Category: قصور

قصور
گزشتہ دن گورنمنٹ کی طرف سے سخت نا انصافی کرتے ہوئے پیٹرولیم مصنوعات کی قیمتوں پہ عوامی ردعمل شروع ہو گیا،مرکزی مسلم لیگ پاکستان قصور آج پریس کلب قصور کے باہر احتجاجی مظاہرہ کرے گی

تفصیلات کے مطابق گزشتہ دن گورنمنٹ نے انتہائی ناانصافی کرتے ہوئے پیٹرولیم مصنوعات کی قیمتوں میں 20 روپیہ فی لیٹر تک اضافہ کیا جو کہ سخت زیادتی اور نا انصافی ہے
اس اضافے پہ عوام میں شدید غم و غصہ پایا جا رہا ہے اور لوگوں نے پیٹرولیم مصنوعات میں اضافے کو مسترد کیا ہے اور گورنمنٹ سے مطالبہ کیا ہے کہ پیٹرولیم مصنوعات کو سستا کیا جائے پہلے ہی ہر چیز کی قیمتیں بہت زیادہ ہیں

آج دن گیاراں بجے پریس کلب قصور کے باہر سیاسی جماعت مرکزی مسلم لیگ پاکستان قصور احتجاجی مظاہرہ کرے گی جس میں پیٹرولیم مصنوعات کی قیمتوں میں اضافے کے خلاف مظاہرہ کیا جائے گا
شہریوں نے پیٹرولیم مصنوعات پہ گورنمنٹ پہ سخت تنقید کی ہے اور اضافے کو مسترد کیا ہے
واضع رہے کہ ملک میں اس وقت پہلے سے ہی بہت مہنگائی ہے اوپر سے پیٹرولیم مصنوعات و بجلی کی قیمتوں میں بار بار اصافہ کرکے لوگوں کو اذیت دی جا رہی ہے جبکہ اشرافیہ کے خرچے نہیں کم کئے جا رہے ان کی عیاشیاں مذید بڑھا دی گئی ہیں

قصور
پاکستانی تاریخ کی مہنگی ترین سبزیاں و پھل،سیلاب زدگان کیساتھ پوری قوم بھی پریشان،حکومتی دعوے بے نقاب

تفصیلات کے مطابق پاکستان کی تاریخ میں سب سے زیادہ مہنگی سبزیاں و پھل فروخت کئے جا رہے ہیں جن کو نا چاہتے ہوئے بھی مہنگائی کے مارے لوگ خریدنے پہ مجبور ہیں
دس ںیس روپیہ فی کلو والی گوبھی 150 روپیہ، بھنڈی 120,بینگن 200 سندر خانی انگور 550,جاپانی پھل 250,کیلا 120 روپیہ درجن اور ادرک 800 روپیہ فی کلو تک فروخت کئے جا رہے ہیں جبکہ ان تمام چیزوں کے سرکاری نرخ کم ہیں

بلیک مارکیٹنگ مافیا پوری تندہی سے اور بے خوف ہو کر اپنی من مانیاں کر رہا ہے جسے روکنے والا کوئی نہیں
گورنمنٹ کے سرکاری نرخوں پر اشیاء فروخت کرنے کے دعوے بے نقاب ہو رہے ہیں اور افسران سب اچھا ہے کہ رپورٹ جاری کئے جا رہے ہیں

سیلاب زدگان کیساتھ اس وقت پوری قوم شدید پریشان ہو گئی ہے
لوگوں کا کہنا ہے کہ خداراہ مہنگائی ختم کرنے کے دعوے کسی حد تک تو پورے کئے جائے نا کہ اور مہنگائی کی جائے
شہریوں نے ضلعی انتظامیہ سے گزارش کی ہے کہ سرکاری قیمتوں پہ چیزوں کی فراہمی ممکن بنائی جائے

قصور
7 ماہ قبل دوبارہ تعمیر کے لئے اکھاڑا جانے والا قصور رائیونڈ روڈ تاحال لوگوں کے لئے وبال جان،لوگوں کی پسلیاں تک ہل گئیں ،گورنمنٹ کے کان پہ جو تک نا رینگی،آئے روز حادثات

