Category: قصور

قصور،باغی ٹی وی (بیوروچیف غنی محمود)لاہور،قصور،اوکاڑہ،سیالکوٹ اور کراچی میں ٹریول ایجنسیوں کے نام پر لوگوں کو سبز باغ دکھا کر لوٹنے والے دو سگے بھائی سرعام فراڈ کرنے لگے،متاثرہ لوگوں کو ایف آئی اے سے کاروائی کا مطالبہ

تفصیلات کے مطابق اوکاڑہ کی تحصیل رینالہ خورد کے گاؤں 11 ون آر کے رہائشی دو سگے بھائی محمد الیاس اور محمد اعجاز نے واٹس ایپ گروپ بنا رکھے ہیں اور اس میں لوگوں کو ایڈ کرکے سبز باغ دکھا کر باہر بھیجنےکا جھانسہ دے کر لوگوں سے فراڈ کر رہے ہیں

ذرائع کاکہنا ہے کہ ان دونوں بھائیوں نے لاہور میں جدہ ٹریول ایجنسی،کراچی میں دشت ٹریول ایجنسی اور ایک سیالکوٹ کی ٹریول ایجنسی کے نام پر واٹس ایپ گروپس بنائے ہوئے ہیں

ان گروپس میں لاہور،قصور،اوکاڑہ،ساہیوال،سیالکوٹ،کراچی کے علاوہ ملک کے دیگر علاقوں سے لوگوں کو ایڈ کیا ہوا ہے اور ان کو ان گروپس میں بیرون ملک بھیجنے کا جھانسہ دیا جاتا ہے اور پھر پیسے وصول کرکے گروپ سے نکال دیا جاتا ہے

متاثرہ لوگوں نے فیڈرل انویسٹیگیشن ایجنسی( ایف آئی اے) سے مطالبہ کیا ہے کہ ان فراڈیوں کو گرفتار کرکے ان کے خلاف کارروائی کی جائے اور متاثرہ لوگوں کی رقوم واپس دلوائی جائیں.

قصور،باغی ٹی وی (بیوروچیف غنی محمود)پلاسٹک شاپر بیگز پر پابندی،پابندی کا فائدہ دکانداروں کو،شاپنگ بیگز کی الگ سے قیمت وصولی،شہری پریشان

تفصیلات کے مطابق پنجاب گورنمنٹ نے پلاسٹک بیگز کے مضر ماحولیات اثرات کے پیش نظر سنگل یوز پلاسٹک کے استعمال اور خرید و فروخت پر 5 جون 2024 سے مکمل پابندی عائد کر رکھی ہے

ایک مرتبہ استعمال ہونے والی اشیاء جیسا کہ پلاسٹک کانٹے، چمچے، اسٹرا، پلیٹس، ڈسپوزیبل گلاس، فوڈ بکس، پلاسٹک اسٹیکرز، پلاسٹک جھنڈے، پلاسٹک بینرز جو کہ 80 مائیکرو وزن سے کم ہو اور وہ پلاسٹک بیگز جس کی موٹائی 75 مائیکرو زون سے کم ہو ان کے استعمال اور خریدو فروخت پر مکمل پابندی ہے

اس چیز کا فائدہ اٹھاتے ہوئے مہنگائی کی ماری عوام پر دکاندار حضرات نے شاپر بیگز کا خرچ بھی ڈالنا شروع کر دیا ہے،خریدی گئی چیزوں پر پہلے سے ٹیکس دینے والی عوام اب شاپر بیگز کے پیسے دکاندار کو الگ سے دیتی ہے

شہریوں کا کہنا ہے کہ گورنمنٹ دکانداروں کو پابند کرے کہ وہ شاپنگ بیگز کی قیمت لوگوں سے وصول نا کریں ،شہریوں نے مطالبہ کیا ہے کہ جو دکاندار الگ سے شاپنگ بیگز کی قیمت وصول کر رہے ہیں ان کے خلاف کارروائی کی جائے.

