصول،30 لاکھ روپیہ تاوان کا مطالبہ،لواحقین کی وزیر اعلی پنجاب اور آئی جی پنجاب سے انصاف کی فریاد

    تفصیلات کے مطابق قصور کے تھانہ بی ڈویژن کے علاقے جماعت پورہ کا 65 سالہ بزرگ شخص محمد حنیف کچے کے ڈاکوؤں کے ہتھے چڑھ گیا
    اغواء کاروں نے محمد حنیف ارشد کے لواحقین سے 30 لاکھ کا مطالبہ کیا اور اغواء کاروں نے حنیف ارشد پر تشدد کی ویڈیو بھی لواحقین کو بھیج دی جس پر لواحقین نے
    تھانہ بی ڈویژن قصور میں مقدمہ درج کروا دیا
    لواحقین کا کہنا ہے کہ ہمارے گھر میں ایک وقت کے کھانے کے پیسے نہیں تو ہم 30 لاکھ کہاں سے دینگے
    مغوی کے بچوں نے بتایا کہ ہمارا باپ بوڑھا شحض ہے
    اس کے ساتھ انسانیت سوز سلوک کیا جا رہا ہے
    ہم غریب اور بے بس ہیں
    وزیر اعلی پنجاب اور آئی جی پنجاب ہمارے باپ کو اغواء کاروں سے بازیاب کروا کر دیں
    اور ہمیں انصاف مہیا کیا جائے