لاہور:کچھ چیزیں سامنے رکھنا چاہتےہیں مگرعمران خان سے ہمیں ملنے نہیں دیا جاتا:اطلاعات کے مطابق پاکستان تحریک انصاف پنجاب کے سینئرز کارکنوں کی میٹنگ بانی رہنما حامد خان صاحب کے ساتھ ان کے آفس میں ہوئی۔ جس میں انہیں بتایا گیا کہ پارٹی میں موجود ایک ایسا طبقہ جو کہ پارٹی چیئرمین عمران خان صاحب کو اصل حقیقت سے آگاہ نہیں ہونے دیتا۔

عمران خان چوروں کو نہیں چھوڑے گا

امریکی صدر کی عمران خان کو دورہ امریکہ کی دعوت

حامد خان صاحب نے تمام دوستوں کو بڑی تسلی سے سنا اور اپنے خطاب میں انہوں نے کہا کہ میں پارٹی کے لئے جو کچھ بھی مجھ سے ہو سکا کرونگا۔ انہوں نے کہا کہ آپ دل برداشتہ نہ ہوں۔ انشاء اللہ اچھا وقت آئے گا۔ تحریک انصاف ہماری پارٹی ہے ۔ہم اس کی بہتری کے لئے عمران خان صاحب کی قیادت میں بھرپور کردار ادا کریں گے۔ آخر میں سب دوستوں کی رائے سے طے پایا ضمنی انتخابات کے بعد پنجاب کا ورکرز کنونشن رکھا جائے گا۔ جو اضلاع کل کی میٹنگ میں شریک نہیں ہوئے عید کے بعد ایک اور میٹنگ رکھی جائے گی۔ جن میں ان کو دعوت دی جائے گی۔

حکومت ملک نہیں چلا سکتی،عمران خان عوام کی آواز ہے،شیخ رشید

میٹنگ میں لاہور سے مظہر ساہی، محمد خان مدنی، سلمان ظفر، خرم جوئیہ، جمیل شاہ، عامر سیموئل وقار طور ایڈووکیٹ، فیصل آباد سے سجاد حیدر،میاں طیب، عطاء اللہ نیازی،فرحت عباس،زولفقار علی سن پال،رانا عبداغفار، ساہیوال سے شفیق خاں، پاکپتن سے ریاض ارشد نیازی،ریاض احمد،گوجرانوالہ سے رانا ناصر محمود،گجرات سے میجر خلیل الرحمٰن،صہیب، نارووال سے رانا لال بادشاہ،شیخوپورہ سے راشدمنیر، سرگودھا سے ملک سجاد حیدر، آخر میں سب دوستوں کا شکریہ ادا کیا گیا۔

عید کے بعد ورکرز کنونشن کروانے کی حکمت عملی طے کرنے کے لئے میٹنگ رکھی جائے گی۔ اس کے لئے نو رکنی کمیٹی تشکیل دے دی گئی ہے۔ ریاض ارشد نیازی، میجر خلیل الرحمٰن، محمد خان مدنی، راشد منیر ایڈووکیٹ ،میاں طیب ایڈووکیٹ، بشارت ڈوگر، رانا ناصر محمود،عامر سیموئل،وقار طور ایڈووکیٹ شامل ہوں گے

جمعیت علماء اسلام (ف) کے سربراہ مولانا فضل الرحمان کو لاہور کے نجی اسپتال سے ڈسچارج کردیا گیا۔ ترجمان جے یو آئی اسلم غوری کا کہنا ہے کہ مولانا فضل الرحمان کی میڈیکل رپورٹس ٹھیک اٙئی ہیں، ڈاکٹرز نے انہیں آرام کا مشورہ دیا ہے۔