قصور،باغی ٹی وی (بیوروچیف غنی ًمحمود)بستی لال شاہ میں دھاتی ڈور سے 12 سالہ بچہ ریحان فوت ہو گیا،علاقہ میں سوگ،پابندی کے باوجود سرعام پتنگ بازی جاری

تفصیلات کے مطابق قصور کے تھانہ اے ڈویژن کی حدود میں ناخوشگوار واقعہ پیش آیا جس کے باعث پورا علاقہ سوگ میں ڈوبا ہوا ہے
محنت کش مزدور غریب غلام نبی کا بیٹا جو کہ بستی لال شاہ کا رہائشی ہے دھاتی ڈور کی وجہ سے جان کی بازی ہار گیا

پتنگ کٹ کر 11000Kv تاروں پر گری تو بچے نے ڈور پکڑنے کی کوشش کی تاہم ڈور کیمکل اور دھاتی تھی جس کے پکڑتے ہی بجلی نے بچے کو اپنی لپیٹ میں لے لیا اور نیچے پڑے کانے کے ڈھیر و گھاس پھوس وغیرہ کو بھی آگ لگ گئی

مقامی لوگوں نے بچے کو مٹی وغیرہ میں دبایا لیکن وہ جانبر نہ ہو سکا ،اس ناخوشگوار واقعہ پر بستی لال شاہ میں کہرام مچ گیا

قصور کے تھانہ سٹی اے ڈویژن،تھانہ بی ڈویژن،تھانہ صدر کے علاقوں میں پابندی کے باوجود سرعام پتنگ بازی اور خفیہ طور پر پتنگ سازی جاری ہے جس پر اہلیان علاقہ نے تشویش کا اظہار کیا ہے

قصور،باغی ٹی وی(بیوروچیف غنی محمود)شہر میں وارداتوں کا سلسلہ نہ رک سکا،شہری نقدی،موٹر سائیکلوں اور دیگر اشیاء سے محروم

تفصیلات کے مطابق قصور اور اس کے گردونواح میں نامعلوم ڈاکوؤں نے مختلف وارداتوں میں شہریوں کو لاکھوں روپے کی موٹر سائیکلوں،موبائل فون،نقدی و دیگر سامان سے محروم کردیا ہے

تھانہ اے ڈویژن میں کرامت علی نے مقدمہ درج کروایا کہ دربار خواجہ صاحب میری کھڑی موٹر سائیکل نمبری LEM-16-2393
نامعلوم چور لے گئے ہیں

تھانہ صدر قصور میں ابو حنفیہ نے مقدمہ درج کروایا کہ میں اپنے دوست کے ساتھ موٹر سائیکل پر قصور گھر کو آ رہا تھاکہ شہر قصور سے تین کلو میٹر پیچھے تین کس ڈاکو آئے اور گن پواینٹ پر میرے دوست کو تشدد کا نشانہ بنایا ور مجھ سے 39 ہزار روپے نقدی و یگر سامان لوٹ کر لے گئے

تھانہ راجہ جنگ میں نوید مسیح نے مقدمہ درج کروایا کہ میری زیر تعمیر بلڈنگ کے پاس کھڑی موٹر سائیکل نامعلوم چور لے گئے ہیں

تھانہ الہ آباد میں احمد حسن نے درخواست دی کہ میرے گھر کے باہر کھری موٹر ائیکل نمبری LEV-18-9465نامعلوم چور لے گئے ہیں

تھانہ گنڈا سنگھ میں محمد لطیف نے درخواست دی ہے کہ میری کجیاں والا قرستان کے باہر کھڑی موٹر سائیکل نمبری LEQ-6793 نامعلوم چور لے گئے ہیں

مقامی پولیس الگ الگ مقدمات درج کرکے مصروف تفتیش ہے

قصور،باغی ٹی وی (بیوروچیف غنی محمود)یوم عاشورہ کے موقع پر سیکیورٹی اداروں کیساتھ ریسکیو 1122 بھی متحرک رہا،ماتمی جلوسوں کیساتھ روٹین پیشنٹ بھی ہسپتالوں میں منتقل کئے گئے

تفصیلات کے مطابق یوم عاشورہ کے موقع پر سیکرٹری ایمرجنسی سروسز،ڈائریکٹر جنرل ریسکیو پنجاب ڈاکٹر رضوان نصیر کی ہدایات پر عمل کرتے ہوئے ریسکیو 1122 عملہ نے ضلع بھر میں ہائی الرٹ رہتے ہوئے فرائض سر انجام دیئے

گزشتہ دن یوم عاشورہ کے موقع پر ضلع بھر میں 200 سے زائد ریسکیورز اور والینٹیرز تعینات کیے گئے تھے

