Category: لاہور

لاہور:فارن فنڈنگ کا معاملہ مزید پچیدہ ہوتا جارہا ہے اور نئے سے نئے الزامات کا سلسلہ بھی شروع ہوچکا ہے ، اس سلسلے میں پی ٹی آئی کی سابق رہنما فوزیہ قصوری نے فارن فنڈنگ پر پی ٹی آئی کے مؤقف سے متعلق برہمی کا اظہار کرتے ہوئے کہا کہ کچھ اکاؤنٹس عمران خان کے نام پر کھلے ہیں، ان کے نام سے پیسے ڈپازٹ ہورہے ہیں تو یہ کیسے ممکن ہے کہ عمران خان کو نہیں پتا؟ پہلی بات خان صاحب بہت غلط بیانی کرتے ہیں۔

فوزیہ قصوری کا کہنا تھا ہوسکتا ہے کہ میرے اس بیان کو لوگ جھوٹا بھی کہہ سکتے ہیں لیکن میں خان صاحب کے ساتھ کئی عرصے کام کرچکی ہوں لہٰذا ان کی عزت کرتی ہوں مگر عمران خان کو سوچ سمجھ کر بولنا چاہیے کیوں کہ ایک حد تک جھوٹ چلتا ہے اس کے بعد اللہ نے وعدہ کیا ہے کہ سب واضح ہوجاتا ہے۔فوزیہ قصوری نے کہا کہ عمران خان کو ایسے نہیں کرنا چاہیے تھا

باپ وائس چیئرمین، بیٹا ایم پی اے، بیٹی ایم این اے کی امیدوار،پی ٹی آئی سے موروثیت ختم

فوزیہ قصوری کا کہنا تھا اس وقت جب فنڈ ریزنگ ہورہی تھی تو اس وقت پارٹی کے اکاونٹس میں اندھا دھند پیسا آرہا تھا اور ایسے ایسے لوگوں سے آیا جن کو ہم جانتے بھی نہیں تھے لیکن خان صاحب جانتے تھے، عمران خان کی ابراج گروپ اور عارف نقوی کے ساتھ ڈیلنگ تھی اور اب یہ کہہ دینا کہ وہ کیوں کہ مسلمان ہے اس لیے اس کے خلاف ایسا سازش کی جارہی ہے یہ ایک بیوقوفانہ بات ہے۔

فوزیہ قصوری نے انکشاف کیا کہ پہلی دفعہ ابراج گروپ اور عارف نقوی کے خلاف جو تحقیقات شروع ہوئیں وہ یو اے ای سے شروع ہوئیں، عارف نقوی نے 300 ملین ڈالرز کے چیک لکھے تھے جو باؤنس ہوگئے تھے،فوزیہ قصوری نے مزید کہا کہ عارف نقوی نے امپیکٹ انویسمنٹ کے نام سے لوگوں سے پیسے بٹورے جسے انہوں نے لگژری سفر، لندن میں جائیداد خریدنے اور اپنے دوستوں کو عطیہ کرنے میں خرچ کیے، ان دوستوں میں عمران خان سمیت دیگر جماعتیں بھی شامل ہیں جس کی تحقیقات ہونی چاہئیں۔

الیکشن کمیشن نے پی ٹی آئی کو جاری شوکاز نوٹس پر سماعت مقرر کردی

یاد رہے کہ الیکشن کمیشن نے بھی پاکستان تحریک انصاف کی ممنوعہ فارن فنڈنگ کیس کا فیصلہ سناتے ہوئے کہا تھاکہ پی ٹی آئی نے ممنوعہ فنڈنگ لی۔

اسلام آباد:پاکستان تحریک انصاف (پی ٹی آئی) کے چیئر مین عمران خان نے قومی اسمبلی کے 9 حلقوں سے خود ضمنی الیکشن لڑنے کا فیصلہ کر لیا۔

جن نو حلقوں میں ضمنی الیکشن ہوں گے ان علاقوں میں این اے 22 مردان، این اے 24 چارسدہ، این اے 31 پشاور،این اے 45 کرم، این اے 108 فیصل آباد، این اے 118 ننکانہ صاحب، این اے 237 ملیر، این اے 239 کورنگی کراچی، این اے 246 کراچی جنوبی شامل ہیں۔

