Category: خانیوال

ٹھٹھہ صادق آباد (نمائندہ باغی ٹی وی ) مین ہولز کے ڈھکن غائب ہوگئے ادارے بے خبر ،شہری خوار،

تفصیلات کے مطابق ضلع خانیوال کی سب تحصیل ٹھٹھہ صادق آباد کے مین بخاری بازار، موبائل مارکیٹ اور پیٹیاں والا بازار کے مین ہولز کے ڈھکن غائب ہیں جن کی وجہ سے راہ گیروں اور اہلیان محلہ کے لئے مشکلقت بڑھ گئی ہیں حادثات کا خطرہ بھی موجود ہے جبکہ آبادی کے لئے سب سے زیادہ مسائل ہیں۔مین ہولز کے ڈھکن نہ ہونے کی وجہ سے مین ہولز کے اندر بچوں کے گرنے کے خدشات زیادہ ہیں۔اہلیان محلہ اور شہریوں نے متعلقہ اداروں اور حکام سے نوٹس لینے کا مطالبہ کیا ہے۔

خانیوال( نمائندہ باغی ٹی وی )پٹرولیم مصنوعات کی قیمتوں میں کمی کے بعد سبزیوں اور پھلوں کے نچلی سطح تک آنے والے نرخ کنٹرول میں رکھنے کیلئے ضلعی انتظامیہ کی جانب سے سبزی اور فروٹ منڈیوں میں بولی کی مانیٹرنگ سخت کردی گئی ہے -اور ڈپٹی کمشنر روزانہ منڈی جاکر نرخوں کا جائزہ لے رہے ہیں – اس سلسلہ میں ڈپٹی کمشنر آغا ظہیر عباس شیرازی اور ڈی پی او محمد علی وسیم نے چھٹی کے باوجود دوپہر کے وقت منڈی کا دورہ کیا اور سبزیوں پھلوں کی بولی کا جائزہ لیا انہوں نے مارکیٹ کمیٹی حکام کو نرخ مستحکم رکھنے کے لئے مسلسل مانیٹرنگ کی ہدایت بھی کی- ڈپٹی کمشنر کا اس موقع پر کہنا تھا کہ عام مارکیٹ میں کم نرخ کا فائدہ ہر صورت صارفین تک پہنچایا جائے ڈی پی او نے کہا کہ پٹرولیم مصنوعات کی قیمتوں میں کمی کے ثمرات عام آدمی تک ہر صورت پہنچنے چاہئیں-

ڈپٹی کمشنر آغا ظہیر عباس شیرازی اور ڈسٹرکٹ پولیس آفیسر محمد علی وسیم نے نماز جمعہ کے دوران شہر کی مختلف مساجد کا وزٹ کیا دوران وزٹ انہوں نے مساجد میں کورونا کے حوالہ سے کئے جانے والے حفاظتی اور سیکیورٹی انتظامات کی چیکنگ کی – انہوں نے مساجد میں ڈیوٹی پر تعینات والینٹیئرز کو بھی ڈیوٹی کے متعلق بریف کرنے کے ساتھ کورونا وائرس سے بچاؤ کے متعلق حفاظتی اقدامات کی مکمل چیکنگ کی-ڈپٹی کمشنر نے اس موقع پر کہا کہ تمام لوگ نماز کے دوران آپس میں درمیانی فاصلہ 6 فٹ رکھیں وضو گھر سے کرکے آئیں
ہر شخص اپنی جائے نماز گھر سے لیکر آئے ڈسٹرکٹ پولیس آفیسر محمد علی وسیم نے کہا کہ پچاس سال سے زائد عمر کے افراد اور بچے گھروں میں رہیں اور گھر ہی نماز کی ادائیگی کریں- مساجد میں آنے والوں کو ہینڈ سینٹائزرز ماسک کا استعمال بھی کیا جائے-

ٹھٹھہ صادق آباد (نمائندہ باغی ٹی وی ) شہری سیوریج کے پانی میں ڈوب گئے اور ادارے خواب عفلت میں، تفصیلات کے مطابق ٹھٹھہ صادق آباد کے عین وسط میں سوریج کا پانی جمع ہونے سے شہر تالاب کا منظر پیش کرنے لگا ہے،باغی ٹی وی سے گفتگو کرتے ہوئے شہریوں نے بتایا کہ اس شہر کا سیوریج سسٹم مکمل ناکارہ ہوچکا ہے جبکہ پندرہ سال سے بتدریج یہ سلسلہ چل رہا ہے سارے شہر کا پانی ایک ہی جگہ اکٹھا ہوجاتا ہے جس کی وجہ سے اہلیان محلہ کو زہنی اور جسمانی کوفت کا سامنا ہے ،شہر کے پانی کی وجہ سے مختلف وبائی امراض پھوٹنے کا شدید خطرہ ہے ۔شہریوں نے اسسٹنٹ کمشنر جہانیاں ،ایم پی اے حاجی عطاالرحمان اور ضلعی انتظامیہ سے نوٹس لینے کا مطالبہ کیا اور کہا کہ جلد از جلد ہمیں اس سیوریج کے پانی سے نجات دلانے کے لئے موثر اقدامات کیے جائی

