پاکستان پراپرٹی شوکب اور کس ملک میں ہو گا؟ زمین ڈاٹ کام نے کر دیا اہم اعلان

باغی ٹی وی کی رپورٹ کے مطابق پاکستان کے سب سے بڑے پراپرٹی پورٹل زمین ڈاٹ کام کی جانب سے اعلان کیا گیا ہے کہ ”پاکستان پراپرٹی شو“ 6 اور 7 دسمبر کو دبئی میں دبئی ورلڈ ٹریڈ سنٹر میں منعقد کیا جائے گا۔ واضح رہے کہ زمین ڈاٹ کام کی جانب سے مسلسل تیسرے سال پاکستان پراپرٹی شو کا انعقاد کیا جا رہا ہے۔ اب تک منعقد ہونے والی دو نمائشوں میں 31 ہزار سے زائد شائقین شرکت کر چکے ہیں۔ دوسری جانب زمین ڈاٹ کام کی طرف سے پاکستان بھر میں اب تک 17 بڑی پراپرٹی کی نمائشوں کا انعقاد کیا جا چکا ہے جس میں شرکاءکی تعداد 10 لاکھ سے تجاوز کر چکی ہے۔

تیسرے پاکستان پراپرٹی شو میں 60 سے زائد اسٹالز پر لاہور، کراچی، اسلام آباد، پشاور، ملتان، گوجرانوالہ، فیصل آباد، مری، رحیم یار خان، ڈیرہ غازی خان، بہاولپور اور گوادر سمیت پاکستان کے دیگر شہروں سے پراپرٹی بلڈرز اور ڈویلپرز اپنی پراپرٹیز کی نمائش کر یں گے۔ نمائش کے سب سے بڑے سپانسرز ’ایٹین‘ اور ’کیپٹل سمارٹ سٹی‘ ہیں۔ اس ایونٹ سے اوور سیز پاکستانیوں کو خطے کی سب سے باصلاحیت رئیل اسٹیٹ مارکیٹ میں اپنی منافع بخش سرمایہ کاری کا دائرہ بڑھانے کا موقع ملے گا۔ اس کےعلاوہ چونکہ اس پراپرٹی شو میں ملک کے تمام اہم شہروں کی پراپرٹیز موجود ہونگی لہذا یہ ہر بجٹ کے فرد کیلئے یہ بہترین موقع ہوگا کہ وہ اپنی سرمایہ کاری کے حوالے سے تمام تر معلومات کو حاصل کرتے ہوئے بہترین فیصلہ کر سکے۔

زمین ڈاٹ کام کے سی ای او ذیشان علی خان نے اس موقع پر کہا کہ ہمارے لئے پہلے پاکستان پراپرٹی شو کا انعقاد کرنا شاید کچھ مشکل تھا لیکن اب یہ شو بحیثیت خود ایک نام بن چکا ہے جس کی کامیابی صرف دبئی ہی نہیں بلکہ خلیجی ممالک میں پاکستانیوں کیلئے باعث فخر ہے۔ اُن کا کہنا تھا کہ جب تک مارکیٹ میں تجارتی سرگرمیوں کا دائرہ نہیں بڑھایا جائے گا، مارکیٹ کو ترقی کی شاہرہ پر گامزن نہیں کیا جاسکتا ہے۔ایک سوال کے جواب میں انہوں نے کہا کہ ایسی بڑی نمائشوں کا یہی مقصد ہوتا ہے کہ مارکیٹ میں پیسہ تیزی سے گردش کرے، جب ایسا ہوگا تو پاکستان کی معیشت کو بہت سے حوالوں سے فائدہ ہوگا۔

