Category: قصور

قصور
بروز جمعہ پی ٹی آئی کی جانب سے احتجاج کی کال کے بعد سرکاری سکولوں میں چھٹی کروائی گئی،آج تین دن بعد سکولوں میں بچوں کی تعداد پوری نا ہو سکی،بیشتر بچے چھٹی کرکے گھر بیٹھے ہیں،انٹرنیٹ سروس تاحال متاثر

تفصیلات کے مطابق ملک بھر کی طرح ضلع قصور میں بھی گزشتہ دن بروز جمعہ کو پی ٹی آئی کی جانب سے احتجاج کی کال دی گئی تھی جس کے باعث گورنمنٹ نے نوٹیفکیشن جاری کرتے ہوئے ضلع بھر کے سرکاری سکولوں میں چھٹی کروا دی تھی جو کہ بروز جمعہ والے دن تک کیلئے ہی تھی جبکہ اس سے اگلے دو دن ہفتہ اور اتوار کو معمول کی چھٹیاں تھیں تاہم آج بروز پیر کو بیشتر سرکاری سکولوں میں بچوں کی تعداد کم ہے جس کی وجہ آئے روز احتجاج و ہڑتال کے باعث سکولوں میں چھٹی کا ہونا ہے
دوسری جانب اب بھی ضلع قصور میں انٹرنیٹ سروس شدید متاثر ہے واٹس ایپ کے بعد فیسبک بھی بہت سلو چل رہی ہے اس بابت لوگ وی پی این استعمال کر رہے ہیں

قصور
عرصہ چار سال سے مفرور اشتہاری مجرم گرفتار

تفصیلات کے مطابق ڈی پی او محمد عیسیٰ خاں کی ہدایت پر عمل کرتے ہوئے تھانہ صدر پتوکی نے کامیاب کاروائی کرتے ہوئے قتل اور دہشت گردی کی دفعات میں مطلوب خطرناک مجرم اشتہاری گرفتار کر لیا گیا
اشتہاری مجرم طارق عرف طارقی گھبر سکنہ پھولنگر عرصہ 4 سال سے مقدمہ نمبر 438/20 میں مفرور چلا آ رہا تھا
اس بابت مدعی مقدمہ نے چند روز قبل کھلی کچہری میں ڈی پی او محمد عیسیٰ خاں سے مجرم اشتہاری کی گرفتاری کی استدعا کی تھی
ڈی پی او محمد عیسیٰ خاں نے نوٹس لیتے ہوئے ڈی ایس پی پتوکی اور ایس ایچ او صدر پتوکی پر مشتمل سپیشل ٹیم تشکیل دی اور مجرم کو جلد سے جلد گرفتار کرنے کا حکم جاری کیا
پولیس ٹیم نے اپنی پیشہ وارانہ صلاحیتوں اور جدید ٹیکنالوجی کو بروئے کار لاتے ہوئے اشتہاری مجرم کو گرفتار کر لیا اور مجرم سے حسب ضابطہ تفتیش شروع کر دی ہے

قصور
لیسکو سب ڈویژن بہادر پورہ صارفین کیلئے خودکش بمبار سے بھی خطرناک،ٹوٹے کھمبوں پر بجلی کی تاریں صارفین کیلئے موت کا پیغام،بارہا بتانے اور دکھانے کے بھی واپڈا حکام لوگوں کی موت کے انتظار میں،موضع کھارا کے صارفین ہر وقت خطرے میں،ڈپٹی کمشنر قصور سے ازخود نوٹس کی اپیل

تفصیلات کے مطابق لیسکو قصور کی سب ڈویژن بہادر پورہ اپنے صارفین کیلئے کسی خودکش بمبار کی طرح خطرناک بن چکی ہے
1970 کی پرانی بوسیدہ ٹرانسمیشن لائن اور 1990 میں لگائے گئے کنکریٹ کے بنے بجلی کے کھمبے جو کہ مکمل طور پر ٹوٹ گئے ہیں اب لوگوں کے سروں پر ہر وقت ایک خطرناک تلوار کی طرح لٹکتے رہتے ہیں
جس طرح خطرناک علاقوں میں ہر وقت خودکش دھماکے کا خطرہ رہتا ہے ایسے ہی موضع کھارا سب ڈویژن لیسکو بہادر پورہ کے صارفین کو اپنے سروں پر موت کا سایہ منڈلاتا نظر آتا ہے
موضع کھارا کے محلہ قصائیاں والہ میں حیدر مہر کے گھر کے دروازے کے باہر لگا بجلی کا کھمبا عرصہ دراز سے ٹوٹ پھوٹ کا شکار تھا اور تیز ہوا چلنے سے ہلتا تھا جو کہ اب گزشتہ ماہ سے مکمل ٹوٹ چکا ہے اور مہر حیدر کی فیملی کیساتھ پورے علاقے کیلئے موت کا پروانہ بنا ہوا ہے
اس بابت واپڈا اہلکاروں کو کئی بار یہ کھمبا دکھلایا گیا ہے تاہم کھمبا تبدیل نہیں کیا گیا جس پر کل بروز منگل اہلیان علاقہ نے لیسکو کی وفاقی ہیلپ لائن پر کال کی تو واپڈا اہلکاروں نے آکر ٹرانسفارمر سے بجلی کی فراہمی منقطع کر دی جو کہ تاحال منقطع ہی ہے
اس سے قبل کئی بار اہلیان علاقہ نے واپڈا اہلکاروں کو اس ٹوٹے کھمبے اور مذید چار اور ٹوٹے کھمبوں بار بتایا ہے تاہم کوئی بات نہیں بنی
اہلیان علاقہ نے ڈپٹی کمشنر قصور سے ازخود نوٹس لے کر نیا کھمبا لگانے کی درخواست کی ہے کیونکہ ان کا کہنا ہے کہ ہمیں واپڈا اہلکاروں سے کسی قسم کی کوئی امید نہیں کیونکہ سالوں سے ان کو بتا رہے ہیں