ٹھٹھہ صادق آباد( نمائندہ باغی ٹی وی ) یوٹیلیٹی سٹورز پر چینی نایاب ہوگئی شہریوں کو مشکلات کا سامنا، تفصیلات کے مطابق پل چودہ ،ٹھٹھہ صادق آباد اور گردونواح کے یوٹیلیٹی سٹورز پر چینی ختم ہوگئی اور شہری عام مارکیٹ سے مہنگے داموں چینی خریدنے پر مجبور ہیں رمضان المبارک کے مہینے میں چینی کی کھپت زیادہ ہونے کے باوجود ریلیف پیکج میں چینی کی عدم دستیابی انتظامیہ کی کارکردگی پر ایک سوال ہے۔ شہریوں نے متعلقہ حکام سےیوٹیلٹی سٹوز پر چینی کی فراہمی کا مطالبہ کیا ہے

60 سالہ اللہ دتہ کو حاملہ قرار دینے والی لیبارٹری کے خلاف محکمہ صحت کا ایکشن

باغی ٹی وی کی رپورٹ کے مطابق 60 سالہ اللہ دتہ کو حاملہ ہونے کی خوشخبری سنانے والی لیبارٹری کو سیل کر دیا گیا

پنجاب کے شہر خانیوال کی ایک لیبارٹری نے 60 سالہ مرد کے ٹیسٹ میں اسے حاملہ قرار دیا تھا جس کے خلاف ڈپٹی کمشنر نے سخت نوٹس لیا، ڈپٹی کمشنر کے احکامات پر ڈی ڈی ایچ او خانیوال نے کارروائی کرکے ٹیسٹ زون لیب سیل کردی –

ڈپٹی کمشنر کو لیب پر ٹیسٹس کے نتائج میں تضاد کی شکایات موصول ہوئی تھیں. لیبارٹری کے خلاف کاروائی کی گئی ہے اور اسے محکمہ صحت کی جانب سے سیل کر دیا گیا ہے

واضح رہے کہ پاکستان کی ایک لیبارٹری کا کمال سامنے آیا ہے ، ساٹھ سالہ شخص کے ٹیسٹ کی رپورٹ میں "حمل ” قرار دے دیا

پنجاب کے شہر خانیوال میں ایک لیبارٹری جو ڈی ایچ کیو خانیوال کے سامنے ہے اسکی ٹیسٹ رپورٹ سامنے آئی ہے جس کے مطابق ساٹھ سالہ اللہ دتہ کی رپورٹ میں لکھا گیا ہے کہ اسے حمل ٹھیر چکا ہے ،لیبارٹری نے پیشاب کے ٹیسٹ کی رپورٹ میں یہ چیز لکھی.

لیبارٹری کی رپورٹ سامنے آنے پر سب حیران رہ گئے، کہ ساٹھ سالہ وہ بھی مرد میں حمل کیسے ٹھہر گیا؟ شہریوں نے لیبارٹری ٹیسٹ کو تنقید کا نشانہ بناتے ہوئے کہا کہ یہ ہماری لیبارٹریز ہیں ان پر کیسے اعتماد کریں جو ایک مرد کو بھی حمل ٹھہرنے کی رپورٹ دے رہی ہیں

کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی

کرونا لاک ڈاؤن، رات میں بچوں نے کیا کام شروع کر دیا؟ والدین ہوئے پریشان

لاک ڈاؤن ہے تو کیا ہوا،شادی نہیں رک سکتی، دولہا دلہن نے ماسک پہن کے کر لی شادی

کوئی بھوکا نہ سوئے، مودی کے احمد آباد گجرات کے مندروں میں مسلمانوں نے کیا راشن تقسیم

ایک ایسے وقت میں جب ملک بھر میں‌کرونا کی وبا عروج پر ہے ایسی رپورٹ کے آنے سے عوام کا لیبارٹیز پر سے اعتماد اٹھ جانے کا امکان ہے