دوسری طرف عمران خان نے قومی اسمبلی کے ان 9 حلقوں سے خود ضمنی الیکشن لڑنے کا فیصلہ کیا ہے۔

دوسری طرف عمران خان کے سکیورٹی آف چیف ڈاکٹر شہباز گل نے کہا کہ جس جس سیٹ سے استعفی منظور کر کے خالی کی جائے گی، وہاں خان صاحب خود امیدوار ہوں گے اور خود الیکشن لڑیں۔ اب آجائیں میدان میں لگ پتہ جائے گا۔

خیال رہے کہ پاکستان تحریک انصاف کے چیئر مین نے 2018ء کے جنرل الیکشن میں پانچ حلقوں سے الیکشن میں حصہ لیا تھا اور پانچوں سیٹیں میں کامیابی حاصل کی تھی۔

2018ء کے جنرل الیکشن میں پاکستان تحریک انصاف کے چیئر مین عمران خان نے این اے 131 لاہور سے خواجہ سعد رفیق، این اے 53 اسلام آباد سے شاہد خاقان عباسی، این اے 243 سے ایم کیو ایم پاکستان کے سیّد علی رضا، این اے 95 میانوالی سے ن لیگ کے عبید اللہ خان، این اے 35 بنوں سے اکرم خان درانی کو شکست دی تھی۔

حضرت امام حسین ؓ کی شہادت سے صبر،ایثار،اوراستقا مت کا درس ملتا ہے
حضرات صحابہ کرام ؓ واہل بیت اطہارؓ کی عزت و تکریم ہماری عقیدت کا محور ہے
تمام خطباء علماء اور ذاکرین محرم الحرام کے پروگرامات اور مجالس میں اشتعال انگیزتقاریر سے اجتناب کریں
اپنے مسلک کو چھوڑو نہ اور کسی کے مسلک کو چھیڑو نہ اس زریں اصول کو علماء اپنے سامنے رکھیں
افواج پاکستان نے دشمن قوتوں کا ایجنڈہ ناکام بنا دیا ہے‘محرم الحرام میں علماء امن و اتحاد کو اور مضبوط کریں
پیغام پاکستان،پاکستان کا وہ ضابطہ اخلاق ہے جس کو عام کرنا ہم سب کی ذمہ داری ہے
بادشاہی مسجد لاہور میں اتحاد بین المسلمین امن کانفرنس سے سفیر امن مولانا سید محمدعبد الخبیر آزاد،سیکرٹری اوقادف میاں ابراراحمد،ڈی جی اوقاف ڈاکٹر سید طاہر رضا بخاری،سی سی پی او لاہور غلام محمود ڈوگر،کمشنر لاہور کیپٹن عثمان،ڈپٹی کمشنر عمر شیر چٹھہ، محمد خان لغاری،مولانا مسعود قاسمی،نعیم بادشاہ و دیگر کا خطاب

بادشاہی مسجد لاہور میں مجلس علماء پاکستان کے زیر اہتمام اتحاد بین المسلمین کانفرنس مولانا سیدمحمد عبدالخبیر آزادخطیب بادشاہی مسجد لاہور چیئرمین مرکزی رؤیت ہلال کمیٹی پاکستان کی زیر صدارت منعقد ہوئی،جبکہ اس کانفرنس میں بطور مہمانان خصوصی میں میاں ابرار احمد سیکرٹری و چیف ایدمنسٹریٹر اوقاف پنجاب، ڈاکٹر سید طاہر رضابخاری ڈی جی مذہبی امور اوقاف پنجاب،غلام محمود ڈوگر سی سی پی او لاہور اور کیپٹن عثمان کمشنر لاہور شریک ہوں گے،کانفرنس کے مقریرین حضرات میں مفتی مبشر احمد،مولانا مسعود قاسمی قاسمی،مولانا رجیع اللہ،علامہ سید جواد حسین نقوی،پیر ولی اللہ شاہ،علامہ مشتاق جعفری،حافظ اسد عبید،مولانا شکیل الرحمان ناصر، مولانا نعیم بادشاہ،مفتی عاشق حسین شاہ،سردار محمد خان لغان،پیر زادہ عثمان نوری،مولانا اسد اللہ فاروق، صاحبزادہ شعیب الرحمان،صاحبزدہ قاسم قاسمی،قاضی عبدالٖغفار،مولانا عبدالستار نیازی،آغا قضرباش،مولانا عبدالرحمن، سید محمد عبدالقدیر آزاد،سیدمحمد عبدالبصیر آزاد،حافظ سیدمحمد عبدالرازق آزاد،حافظ سید محمد عبدالرزاق آزاد،مولانا بلال،محمود غزنوی ودیگر رہنماؤں نے خطاب کیا،