قصور
تھانہ صدر قصور نے بذریعہ ڈرون منشیات اسمگلنگ ناکام بنا دی،ایک ملزم بمعہ منشیات گرفتار،مقدمہ درج

تفصیلات کے مطابق قصور
کے تھانہ صدر کے اے ایس آئی محمد ندیم نے کامیاب کاروائی کرتے ہوئے بذریعہ ڈرون منشیات کی اسمگلنگ ناکام بنا دی اور ملزم ایک کس کو بمعہ منشیات گرفتار کر لیا
تھانہ الہ آباد کی حدود موضع ٹبہ بھاگیوال کا رہائشی شاہد ولد ریاض قوم جٹ اپنے ساتھیوں احمد وغیرہ کے ہمراہ بی آر بی نہر کے قریب منشیات سے ڈرون اسمگلنگ کیلئے موجود تھا کہ تھانہ صدر کے اسسٹنٹ سب انسپکٹر محمد ندیم نے اپنی ٹیم سمیت ریڈ کیا جنہیں دیکھ کر ملزمان بھاگ نکلے تاہم پولیس ٹیم نے شاہد کو پکڑ لیا جس کے قبضہ سے 1000 گرام سے زائد لاکھوں روپیہ مالیت کی ہیروئن برآمد ہوئی
ملزم کو گرفتار کرکے ہیروئن کے نمونے لیبارٹری کیلئے بجھوا دیئے گئے ہیں اور بھاگ جانے والے ملزمان کی گرفتاری کیلئے سپیشل ٹیمیں تشکیل دے دی گئی ہیں

قصور
سرکلر روڈ،چوک نور مسجد،بلدیہ چوک،شہباز خان روڈ جانے والا چوراستہ شہریوں کیلئے وبال جان،ہر وقت ٹریفک جام رہنا معمول،تجاوزات کے باعث سڑک چھوٹی اور دشوار گزار،ضلعی انتظامیہ سے کاروائی کی اپیل

تفصیلات کے مطابق قصور کے معروف چوک میں ہر وقت کی ٹریفک بندش سے شہری سخت پریشان ہیں
سرکلر روڈ،چوک نور مسجد،شہباز خان روڈ اور بلدیہ چوک جانے والے راستوں پر مبنی چوراستہ لوگوں کیلئے بہت بڑی اذیت سے کم نہیں ہے
دن رات یہاں ٹریفک جام رہتی ہے اور اکثر اوقات ایکسیڈنٹ بھی ہوتے رہتے ہیں جس کی وجہ تجاوزات ہیں
دکانداروں نے تجاوزات سے شہریوں کو پریشان کر رکھا ہے جس کے باعث لوگ الٹ سمت بائیک و گاڑیاں چلاتے ہیں اور اسی کی وجہ سے ایکسیڈنٹ بھی ہوتے رہتے ہیں
شہریوں نے ڈپٹی کمشنر قصور اور اسسٹنٹ کمشنر قصور سے تجاوزات کے خلاف کاروائی کا مطالبہ کیا ہے

قصور
آر پی او شیخوپورہ و ڈی پی او قصور کا دورہ احمد تھیلیسیمیا کئیر ہسپتال کنگن پور،بچوں نے پھولوں کے گلدستے پیش کئے

تفصیلات کے مطابق ریجنل پولیس آفیسر (RPO) شیخوپورہ رینج پنجاب پولیس اطہر اسماعیل ڈسٹرکٹ پولیس آفیسر (DPO) قصور عیسیٰ خان سکھیرا نے احمد تھیلیسیمیا کئیر ہسپتال کنگن پور قصور کا خصوصی وزٹ کیا
اس موقع پر چئیرمن احمد تھیلیسیمیا کئیر ہسپتال محمد سعید و سٹاف ہسپتال ھذہ اور تھیلیسیمیا کے مریض بچوں نے آنے والے مہمانوں کا استقبال کیا بچوں نے میزبانی کا حق ادا کرتے ہوئے مہمانوں کو پھولوں کے گلدستے پیش کئے
مہمانوں نے تھیلیسیمیا کے مریض بچوں اور والدین سے انکے مسائل سنے اور ہسپتال کے سٹاف نے تھیلیسیمیا پر مکمل بریفننگ دی
اسٹیشن ہاؤس آفیسر (SHO) کنگن پور ذوالفقار علی بھٹی بھی ہمراہ تھے جنہوں نے ہسپتال کے متعلق پولیس ڈیپارٹمنٹ کی شفقت پر بریفننگ دی
RPO اور DPO
نے تھیلیسیمیا کے مریض بچوں سے پیار کیا اور جلد دوبارہ دورہ کرنے اور ہسپتال کو مکمل سپورٹ کرنے کا وعدہ کیا
نیز تھیلیسیمیا کے مریض بچوں کو DPO آفس قصور میں انوائیٹ کیا ہے جن کو پروٹوکول کے ساتھ ایک دن کا آفیسر بنایا جائے گا
اہلیان علاقہ،ہسپتال سٹاف و تھیلیسیمیا کے مریض بچوں اور ان کے ورثاء نے کہا کہ ہم بھائی سردار جہانگیر شریف ڈوگر کے خصوصی شکر گزار ہیں کہ جن کی خصوصی کاوش سے یہ وزٹ مکمن ہوا
تھیلیسیمیا کے مریض بچوں نے آنے والوں مہمانوں کو دعاؤں سے نوازا