انہوں نے بتایا کہ دبئی ورلڈ ٹریڈ سنٹر کی خطے میں تجارتی حوالے سے ایک الگ پہچا ن ہے جہاں دنیا بھر کی صرف بہترین اور معیاری کمپنیاں ہی اپنی سرگرمیوں کا انعقاد کرتی ہیں،ایسی جگہ پر پاکستانی کمپنی کی جانب سے ایسی بڑی سرگرمی کا انعقاد ملک کیلئے فخر کا باعث ہے۔ ذیشان علی خان کا مزید کہنا تھا کہ ہماری ویب سائٹ پر آنے والی ٹریفک کی بہت بڑی تعداد جی سی سی ریجن کے ممالک میں مقیم پاکستانیوں کی وجہ سے آتی ہے لہذا یہ اس خطے میں مقیم پاکستانیوں کیلئے شاندار موقع ہے کہ وہ اس نمائش میں آ کر بہترین اور محفوظ سرمایہ کاری کا موقع حاصل کریں۔اُنہوں نے مزید کہا کہ انشااللہ یہ تیسرا پاکستان پراپرٹی شو بھی کامیابی سے ہمکنار ہوگا۔

لاہور:”میرے پاس تم ہو”چھوٹے طالب علموں‌ نے گاکرسحر توڑ دیا ،اطلاعات کےمطابق کسی سکول کے چھوٹے چھوٹے طالب علموں‌کی آواز میں مشہورڈرامہ سیریل "میرے پاس تم ہو” کے گانے کوگاکرسب کو پیچھے چھوڑ‌دیا ہے

Wow! These young school boys are BEREAKING the Internet with their beautifully sung "Meray paas tum ho" 😍

Brilliant job, boys! 👏👏👏 pic.twitter.com/Og7erBaDC1

— Maleeha Hashmey (@MaleehaHashmey) December 2, 2019

باغی ٹی وی کے مطابق سوشل میڈیاپر ایک ویڈیو وائرل ہوئی ہے جس میں‌ کسی سرکاری سکول کے دوبچوں نے مشہورزمانہ ڈرامہ سیریل "میرے پاس تم ہو”کے مشہور گانے کو اتنی پیاری اور سحر انگیز آواز میں گایا کہ سننے والے سنتے رہ گئے اور دیکھنے والے دیکھتے رہ گئے

یاد رہے کہ مشہورڈرامہ سیریل "میرے پاس تم ہو”نہ صرف پاکستان میں مقبول ہورہی ہے بلکہ یہ سرحدپار بھی یکساں مقبول ہورہی ہے، اس ڈرمہ سیریل کو پاک فوج کے ترجمان ادارے آئی ایس پی آر کی معاونت بھی حاصل ہے،

کیا نواز شریف صحتیاب ہو گئے؟ شہباز شریف کی پارٹی کو جشن منانے کی ہدایت

باغی ٹی وی کی رپورٹ کے مطابق مسلم لیگ ن نے جشن منانے کا اعلان کر دیا، اس حوالہ سے شہباز شریف نے لندن سے مسلم لیگ ن لاہور کے سیکرٹری جنرل خواجہ عمران نذیر کو ہدایات جاری کی ہیں، شہباز شریف نے خواجہ عمران نذیر کو کہا ہے کہ جشن کی تیاریاں شروع کر دیں، دس دسمبر کو اورنج ٹرین سٹیشن کارکنان کے ساتھ جائیں اور افتتاح کا جشن منائیں.

قومی اسمبلی میں قائد حزب اختلاف شہباز شریف کا مزید کہنا تھا کہ تبدیلی سرکار ہمارے عوامی منصوبوں پر صرف تختیاں لگا سکتی ہے۔ ہم کسی عوامی منصوبے کی راہ میں رکاوٹ نہیں بنیں گے۔ ہمارے ادوار کے شروع کیے گیے عوامی فلاحی منصوبے ملکی ترقی میں سنگ میل ثابت ہوں گے۔ دو سال تک اورنج ٹرین منصوبے کی تاخیر میں موجودہ حکومت کی مجرمانہ غفلت ہے۔

دس دسمبر کو جشن منانے کے حوالہ سے مسلم لیگ ن کے رہنماؤں کا اجلاس منگل کے روز طلب کر لیا گیا ہے۔ اجلاس میں لاہور سے تعلق رکھنے والے ممبران اسمبلی شرکت کریں گے۔ جس میں پروگرام کو حتمی ترتیب دی جائے گی.

شہباز شریف نے تمام اراکین قومی اسمبلی اور صوبائی اسمبلی کو ہدایت کی ہے کہ وہ کارکنان سمیت اورنج ٹرین کے سٹیشن پر پہنچیں اور جشن منائیں، دس دسمبر کو دنیا کو بتائیں کہ یہ شہباز شریف کا منصوبہ ہے.

