Category: خانیوال

خانیوال (نمائندہ باغی ٹی وی )ڈپٹی کمشنر آغا ظہیر عباس شیرازی اور ڈی پی او محمد علی وسیم نےمحرم الحرام کے سلسلہ میں ڈی سی آفس خانیوال میں قائم مرکزی کنٹرول روم کا معائنہ کیا ۔اس موقع پر اے ڈی سی آر محمد اکرام ملک ،ایس این اے محمد رضوان بھٹہ سمیت دیگر سرکاری افسران بھی موجود تھے ڈی سی اور ڈی پی او نے جدید کنٹرول روم میں تنصیبی آلات سمیت دیگر انتظامی امور کا تفصیلی جائزہ لیا ۔ڈپٹی کمشنر آغا ظہیر عباس شیرازی نے بتایا کہ ضلعی ہیڈ کوارٹر پر قائم مرکزی کنٹرول روم میں ضلع بھر کی مجالس اور جلوسوں کی آن لائن مانیٹرنگ کی جائے گی-
انہوں نے کہا کہ محرم الحرام کے حوالے سے جلوسوں اور مجالس کےروٹس پر
ضلع بھر میں لگائے گئے سی سی ٹی وی کیمرہ جات مرکزی کنٹرول روم سے منسلک ہوں گےقائم کردہ کنٹرول روم میں سرکاری محکمہ جات کے فوکل پرسن فرائض سرانجام دیں گے جن کی ڈیوٹیاں لگا دی گئی ہیں۔ڈی پی او محمد علی وسیم نے بتایا کہ کنٹرول روم میں محرم ہسٹری،ٹربل سپاٹس ،کیٹگریز وائز مجالس و جلوس اور امام بارگاہوں ومساجد کی معلومات میسر ہونگی انہوں نے کہا کہ کنٹرول روم میں کنٹیجینسی پلان فیچر ،کور مینجمنٹ ٹیم اور فلیش پوائنٹس بارے معلومات فراہم کی گئی ہیں ۔ انہوں نے مزید بتایا کہ کنٹرول روم میں مجالس اور جلوسوں میں کورونا ایس او پیز بارے بھی مانیٹرنگ کی جا سکے گی۔
ڈی سی آفس میں قائم کردہ کنٹرول روم کا ٹیلی فون نمبر 065/9200147 ہے ۔قبل ازیں ڈپٹی کمشنر اور ڈی پی او کی زیر صدارت تحصیل کونسل میں بھی اجلاس منعقد ہوا جس میں محرم الحرام کے حوالہ سے سیکورٹی سمیت دیگر دیگر امور کا جائزہ لیا گیا- ڈپٹی کمشنر اور ڈی پی او مرکزی امام بارگاہ جہانیاں بھی گئے اور سیکورٹی و دیگر انتظامات چیک کئے –

خانیوال (نمائندہ باغی ٹی وی )ڈپٹی کمشنر آغا ظہیر عباس شیرازی کی ہدایت اور سی ای او ہیلتھ ڈاکٹر ماریہ ممتاز کی زیر نگرانی محکمہ صحت نے ضلع بھر میں عطائیوں اور ممنوعہ ادویات فروخت کرنے والے میڈیکل سٹورز مالکان کیخلاف کریک ڈائون کے دوران عطائی کے ایک ہسپتال سمیت 4 میڈیکل سٹورز کو سیل کردیا ایک میڈیسن کمپنی کیخلاف ریکارڈ مرتب نہ کرنے پر کیس بنادیا گیا- جبکہ متعدد میڈیکل سٹورز سے ادویات کے نمونہ بھی لے لئے گئے- ڈرگ انسپکٹر کبیروالا نے نیازی میڈیکل اینڈ وٹرنری سٹور اڈا بلوچاں ، سمر میڈیکل سٹور، ذوالفقار میڈیکل سٹور، اور مرید عباس کلینک اڈا مان کوٹ کو سیل کردیا- جبکہ ڈرگ انسپکٹر جہانیاں نے بھی کارروائی کے دوران السعید میڈیکل سٹور کو سیل کردیا- اور میاں میڈیسن کمپنی کیخلاف ریکارڈ مرتب نہ کرنے پر کیس بنادیا- ڈرگ انسپکٹر جہانیاں نے متعدد میڈیکل سٹورز سے ادویات کے نمونہ بھی لے کر برائے تجزیہ بھجوادیئے – ڈپٹی کمشنر نے کارروائی کے حوالہ سے کہنا ہے کہ ان میڈیکل سٹور مالکان اور عطائیوں سے سختی کے ساتھ نمٹا جائے گا- کسی کو انسانی جانوں سے کھیلنے کی اجازت نہیں دی جائیگی –