ڈسٹرکٹ ایمرجنسی افیسر ڈاکٹر نئیر عالم خان نے بتایا کہ یوم عاشورہ کے موقع پر عزاداران کو طبی امداد فراہم کرنے کے لیے ضلع بھر میں 16 ایمبولینسز ، 25 موٹر بائکس اور 4 فائر اینڈ ریسکیو وہیکلز کی مدد سے ماتمی جلوسوں کو ریسکیو اور میڈیکل کور فرام کی گئی نیز یوم عاشورہ کے موقع پر ریسکیو اینڈ میڈیکل کور کیساتھ روٹین کی ایمرجنسی، پیشنٹ ٹرانسفر سروس بھی بلا تعطل جاری رہیں

یوم عاشورہ کے موقع پر ریسکیو اہلکاروں اور اور والینٹئیرز نے مجموعی طور پر ضلع بھر میں 620 افراد کو طبی امداد فراہم کی جبکہ 12 اشخاص کو حالت خراب ہونے پر ہسپتال منتقل کیا گیا

قصور،باغی ٹی وی (بیوروچیف غنی محمود قصوری)ضلع بھر میں یوم عاشورہ کے موقع پر مجالس و جلوس جاری،مسلح پولیس اہلکار تعینات

تفصیلات کے مطابق قصور پولیس کی سخت سکیورٹی میں 10 محرم الحرام کی تمام مجالس اور جلوس کے پروگرامز جاری ہے ،ضلع بھر میں 17 جلوس اور 55 مجالس کے پروگرامز جاری ہیں جن میں سے سب سے بڑا جلوس سادات منزل قصور سٹی سے برآمد ہو گا اور جامعہ الحسینیہ کوٹ رکن دین خان پر اختتام پذیر ہو گا

یوم عاشورہ کے موقع پر قصور پولیس کے ایک ہزار سے زائد پولیس افسران اور اہلکار ڈیوٹی سرانجام دے رہے ہیں اور مجالس و جلوس کے دوران چھتوں پر مسلح اہلکار تعینات ہیں جبکہ مجالس اور جلوسوں میں شامل ہونیوالے عزاداروں کو میٹل ڈیٹکٹر اور واک تھرو گیٹس سے چیک کیا جا رہا ہے
اور تمام مجالس اور جلوس کے پروگرامز کی سی سی ٹی وی کیمروں سے نگرانی کی جارہی ہے

ڈی پی او قصور محمد عیسیٰ خاں خود تمام پروگرامز کے سکیورٹی انتظامات کا جائزہ لے رہے ہیں اور تمام سرکل افسران اور ایس ایچ اوز تمام حساس مجالس اور جلوس کے پروگرامز پر موجود ہیں

قصور،باغی ٹی وی (بیوروچیف غنی محمودقصوری) منشیات فروشوں کے خلاف کاروائیاں جاری،کوٹ رادھا کشن میں منشیات سپلائی کا بڑا نیٹ ورک پکڑا گیا،ڈرون و منشیات برآمد،ملزمان گرفتار

تفصیلات کے مطابق قصور کی صحافی برادری کی جانب سے توجہ دلانے پر ڈی پی او قصور محمد عیسیٰ خاں کی ہدایت پر ضلع بھر میں منشیات فروشوں کے خلاف کاروائیاں جاری ہیں

کوٹ رادھا کشن میں پولیس نے کامیاب کاروائی کرتے ہوئے منشیات سپلائی کا بڑا نیٹ ورک پکڑا ہے جس کے مرکزی چار ملزمان گرفتار ہوئے ہیں جن سے لاکھوں روپے مالیت کی منشیات اور ایک ڈرون برآمد ہوا ہے

ایس ایچ او تھانہ کوٹر ادھاکشن راؤ دلشاد کی سربراہی میں کلارک آباد روڈ سے دو ملزمان نثار اور عبدالماجد کو حراست میں لیا گیا جن کے قبضہ سے لاکھوں روپے مالیت کی ایک کلو گرام سے زائد ہیروئن اور ایک ڈرون کیمرہ برآمد ہوا

ملزمان ڈرون کی مدد سے منشیات ایک علاقہ سے دوسرے علاقہ میں سپلائی کرتے تھے پولیس نے دیگر کاروائیوں کے دوران دو سپلائر رمضان عرف جانی اور جھیڈو کو گرفتار کیا ملزمان کے قبضہ سے چار کلوگرام چرس برآمد کر لی گئی ہے