واضح رہے کہ وزیراعظم عمران خان نے ایوان وزیراعلیٰ میں دو روز قبل پریس کانفرنس کے دوران بتایا تھا کہ صوبائی دارالحکومت لاہور میں اورنج ٹرین دس دسمبر سے چلنا شروع ہو جائے گی۔

اورنج لائن ٹرین منصوبہ اکتوبر 2015ء ميں مسلم لیگ ن کی حکومت نے شروع کيا گيا، جسے 27 مہينوں ميں مکمل ہونا تھا۔اس دوران اورنج لائن ٹرین کا کیس عدالت میں چلا گیا جہاں اس پر لمبی سماعتیں چلیں اور کچھ مقامات پر اس کا کام روک دیا گیا، ن لیگ کی حکومت کے رخصت ہونے کے بعد پاکستان تحریک انصاف کی حکومت اقتدار میں آئی تو امکان ظاہر کیا جا رہا ہے تھا کہ یہ منصوبہ جلد مکمل ہو جائے گا تا ہم گزشتہ 15 ماہ کے دوران متعدد بار اعلان کیے گئے کہ فلاں وقت میں اورنج لائن منصوبہ چل جائے گا۔ تاہم ہر بار تاریخ پہ تاریخ ملتی رہی منصوبہ مکمل نہ ہوا۔

وزیراعظم عمران خان نے ایک بار پھر یقین دہانی کروائی کہ اورنج ٹرین کا منصوبہ 10 دسمبر تک مکمل کر لیا جائے گا۔ اورنج لائن سے اربوں روپے کا خسارہ ہوگا، خسارے کوپورا کرنے کے لیے پنجاب حکومت کوتیاری کرنی پڑے گی۔

واضح رہے کہ 162 ارب کے ابتدائی تخمینے سے شروع ہونے والی اورنج لائن ٹرین کی لاگت مسلسل بڑھتے ہوئے اب تقریباً 300 ارب روپے کے قریب پہنچ چکی ہے جس کا باقاعدہ افتتاح دس دسمبر کو ہو گا

لاہور :وزیراعظم عمران خان کا نوٹس : وزیراعلیٰ کے قریبی عزیز بھی تبادلوں کی زد میں آگئے،اطلاعات کےمطابق پنجاب میں ہونیوالے حالیہ تقرر وتبادلے وزیراعلیٰ پنجاب سردارعثمان بزدار پر بھاری ثابت ہوئے، وزیراعلیٰ کے دو قریبی عزیز بھی تبادلوں کی زد میں آگئے۔

چین دنیا کوپیچھےچھوڑگیا ،30منزلہ ہوٹل 2ہفتوں میں تعمیرکردیا

معتبر ذرائع کےمطابق حالیہ تقرر و تبادلوں میں وزیر اعلیٰ کے دو انتہائی قریبی رشتہ داروں کو ان کے عہدوں سے ہٹا دیا گیا۔ محکمہ ایس اینڈ جی اے ڈی کے جاری کردہ نوٹیفکیشن کے مطابق ایڈیشنل چیف سیکرٹری پنجاب سردار اعجاز احمد جعفر جو کہ وزیراعلی کے فرسٹ کزن ہیں انہیں ان کے عہدہ سے نہ صرف ہٹا دیا گیا ہے بلکہ ان کی خدمات پنجاب سے سرنڈر کرکے واپس وفاق کے حوالے کی گئی ہیں۔

وزیراعظم کرپشن کے بعد طلباء تنظیموں کے پیچھے پڑگئے ہیں، محمد عامرناظم اسلامی جمیعت…

ڈی پی او رحیم یارخان ایس پی امیر تیمور کو ٹرانسفر کر کے ایس پی سپیشل برانچ ملتان تعینات کردیا گیا ہے۔ حکومت پنجاب نے اس طرح وزیر اعلی کے دو انتہائی قریبی رشتہ داروں کو ان کے اہم ترین عہدوں سے ہٹا دیا ہے۔یہ بھی معلوم ہوا ہےکہ وزیراعظم کوشکایات موصول ہوئی تھیں‌کہ وزیراعلیٰ پنجاب سردار عثمان بزدار کے قریبی عزیز بھی وزیراعلیٰ‌ کے ساتھ تعاون نہیں کررہے