خانیوال( نمائندہ باغی ٹی وی)

اسی سلسلے میں بھارتی مظالم کو دنیا کے سامنے بے نقاب کرنے کے لئے احتجاجی ریلی کا انعقاد کیا گیا۔ ریلی کے اختتام پر ایک جلسہ بھی منعقد کیا گیا۔جلسے کے مہمان خصوصی ڈپٹی کمشنر خانیوال آغا ظہیر عباس شیرازی ،ڈی پی خانیوال محمد علی وسیم ،چوہدری خالد جاوید آرائیں تھے ۔کشمیریوں سے اظہار یکجہتی کے لئے جناح لائبریری تا ٹی چوک ایک ریلی نکالی گئی جبکہ اس سے قبل ایک منٹ کی خاموشی بھی اختیار کی گئی اور قومی ترانہ بجانے کے بعد ریلی کا باقاعدہ آغاز کیا گیا۔ ریلی شرکا نے کشمیریوں سے اظہار یکجہتی کے لئے پلے کارڈز اٹھا رکھے تھے جبکہ شرکا کی جانب سے انڈین مظالم کے خلاف شدید نعرے بازی بھی کی گئی۔مقررین نے کہا کہ ہماری منزل کشمیر ہے اور کشمیر پاکستان کا حصہ ہے۔مقررین نے کہا کہ ہم اقوام متحدہ کے چارٹر کے مطابق کشمیر کے الحاق پاکستان کے ساتھ چاہتے ہیں۔اس موقع پر ڈی پی او خانیوال آغا ظہیر عباس شیرازی ،ضلعی پولیس آفیسر محمد علی وسیم ،رہنما پاکستان تحریک انصاف چوہدری خالد جاوید آرائیں اور ایم پی اے فیصل اکرم خان نیازی بھی موجود تھے۔

خانیوال( نمائندہ باغی ٹی وی)صوبائی وزیر لائیو سٹاک و ڈیری ڈویلپمنٹ حسنین بہادر خان دریشک نے اچانک عارضی مویشی منڈی کبیروالا کا دورہ کیا اور وہاں پر کورونا ایس او پیز پر عملدرآمد کا جائزہ لینے کیساتھ انتظامات چیک کئیے – اور منڈی میں بیوپاریوں ، خریداروں کے لئے سہولیات اور ان انہیں کورونا وائرس سے محفوظ رکھنے کے لئے اقدامات پر اطیمنان کا اظہار کیا – صوبائی وزیر نے کاؤنٹرز برائے ریسکیو 1122، لائیو سٹاک، طبی امداد پر بھی سہولیات کا جائزہ لیا اور سٹاف کی حاضری چیک کی – صوبائی وزیر نے منڈی میں تعینات کئے جانے والے ٹائیگرز فورس رضا کاروں سے بھی ملاقات کی اور کورونا کیخلاف جنگ میں ان کے کردار کو سراہا-صوبائی وزیر منڈی میں بیوپاریوں اور خریداروں سے بھی ملے اور ان سے سہولیات بارے دریافت کیا-اس موقع پر میڈیا سے گفتگو کرتے ہوئے حسنین بہادر دریشک نے کہا کہ بغیر ماسک کسی کو منڈی میں داخل نہ ہونے دیا جائے گی ہینڈ سینی ٹائزرز کے استعمال کو بھی یقینی بنایا جائے – شہری کورونا کا پھلائو روکنے کے لئے منڈیوں میں داخلہ کے لئے ایس او پیز پر عمل کریں- اسسٹنٹ کمشنر کبیروالا غلام مصطفی نے صوبائی وزیر کو بریفنگ دی- ڈی جی لائیوسٹاک بھی صوبائی وزیر کے ہمراہ تھے-

