سیاستدانوں کی زندگیوں کو بھی "را” سے خطرات لاحق، شیخ رشید نے خبر دار کر دیا
باغی ٹی وی کی رپورٹ کے مطابق وفاقی وزیر ریلوے شیخ رشید احمد نے کہا ہے کہ 19نومبر کو کے سی آر چلانے جارہے ہیں،
لاہور میں ہفتہ وار اجلاس کے بعد شیخ رشید احمد کا کہنا تھا کہ ہم نے کے سی آر کا 14کلومیٹر ٹریک کلیئر کردیا ہے،بھارت پاکستان میں دہشت گردی کا کوئی بڑا واقعہ کر سکتا ہے، مجھے نہ پکڑیں کہ شیخ رشید نے بتایا تھا، بھارت کے بیانئے پر جس نے بھی کام کیا، بھارت نے اسکو استعمال کیا اور خود سیاسی قبر بھی کھودی
گلگت میں پہلے نمبر پر پی ٹی آئی، دوسرے پر پی پی، تیسرے پر آزاد او ن چوتھے نمبر پر ہو گی، گلگت میں بڑے جلسے ہوئے لیکن وہاں کے لوگ ذمہ دار ہیں ،پی ٹی آئی وہاں سے جیتے گی، میں واضح کہتا ہوں کہ را نے بھارت کو عدم استحکام سے دوچار کرنے کی کوشش رکھی ہوئی ہے، پاکستان میں سیاستدانوں کی زندگیوں کو بھی را کے ہاتھوں خطرے لاحق ہیں، را کسی بھی سیاستدان کو نقصان پہنچا سکتی ہے
شیخ رشید احمد کا مزید کہنا تھا کہ کرونا بڑھ رہا ہے، مجھے کرونا ہوا، چار ماہ گزرنے کے باوجود نارمل لائف نہیں گزار رہا، غریب کا صرف اللہ ہے، جلسے جلوسوں ، زیادہ لوگوں میں جمع ہونے سے اجتناب کریں، کل مریم نے بیان دیا کہ فوج ہمیں نکالے ، ایک طرف سیاست سے دور رہنے کی بات ،دوسری طرف یہ بات، 3 پارٹیاں ہیں،بنیادی طور پر پی پی، ن اور مولانا صاھب، باقی پارٹیاں نمبر بڑھانے کے لئے ہیں، انکو کوئی کلیدی کردار نہیں ہے، ن لیگ سے دسمبر سے فروری تک آوازیں اٹھیں گی، ممکن ہے ن لیگ پی ٹی آئی کی طرف نہ جائے لیکن ن لیگ سے میم ،شین نکلے گی بی جے پی کی رائے کے ساتھ ن لیگی نہیں کھڑے ہو سکتے، بھارت کو برداشت نہیں ہو رہا کہ کرونا کے باوجود پاکستان آگے بڑھ رہا ہے
شیخ رشید احمد کا مزید کہنا تھا کہ انڈیا سی پیک کا معاہدہ نہیں دیکھنا چاہتا، پاک فوج دشمنوں کا مقابلہ کر رہی ہے، خراج تحسین پیش کرتے ہیں، پاکستان مسائل سے نکلے گا اوار عمران خان پانچ سال پورے کریں گے، را نے پاکستان میں جو فصل بونے کی کوشش کی اور جو اس پر چلے گا وہ سیاسی طور پر ختم ہو جائے گا،یہ عظیم ملک، عظیم قوم اور عظیم پاک فوج ہے.
شیخ رشید احمد کا مزید کہنا تھا کہ نواز شریف کو پتہ ہے کہ اسکی سیاست ختم ہو چکی، مریم نااہل ہے وہ چاہتے ہیں کہ نئی نسل کے لئے راستہ نکلے، شہباز شریف کی سیاست کی نفی کر دی گئی ہے، مریم کو پتہ چل گیا ہے کہ ان تلوں میں تیل نہیں ، حکومت نہیں جا رہی، آرمی چیف منتخب حکومت کے ساتھ کھڑے ہیں،حکومت گرانے کے لئے فوج کو کہنا یہ آئین کی نفی ہے، پی ڈی ایم میں آئین کی خلاف ورزی کی سکت نہیں ہے،مریم نواز نے جو کچھ کہا وہ اپنے والد کی سیاست کی نفی کی ہے، آرمی چیف کا نام لے کر غیر ذمہ داری کا ثبوت دیا گیا، اب جو بات کر رہے ہیں یہ انکی نئی سوچ ہے.