مولانا سید محمد عبد الخبیر آزاد نے کانفرنس سے خطاب کرتے ہوئے کہا کہ اتحاد بین المسلمین کانفرنس کا مقصد بھائی چارے کی فضاء کو قائم کرنا ہے،ملک میں وحدت اور اتحاد کو پیدا کرنا ہے اور ہمارے دین اسلام کا بھی یہی پیغام ہے کہ واعتصموا بحبل اللہ جمیعا ولاتفرقوا پر عمل پیرا ہو جا ئیں،کہ اللہ کی رسی کو سب کے سب مضبوطی سے تھام لو اور تفرقات میں مت بٹو،سیدنا فاروق اعظم ؓاورسیدنا امام حسینؓ کی شہادتیں ہمیں صبر‘ ایثار‘ قربانی اور برداشت کا درس دیتی ہیں‘میں علماء و خطباء اور واعظین سے یہی توقع رکھتا ہوں کہ وہ قرآن کریم کے اس حکم اور اتحاد بین المسلمین کے فروغ کیلئے اپنا مثالی کردار ادا کریں اور اپنے خطبہ یا تقریر میں ایسی کوئی بات نہ کہیں کہ جس سے کسی کی دل آزاری ہو، مولانا عبد الخبیر آزاد نے علماء اورذاکرین پر زور دیتے ہوئے کہاکہ اِتحاد بین المسلمین اور”پیغام پاکستان“ کا فروغ وقت کی اہم ضرورت ہے،پیغام پاکستان،پاکستان کا وہ ضابطہ اخلاق ہے جس کو عام کرنا ہم سب کی ذمہ داری ہے‘ علماء و ذاکرین محرم الحرام اور عاشوریٰ محرم کے پرو گرامات میں ایسی اشتعال انگیز تقاریر سے گریز کریں جس سے کسی دوسرے کی دل آزاری ہو اور جلوسوں کے ٹائم ٹیبل کا خیال رکھیں،روٹس کی پابندی کریں،لاؤ ڈ اسپیکر کے غلط استعمال سے گریز کریں،پیغام پاکستان کی روشنی میں دیے گئے ضابطہ اخلاق پر مکمل عمل کریں اور تمام مسالک و مذاہب کے عقائد و نظریات اور ان کے مذہبی مقامات و عبادتگاہوں کا احترام کریں اور اس زریں اصول کہ اپنے ”مسلک کو چھوڑو نہ اور کسی کے مسلک کو چھیڑو نہ“پر عمل پیر ا ہوں،اپنے اپنے دائرہ کار میں رہتے ہوئے حضرات صحابہ کرامؓ واہل بیت اطہار رضوان اللہ علیہم اجمعین کے ایام کواپنے اپنے عقیدے کے مطابق منائیں اوران کے مقام و عظمت کو بھر پور خراج عقیدت پیش کریں،