کیا کمایا اورکہاں لگایا،حساب کتاب کا وقت آگیا

لاہور:پنجاب میں بلدیاتی انتخابات کس دن ہونے چاہیں، عثمان بزدارنے تاریخ طئے کرنے کا حکم دے دیااطلاعات کےپنجاب میں‌بلدیاتی انتخابات کے حوالے سے اہم مشاورت کےلیے وزیراعلیٰ‌نے پنجاب کے چند بڑوں کو بلا لیا ہے اور ان سے کہاہےکہ وہ کئی مناسب سی تاریخ دے دیں‌،

چین دنیا کوپیچھےچھوڑگیا ،30منزلہ ہوٹل 2ہفتوں میں تعمیرکردیا

تفصیلات کے مطابق بلدیاتی انتخابات کی تاریخ کے حوالے سے وزیراعلیٰ پنجاب کے حکم کے بعد صوبائی وزیر قانون، پارلیمانی امور و سوشل ویلفیئر راجہ بشارت کی سربراہی میں کمیٹی تشکیل دے دی ہے۔کمیٹی کے دیگر ارکان میں صوبائی وزیر خزانہ، چیف سیکرٹری، سیکریٹریز لوکل گورنمنٹ، فنانس، قانون اور ایڈوکیٹ جنرل پنجاب شامل ہیں۔

وزیراعظم کرپشن کے بعد طلباء تنظیموں کے پیچھے پڑگئے ہیں، محمد عامرناظم اسلامی جمیعت…

یہ بھی معلوم ہوا ہےکہ یہ کمیٹی فوری طور پر اجلاس بلا کر بلدیاتی انتخابات کی تاریخ اور دیگر سفارشات ایک ہفتے کے اندرتجویز کر کے وزیر اعلیٰ کو بھجوائے گی۔یاد رہے کہ اس سے پہلے یہ اطلاعات آرہی تھیں کہ حکومت نے اگلے سال مارچ اپریل کے مہینے میں‌ پنجاب میں بلدیاتی انتخابات کرانے کا فیصلہ کیا ہے

کیا کمایا اورکہاں لگایا،حساب کتاب کا وقت آگیا

لاہور:مال روڈ پراحتجاج، جلسے، جلوسوں اور دھرنوں پر پابندی کے سخت احکامات،اطلاعات کےمطابق مال روڈ پر جلسے جلوسوں کا معاملہ، پنجاب حکومت نے جلسے جلوسوں کے لیے ناصر باغ کے علاوہ بھی جگہ مختص کرنے کا فیصلہ کرلیا۔

بیوی کو مرتا دیکھ کر شوہر نے بھی جان دیدی،بچوں کی پرواہ تک نہ کی

مال روڈ ریڈ زون میں جلسے جلوسوں پر پابندی کو یقینی بنانے کے وزیر اعلیٰ پنجاب کی جانب سے واضح احکامات انتظامیہ کو جاری کردئیے گئے ہیں۔ احکامات میں انتظامیہ کو متنبہ کیا گیا ہے کہ وہ جی پی او چوک سے میاں میر تک کسی بھی صورت کوئی احتجاج نہ ہونے دے۔ وزیر اعلیٰ نے انتظامیہ کو ہدایت کی ہے کہ وہ ناصر باغ کے علاوہ جلسے جلوسوں کے لیے کسی اور پوائنٹ کی بھی نشاندہی کریں۔

پاک فوج کے تعاون سے بننے والے ڈراما سیریل”عہد وفا”نے بھارت میں مقبولیت…

انتظامیہ کو جاری کی گئی ہدایات میں کہا گیا ہے کہ جو بھی احتجاج کرنا چاہے اسے ریڈ زون کے علاوہ مقرر کی گئی جگہ کی نشاندہی کی جائے۔یہ بھی معلوم ہوا ہےکہ حکومت نے زبردستی ان مقامات پرگھسنے کی کوشش کرنے والوں‌ کے خلاف سخت ایکشن لینے کافیصلہ کیا ہے،