شیخ رشید احمد کا مزید کہنا تھا کہ نواز شریف گیٹ نمبر 4 کی پیداوار ہے، وہ لینڈ ہوئے اور آرمی کے گملوں، گھونسلوں سے جوان ہوئے، آرمی کی چوسنی چوس کر جوان ہوئے اور اب آرمی کو للکار رہے ہیں،شہباز شریف کو انہوں نے مفلوج کر دیا ہے، نواز شریف نے وہاں سے جو فائر کیا وہ غیر ذمہ دارانہ،شہباز شریف اسکے آگے نہیں کھڑے ہو سکتے،مریم اسکو آگے چلا رہی ہے،شہباز شریف نواز شریف کو سعودی عرب سے لے کر آیا جب معافی نامہ مانگا تھا، اب عمران خان کا فیصلہ ہے کہ وہ حکومت میں رہے یا نہ رہے کسی چور،منی لانڈرر کو کوئی رعایت نہیں ہو گی،
شیخ رشید احمد کا مزید کہنا تھا کہ کیا مریم لکشمی چوک میں مذاکرات کرنا چاہتی ہے، میڈیا آج سٹرانگ ہے،اتنے سارے لوگوں کو کرونا میں اکٹھا کرنے کا کیا مقصد ہے، ہمیں سوچنا چاہئے کہ وہ وقت پاکستان میں ختم ہو گیا جب صرف پی ٹی وی تھا، ان کو عقل کا مظاہرہ کرنا چاہئے، کرونا پھر شدت سے پھیل گیا تو کیا بنے گا، غریب کا گلہ کیا خود دبوچ رہے ہیں،
شیخ رشید احمد کا مزید کہنا تھا کہ جو بھی گلگت میں ہارے گا وہ کہے گا ک دھاندلی ہوئی، امریکہ میں بھی دھاندلی کا شور مچایا ہوا، کل شام سے ہر چینل پر سنیں گے کی دھاندلی ہوئی، بلاول کے جلسے اچھے ہوئے لیکن ووٹ عوام نے دینے ہیں، جو بھی ووٹ ہو گا وہ سی پیک کے لئے اہم ہے، یہیں سے ایم این اے اور سینیٹرز بھی نئے نکلیں گے، امیدوار ایک سال پہلے الیکشن مہم شروع کر دیتے ہیں، گلگت سے مجھے فون آتے تھے لیکن میں وہاں مہم میں نہیں گیا،
شیخ رشید احمد کا مزید کہنا تھا کہ شہریوں کا آٹے پر حق ہے، ہم نے مزدوروں کی تنخواہین بڑھائیں، گندم 1650 روپے کی ہے، یہ دنیا میں سب سے زیادہ ہائی ایسٹ ریٹ ہے،میں ریلوے میں خوش ہوں اور یہیں رہ رہا ہوں، میرا تعلق براہ راست عمران خان کے ساتھ ہے، وہ بہت محنت کر رہا ہے، کونسی حکومت چاہتی ہے کہ اسکو مہنگائی کا الزام دیا جائے، دسمبر تک مہنگائی میں کمی ہو گی ،میں ایک سیٹ کا لیڈر ہوں اور خوش ہوں،شہادت کی موت کی مسلمان دعا مانگتا ہے، بھارت مجھے اچھی طرح جانتا ہے، را پاکستان کو سرحدوں سے نقصان نہیں پہنچا سکتی، ہم کسی قیمت میں پیچھے نہیں، وہ پاکستان کو اندر سے نقصان پہنچا رہا ہے، دنیا کی کوئی طاقت پاکستان میں گھس کر نہیں مار سکتی، ہم امن کے داعی، جنگ کی خواہش نہیں، ذمہ دار قوم ہیں، لیکن جنگ مسلط کی گئی تو پاکستان کا بچہ بچہ پاک فوج کے ساتھ کٹ مرے گا اور حفاظت کرے گا
شیخ رشید احمد کا مزید کہنا تھا کہ فضل الرحمان کی 6 فیصد ووٹیں ہیں، انکا اور ن لیگ کا بیانیہ قریب قریب ہے،دسمبر سے 20 فروری تک ن لیگ اور پیپلز پارٹی ایک نہیں ہو گی، جنوری میں بھی ایسا ہو سکتا ہے،ایک وقت تھا جب جلسے لوگوں سے رابطے کے لئے کئئے جاتے تھے، میڈیا پر بات جائے تو پھر جلسوں کی ضرورت نہیں، میڈیا ہی جلسہ ہے، دنیا میں اتنا سڑانگ میڈیا نہیں جتنا پاکستان میں ہے.
شیخ رشید احمد کا مزید کہنا تھا کہ جہانگیر ترین بچوں سمیت واپس آگیا اب نواز شریف کو آ جانا چاہئے، نواز شریف تو ابھی تک ہسپتال میں ہی نہیں گیا، ایم ایل ون کے تمام کاغذات پورے ہیں، 20 دسمبر تک ٹینڈر ہو جائے گا، تمام فزیبلٹی بن گئی ہے، ایم ایل ون ریلوے کی زندگی ہے، یہ کام کرنے میں سولہ لگے