مولانا آزاد نے مزید کہا کہ ”پیغام پاکستان“ کے مثبت اثرات سامنے آچکے ہیں اور ”پیغام پاکستان“ نے دشمن قوتوں کے ایجنڈے کو ناکام بنا دیا ہے‘ انہوں نے کہا کہ پاک فوج نے قربانیاں دے کر ملک کو مضبوط بنایا ہے کانفر نس سے سیکرٹری اوقاف میاں ابرار احمد نے خطاب کرتے ہوئے کہا کہ اتحاد بین المسلمین کا فورم وہ فورم ہے جس میں تمام مکاتب فکر کے علماء کرام موجود ہیں جنہوں نے ہمیشہ اتحاد و محبت کی فکر کو عام کیا ہے اور اس کو لیکر آگے بڑھے ہیں،ڈی جی اوقاف ڈاکٹر سید طاہر رضابخاری نے کہا کہ اسلام سلامتی کا دین ہے جو امن اخوت اور بھائی چارے کو عام کرنے کی دعوت دیتا ہے،اتحاد بین المسلمین کا پلیٹ فارم ہمیشہ بین المسالک ہم آہنگی میں سنگ میل ثابت ہوا ہے اس فورم نے ہمیشہ ایک عظیم کردارادا کیا ہے،اور پنجاب میں یکم محرم الحرام سے پہلے اس فورم نے جو خدمات پیش کی اورپنجاب کے نو ڈویژنل ہیڈ کوارٹرز میں امن کمیٹی کے تمام عمائدین سے مل کر امن کوقائم رکھنے کے لیے جو امن فارمولااپنایا ہے انشاء اللہ وہ قیام امن کو یقینی بنائے گا،سی سی پی او غلام محمود ڈوگر نے کہا کہ اتحاد بین المسلمین وقت کی اہم ضرورت ہے بین المسالک ہم آہنگی کو عام کرنا ہم سب کی ذمہ داری ہے،علماء کو لیکر ہم نے پچھلے سال امن قائم کرنے میں علماء نے جو کردار ادا کیا تھا اس سال عاشوریٰ محرم میں اُس سے بڑھ کر ادا کر رہے ہیں،میں امید رکھتا ہوں کہ آج کی اتحاد بین المسلمین کانفرنس قومی یکجہتی کو پیدا کرنے میں اہم کردار اد ا کرے گی،کانفرنس سے کیپٹن عثمان نے خطاب کرتے ہوئے کہا کہ اتحاد بین المسلمین کی کامیاب کانفرنس پر مولانا سید محمد عبدالخبیر آزاد کو مبارکباد پیش کرتا ہوں،اگر علماء کرام اسی طرح یکجہتی کے ساتھ آگے بڑھتے رہے تو ہم اپنے وطن پاکستان کو مزید مضبوط و مستحکم بنا سکیں گے،کانفرنس سے دیگر مقررین حضرات نے خطاب کرتے ہوئے کہا کہ بادشاہی مسجد اتحاد امت کا وہ پلیٹ فورم ہے جس نے ہمیشہ بین المسالک ہم آہنگی کیلئے اپنا کلیدی کردار ادا کیا ہے اور مولانا سید محمد عبدالخبیر آزاد اپنے والد گرامی مولانا سیدمحمد عبدالقادر آزاد(مرحوم) کے اتحاد و وحدت کے مشن کو پور ے ملک میں لے کر آگے بڑھ رہے ہیں،یہ اتحاد بین المسلمین کی بنیاد مولانا سید محمد عبدالقادر آزادؒ نے ہی رکھی تھی جوآج ایک تناول درخت اور خوبصورت گلدستہ بن چکا ہے جس کی خوشبو ہمیں پورے پاکستان میں نظر آتی ہے،جو ضابطہ اخلاق پیغام پاکستان کی روشنی میں علماء کرام کو دیا گیا ہے اس کو ممبر و محراب کے ذریعے عام کیا جائے گا جو امن کی فضاء کوقائم رکھنے میں سنگ میل ثابت ہو گا،آخر میں لسبیلہ بلوچستان میں افواج پاکستان کے شہداء کی مغفرت اور درجات کی بلندی،محرم الحرام میں قیام امن،ملک کی سلامتی،استحکام،ترقی و خوشحالی،حرمین شریفین کے تحفظ اور مقبوضہ کشمیر و فلسطین کی آزادی کے لیے خصوصی دعاء کی گئی۔

