رائیونڈ(باغی ٹی وی رپورٹ) ایس ڈی او محمد وقاص کی غیر قانونی کارروائیوں کے خلاف لائن مینوں کا احتجاج
تفصیل کے مطابق رائیونڈ میں ایس ڈی او سب ڈویژن جیابگا محمد وقاص نے اپنے ہی لائن مینوں کے لیے خطرہ بن کر ادارے کے حفاظتی احکامات کی خلاف ورزی شروع کر دی۔ انہوں نے بغیر پرمٹ کے لائن مینوں کو فیڈر جمال پورہ میں کام کرنے پر مجبور کیا، جس کے خلاف ملازمین نے احتجاج کیا۔
ایس ڈی او نے فیڈر جمال پورہ کو بند کروا کر فالٹ پاجیاں کو ٹھیک کرنے کے لیے روانہ کیا۔ جب لائن مین موقع پر پہنچے تو قریبی مقام پر لائٹ آ رہی تھی، جس سے تصدیق ہوئی کہ فیڈر بند کیا گیا ہے۔ ملازمین نے حفاظتی اقدامات کی نشاندہی کی اور ایس ڈی او سے درخواست کی کہ وہ واپڈہ کے بنائے گئے طریقہ کار پر عمل کریں تاکہ ان کی جانوں کا تحفظ کیا جا سکے۔
اس پر ایس ڈی او نے ملازمین سے بداخلاقی سے بات کرتے ہوئے انکار کرنے پر ان کے خلاف سزائیں دیں اور کئی ملازمین کو سسپینڈ کر دیا۔ ان کے خلاف ایف آئی آر درج کرنے کے لیے کارروائیاں بھی شروع کر دیں۔ ایس ڈی او کے غیر قانونی اور غیر اخلاقی رویے کے خلاف ملازمین نے دھرنا دیا اور اعلیٰ حکام سے فوری کاروائی کا مطالبہ کیا۔
ملازمین نے وزیر اعلیٰ مریم نواز، چیئرمین واپڈہ شاہد حیدر اور وزیر بجلی و پانی سے اپیل کی کہ ایس ڈی او محمد وقاص کے خلاف کارروائی کی جائے تاکہ محکمے کی بدنامی اور عوامی خدمت میں رکاوٹ کو روکا جا سکے۔ ملازمین نے اپنے حقوق کے لیے احتجاجی دھرنا جاری رکھنے کا عہد کیا اور مطالبہ کیا کہ انہیں عوامی خدمت پر بحال کیا جائے تاکہ وہ اپنی ذمہ داریاں بہتر طریقے سے نبھا سکیں۔