ترجمان جے یو آئی اسلم غوری کا کہنا ہے کہ مولانا فضل الرحمان کی خیریت دریافت کرنے والے تمام سیاسی رہنماؤں کا شکریہ ادا کرتے ہیں۔ گزشہ روز جعمیت علماء اسلام کے ترجمان کا مولانا فضل الرحمان کی صحت سے متعلق بیان جاری کرتے ہوئے کہنا تھا کہ مولانا کو لبلبے کا عارضہ ہے، ٹیسٹ رپورٹ آنے پر ڈاکٹرز ان کا مزید علاج تجویز کریں گے۔ ترجمان جے یو آئی (ف) کے مطابق اسپتال سے فارغ ہونے کے بعد وہ حج پر جائیں گے۔

قبل ازیں وزیراعظم محمد شہباز شریف نے اتفاق اسپتال لاہور میں جمعیت علماء اسلام کے رہنما مولانا فضل الرحمان کی عیادت کی اور پھولوں کا گلدستہ پیش کیا۔ وزیراعظم نے انکی اچھی صحت کے لیے نیک خواہشات کا اظہار کیا .وزیراعظم نے اسپتال انتظامیہ کو ہدایت کی کہ وہ مولانا صاحب کے بہترین علاج کو یقینی بنائیں ۔ زرائع کے مطابق اس موقع پر دونوں رہنماوں کے درمیان ملک کی سیاسی صورتحال سمیت اہم امور پر تبادلہ خیال کیا گیا.

صوبائی وزیرخواجہ سلمان رفیق نے ڈینگی کی صورتحال کا جائزہ لینے کیلئے ہنگامی اجلاس طلب کرلیا۔اجلاس پنجاب ہیلتھ انشی ایٹومینجمنٹ کمپنی میں منعقدہوا۔اجلاس میں ڈائریکٹر سی ڈی سی ڈاکٹرشاہد حسین
مگسی،ڈاکٹرعامر،آئی پی ایچ سے افسران اور وڈیولنک کانفرنس کے ذریعے جویریہ حیات اور منیب احمد نے شرکت کی۔ صوبائی وزیرخواجہ سلمان رفیق نے اجلاس کے دوران پنجاب بھرمیں ڈینگی کی صورتحال کا تفصیلی جائزہ لیا۔ ڈائریکٹر سی ڈی سی ڈاکٹرشاہدحسین مگسی نے صوبائی وزیر خواجہ سلمان رفیق کو اجلاس کے دوران ڈینگی کی صورتحال کی تفصیلات سے آگاہ کیا۔

صوبائی وزیر خواجہ سلمان رفیق نے کہا کہ صوبہ بھرمیں ڈینگی کی صورتحال کومسلسل مانیٹرکررہے ہیں۔پنجاب میں گزشتہ چوبیس گھنٹوں کے دوران ابھی تک ڈینگی کے 6کیسزرپورٹ ہوئے ہیں۔ پنجاب میں گزشتہ چوبیس گھنٹوں کے دوران رپورٹ ہونے والے 6مریضوں کا تعلق ضلع لاہورسے ہے۔ پنجاب بھرسے ابھی ڈینگی کے166کیسزرپورٹ ہوچکے ہیں۔

خواجہ سلمان رفیق کا کہنا تھا کہ لاہورسے ابھی تک ڈینگی کے 84کیسزرپورٹ ہوچکے ہیں۔ ابھی تک راولپنڈی سے 14،فیصل آباد سے 12اور شیخوپورہ سے ڈینگی کے 7 مریض سامنے آچکے ہیں۔ پنجاب کے مختلف سرکاری ہسپتالوں میں ڈینگی کے 14مریض داخل ہیں۔ لاہورکے مختلف سرکاری ہسپتالوں میں ڈینگی کے7مریض زیرعلاج ہیں۔ پنجاب کے سرکاری ہسپتالوں میں ڈینگی کے زیر علاج مریضوں میں سے کوئی بھی تشویشناک حالت میں نہیں ہے۔