خانیوال (نمائندہ باغی ٹی وی )سیکرٹری آرکائیوز طاہر یوسف نے انسداد کورونا ،ڈینگی ،گندم خریداری مہم اور ٹڈی دل کے خلاف کیے جانے والے اقدامات کا جائزہ لینے کے لئے خانیوال کا دورہ کیا اور ڈپٹی کمشنر آفس میں ایک اجلاس کی صدارت کی ایڈیشنل ڈپٹی کمشنر ریونیو محمد اکرام ملک اور اے ڈی سی جی محمداختر منڈھیرا نے صوبائی سیکرٹری کو ضلعی انتظامیہ کے اقدامات بارے تفصیلی بریفنگ دی ۔اجلاس میں محکمہ صحت ،خوراک، مارکیٹ کمیٹی سمیت دیگر سرکاری محکموں کے افسران نے شرکت کی ۔صوبائی سیکرٹری نے اس موقع پر کہا کہ کورونا کا خطرہ ابھی ٹلا نہیں اس لیے ایس او پیز پر پہلے ہی طرح عمل کیا جائے ۔گندم خریداری مہم آخری دانہ تک جاری رکھی جائے ۔ایڈیشنل ڈپٹی کمشنر ریونیو محمد اکرام ملک نے بریفنگ دیتے ہوئے بتایا کہ ضلع خانیوال میں محکمہ خوراک نے گندم خریداری مہم کا 76 فیصد ہدف حاصل کر لیا ہے ضلع میں ناجائز منافع خوری پر اب تک 20 دکانداروں کو گرفتار کرکے 16 ایف آئی آرز درج کرائی گئی ہیں اور 1248ناجائز منافع خوروں کو 24 لاکھ 58 ہزار روپے کے جرمانے کیے گئے انہوں نے مزید بتایا کہ کورونا کے ضلع میں 24 کیسز سامنے آئے ہیں جن میں سے ،18 کو ٹیسٹ نیگیٹو آنے پر گھر بھیج دیا گیا ہے-

ٹھٹھہ صادق آباد (نمائندہ باغی ٹی وی )پرائس کنٹرول مجسٹریٹ کی گراں فروشی منافع خوری پر کاروائیاں،3 قصابوں کو 30 ہزار جرمانہ عائد، ایک قصاب کو 7 دن کے لیے جیل بھجوا دیا، کاروائی کے خوف سے متعدد فرار،تفصیلات کے مطابق ٹھٹھہ صادق آباد سے مختلف لوگوں کی شکایت پر پرائس کنٹرول مجسٹریٹ مظہر کلیم نے خفیہ طور پر قصابوں کی دکانوں سے خریداری ک،گوشت مہنگا بیچنے پر ٹھٹھہ صادق آباد ،پل بتیس اور پل پنجو پر پرائس کنٹرول مجسٹریٹ مظہر کلیم نے دو قصابوں کو دس ،دس ہزار کے جرمانے عائد کیے جبکہ ایک کو سات دن کے لئے جیل بجھوا دیا گیا ہے۔ پرائس کنٹرول مجسٹریٹ کی کارروائی کی اطلاع پر متعدد قصاب دکانیں چھوڑ کر فرار ہوگئے،یاد رہے کہ باغی ٹی وی گران فروشی اور زخیرہ اندوزی کے خلاف متعلقہ اداروں کو آگاہ کرتا رہتا ہے.