تفصیلات کے مطابق 7 ماہ قبل تین سالہ عوامی احتجاج کے بعد قصور رائیونڈ روڈ کو دوبارہ تعمیر کرنے کے لئے اکھاڑا گیا جو کہ محض 10 کلومیٹر سے بھی کم تعمیر ہوا ہے اور 7 ماہ گزرنے کے باوجود باقی 14 کلومیٹر روڈ ابھی تک اکھڑا ا پڑا لوگوں کے لئے وبال جان بن چکا ہے

7 ماہ سے لوگ اکھڑی ہوئی سڑک پہ سفر کر رہے ہیں جس سے گاڑیوں موٹر سائیکلوں کا نقصان تو ہوا ہی ہے اس کے ساتھ لوگوں کی پسلیاں تک ہل چکی ہیں
قصور کھارا چونگی سے پل جبومیل اڈا تک روڈ مکمل ہوئے ڈیڑھ ماہ ہو چکا مگر اس فاصلے میں اڈا نول و اڈا جبومیل پل ابھی تک زیر تعمیر ہیں اور اس سے آگے رائیونڈ تک سڑک اکھاڑی تو گئی ہے مگر اب تعمیر نہیں کی جا رہی جس سے آئے روز حادثات جنم لے رہے ہیں
شہریوں نے انتظامیہ سے رحم کی اپیل کی ہے اور مطالبہ کیا ہے کہ بقایا ماندہ روڈ و اڈے جلد سے جلد تعمیر کئے جائیں تاکہ لوگ سفر کر سکیں

قصور
یوم عاشورہ کیلئے قصور پولیس کی طرف سے سیکیورٹی پلان ترتیب،2700 پولیس اہلکار ڈیوٹی سر انجام دیں گے،ڈبل سواری و اسلحہ کی نمائش پہ مکمل پابندی

تفصیلات کے مطابق قصور پولیس کی طرف سے 10 محرم الحرام کیلئے فول پروف سیکیورٹی پلان بنایا گیا ہے اور سخت ترین سیکیورٹی کے انتظامات کئے گئے ہیں
10 محرم الحرام یوم عاشورہ کو ضلع بھر میں 24 جلوس اور 20 مجالس منعقد ہو گیں
جس میں کیٹگری اے کے پانچ جلوس ، موضع مان ، کوٹرادھاکشن، چونیاں اور پتوکی میں ہونگے
تمام جلوسوں اور مجالس پر پولیس کے تقریبا 2700 سے زائد پولیس افسران و جوان ڈیوٹی سرانجام دیں گے
6 حساس مقامات پر سکیورٹی کے غیر معمولی انتظامات کئے گئے ہیں
قصور شہر کے مرکزی جلوس کو 110 سیف سٹی کیمروں سے ڈی پی او آفس سے مانیٹر کیا جائے گا
اور ٹریفک کی روانی کو برقرار رکھنے کے لئے ٹریفک پلان بھی مرتب کیا گیا ہے
رات سے ہی سٹی قصور کے پورے سرکلر روڈ کو بند کر دیا گیا اور پولیس اہلکار تعینات کئے گئے ہیں
جلوسوں اور مجالس میں داخل ہونے والوں کی 4 جگہ تلاشی کے بعد داخل ہونے کی اجازت ہو گی
سٹی قصور میں جلوس کے ڈائیورشن روٹس کی چھتوں پر تربیت یافتہ سنائپرز تعینات کئے جائینگے گے اور ایلیٹ فوس کے الرٹ دستے مسلسل گشت کرتے رہیں گے
یوم عاشورہ کے موقع پہ اسلحہ کی نمائش پر مکمل پابندی عائد ہے جبکہ ڈبل سواری پہ بھی پابندی ہے خلاف ورزی کرنے والوں کے خلاف کارروائی کی جائے گی
قصور پولیس کی طرف سے کسی بھی ناگہانی صورتحال سے نمٹنے کیلئے ریزرو نفری الرٹ رہے گی جبکہ موبائل و انٹرنیٹ سروس بھی معطل رہے گی
ماتمی جلوس کے اختتام پہ روٹ کھول دیا جائے گا

قصور
نواحی قصبے راؤ خانوالہ میں اندھیر نگری چوپٹ راج،20 روپیہ والا نان 25 روپیہ میں فروخت اور وزن بھی 75 گرام،اہلیان علاقہ کی انتظامیہ سے نوٹس لینے کی اپیل

