قصور،باغی ٹی وی( طارق نوید سندھو ڈسٹرکٹ رپورٹر) این اے 131 سے الیکشن میں حصہ لینے والے ٹی ایل پی کے امیدوار سردار حافظ منیب احمد ڈوگر کا حلقے کا دورہ
NA-131 میں MNA کے امیدوار سردار حافظ منیب احمد ڈوگر نے یونین کونسل نمبر 11 کا دورہ کیا اور علاقہ کے معززین کا شکریہ ادا کیا اور اس بات کی یقین دہانی کروائی کہ آپ کے ہر جائز کام میں جہاں میری ضرورت پڑی میں آپ کے ساتھ ہوں۔
اس دوران سردار حافظ منیب احمد ڈوگر کا یہ بھی کہنا تھا کہ یہ میری زندگی کا پہلا الیکشن تھا اور پہلی ہی بار میں تحریک لبیک پاکستان کو 47000 ووٹ ملے ہیں اور قصور کی عوام نے یہ ثابت کیا ہے کہ وہ اسلامی جمہوریہ پاکستان کے خواہاں ہیں اور نظام مصطفی کا نفاذ چاہتے ہیں،
ان کا یہ بھی کہنا تھا کہ میں آج سے ہی اپنے اگلے الیکشن کی کمپین کا آغاز کر رہا ہوں اور ہر وقت میں آپ کے علاقہ میں ہی موجود رہوں گا۔
اس دوران مشتاق کالونی قصور میں چوہدری احمد رضا قصوری، طارق نوید سندھو، علی شیر سندھو، نور خان، رانا عرفان باو، بانا سید دیوان شاہ، ساجد جوئیہ، ایم منشاء، مہر شکیل، خرم شہزاد اعوان اور ملک ثاقب سے ملاقات کی اور الیکشن میں بھرپور ساتھ دینے پر شکریہ بھی ادا کیا۔