صوبائی وزیر خواجہ سلمان رفیق نے کہا کہ جنوری سے ابھی تک پنجاب میں ڈینگی کے باعث کوئی ہلاکت رپورٹ نہیں ہوئی ہے۔ پنجاب کے سرکاری ہسپتالوں میں ڈینگی کے مریضوں کیلئے 4202بسترمختص کئے گئے ہیں۔ پنجاب کے سرکاری ہسپتالوں کے 14بستروں پر ڈینگی کے مریض زیرعلاج ہیں۔ پنجاب کے سرکاری ہسپتالوں میں ڈینگی کے داخل مریضوں میں سے 2سسپیکٹڈ،4پروب ایبل اور8کنفرم ہیں۔ پنجاب میں ڈینگی کے رپورٹ ہونے والے کیسزسے متعلق علاقہ جات میں سرویلنس سخت کرنے کی ہدایت کردی گئی ہے۔ فیلڈ سٹاف کے ساتھ خود جا کرہاٹ سپاٹس پرانسدادی سرگرمیوں کی نگرانی کروں گا۔

خواجہ سلمان رفیق نے کہا کہ محکمہ صحت کے تمام افسران کو ڈینگی کی صورتحال بارے الرٹ کررہاہوں،محکمہ صحت کے ساتھ ساتھ عوام بھی اپنے گھروں کی صفائی ستھرائی کویقینی بنا کرڈینگی کے خاتمہ کیلئے کردارادا کریں۔ ہمیں لاہورمیں ڈینگی کے پھیلاؤ کو روکنے کیلئے تمام ترتوانائیاں استعمال کرنی ہوں گی۔گزشتہ روزپنجاب بھرمیں عوام میں ڈینگی سے متعلق آگاہی پھیلانے کیلئے اینٹی ڈینگی ڈے منایاگیاہے۔

لاہور:کیا ہم غلام ہیں، عمران خان کے جعلی بیانیے کی حقیقت مسلسل آشکار ہونے لگی، ہر طرف سے کچھ ایسی ہی آوازیں آنا شروع ہوگئی ہیں ، یہ بھی کہا جارہا ہے کہ عمران خان کوملک حالات کا بھی ادراک نہیں ، بس وہ اپنے ہی بیانیئے پرڈٹا ہوا ہے

ایک طرف عوام کے سامنے ڈٹ جانے کا راگ، تو دوسری طرف امریکیوں کے سامنے سرتسلیم خم کیا یہ کُھلا تضاد نہیں ہے

یہ کوئی جھوٹ نہیں بلکہ حقیقت ہے کہ پہلے تحریک انصاف اوورسیز رہنما کے ذریعے عمران کی ڈونلڈ لو سے رجوع کی خبر آئی ، اب یہ قوتیں امریکی سفیر ڈونلڈ بلوم کے آگے پیچھے ہیں یہ کیا ہورہا ہے ، ان حالات کوہرکوئی دیکھ رہا ہے

حکومت ملک نہیں چلا سکتی،عمران خان عوام کی آواز ہے،شیخ رشید

اسلام آباد سے یہ بھی خبریں‌ آرہیں‌ کہ سابق وزیراعظم عمران خان کے انتہائی قریبی صدر عارف علوی کی جانب سے امریکی سفیر کی آؤ بھگت کی گئی ہے ، یہ کیا ہے اگراتنی ہی غلامی سے نفرت ہے توعارف علوی سے کہتے کہ سب سفارتی اداب چھوڑ کراورغیرملکی سفیروں کے لیے طئے شدہ پروٹوکول چھوڑتے ہوئے امریکی سفیر کو خوش آمدید نہ کہتے

اںتقامی کارروائیوں سے ڈرنے والے نہیں،چٹان کی طرح عمران خان کےساتھ ہیں،راجہ بشارت

عارف علوی کی طرف سے امریکی سفیر کوگارڈ آف آنر پیش کرنے سے اسناد کی وصولی کی ویڈیوسے ایسے محسوس ہورہا تھا جیسے امریکی سفیر نہیں، وائسرائے آیا ہو

یہ بھی تو حقیقت ہے کہ صدرعارف علوی کا ایک معمول کے عمل کو غیرمعمولی بنا کر پیش کرنا کیا ثابت کرتا ، ہرکوئی سوال پوچھنے پرمجبور ہے ، ہرکوئی کہہ رہاہے کہ کیا یہ ثابت کیا جا رہا کہ امریکہ سے شرف قبولیت مل رہا