تفصیلات کے مطابق قصور کے نواحی قصبے راؤ خانوالہ میں اندھیر نگری اور چوپٹ راج قائم ہے جہاں ہر بندہ اپنی من مانی کر رہا ہے اور اپنی مرضی کے ریٹ لگا کر لوگوں کو لوٹ رہا ہے
راؤ خانوالہ میں نان بائیوں نے ظلم کی انتہاء کی ہوئی ہے
20 روپیہ والا عام سادا نان 25 روپیہ میں فروخت کیا جا رہا ہے جبکہ وزن بھی 100 گرام کی بجائے 76 گرام ملتا ہے جبکہ نان کو پانی لگا ہوا ہوتا ہے
اگر دیکھا جائے تو نان کا اصل وزن 50 گرام اور باقی پانی ہوتا ہے جو کہ انتہائی ظلم ہے
مہنگائی کے مارے لوگ پہلے ہی بہت پریشان ہیں جبکہ اوپر سے دکانداروں کی من مانیوں نے اودھم مچا رکھا ہے
اہلیان قصبہ نے اسسٹنٹ کمشنر قصور سے نوٹس لے کر راؤ خانوالہ کے نان بائیوں کے خلاف کاروائی کا مطالبہ کیا ہے

قصور
فی میل سینٹری ورکر یونین کونسل نمبر 1 سٹی قصور کے ساتھ فراڈ،محکمانہ چیک جاری ہونے کے باوجود
عورت کو پیسے نا مل سکی
خاتون کی اعلی حکام سے نوٹس کی اپیل

تفصیلات کے مطابق قصور سٹی یونین کونسل نمبر 1 کی فی سینٹری ورکر ثریا ہدایت زوجہ ہدایت کیساتھ سینٹری ورکر ریاست عرف بلا نے 6 لاکھ 60 ہزار کا فراڈ کیا
متاثرہ خاتون کا شوہر ہو گیا تھا جس کے نام کو خاتون کو چیک ملا مگر محکمانہ چیک جاری ہونے کے باوجود ثریا کو پیسے نا ملے جو کہ ریاست عرف بلا اور اس کے ساتھ کھا گئی
خاتون انتہائی غریب ہے جس کی داد رسی کرنے والا کوئی نہیں
متاثرہ خاتون نے حکام بالا سے ازخود نوٹس لے کر انصاف کی اپیل کی ہے

قصور
مرکزی مسلم لیگ پاکستان کا تلوار پوسٹ پہ ریلیف کیمپ،معتبر شخصیات کا فلڈ ریلیف کیمپ کا دورہ،خدمات کو سراہا گیا

تفصیلات کے مطابق قصور ستلج دریا میں بھارتی آبی جارحیت کے بعد پانی آنے سے زندگی معطل ہونے سے
مرکزی مسلم لیگ پاکستان نے میدان میں اتر کر متاثرہ لوگوں کی خدمت کا عمل شروع کیا اور اسی خدمت کے لئے تلوار پوسٹ پہ مرکزی مسلم لیگ نے اپنا فلڈ ریلیف کیمپ لگایا جس میں لوگوں کو کھانا ،صاف پانی،ادویات و خیمے اور مچھر دانیاں مہیا کی گئی ہیں
متاثرین کو تین وقت کا پکا پکایا کھانا مہیا کیا جا رہا ہے
مرکزی مسلم لیگ کے کیمپ پہ گزشتہ دن معتبر شحضیات نے دورہ کیا اور ان کی انسان دوست خدمات کو خوب سراہا
مرکزی مسلم لیگ پاکستان کا ریسکیو آپریشن تاحال جاری ہے جس میں لوگوں کو محفوظ مقامات پہ منتقل کیا جا رہا ہے اور ساتھ جانوروں کو چارا بھی مہیا کیا جا رہا ہے
انتظامیہ مرکزی مسلم کا
حالات کے مطابق کہنا ہے کہ ایک ماہ تک کیمپ لگا رہے گا جس میں اسی طرح لوگوں کی خدمت کی جائے گی
اہلیان علاقہ نے انتظامیہ کو دعائیں دیں