لاہور:پاکستان فیڈرل یونین آف جرنلسٹس (پی ایف یوجے)کے سیکرٹری جنرل ارشد انصاری اورپنجاب یونین آف جرنلسٹس (پی یوجے )کے صدرابراہیم لکی کی قیاد ت میں14رکنی وفد کی گورنرپنجاب محمدبلیغ الرحمن سے تفصیلی ملاقات میں آزادی اظہاررائے ،آزادی صحافت کے تحفظ اورمیڈیاورکرزکے حقوق کے تحفظ وحل کیلئے تفصیلی تبادلہ خیال ہوا،وفدنے گورنرپنجاب کو11نکاتی چارٹرآف ڈیمانڈ بھی حوالے کیاجس پرگورنرپنجاب نے وفاقی حکومت کیساتھ ملکرصحافیوں کودرپیش پیشہ وارانہ مسائل سمیت مختلف امورکوحل کرنے کی یقین دہانی کرائی۔اس موقعہ سیکرٹری جنرل ارشد انصاری نے صحافیوں(میڈیاورکرز)کی ادارو ں سے چھانٹیوں،تنخواہوں میںکٹوتی سمیت مختلف امورپرتبادلہ خیال کیا،اورآئی ٹی این ای کے چیئرمین کی عدم تقرری سمیت جملہ مسائل پرگورنرپنجاب کوبریف کیا۔

اس موقعہ پرگورنرپنجاب محمدبلیغ الرحمن کاکہناتھاکہ مسلم لیگ (ن)نے حکومت سنبھالتے ہی پیکاآرڈیننس اورپاکستان میڈیاڈیویلپمنٹ اتھارٹی(پی ایم ڈی اے)جیسے کالے قوانین کوختم کردیا کیونکہ ہم سمجھتے ہیں کہ ایسے قوانین میں جن میں حقیقی سٹیک ہولڈرزکے ساتھ مشاورت نہیں کی جاسکتی اس وقت تک ایسے قوانین نہیں بنائے جاسکتے ،اس لئے ہم نے ان قوانین کوفوری ختم کیا جن کے خلاف میڈیا(آپ لوگ)سٹرکوں پراحتجاج کررہے تھے،مسلم لیگ ن اوراتحادی میڈیا کے حوالے سے قوانین آ پ سے مشاورت کے بعد بنائے گی ،کیونکہ ہم میڈیا اورآزادی صحافت پرمکمل یقین رکھتے ہیںاورکامل یقین ہے کہ ریاست کے اس اہم ستون کی آزادی اظہاررائے کی آزادی کے بغیرجمہوریت نہیں پنپ سکتی ،انہوں نے اس بات کی یقین دہانی بھی کرائی کہ بہت جلد آئی ٹی این ای کے چیئرمین کاتقررعمل میں لایاجارہاہے جس پروفاقی حکومت نے کام شروع کردیاہواہے ۔

وفد میں نعیم حنیف (نائب صدرپی ایف یوجے / بیوروچیف سماءنیوز)،ارسلان رفیق( بیوروچیف /جی ٹی وی )خواجہ نصیر(اے آروائی نیوز)،سینئرکارسپانڈنٹ کاشف سلیمان(نیونیوز)،اخلاق احمدباجوہ(دنیانیوز/صدرپنجاب اسمبلی پریس گیلری کمیٹی)،سینئرصحافی جاوید فاروقی(سابق سینئرنائب صدرلاہورپریس کلب/جی این این )،افضال طالب(ایکسپریس نیوز/سابق صدرپنجاب اسمبلی پریس گیلری کمیٹی)،سالک نواز(جوائنٹ سیکرٹری لاہورپریس کلب/نیوزون)،پرویزالطاف (سینئرفوٹوجرنلسٹ)،عمران شیخ(نئی بات میڈیا گروپ /سینئرفوٹوگرافر)،وحید بٹ(صدرپاکستان الیکٹرانک کیمرہ مین ایسوسی ایشن)،خاوربیگ (جنرل سیکرٹری پی یوجے/پنجاب ٹی وی) شامل تھے۔ملاقات کے آخرمیں پنجاب یونین آف جرنلسٹس کے صدرابراہیم لکی اورجنرل سیکرٹری خاورنے گورنرپنجاب کوصحافیوں کے مسائل کے حل کے حوالے سے گیارہ نکاتی چارٹرآف ڈیمانڈ حوالے کیا۔جس پرانہوں نے ہمدردانہ غورکرکے وفاق کوبجھوانے اوراس کا فالواپ رکھنے کی یقین دہانی کرائی۔