دوسری طرف بشری بی بی کی لیک آڈیو نے بھی حقیقت آشکار کرنے میں اہم کردار ادا کیا، اس کے ساتھ ساتھ پردے کے پیچھے کیسے حکومتی وسائل سے ملک دشمنی کا بیانیہ گھڑا جاتا رہا

یہ بھی تو حقیقت ہے کہ سب نے جان لیا ارسلان خالد کے پیچھے اصل پراپیگنڈہ مشین ماسٹر کون تھا، واضح ہو چکا سازش کا بیانیہ محض عوام کو چکر دینے کے لیے گھڑا گیا

ضمنی الیکشن،عمران خان کاحکومت کو ٹف ٹائم دینے کا فیصلہ ،اتوار کو دورہ لاہور

ثابت ہو چکا اپبے کرتوتوں سے توجہ ہٹانے کے لیے امریکی سازش کا بیانیہ گھڑا گیا، سازشی بیانیہ گھڑ کر پاکستان کی دنیا بھر میں جگ ہنسائی کی گئی، اب وقت آ گیا جھوٹوں کو گھر تک پہنچایا جائے ، اب تو یہ بھی لگ رہا جھوٹوں کا اب ہر جھوٹ بے نقاب ہو گا

وفاقی وزیر پلاننگ و منصوبہ بندی احسن اقبال کا تہلکہ خیز انکشاف کر دیا ،کہتے ہيں گوادر پورٹ اب گہرا سمندر نہیں رہا ۔ جس کے باعث کوئی بڑا بحری جہاز لنگر انداز نہیں ہو سکے گا ۔ سابق حکومت نے جان بوجھ کر سی پیک منصوبے کے گیٹ وے گوادر پورٹ کو تباہ کيا ۔ احسن اقبال نے نجی ٹی وی چینل کے رپورٹر عاصم نصیرسے گفتگو کرتے ہوئے کہا کہ نون لیگ اب ترقی اور ڈويپلمنٹ کے بیانیے سے الیکشن لڑے گی، آرمی چیف کي مدت ملازمت میں توسیع یا نئے آرمی چیف کے حوالے سے ابھی کوئي فیصلہ نہيں ہوا،

وفاقی وزیرپلاننگ ومنصوبہ بندی احسن اقبال کا کہنا تھا کہ عمران خان نےسی پیک منصوبےکوتباہ کرنےکی ہرممکن کوشش کی،چارسالوں میں سی پیک پرسابق حکومت نےایک ڈالرکامنصوبہ نہیں لگایا،گوادرکےڈیپ سی کالیول14میٹرسےکم ہوکر11میٹررہ گیاہے،کوئی بڑابحری جہازگواردرپورٹ پرلنگراندازنہیں ہوسکتا

احسن اقبال کا کہنا تھا کہ پاک نیوی کوسروےاورصفائی کےلیےٹاسک دے ديا،123ملین ڈالرپورٹ کي گہرائي کوصاف رکھنےکےلیےپڑےرہے،نون لیگ کاالیکشن میں بیانیہ کیاہوگا؟ کے سوال پے احسن اقبال نے کہا کہ نون لیگ ترقی اورڈويپلمنٹ کےبیانیےسےمیدان میں اترےگی،عمران خان کاویثرن اینگری مین سےزیادہ نہیں،عمران خان کامقدرسڑکوں پردھکےکھانارہ گیاہے،عمران خان اداروں کواپنی سیاست بچانےکےلیےمتنازع بنارہا، آرمی چیف کےعہدےمیں توسیع يانئےآرمي چيف کامعاملہ زیرغورنہیں،

وفاقی وزیرپلاننگ ومنصوبہ بندی احسن اقبال نے کہا کہ آرمی چیف کےمعاملےپرفیصلہ وزیراعظم اورعسکری قیادت نےملکرکرناہے،اسلم بھوتانئ کی شکایات مس انڈرسیٹندنگ پرمبنی تھی جودورہوگئیں.