پہلے نیا وزیراعظم آئے گاپھرترمیم ہوگی اورابوجیل سے باہرہوں گے،بلاول بھٹوکی میڈیا…

لاہور: کیا کمایا اورکہاں لگایا،حساب کتاب کا وقت آگیا،اطلاعات کے مطابق میٹروپولیٹن کارپوریشن اورصوبہ بھرکے بلدیاتی اداروں سے روزانہ کی بنیاد پرآمدن واخراجات کی تفصیلات طلب کرلی گئی‌ ہیں، یہ بھی کہا گیا ہےکہ تفصیلات فراہم نہ کرنے والے بلدیاتی اداروں کے چیف آفیسرز کے خلاف پیڈایکٹ تحت انضباطی کارروائی ہو گی۔

پہلے نیا وزیراعظم آئے گاپھرترمیم ہوگی اورابوجیل سے باہرہوں گے،بلاول بھٹوکی میڈیا…

سیکرٹری لوکل گورنمنٹ کے دفتر سے ملنے والی اطلاعات کے مطابق محکمہ بلدیات نے پنجاب میونسپل ڈویلپمنٹ فنڈ کمپنی کے سسٹم پر روزانہ کی بنیادپرتفصیلات اپ لوڈکرنے کاحکم دے دیا۔ ڈائریکٹر فنانس پنجاب لوکل گورنمنٹ بورڈ نے مراسلہ چیف آفیسرمیٹروپولیٹن کارپوریشن کوارسال کردیا۔ مراسلے کے مطابق میٹروپولیٹن کارپوریشن کوترقیاتی اسکیموں، بحالی ومرمت اور دیگر اخراجات کی تفصیلات فراہم کرنا ہوں گی۔

پاک فوج کے تعاون سے بننے والے ڈراما سیریل”عہد وفا”نے بھارت میں مقبولیت…

پنجاب لوکل گورنمنٹ بورڈ کے مراسلے کے مطابق میٹروپولیٹن کارپوریشن اور بلدیاتی ادارے ذرائع آمدن کو ظاہر کرنے کے پابند ہوں گے بصورت دیگر چیف افسران ذمہ دار ہوں گے۔آمدن و اخراجات کا غلط ڈیٹا اپ لوڈ کرنے پرملازمین کے بجائے سربراہوں کے خلاف کارروائی ہو گی۔

بیوی کو مرتا دیکھ کر شوہر نے بھی جان دیدی،بچوں کی پرواہ تک نہ کی

لاہور:حسنین کوٹیکس کے مالکان ،شیخ برادران کی والدہ محترمہ قضائے الٰہی سے وفات پاگئیں ،باغی ٹی وی ذرائع کے مطابق لاہورکے کاروباری خاندان ،شیخ برادران شیخ محمد یونس، شیخ محمد یعقوب ،شیخ محمد ایوب محمد کامران مالکان "حسنین کوٹیکس گروپ” کی والدہ قضاۓ الٰہی سے آج مورخہ 2-11-2019کو وفات پا گئ ہیں،

باغی ٹی وی ذرائع کے مطابق محترمہ رضیہ بیگم زوجہ شیخ میاں محمد یوسف (مرحوم) کاجنازہ ان کی رہائش گاہ سٹریٹ 19 ، فیز 3 -30-Y ڈیفنس ھاوسنگ سوسایٹی لاہور سے صبح 9:30 بجے اٹھایا جائگا اور نمازِ جنازہ10 بجے جامع مسجد DD بلاک فیز 4 لاہور میں ادا کی جائیگی ،

باغی ٹی وی شیخ برادران، حسنین کوٹیکس گروپ کےمالکان شیخ محمد یونس، شیخ محمد یعقوب ،شیخ محمد ایوب محمد کامران کے غم میں برابرکاشریک ہے اورمرحومہ کی بخشش اوردرجات میں اضافے کے لیے دعاگو ہے اور درخواست کرتا ہے کہ احباب نمازجنازہ میں شرکت فرما کر ثواب دارین حاصل کریں!